ലോകമെമ്പാടുമുള്ള ആരാധകർ ഏറെ പ്രതീക്ഷയോടെ കാത്തിരിക്കുന്ന ജെ.കെ. റൗളിംഗിന്റെ ലോകപ്രശസ്ത ഹാരി പോട്ടർ പുസ്തക പരമ്പരയുടെ ടെലിവിഷൻ പതിപ്പിന്റെ ഫസ്റ്റ് ലുക്ക് പുറത്തിറങ്ങി. ഹാരി പോട്ടറിന്റെ പുതിയ ലോകത്തെക്കുറിച്ചുള്ള കൂടുതൽ വിശേഷങ്ങളാണ് HBO പങ്കുവെക്കുന്നത്. സ്കോട്ടിഷ് താരം ഡൊമിനിക് മക്ലാഫ്ലിൻ ആണ് ഹാരി പോട്ടറായി വേഷമിടുന്നത്. ഹെർമയോൺ ഗ്രേഞ്ചറായി അറബെല്ല സ്റ്റാൻടൺ, റോൺ വീസ്ലിയായി അലസ്റ്റയർ സ്റ്റൗട്ട് എന്നിവരും വേഷമിടുന്നു.
മുൻപത്തെ ചലച്ചിത്ര പരമ്പരയിൽ ഹാരി, ഹെർമയോൺ, റോൺ തുടങ്ങിയവരായി അഭിനയിച്ച ഡാനിയൽ റാഡ്ക്ലിഫ്, എമ്മ വാട്സൺ, രൂപർട്ട് ഗ്രിന്റ് എന്നിവരേക്കാൾ പുതുമുഖങ്ങളാണ് ഈ മൂന്ന് താരങ്ങളും. പരമ്പരയിലെ പ്രധാന കഥാപാത്രങ്ങളായ ഹാരി, ഹെർമയോൺ, റോൺ എന്നിവർക്കായി കഴിഞ്ഞ വർഷം ആരംഭിച്ച ഓപ്പൺ ഓഡിഷനിൽ 30,000-ത്തിലധികം കുട്ടികൾ പങ്കെടുത്തിരുന്നു. റാഡ്ക്ലിഫിനെപ്പോലെ, മക്ലാഫ്ലിനും പോട്ടറിന്റെ ട്രേഡ്മാർക്ക് വൃത്താകൃതിയിലുള്ള ഗ്ലാസുകളും ഗ്രിഫിൻഡോർ യൂണിഫോമും ഉണ്ട്.
“ഈ മൂന്ന് അതുല്യ അഭിനേതാക്കളുടെ കഴിവുകൾ കാണാൻ തന്നെ അത്ഭുതകരമാണ്, ലോകം അവരുടെ മാജിക്കിനെ സ്ക്രീനിൽ കാണാൻ കാത്തിരിക്കാം, ഓഡിഷനിൽ പങ്കെടുത്ത പതിനായിരക്കണക്കിന് കുട്ടികൾക്ക് ഞങ്ങൾ നന്ദി പറയുന്നു. യുവ പ്രതിഭകളുടെ കഴിവുകൾ കണ്ടെത്തുന്നത് ശരിക്കും സന്തോഷകരമാണ്” എക്സിക്യൂട്ടീവ് പ്രൊഡ്യൂസർമാരായ ഫ്രാൻസെസ്ക ഗാർഡിനറും മാർക്ക് മൈലോഡും പറയുകയുണ്ടായി.
നെവിൽ ലോങ്ബോട്ടം ആയി റോറി വിൽമോട്ട്, ഡഡ്ലി ഡർസ്ലി ആയി ആമോസ് കിറ്റ്സൺ, മാഡം റോളണ്ട ഹൂച്ച് ആയി ലൂയിസ് ബ്രീലി, ഗാരിക്ക് ഒലിവണ്ടർ ആയി ആന്റൺ ലെസ്സർ എന്നിവരുൾപ്പെടെ പുതിയ അഭിനേതാക്കളെയും എച്ച്ബിഒ പ്രഖ്യാപിച്ചു.യുകെയിലെ വാർണർ ബ്രോസ് സ്റ്റുഡിയോസ് ലീവ്സ്ഡനിലാണ് ചിത്രീകരണം. കുറഞ്ഞത് ഒരു ദശകമെങ്കിലും നീളുന്ന ഈ പരമ്പര, ചലച്ചിത്രങ്ങളിലെ സമയക്കുറവ് മൂലമുള്ള പോരായ്മകൾ ഒഴിവാക്കി, പുസ്തകങ്ങളിലെ കഥകൾ കൂടുതൽ വിശദമായി അവതരിപ്പിക്കാൻ അവസരം നൽകും. ബെസ്റ്റ് സെല്ലിംഗ് പുസ്തകങ്ങളുടെ രചയിതാവായ ജെ.കെ. റൗളിംഗ് പരമ്പരയുടെ എക്സിക്യുട്ടീവ് പ്രൊഡ്യൂസറാണ്.
