അഴിമുഖം പ്രതിനിധി
സംസ്ഥാനത്തെ സഹകരണ ബാങ്കുകള്‍ പിടിച്ചെടുക്കാന്‍ ആരെയും അനുവദിക്കില്ലെന്ന് മുഖ്യമന്ത്രി പിണറായി വിജയന്‍. റിസര്‍വ് ബാങ്കിന്‌റെ പൂര്‍ണ നിയന്ത്രണം അംഗീകരിക്കില്ല. ഈ ആവശ്യം ജനകീയമായ രീതികള്‍ക്കും പ്രവര്‍ത്തനങ്ങള്‍ക്കും എതിരാണ്.
സഹകരണമേഖലയുടെ പ്രവര്‍ത്തനം സുതാര്യമാണ്. ക്രമക്കേട് സംബന്ധിച്ച് സംശയമുണ്ടെങ്കില്‍ ഏത് തരത്തിലുള്ള അന്വേഷണവും പരിശോധനയുമാകാം. ആരും ഇത്തരം പരിശോധനകള്‍ തടഞ്ഞിട്ടില്ലെന്നും മുഖ്യമന്ത്രി പറഞ്ഞു.
