വെനീസ് ചലച്ചിത്രമേളയ്ക്ക് താരനിബിഡമായ തുടക്കം. ജോർജ്ജ് ക്ലൂണി, എമ്മ സ്റ്റോൺ, ജൂലിയ റോബർട്ട്സ് തുടങ്ങിയ പ്രമുഖ താരങ്ങളുടെ പുതിയ ചിത്രങ്ങൾ മേളയിൽ പ്രദർശിപ്പിച്ചു കൊണ്ടാണ് വെനീസ് ചലച്ചിത്ര മേള തുടക്കം കുറിക്കുന്നത്. ഓസ്കാർ അവാർഡ് മത്സരങ്ങളുടെ തുടക്കമായിട്ടാണ് ഈ മേളയെ കണക്കാക്കുന്നത്. ലോകത്തിന്റെ വിവിധ ഭാഗങ്ങളിൽ നിന്നുള്ള സിനിമകൾ മേളയിൽ പ്രദർശിപ്പിക്കപ്പെടുന്നു.
പക്ഷെ, ഈ മേളയെ ആകർഷകമാക്കുന്നത് പ്രമുഖ താരങ്ങളുടെ സാന്നിധ്യവും, അവരുടെ വസ്ത്രധാരണ രീതികളും, പ്രകടനങ്ങളുമാണ്. പ്രശസ്ത ഹോളിവുഡ് താരം ജോർജ്ജ് ക്ലൂണിയെ കേന്ദ്ര കഥാപാത്രമാക്കി നോഹ ബാംബാക്ക് സംവിധാനം ചെയ്ത ചിത്രമാണ് ‘ജയ് കെല്ലി’. വെനീസ് ചലച്ചിത്രമേളയിൽ പ്രദർശിപ്പിച്ച ഈ സിനിമയ്ക്ക് മികച്ച പ്രതികരണമാണ് ലഭിക്കുന്നത്. ജയ് കെല്ലി എന്ന നടന്റെ വേഷമാണ് ജോർജ്ജ് ക്ലൂണി ഈ ചിത്രത്തിൽ കൈകാര്യം ചെയ്യുന്നത്. ഈ നൂറ്റാണ്ടിലെ വൂഡി അലൻ എന്നാണ് നോഹ ബാംബാക്ക് അറിയപ്പെടുന്നുണ്ട്. 2019ൽ പുറത്തിറങ്ങിയ അദ്ദേഹത്തിന്റെ ‘മാരേജ് സ്റ്റോറി’ എന്ന ചിത്രം ഏറെ പ്രശംസ് നേടിയിരുന്നു.
ഒരു ഇറ്റാലിയൻ ലോക്കൽ ട്രെയിനിൽ കെല്ലി യാത്ര ചെയ്യുന്ന രംഗമുണ്ട് ചിത്രത്തിൽ. തങ്ങളുടെ ഇഷ്ട താരത്തെ കാണുമ്പോൾ ആരാധകർക്ക് ഉണ്ടാവുന്ന അത്ഭുതമാണ് ഈ രംഗത്തിൽ കാണിക്കുന്നത്. അയാളെ കണ്ടുമുട്ടുന്ന ആരാധകരുടെ അമ്പരപ്പും സന്തോഷവും ചിത്രത്തിൽ കാണാം. ഈ ആരാധകരുടെ വേഷങ്ങൾ കൈകാര്യം ചെയ്തിരിക്കുന്നത് ആൽബ റോർവാച്ചർ, ലാർസ് ഈഡിംഗർ, പാറ്റ്സി ഫെറാൻ തുടങ്ങിയ പ്രമുഖ യൂറോപ്യൻ അഭിനേതാക്കളാണ്. കെല്ലിയ്ക്ക് ക്ലൂണിയുമായി സാമ്യം തോന്നാനുള്ള പ്രധാന കാരണം ഇതാണ്. എന്നിട്ടും, കെല്ലി ഇതെല്ലാം ഉപേക്ഷിക്കാൻ ആലോചിക്കുന്നതായി സിനിമയിൽ കാണിക്കുന്നുണ്ട്. തന്റെ താരപരിവേഷം ആസ്വദിക്കാൻ ആഗ്രഹിക്കാത്ത കെല്ലിയെ ഉൾക്കൊള്ളാൻ പ്രേക്ഷകർക്ക് കഴിഞ്ഞിട്ടില്ല എന്നതാണ് ചിത്രത്തിലെ വസ്തുത. എല്ലാ സൗഭാഗ്യങ്ങളുമുള്ള ഒരാളോട് തങ്ങൾ എന്തിനാണ് സഹതാപം കാണിക്കുന്നതെന്ന ചോദ്യമുയർത്തുന്നു.
