കര്ണാടക രാഷ്ട്രീയത്തില് നിര്ണ്ണായകമായ നേതൃമാറ്റത്തിന് തുടക്കമിട്ട് മുഖ്യമന്ത്രി സിദ്ധരാമയ്യ പദവി ഒഴിഞ്ഞു. കോണ്ഗ്രസ് ഹൈക്കമാന്ഡിന്റെ നിര്ദ്ദേശപ്രകാരമുള്ള അധികാര കൈമാറ്റത്തിന്റെ ഭാഗമായി മെയ് 28-ന് സിദ്ധരാമയ്യ രാജിക്കത്ത് സമര്പ്പിച്ചിരുന്നു. തുടര്ന്ന്, മെയ് 29 വെള്ളിയാഴ്ച കര്ണാടക ഗവര്ണര് താവര്ചന്ദ് ഗെലോട്ട് സിദ്ധരാമയ്യയുടെ രാജി ഔദ്യോഗികമായി സ്വീകരിച്ചു. സംസ്ഥാനത്തിന്റെ അടുത്ത മുഖ്യമന്ത്രിയെ ഔദ്യോഗികമായി തിരഞ്ഞെടുക്കുന്നതിനായുള്ള കര്ണാടക കോണ്ഗ്രസ് നിയമസഭാ കക്ഷി യോഗം മെയ് 30 ശനിയാഴ്ച നടക്കും.
രാജി സമര്പ്പിച്ചതിന് പിന്നാലെ സിദ്ധരാമയ്യയും ഡെപ്യൂട്ടി മുഖ്യമന്ത്രി ഡി.കെ. ശിവകുമാറും പ്രത്യേകമായി ഡല്ഹിയിലേക്ക് തിരിച്ചു. പുതിയ സര്ക്കാര് രൂപീകരണം, മന്ത്രിസഭാ ഘടന, നിലവില് ഡി.കെ. ശിവകുമാര് വഹിക്കുന്ന കെപിസിസി അധ്യക്ഷ പദവിയിലെ മാറ്റങ്ങള് എന്നിവയെക്കുറിച്ച് ചര്ച്ച ചെയ്യാന് ഇരുവരും പാര്ട്ടി കേന്ദ്ര നേതൃത്വവുമായി കൂടിക്കാഴ്ച നടത്തും. ഡല്ഹിയിലെത്തിയ സിദ്ധരാമയ്യ 10 ജന്പഥിലെത്തി കോണ്ഗ്രസ് നേതാവ് രാഹുല് ഗാന്ധിയുമായി കൂടിക്കാഴ്ച നടത്തി. മോശം കാലാവസ്ഥയെത്തുടര്ന്ന് സിദ്ധരാമയ്യയും മുതിര്ന്ന കോണ്ഗ്രസ് നേതാവ് രണ്ദീപ് സിംഗ് സുര്ജേവാലയും സഞ്ചരിച്ച വിമാനം ജയ്പൂരിലേക്ക് തിരിച്ചുവിട്ടത് ഡല്ഹി യാത്രയില് അല്പം നാടകീയത സൃഷ്ടിച്ചിരുന്നു.
സിദ്ധരാമയ്യയ്ക്ക് പകരക്കാരനായി കര്ണാടകയുടെ മുഖ്യമന്ത്രി പദത്തിലേക്ക് ഡെപ്യൂട്ടി മുഖ്യമന്ത്രി ഡി.കെ. ശിവകുമാര് തന്നെയാണ് മുന്നിരയിലുള്ളത്. ഹൈക്കമാന്ഡും നിയമസഭാ കക്ഷിയും ഇക്കാര്യത്തില് ഔദ്യോഗിക പ്രഖ്യാപനം നടത്തിയിട്ടില്ലെങ്കിലും വരും ദിവസങ്ങളില് തന്നെ പുതിയ മുഖ്യമന്ത്രിയെയും മന്ത്രിസഭയെയും കുറിച്ചുള്ള കൃത്യമായ ചിത്രം പുറത്തുവരുമെന്നാണ് പാര്ട്ടി വൃത്തങ്ങള് നല്കുന്ന സൂചന.
അതേസമയം, സിദ്ധരാമയ്യയുടെ പടിയിറക്കം കര്ണാടക കോണ്ഗ്രസിനുള്ളില് പുതിയ രാഷ്ട്രീയ സമവാക്യങ്ങള്ക്കും വെല്ലുവിളികള്ക്കും വഴിവെച്ചേക്കുമെന്നാണ് വിലയിരുത്തപ്പെടുന്നത്. ഒബിസി, ദളിത്, ന്യൂനപക്ഷ വിഭാഗങ്ങള്ക്കിടയില് വലിയ ജനസ്വാധീനമുള്ള നേതാവാണ് സിദ്ധരാമയ്യ. സംസ്ഥാനത്ത് കോണ്ഗ്രസ് വലിയ വിജയമുറപ്പിച്ച ‘അഞ്ച് ഗ്യാരണ്ടി’ ക്ഷേമപദ്ധതികളുടെ പ്രധാന മുഖവും അദ്ദേഹമായിരുന്നു. എന്നാല് ഈ ക്ഷേമപദ്ധതികള് സംസ്ഥാനത്തിന്റെ വികസന മുന്നേറ്റത്തെ ബാധിക്കുന്നുവെന്ന വിമര്ശനവും നിലനില്ക്കുന്നുണ്ട്. സിദ്ധരാമയ്യയുടെ വിടവാങ്ങലോടെ പാര്ട്ടിയിലെ ആഭ്യന്തര സന്തുലിതാവസ്ഥ നിലനിര്ത്തുക എന്നത് കോണ്ഗ്രസ് നേതൃത്വത്തിന് വലിയൊരു ദൗത്യമായി മാറും.
