അധികം വൈകാതെ തന്നെ മോദി സർക്കാർ നിലംപതിക്കുമെന്ന പ്രവചനവുമായി രംഗത്തെത്തിയിരിക്കുകയാണ് ആർജെഡി നേതാവ് ലാലു പ്രസാദ് യാദവ്. ജൂൺ 5 ന് നടന്ന ആർജെഡിയുടെ 27-ാമത് സ്ഥാപക ദിന പരിപാടിയെ അഭിസംബോധന ചെയ്തുകൊണ്ട് പാർട്ടി അധ്യക്ഷൻ നടത്തിയ പ്രസംഗത്തിലാണ് ബിജെപിയെയും, പ്രധാനമന്ത്രിയെയും പരാമർശിച്ചത്. സ്വന്തം ബലഹീനതകൾ മൂലം മോദി സർക്കാർ വീഴുമെന്നായിരുന്നു ലാലു പ്രസാദ് ആക്ഷേപിച്ചത്. അതെ സമയം ലാലുവിൻ്റെ മകനും ബീഹാർ മുൻ ഉപമുഖ്യമന്ത്രിയുമായ തേജസ്വി യാദവ്, ബിഹാറിന് പ്രത്യേക പദവി നൽകുന്നുണ്ടെന്ന് കേന്ദ്രം ഉറപ്പുവരുത്തണമെന്നും ആവശ്യപ്പെട്ടു. എന്നാൽ അതിനുവേണ്ടി യാചിക്കരുതെന്ന് ജെഡിയു തലവനും ബിഹാർ മുഖ്യമന്ത്രിയുമായ നിതീഷ് കുമാറിനെ ഉപദേശിക്കുകയും ചെയ്തു. Lalu Prasad attcked Modi government
”ഈ നരേന്ദ്ര മോദി സർക്കാർ ദുർബലമാണ്. അവരുടെ ബലഹീനതകൾ കാരണം അവർ എപ്പോൾ വേണമെങ്കിലും താഴെ വീണേക്കാം. ചിലപ്പോൾ ഓഗസ്റ്റിൽ തന്നെ സർക്കാർ നിലംപതിക്കും. അതിനാൽ, ഇടക്കാല തെരഞ്ഞെടുപ്പിന് തയ്യാറാകൂ,” ലാലു ആർജെഡി പ്രവർത്തകരോട് പറഞ്ഞു. അടുത്ത വർഷം ബിഹാർ നിയമസഭാ തിരഞ്ഞെടുപ്പിന് മുന്നോടിയായി തേജസ്വി പാർട്ടിയുടെ കടിഞ്ഞാൺ ഏറ്റെടുത്തേക്കുമെന്നും അദ്ദേഹം സൂചിപ്പിച്ചു. നിതീഷിനെയും അദ്ദേഹത്തിൻ്റെ ഫ്‌ളിപ്പ് ഫ്ലോപ്പുകളേയും പേരെടുത്ത് പറയാതെ ആർജെഡി മേധാവി പറഞ്ഞു, “ അടിസ്ഥാന ആശയങ്ങളിൽ ഞങ്ങൾ ഒരിക്കലും വിട്ടുവീഴ്ച ചെയ്തിട്ടില്ല. 2020 ലെ നിയമസഭാ തെരഞ്ഞെടുപ്പിൽ ഞങ്ങൾ ഏറ്റവും വലിയ ഒറ്റക്കക്ഷിയായിരുന്നു. പക്ഷെ അധികാരത്തിൽ നിന്ന് കുറച്ച് അകലെയായിരുന്നു.” അദ്ദേഹം കൂട്ടിച്ചേർത്തു.
ലാലുവിന്റെ പരാമർശങ്ങളിൽ കേന്ദ്രമന്ത്രി നിത്യാനന്ദ് റായ്, പ്രതികരിച്ചു. അദ്ദേഹം ഒരിക്കലും നടക്കണ സാധ്യതയില്ലാത്ത സ്വപ്നങ്ങളാണ് കണ്ടുകൊണ്ടിരിക്കുന്നതെന്ന് അദ്ദേഹം പ്രതികരിച്ചു. മൂന്നാം തവണയും അധികാരത്തിലിരിക്കുന്ന മോദിക്ക് ജനങ്ങൾ വോട്ട് ചെയ്തു. അദ്ദേഹത്തിൻ്റെയും, മുഖ്യമന്ത്രി നിതീഷ് കുമാറിൻ്റെയും നേതൃത്വത്തിൽ, ബിഹാറിലെ എൻഡിഎ പ്രതിപക്ഷത്തെ പരാജയപ്പെടുത്തുന്നത് തുടരും.” നിത്യാനന്ദ് റായ് പറഞ്ഞു.