പ്രണയബന്ധങ്ങളെക്കുറിച്ചുള്ള പ്രശസ്ത ഇറ്റാലിയൻ സംവിധായകൻ പൗലോ സോറന്റീനോയുടെ പുതിയ ചിത്രം ലാ ഗ്രേസിയയും വെനീസ് ചലച്ചിത്ര മേളയിൽ ഇടം പിടിച്ചു. 2008ൽ പുറത്തിറങ്ങിയ ഇൽ ഡിവോ, 2018ലെ ലോറോ എന്നീ സിനിമകളുടെ തുടർച്ചയാണിത്. ചിത്രത്തിലെ പ്രധാന കഥാപാത്രമായ മരിയാനോ ഡി സാന്റിസ്, ഒരു യാഥാസ്ഥിതികനും കത്തോലിക്കാ ഭക്തനുമായ പ്രസിഡൻ്റാണ്. ഭാര്യ മരിച്ച മരിയാനോയുടെ പ്രസിഡൻ്റ് പദവി അവസാനിക്കാറായപ്പോഴുള്ള നാടകീയ സംഭവങ്ങളാണ് ചിത്രത്തിന്റെ പ്രമേയം. അതോടൊപ്പം തൻ്റെ അഭിഭാഷകയായ മകൾ ഡോറോ മുന്നോട്ട് വെക്കുന്ന ദയാവധ ബില്ലും രണ്ട് പേരുടെ കൊലപാതക കേസുകളും അദ്ദേഹത്തിന് കൈകാര്യം ചെയ്യേണ്ടിവരുന്നു. ചിത്രത്തിലെ മൊത്തത്തിലുള്ള മൂഡ് വളരെ ദുഃഖഭരിതമാണ്. പ്രസിഡൻ്റിൻ്റെ കൊട്ടാരം പോലെ തോന്നിക്കുന്ന ആസ്ഥാനത്ത് ആധുനികത കടന്നുവരുമ്പോൾ, അതിന് അനുസരിച്ച് ചിത്രത്തിൻ്റെ സംഗീതവും ഇലക്ട്രോണിക് ബീറ്റുകൾക്ക് വഴിമാറുന്നു. വളരെ തന്ത്രപരമായി സംശയങ്ങൾ പ്രേക്ഷകരുടെ മനസ്സിൽ ഉണ്ടാക്കിയെടുക്കാനുള്ള ശ്രമങ്ങൾ സംവിധായകൻ പൗലോ സോറന്റീനോ നടത്തുന്നുണ്ട്. സെർവില്ലോയുടെ പ്രകടനം ഈ കഥാപാത്രം ഒരുതരം രാഷ്ട്രീയക്കാരനെ മാത്രമല്ല, മൊത്തത്തിൽ ഇറ്റലിയെത്തന്നെയാണ് പ്രതിഫലിക്കുന്നതെന്ന തോന്നൽ ഉണ്ടാക്കുന്നു. പ്രത്യേകിച്ച്, മുൻകാല നേട്ടങ്ങളോടുള്ള ആവേശവും പുരോഗമനപരമായ മൂല്യങ്ങളോടുള്ള എതിർപ്പും ഈ കഥാപാത്രം ജോർജിയ മെലോണിയെ അനുസ്മരിപ്പിക്കുന്നു.
2003-ൽ പുറത്തിറങ്ങിയ കൊറിയൻ ചിത്രമായ ‘സേവ് ദി ഗ്രീൻ പ്ലാനറ്റ്’ എന്ന സിനിമയെ അടിസ്ഥാനമാക്കി നിർമ്മിച്ച ഈ ബ്ലാക്ക് കോമഡിയാണ് എമ്മ സ്റ്റോൺ മുഖ്യകഥാപാത്രമാകുന്ന ബുഗോണിയ. ഒരു അന്യഗ്രഹജീവിയെ തട്ടിക്കൊണ്ടുപോകുന്ന കഥയാണ് ചിത്രം പറയുന്നത്. ഫാർമസ്യൂട്ടിക്കൽ കമ്പനിയുടെ സിഇഒ ആയ മിഷേൽ ഫുള്ളറിൻ്റെ രൂപത്തിൽ ഒരു അന്യഗ്രഹജീവി ഭൂമിയിൽ കഴിയുന്നുവെന്നാണ് സിനിമയുടെ പ്രമേയം.
നിരവധി ചിത്രങ്ങളാണ് ഇതിനകം വെനീസ് ചലച്ചിത്ര മേളയിൽ ഇടം പിടിച്ചത്. ഈ ഒരാഴ്ച്ചയ്ക്കിടയിൽ വെനീസ് ചലച്ചിത്രമേളയിൽ മറ്റ് പല സിനിമകളും പ്രദർശിപ്പിക്കാൻ സാധ്യതയുണ്ട്. യു.എസിന് നേരെയുണ്ടായ ഒരു മിസൈൽ ആക്രമണത്തെക്കുറിച്ചുള്ള കാതറിൻ ബിഗെലോയുടെ ‘എ ഹൗസ് ഓഫ് ഡൈനാമൈറ്റ്’, ജൂഡ് ലോ വ്ലാഡിമിർ പുടിനായി അഭിനയിക്കുന്ന ‘ദി വിസാർഡ് ഓഫ് ദി ക്രെംലിൻ’ എന്നിവ അതിൽ ചിലതാണ്.
content summary: Emma Stone’s sci-fi thriller Bugonia and Noah Baumbach’s star-studded film Jay Kelly shine at the Venice Film Festival
