Description
by Sudheer Nath NB
എല്ലാ ഗ്രാമങ്ങളിലും ചുറ്റിപ്പറ്റി കഥകൾ ഉണ്ടാകും. ഒരുകാലത്ത് കേരളത്തിന്റെ സാംസ്കാരിക തലസ്ഥാനം എന്ന പദവി ഉണ്ടായിരുന്നു എന്ന് പറയപ്പെടുന്ന തൃക്കാക്കര പിന്നീട് ഉണ്ടായ പതിതാവസ്ഥയിൽ നിന്നും വീണ്ടെടുക്കുന്ന പരിണാമങ്ങൾ ആണ് സമീപകാലത്ത് ഉണ്ടായിക്കൊണ്ടിരിക്കുന്നത്. തൃക്കാക്കരയുടെ ഈ പരിണാമത്തെയും വികാസത്തെയും തികഞ്ഞ നർമബോധത്തോടെയും ഒരു കാർട്ടൂണിസ്റ്റിന്റെ ജീവിതബോധത്തോടെയും പ്രതിഫലിപ്പിക്കുന്ന വിവരങ്ങളാണ് സുധീർനാഥിന്റെ തൂലികയിൽ നിന്ന് ഒഴുകിയെത്തിയിരിക്കുന്നത്. വാങ്മയചിത്രങ്ങൾ എന്ന രീതിയിൽ ഈ വിവരങ്ങൾ നമുക്ക് പാരായണസുഖം എന്നപോലെ ദൃശ്യാനുഭൂതിയും നൽകുന്നു. തൃക്കാക്കര നിവാസികൾ തീർച്ചയായും അദ്ദേഹത്തോട് ഈ സേവനത്തിന്റെ പേരിൽ കടപ്പെട്ടിരിക്കുന്നു. തൃക്കാക്കരയ്ക്കുപോം പാതയേതോ? എന്ന പി. കുഞ്ഞിരാൻനായർ ചോദിച്ചതുപോലെ പണ്ടത്തെ മഹാബലിയുടെ ആസ്ഥാനത്തേക്ക് പോകുന്ന പാതയേതോ എന്ന് അന്യദേശക്കാർ അന്വേഷിക്കുന്ന രീതിയിലുള്ള ഈ ചരിത്രവിവരണം.