റിച്ചാർഡ് ഹാരിസും മൈക്കൽ ഗാംബണും ആദ്യം അവതരിപ്പിച്ച ഹോഗ്വാർട്ട്സ് സ്കൂൾ ഓഫ് വിച്ച്ക്രാഫ്റ്റ് ആൻഡ് വിസാർഡ്രിയുടെ ഹെഡ്മാസ്റ്ററായ ആൽബസ് ഡംബിൾഡോറിന്റെ വേഷം ജോൺ ലിത്ഗോ അവതരിപ്പിക്കും. സെവേറസ് സ്നേപ്പായി പാപ എസ്സീഡു , മിനർവ മക്ഗൊണാഗലായി ജാനറ്റ് മക്ടീർ, റൂബിയസ് ഹാഗ്രിഡായി നിക്ക് ഫ്രോസ്റ്റ്, ക്വിറിനസ് ക്വിറെലായി ലൂക്ക് തല്ലോൺ, ആർഗസ് ഫിൽച്ചായി പോൾ വൈറ്റ്ഹൗസ് എന്നിവരാണ് മറ്റ് സ്ഥിരീകരിച്ച അഭിനേതാക്കൾ.
നിലവിൽ, ഡ്രാക്കോ മാൽഫോയ് ആയി ലോക്സ് പ്രാറ്റ്, അദ്ദേഹത്തിന്റെ പിതാവ് ലൂസിയസ് ആയി ജോണി ഫ്ലിൻ, പെറ്റൂണിയ ഡർസ്ലി ആയി ബെൽ പൗളി, വെർനോൺ ഡർസ്ലി ആയി ഡാനിയേൽ റിഗ്ബി, മോളി വീസ്ലി ആയി കാതറിൻ പാർക്കിൻസൺ എന്നിവർ അഭിനയിക്കും.
ഹാരി പോട്ടർ ആൻഡ് ദി ഡെത്ത്ലി ഹാലോസ്” ആണ് ജെ.കെ. റൗളിംഗ് എഴുതിയ ഹാരി പോട്ടർ പരമ്പരയിലെ ഏഴാമത്തെയും അവസാനത്തെയും പുസ്തകം. 2007 ജൂലൈ 21-നാണ് ഇത് പ്രസിദ്ധീകരിച്ചത്. ഈ പുസ്തകം രണ്ട് ഭാഗങ്ങളായി സിനിമയാക്കിയിട്ടുണ്ട്. പരമ്പരയുടെ ആദ്യ സീസൺ 2027 ൽ എച്ച്ബിഒയിലൂടെ പ്രേക്ഷകർക്ക് മുന്നിലേക്കെത്തുമെന്നാണ് പ്രതീക്ഷ.
content summary:First look at HBO’s Harry Potter TV series released
Support Azhimukham
ജനാധിപത്യത്തിന്റെ നിലനിൽപ്പിന് സ്വതന്ത്ര മാധ്യമങ്ങൾ ആവശ്യമാണ്. സ്വതന്ത്രമായി പ്രവർത്തിക്കുന്ന മാധ്യമ സ്ഥാപനങ്ങൾക്കാകട്ടെ പൊതുജനങ്ങളുടെ പിന്തുണയും അത്യാവശ്യമാണ്. ഭയരഹിതമായ അന്വേഷണാത്മക റിപ്പോർട്ടിങ്ങും ആഴത്തിലുള്ള വിശകലനങ്ങളും 'അഴിമുഖ'ത്തിൽ തുടരുന്നതിന് ദയവായി ഞങ്ങളെ പിന്തുണയ്ക്കുക.
