'ഗോതബയ രാജപക്സെയെ കുറ്റപ്പെടുത്തുന്നതില്‍ അര്‍ത്ഥമില്ല; പ്രതിസന്ധി പരിഹരിക്കാന്‍ പ്രതിപക്ഷ പാര്‍ട്ടികളുടെ ഐക്യം ആവശ്യം'
രാജ്യത്തെ സാമ്പത്തിക പ്രതിസന്ധിയില്‍ ശാശ്വത പരിഹാരം കാണാന്‍ പ്രതിപക്ഷ പാര്‍ട്ടികളുടെ ഒറ്റക്കെട്ടായുള്ള പ്രവര്‍ത്തനം ആവശ്യമാണെന്ന്
ശ്രീലങ്കന്‍ പ്രസിഡന്റ് റനില്‍ വിക്രമസിംഗെ. രാജ്യത്തെ അശാന്തി അന്താരാഷ്ട്ര നാണയ നിധിയുമായുള്ള കരാര്‍ വൈകുന്നത് കാരണമായെന്നും അദ്ദേഹം പറഞ്ഞു.
സാമ്പത്തിക പ്രതിസന്ധിയില്‍ മുന്‍ പ്രസിഡന്റ് ഗോതബയ രാജപക്സെയെ കുറ്റപ്പെടുത്തുന്നതില്‍ അര്‍ത്ഥമില്ലെന്നും എന്നാല്‍ രാജ്യത്തെ പ്രതിസന്ധിയില്‍ നിന്ന് കരകയറ്റാനും കടം വീട്ടാനും എല്ലാ രാഷ്ട്രീയ പാര്‍ട്ടികളും ഒരുമിച്ച് നില്‍ക്കണമെന്നും അദ്ദേഹം പറഞ്ഞു. അന്താരാഷ്ട്ര നാണയ നിധി (ഐഎംഎഫ്)യുമായുള്ള കരാര്‍ ശ്രീലങ്കയുടെ പ്രശ്നങ്ങള് പൂര്‍ണ്ണമായി പരിഹരിക്കില്ലെന്ന് ശ്രീലങ്കയിലെ കാന്‍ഡിയില്‍ സംസാരിച്ച റനില്‍ വിക്രമസിംഗെ പറഞ്ഞതായി കൊളംബോ ഗസറ്റ് റിപ്പോര്‍ട്ട് ചെയ്തു.
വായ്പ തിരിച്ചടയ്ക്കാനുള്ള വഴികള്‍ ശ്രീലങ്ക നോക്കേണ്ടതുണ്ട്. പ്രധാനമന്ത്രിയായി ചുമതലയേറ്റ ശേഷം പുരോഗമിക്കുന്ന ഐഎംഎഫുമായുള്ള ഇടപാട് പ്രതിഷേധങ്ങള്‍ വൈകിപ്പിച്ചതായി രാഷ്ട്രപതി തന്റെ പ്രസംഗത്തില്‍ എടുത്തുപറഞ്ഞു. എന്നിരുന്നാലും, കഴിഞ്ഞ ഏതാനും ആഴ്ചകളായി ദ്വീപ് രാഷ്ട്രത്തിലുണ്ടായ അസ്ഥിരത കാരണം ചര്‍ച്ചകള്‍ സ്തംഭിച്ചതായി അദ്ദേഹം പറഞ്ഞു.
ഓഗസ്റ്റ് അവസാനത്തിന് ശേഷം ഒരു ഇടപാട് നടന്നേക്കുമെന്ന് പറഞ്ഞ വിക്രമസിംഗെ, ഐഎംഎഫുമായി ഒരു കരാറിലെത്തുന്നതുവരെ മറ്റ് രാജ്യങ്ങള്‍ ദ്വീപ് രാഷ്ട്രത്തിന് സാമ്പത്തിക സഹായം നല്‍കാന്‍ തയ്യാറല്ലെന്ന് ആവര്‍ത്തിച്ചതായും കൊളംബോ ഗസറ്റ് റിപ്പോര്‍ട്ട് ചെയ്തു. രാജ്യം അഭിമുഖീകരിക്കുന്ന പ്രശ്നങ്ങള് ഐഎംഎഫ് പൂര്‍ണ്ണമായും പരിഹരിക്കാത്തതിനാല്‍ ശ്രീലങ്കയുടെ വായ്പ തിരിച്ചടയ്ക്കാനുള്ള വഴികള്‍ കണ്ടെത്തേണ്ടതുണ്ടെന്ന് പ്രസിഡന്റ് പറഞ്ഞു.
ഈ വര്‍ഷം ജൂണ്‍ മാസത്തില്‍ 27,900 പേര്‍ ജോലി തേടി മറ്റ് രാജ്യങ്ങളിലേക്ക് പോയെന്നാണ് ശ്രീലങ്കന്‍ ഭരണകൂടത്തിന്റെ കണക്ക്. ലൈസന്‍സുള്ള വിദേശ തൊഴില്‍ ഏജന്‍സി വഴി 9,854 പേര്‍ ജോലിക്കായി വിദേശത്തേക്ക് പോയതായി ശ്രീലങ്കന്‍ ഫോറിന്‍ എംപ്ലോയ്മെന്റ് ബ്യൂറോ അറിയിച്ചു. ഈ വര്‍ഷം ജനുവരി മുതല്‍ 1.5 ലക്ഷത്തിലധികം ആളുകള്‍ രാജ്യം വിട്ടതെങ്ങനെയെന്ന് വിശദമായി വിവരിക്കുന്നു. ഭൂരിഭാഗം ശ്രീലങ്കക്കാരും ഗള്‍ഫ് രാജ്യങ്ങളിലേക്ക് പോകാനാണ് ഇഷ്ടപ്പെടുന്നതെന്നും റിപ്പോര്‍ട്ടില്‍ പറയുന്നു. മറ്റുള്ളവര്‍ ദക്ഷിണ കൊറിയ, ജപ്പാന്‍ തുടങ്ങിയ രാജ്യങ്ങളിലേക്കാണ് പോകുന്നത്.
ഉല്‍പാദനത്തിനുള്ള അടിസ്ഥാന ഘടകങ്ങളുടെ ലഭ്യതക്കുറവ്, 2022 മാര്‍ച്ച് മുതല്‍ കറന്‍സിയുടെ 80 ശതമാനം ഇടിവ്, വിദേശ കരുതല്‍ ശേഖരത്തിന്റെ അഭാവം, അന്താരാഷ്ട്ര കടബാധ്യതകള്‍ നിറവേറ്റുന്നതില്‍ രാജ്യം പരാജയപ്പെട്ടത് എന്നിവ കാരണം ശ്രീലങ്കയുടെ സമ്പദ്വ്യവസ്ഥ കുത്തനെ ചുരുങ്ങുകയാണ്.നൂറുകണക്കിന് ശ്രീലങ്കക്കാര്‍ ഇന്ധനക്ഷാമത്തിനിടയില്‍ കടക്കെണിയിലായ രാജ്യത്തുടനീളമുള്ള പെട്രോള്‍ പമ്പുകളില്‍ ദിവസവും ക്യൂ നില്‍ക്കുന്നത് തുടരുകയാണ്. കൂടാതെ ധാരാളം ആളുകള്‍ അവരുടെ ദൈനംദിന യാത്രയ്ക്കായി സൈക്കിളുകള്‍ ഉപയോിക്കുന്നു. കാറുകളും മോട്ടോര്‍ സൈക്കിളുകളും ഉപേക്ഷിക്കുന്നതയാണ് റിപോര്‍ട്ടുകള്‍.
