ഗോള്‍ഡന്‍ വിസ തിരികെ കൊണ്ടുവരുന്നത് മണ്ടത്തരം, ഓസ്‌ട്രേലിയന്‍ പ്രതിപക്ഷ നേതാവിനെതിരെ രൂക്ഷവിമര്‍ശനം

ഓസ്ട്രേലിയയിലേക്ക് ഗോൾഡൻ ടിക്കറ്റ് വിസ പദ്ധതി തിരികെ കൊണ്ടുവരാനുള്ള പാർലമെന്റഗം പീറ്റർ ഡട്ടന്റെ തീരുമാനത്തെ വിമർശിച്ച് മാ​ഗ്നി​ഗ്സ്കി ക്യാമ്പയിൻ ഹെഡ് വില്യം ഫെലിക്സ് ബ്രൗഡർ. മനുഷ്യാവകാശ ലംഘനത്തെയും അഴിമതിയെയും ചോദ്യം ചെയ്യുന്ന ഒരു നിയമമാണ് മാ​ഗ്നി​ഗ്സ്കി സാങ്ഷൻ. നിക്ഷേപക പദ്ധതിയിലൂടെ 5 മില്യൺ ഡോളർ ഓസ്ട്രേലിയയിൽ നിക്ഷേപം നടത്തിയ വ്യക്തികൾക്കാണ് സാധാരണയായി ​ഗോൾഡൻ വിസ ലഭ്യമാവുക. 4 വർഷത്തെ വിസയുള്ളവ‍ർക്ക് സ്ഥിരതാമസവും നേടാം.

എല്ലാ രാജ്യങ്ങളിൽ നിന്നുള്ള പൗരൻമാർക്കും ഈ ആനുകൂല്യം ലഭ്യമാണെങ്കിലും, രാജ്യത്തെ 80 ശതമാനം വരുന്ന ചൈനീസ് പൗരൻമാരെ ലക്ഷ്യമാക്കിയുള്ളതാണ് ഈ നിയമം. കള്ളപ്പണം വെളുപ്പിക്കലിനെയും വിദേശ ഇടപെടലിനെക്കുറിച്ചുള്ള ആശങ്കകൾക്കിടയിൽ ആൽബനീസ് ​ഗവൺമെന്റ് ഇത് 2024ൽ നിർത്തലാക്കിയിരുന്നു. ​ഗോൾഡൻ വിസ ടിക്കറ്റ് തിരികെ കൊണ്ട് വരുമെന്ന് പീറ്റർ ഡട്ടൻ ഒരു ചൈനീസ് മൈ​ഗ്രേഷൻ ഏജന്റിനോട് കഴിഞ്ഞ മാസം പറഞ്ഞിരുന്നു. അഴിമതിയും അന്താരാഷ്ട്ര ഇടപെടലും തടയാനുള്ള ഓസ്ട്രേലിയയുടെ പ്രവർത്തനങ്ങൾക്ക് ​​ഗോൾഡൻ വിസ തിരികെ കൊണ്ടുവരാനുള്ള പീറ്റർ ഡട്ടന്റെ ഈ തീരുമാനം തിരിച്ചടിയായേക്കാം. രാജ്യങ്ങളെല്ലാം ​ഗോൾഡൻ വിസ നിർത്തലാക്കൽ നടപ്പിലാക്കിയപ്പോൾ ഓസ്ട്രേലിയ ഇത് തിരികെ കൊണ്ടുവരുന്നത് ശുദ്ധ മണ്ടത്തരമാണെന്ന് വില്യം ഫെലിക്സ് ബ്രൗഡർ വ്യക്തമാക്കി.

ആ​ഗോള മാ​ഗ്നി​ഗ്സ്കി ജസ്റ്റിസ് ക്യാമ്പയിനിന്റെ ഹെഡാണ് വില്യം ഫെലിക്സ് ബ്രൗഡർ. ദേശീയ താത്പര്യത്തിന്റെ പുറത്തായിരിക്കണം നിങ്ങൾക്ക് വിസ ലഭിക്കേണ്ടതെന്ന് ആഭ്യന്തര മന്ത്രി ടോണി ബർക്ക് വ്യക്തമാക്കി. മുമ്പ് ​ഗോൾഡൻ വിസ പ്രാബല്യത്തിലിരുന്ന സമയത്ത് ഓസ്ട്രേലിയയിൽ അനധികൃതമായ പണ നിക്ഷേപം ഉണ്ടായിരുന്നതായി പറയുന്നു. ​ഗോൾഡൻ വിസ നിരവധി നേട്ടങ്ങൾ നൽകുന്നുണ്ട്. ഓസ്ട്രേലിയയിൽ 40 ദിവസം താമസിച്ചാൽ മതിയാകും ​ഗോൾഡൻ വിസ ലഭിക്കാൻ. കുറ്റകൃത്യങ്ങൾ വർദ്ധിക്കാനുള്ള സാധ്യത നിലനിൽക്കുന്നതിനാൽ വിസ സബ്ലാസ് നിർത്തിവയ്ക്കണമെന്ന് പ്രൊഡക്റ്റിവിറ്റി കമ്മീഷൻ ആവശ്യപ്പെടുന്നു. ​ഗോൾഡൻ വിസ നിലനത്തുന്നത് യാതൊരു ​ഗുണവും ചെയ്യില്ലെന്ന് പ്രൊഡക്റ്റിവിറ്റി കമ്മീഷൻ കണ്ടെത്തിയിരുന്നു തുടർന്നാണ് 2024ൽ നിർത്തലാക്കുന്നത്. സമ്പന്നരായ നിക്ഷേപകരെ മാറ്റി നിർത്തി വിദ​ഗ്ധരായ തൊഴിലാളികളെ നിയമിക്കുന്നത് രാജ്യത്തിന്റെ സമ്പദ് വ്യവസ്ഥയുടെ വളർച്ചയ്ക്ക് ​ഗുണം ചെയ്യുമെന്നും കമ്മീഷൻ കണ്ടെത്തിയിരുന്നു.

content summary: Bill Bowder warned Peter Dutton’s desire to bring back a controversial golden ticket visa scheme would be a big mistake