എന്നാൽ പരിപാടിയിൽ പ്രസംഗിച്ച തേജസ്വി യാദവ് മുഖ്യമന്ത്രിയോട് സംസ്ഥാനത്തിൻ്റെ ക്വാട്ട പരിധി ഉയർത്താൻ ഭരണഘടനയുടെ ഒമ്പതാം ഷെഡ്യൂളിൽ ഉൾപ്പെടുത്തി നിയമപരമായ പ്രതിരോധം നൽകണമെന്ന് ആവശ്യപ്പെട്ടു. സംവരണ പരിധി 50 ശതമാനത്തിൽ നിന്ന് 65 ശതമാനമായി ഉയർത്താനുള്ള ബിഹാർ സർക്കാരിൻ്റെ നീക്കം പട്‌ന ഹൈക്കോടതി അടുത്തിടെ റദ്ദാക്കിയിരുന്നു. കേന്ദ്ര സർക്കാരിനോട് ഉറച്ചുനിൽക്കാൻ നിതീഷ് കുമാറിനോട് ആവശ്യപ്പെട്ട മുൻ ഉപമുഖ്യമന്ത്രി പറഞ്ഞു, “ബിഹാറിൻ്റെ പ്രത്യേക പദവി എന്ന ആവശ്യത്തിൽ ജെഡിയു പ്രമേയം പാസാക്കിയത് ഞങ്ങൾക്ക് ആശ്ചര്യമായി തോന്നി. ഇപ്പോൾ നിതീഷ് കുമാർ കേന്ദ്രത്തെ സംബന്ധിച്ച് ഒരു സുപ്രധാന വ്യക്തിയാണ്, മോദി സർക്കാർ അദ്ദേഹത്തെയാണ് ആശ്രയിക്കുന്നത്. അദ്ദേഹം ബീഹാറിന് പ്രത്യേക കാറ്റഗറി പദവി നൽകുകയും നിയമപരമായ പരിരക്ഷ നൽകുന്നതിന് ബിഹാർ ക്വാട്ട പരിധി ഭരണഘടനയുടെ ഒമ്പതാം ഷെഡ്യൂളിന് കീഴിലാണെന്ന് ഉറപ്പാക്കുകയും ചെയ്യേണ്ടതുണ്ട്. നിതീഷ് കുമാർ ഇനി ഇക്കാര്യം കേന്ദ്രത്തോട് യാചിക്കരുത്.”
ലോക്‌സഭാ തിരഞ്ഞെടുപ്പിലെ പാർട്ടിയുടെ പ്രകടനത്തെക്കുറിച്ചും അദ്ദേഹം പരാമർശിച്ചു. “ഞങ്ങൾക്ക് നാല് സീറ്റുകൾ മാത്രമാണ് നേടാനായത്, പക്ഷെ വോട്ട് വിഹിതം ഒമ്പത് ശതമാനം ആയി ഉയർത്താൻ കഴിഞ്ഞു. കഴിഞ്ഞ ലോക്‌സഭയിലെ 16 മണ്ഡലങ്ങളെ അപേക്ഷിച്ച് 55 നിയമസഭാ മണ്ഡലങ്ങളിൽ ഞങ്ങൾ എതിരാളികളെക്കാൾ കൂടുതൽ വോട്ടുകൾ നേടി. നിരവധി നിയമസഭാ സീറ്റുകളിൽ 2000 മുതൽ 3000 വരെ വോട്ടുകൾക്ക് ഞങ്ങൾ എതിരാളികളെ പിന്നിലാക്കിയിട്ടുണ്ട്.