മുഖ്യമന്ത്രി സ്ഥാനം രാജിവെച്ച സിദ്ധരാമയ്യയ്ക്ക് ഡെപ്യൂട്ടി മുഖ്യമന്ത്രി ഡി.കെ. ശിവകുമാര് വികാരാധീനമായ ഭാഷയിലാണ് ആദരമര്പ്പിച്ചത്. മൈസൂരിലെ ഒരു സാധാരണ ഗ്രാമത്തില് നിന്ന് സംസ്ഥാനത്തിന്റെ പരമോന്നത പദവിയിലേക്ക് ഉയര്ന്നുവന്ന സിദ്ധരാമയ്യയുടെ ജീവിതം കഠിനാധ്വാനത്തിന്റെയും സാമൂഹിക നീതിയോടുള്ള പ്രതിബദ്ധതയുടെയും പ്രതീകമാണെന്ന് ശിവകുമാര് എക്സിലെ കുറിപ്പില് വ്യക്തമാക്കി.
കര്ണാടകയുടെ ക്ഷേമത്തിനും വികസനത്തിനുമായി സിദ്ധരാമയ്യ നല്കിയ സംഭാവനകള്ക്ക് നന്ദി പറഞ്ഞ ശിവകുമാര്, അദ്ദേഹത്തിന്റെ ഭരണകാലത്ത് നടപ്പിലാക്കിയ ജനക്ഷേമ പദ്ധതികള് സംസ്ഥാനത്ത് ശാശ്വതമായ മുദ്ര പതിപ്പിക്കുമെന്നും കൂട്ടിച്ചേര്ത്തു. 2020-ല് താന് കെപിസിസി പ്രസിഡന്റായതു മുതല് സിദ്ധരാമയ്യയുമായി ചേര്ന്ന് പ്രവര്ത്തിച്ച അനുഭവങ്ങള് അദ്ദേഹം അനുസ്മരിച്ചു. പ്രതിസന്ധി ഘട്ടങ്ങളിലെല്ലാം സിദ്ധരാമയ്യ തനിക്ക് കരുത്തുറ്റ ഒരു തൂണ് പോലെ ഒപ്പം നിന്നിട്ടുണ്ടെന്നും, അദ്ദേഹത്തിന്റെ മന്ത്രിസഭയില് ഡെപ്യൂട്ടി മുഖ്യമന്ത്രിയായി സേവനമനുഷ്ഠിക്കാന് കഴിഞ്ഞത് വലിയൊരു പദവിയായി കാണുന്നുവെന്നും ശിവകുമാര് പറഞ്ഞു. സിദ്ധരാമയ്യയുടെ മാര്ഗ്ഗനിര്ദ്ദേശങ്ങള് വരും ദിനങ്ങളിലും പാര്ട്ടിക്ക് പ്രചോദനമാകുമെന്നും, കര്ണാടകയിലെ ജനങ്ങള്ക്ക് വേണ്ടിയുള്ള തങ്ങളുടെ ഒരുമിച്ചുള്ള യാത്ര തുടരുമെന്നും ഡി.കെ. ശിവകുമാര് പ്രത്യാശ പ്രകടിപ്പിച്ചു.
Content Summary; Karnataka CM Siddaramaiah resigns amid Congress leadership transition. Deputy CM DK Shivakumar emerges as frontrunner ahead of the CLP meeting on May 30
Support Azhimukham
ജനാധിപത്യത്തിന്റെ നിലനിൽപ്പിന് സ്വതന്ത്ര മാധ്യമങ്ങൾ ആവശ്യമാണ്. സ്വതന്ത്രമായി പ്രവർത്തിക്കുന്ന മാധ്യമ സ്ഥാപനങ്ങൾക്കാകട്ടെ പൊതുജനങ്ങളുടെ പിന്തുണയും അത്യാവശ്യമാണ്. ഭയരഹിതമായ അന്വേഷണാത്മക റിപ്പോർട്ടിങ്ങും ആഴത്തിലുള്ള വിശകലനങ്ങളും 'അഴിമുഖ'ത്തിൽ തുടരുന്നതിന് ദയവായി ഞങ്ങളെ പിന്തുണയ്ക്കുക.
