'സില്‍വര്‍ലൈന്‍ വലിയ സാമ്പത്തിക ബാധ്യതയുണ്ടാക്കുന്നത്?'; പദ്ധതിക്ക് അനുമതി നല്‍കുന്നതിനെ കുറിച്ച് കേന്ദ്രം 

 
Ashwini Vaishnaw

സില്‍വര്‍ ലൈന്‍ പദ്ധതിക്കായി കേരള റെയില്‍ ഡെവലപ്‌മെന്റ് കോര്‍പറേഷന്‍ ലിമിറ്റഡ് (കെആര്‍ഡിസിഎല്‍) സമര്‍പ്പിച്ച ഡിപിആര്‍ അവ്യക്തമാണെന്നും സാങ്കേതിക വിവരങ്ങള്‍ കുറവാണെമന്നും കേന്ദ്രമന്ത്രി അശ്വിനി വൈഷ്ണവ്. പദ്ധതിയുടെ കാര്യത്തില്‍ അന്തിമ തീരുമാനം എടുക്കാന്‍ വിശദമായ വിവരങ്ങള്‍ വേണമെന്ന് ആവശ്യപ്പെട്ടെങ്കിലും കെആര്‍ഡിസിഎല്‍ ഇത് നല്‍കിയിട്ടില്ലെന്നും അശ്വിനി വൈഷ്ണവ് പാര്‍ലമെന്റില്‍ പറഞ്ഞു. 

പദ്ധതിയുടെ സാങ്കേതിക വിവരങ്ങളായ അലൈന്‍മെന്റ് പ്ലാന്‍,  റെയില്‍വേയുടെയും സ്വകാര്യ വ്യക്തികളുടെയും ഭൂമി സംബന്ധിച്ച വിവരങ്ങള്‍, നിലവിലെ ശൃംഖലയുമായി ചേരുന്ന ഭാഗങ്ങള്‍ എന്നിവ നല്‍കിയിട്ടില്ല, കൂടാതെ പദ്ധതിയുടെ വിശദമായ സര്‍വേയില്‍ പദ്ധതി ബാധിക്കുന്ന റെയില്‍വേ ആസ്തികള്‍ കൃത്യമായി ചിത്രീകരിക്കുന്നു. എന്നാല്‍, റെയില്‍വേ ആവശ്യപ്പെട്ട വിശദാംശങ്ങള്‍ ഇതുവരെ സമര്‍പ്പിച്ചിട്ടില്ലെന്നും അശ്വിനി വൈഷ്ണവ് പാര്‍ലമെന്റില്‍ രേഖാമൂലം നല്‍കിയ മറുപടിയില്‍ പറഞ്ഞു.

പദ്ധതി പ്രദേശത്തെ മണ്ണിന്റെ അവസ്ഥ, പ്രകൃതിദത്തമായ ഡ്രെയിനേജ്, പാരിസ്ഥിതിക പ്രശ്നങ്ങള്‍, തുടങ്ങിയവ കെആര്‍ഡിസിഎല്ലില്‍ നിന്ന് വിശദാംശങ്ങള്‍ ലഭിച്ച ശേഷം പരിശോധിക്കുമെന്ന് മന്ത്രി പറഞ്ഞു. കൂടാതെ, സംസ്ഥാനത്തിന്റെ കടബാധ്യത ഉള്‍പ്പെടെ ജനങ്ങള്‍ ഉന്നയിക്കുന്ന പ്രശ്‌നങ്ങളും പരിശോധിക്കും. അദ്ദേഹം പറഞ്ഞു.

ഫുഡ് കോര്‍പ്പറേഷന്‍ ഓഫ് ഇന്ത്യക്ക് (എഫ്സിഐ) വേണ്ടി അങ്കമാലി റെയില്‍വേ സ്റ്റേഷന്‍ നടത്തുന്ന റെയില്‍വേ വിപുലീകരണ സാധ്യതകളെ ബാധിക്കുന്ന സില്‍വര്‍ ലൈന്‍ ഉള്‍പ്പെടെയുള്ള ചില വിഷയങ്ങള്‍ കേന്ദ്രത്തിന്റെ ശ്രദ്ധയില്‍പ്പെടുത്തി. നിര്‍ദിഷ്ട അലൈന്‍മെന്റ് നിരവധി മതപരമായ ഘടനകളെ തകര്‍ക്കും, കൂടാതെ കഴിഞ്ഞ 70 വര്‍ഷമായി താമസിക്കുന്ന തിരുവനന്തപുത്തെ പൗണ്ടുകടവ് നിവാസികളുടെ ജീവിതത്തെയും സ്വത്തിനെയും പ്രതികൂലമായി ബാധിക്കുന്ന തരത്തിലാണ് സില്‍വര്‍ലൈനിന്റെ നിര്‍ദ്ദിഷ്ട റൂട്ട് തയ്യാറാക്കിയിരിക്കുന്നത്. ജീവനക്കാരുടെ ശമ്പളവും പെന്‍ഷനും മറ്റും നല്‍കാന്‍ പോലും ബുദ്ധിമുട്ടുന്ന കേരള സര്‍ക്കാരിന്റെ ഭാരിച്ച കടം. ഇക്കാര്യങ്ങളെല്ലാം കേന്ദ്രം പരിശോധിക്കുമെന്നും അശ്വിനി വൈഷ്ണവ് പറഞ്ഞതായി ദി ഹിന്ദു റിപോര്‍ട്ട് പറയുന്നു.