നീറ്റ്-യുജി പേപ്പർ ചോർച്ച, കഴിഞ്ഞ ആഴ്ച 10 ഓളം പാലങ്ങൾ തകർന്നു വീണ സംഭവം, ക്രമസമാധാന നിലയിലെ തകർച്ച തുടങ്ങി പല വിഷയങ്ങളിലും തേജസ്വി യാദവ്, സർക്കാരിനെ കടന്നാക്രമിച്ചു. കടലാസ് ചോർച്ചയ്ക്കും പാലം തകർച്ചയ്ക്കും തന്നെ പഴിചാരി ഈ വിഷയങ്ങളിലെല്ലാം താൻ ഉത്തരവാദിയാണെന്ന മട്ടിലാണ് സർക്കാർ പെരുമാറുന്നതെന്നും അദ്ദേഹം പറഞ്ഞു. താൻ 17 മാസം മന്ത്രിയായിരിക്കെ, 17 വർഷമായി എൻഡിഎ അധികാരത്തിലായിരുന്നുവെന്ന് ചൂണ്ടിക്കാട്ടി, താൻ തെറ്റുകാരനാണെന്ന് അവർ വിശ്വസിക്കുന്നുണ്ടെങ്കിൽ തന്നെ അറസ്റ്റ് ചെയ്യാൻ ആവശ്യപ്പെട്ടു. ഓരോ പാലവും എപ്പോൾ അംഗീകരിച്ചു തുറന്നുകൊടുത്തു എന്നതിൻ്റെ വിശദമായ രേഖ നൽകാനും അദ്ദേഹം നിതീഷ് സർക്കാരിനെ വെല്ലുവിളിച്ചു. ജെഡിയുവിനൊപ്പം അധികാരത്തിലിരുന്ന 18 മാസത്തിനിടെ സർക്കാർ ജോലി ഒഴിവുകൾ നികത്താനുള്ള ആർജെഡിയുടെ ശ്രമങ്ങളെ തേജസ്വി എടുത്തുപറഞ്ഞു.
ബിഹാർ ജാതി സർവേ നടത്തുന്നതിൽ അവർക്കുള്ള പങ്കും അദ്ദേഹം പരാമർശിച്ചു. സംവരണ ക്വാട്ട ഉയർത്താനുള്ള തീരുമാനം ഭരണഘടനയുടെ ഒമ്പതാം ഷെഡ്യൂളിൽ ഉൾപ്പെടുത്തിയില്ലെങ്കിൽ, ഒബിസി, ഇബിസി, എസ്‌സി-എസ്‌ടി വിഭാഗങ്ങളിൽപ്പെട്ട നിരവധി പേർക്ക് ഭാവിയിൽ ജോലി നഷ്ടപ്പെടുമെന്ന് തേജസ്വി മുന്നറിയിപ്പ് നൽകി. സംവരണ പരിധി വർധിപ്പിക്കുന്നതിനെ ബി.ജെ.പി എതിർക്കുകയാണെന്ന് അദ്ദേഹം ആരോപിച്ചു. നിയമസഭാ തെരഞ്ഞെടുപ്പിൽ മഹാഗത്ബന്ധനെ പിന്തുണയ്ക്കാനും “ക്ഷീണിച്ച സർക്കാരിന്” വോട്ട് ചെയ്യാനും തേജസ്വി ജനങ്ങളോട് അഭ്യർത്ഥിച്ചു.
അതേസമയം, വ്യാഴാഴ്ച ചുമതലയേറ്റ ശേഷം ആദ്യമായി പട്‌ന സന്ദർശിച്ച ജെഡിയു ദേശീയ വർക്കിംഗ് പ്രസിഡൻ്റ് സഞ്ജയ് കുമാർ ഝാ, 2025 ലെ തിരഞ്ഞെടുപ്പിൽ നിതീഷ് വലിയ രാഷ്ട്രീയ ശക്തിയാകുമെന്ന് പറഞ്ഞു. ബീഹാർ മുഖ്യമന്ത്രിയെ എഴുതിത്തള്ളരുതെന്ന് ജനങ്ങളോട് അഭ്യർത്ഥിച്ച സഞ്ജയ് കുമാർ പറഞ്ഞു, “ഞങ്ങൾ 2010 ൽ നേടിയതിനേക്കാൾ കൂടുതൽ സീറ്റുകൾ 2025 ൽ നേടും. ടൈഗർ അഭി സിന്ദാ ഹേ (കടുവ ഇപ്പോഴും ജീവിച്ചിരിക്കുന്നുണ്ട്)” അദ്ദേഹം പറഞ്ഞു.
Content summary; RJD president Lalu Prasad and son Tejashwi Prasad Yadav criticized the Narendra Modi government on RJD’s 27th Foundation Day Lalu Prasad attcked Modi government
