മനുഷ്യ ഭ്രൂണം ഗർഭപാത്രത്തിൽ സ്ഥാപിക്കുന്നതിൻ്റെ (embryo implantation) 3D ദൃശ്യങ്ങൾ ശാസ്ത്രലോകം ആദ്യമായി തത്സമയം പകർത്തി. ഒരു കൃത്രിമ ഗർഭപാത്രത്തിൽ ഭ്രൂണം സ്ഥാപിക്കുന്നതിൻ്റെ ദൃശ്യങ്ങളാണ് ബാർസിലോണയിലെ ഇൻസ്റ്റിറ്റ്യൂട്ട് ഫോർ ബയോഎഞ്ചിനീയറിംഗ് ഓഫ് കാറ്റലോണിയയിലെ (IBEC) ഗവേഷകർ പുറത്തുവിട്ടത്.
ഡെക്സ്യൂസ് യൂണിവേഴ്സിറ്റി ഹോസ്പിറ്റലുമായി സഹകരിച്ച് നടത്തിയ ഈ പഠനം, ഭ്രൂണ നിക്ഷേപ പ്രക്രിയയെക്കുറിച്ചുള്ള നിർണായക വിവരങ്ങൾ നൽകുന്നു.ആശുപത്രിയാണ് ഗവേഷണത്തിനായി ഭ്രൂണങ്ങൾ നൽകിയത്. ഐബിഇസിയുടെ ബയോ എഞ്ചിനീയറിംഗ് ഫോർ റീപ്രൊഡക്റ്റീവ് ഹെൽത്ത് ഗ്രൂപ്പിൻ്റെ പ്രധാന അന്വേഷകനായ സാമുവൽ ഒജോസ്നെഗ്രോസ് പറയുന്നതനുസരിച്ച്, ഭ്രൂണം ഗർഭപാത്രത്തിൽ തുളച്ചുകയറുന്നതിനായി ഗണ്യമായ ബലം പ്രയോഗിക്കുന്നതായി കണ്ടെത്തി.
ഗവേഷണത്തിന് നേതൃത്വം നൽകിയ സാമുവൽ ഒജോസ്നെഗ്രോസ് പറയുന്നതനുസരിച്ച്, ഭ്രൂണം ഗർഭപാത്രത്തിൽ തുളച്ചുകയറാൻ വലിയ ശക്തി ഉപയോഗിക്കുന്നുണ്ട്. ഈ ശക്തി ഉപയോഗിച്ചാണ് ഭ്രൂണം ഗർഭപാത്രത്തിലെ കലകളുമായി (tissue) പൂർണ്ണമായി ചേരുന്നത്. ഈ പ്രക്രിയ വളരെ ശക്തമായ ഒന്നാണെന്നും, പല സ്ത്രീകളിലും ഈ സമയത്ത് ചെറിയ വയറുവേദനയും രക്തസ്രാവവും ഉണ്ടാകാറുണ്ടെന്നും അദ്ദേഹം കൂട്ടിച്ചേർത്തു.
ഈ ഗവേഷകർ നിയന്ത്രിത സാഹചര്യങ്ങളിൽ ഗർഭപാത്രത്തിന് പുറത്ത് ഭ്രൂണങ്ങൾക്ക് പറ്റിപ്പിടിക്കാൻ കഴിയുന്ന ഒരു പ്ലാറ്റ്ഫോം വികസിപ്പിച്ചെടുത്തു. കൊളാജനും ഗർഭാശയ ടിഷ്യുവും ഉപയോഗിച്ച് നിർമ്മിച്ച ഈ ജെൽ അടിസ്ഥാനമാക്കിയുള്ള പ്ലാറ്റ്ഫോം, ഭ്രൂണത്തിൻ്റെ ചുറ്റുപാടുകളുമായുള്ള പ്രതിപ്രവർത്തനങ്ങളെ തത്സമയം ഫ്ലൂറസെൻസ് ഇമേജിംഗും വിശകലനവും നടത്താൻ സഹായിച്ചു.
പഠനത്തിൻ്റെ ഭാഗമായി ഗവേഷകർ മനുഷ്യ ഭ്രൂണങ്ങളെയും എലികളുടെ ഭ്രൂണങ്ങളെയും താരതമ്യം ചെയ്തു. എലിയുടെ ഭ്രൂണം ഗർഭാശയ പ്രതലത്തിൽ ഒട്ടിപ്പിടിക്കുമ്പോൾ, മനുഷ്യ ഭ്രൂണം ടിഷ്യൂവിനുള്ളിലേക്ക് പൂർണ്ണമായി തുളച്ചുകയറി ഉള്ളിൽ നിന്ന് വളരാൻ തുടങ്ങുന്നതായി അവർ കണ്ടെത്തി. ഈ പ്രക്രിയയിൽ ഭ്രൂണം ചുറ്റുമുള്ള ടിഷ്യൂകളെ നശിപ്പിക്കുന്ന എൻസൈമുകൾ പുറത്തുവിടുകയും ചെയ്യുന്നു.
പഠനമനുസരിച്ച്, ഭ്രൂണ നിക്ഷേപ പ്രക്രിയയിൽ മനുഷ്യ ഭ്രൂണം അതിനു ചുറ്റുമുള്ള ടിഷ്യൂകളെ നശിപ്പിക്കുന്ന എൻസൈമുകൾ പുറത്തുവിടുമെന്ന് കണ്ടെത്തി. കൂടാതെ, ഭ്രൂണം അതിൻ്റെ ചുറ്റുപാടുകളിലേക്ക് വലിയ ശക്തി നൽകുകയും ചെയ്യുന്നു.
ഗർഭധാരണം പരാജയപ്പെടുന്നതിൻ്റെ പ്രധാന കാരണങ്ങളിലൊന്നാണ് ഭ്രൂണ നിക്ഷേപം ശരിയായി നടക്കാത്തത്. ഏകദേശം 60% ഗർഭം അലസലുകൾക്കും ഇത് കാരണമാകുന്നു. ഈ പുതിയ കണ്ടെത്തലുകൾ, വന്ധ്യതാ ചികിത്സാരംഗത്ത് വലിയ മാറ്റങ്ങൾക്ക് വഴിവെക്കുമെന്നാണ് ഗവേഷകരുടെ പ്രതീക്ഷ.
content summary: First-Ever 3D Footage Captures Human Embryo Implanting into Uterus
Support Azhimukham
ജനാധിപത്യത്തിന്റെ നിലനിൽപ്പിന് സ്വതന്ത്ര മാധ്യമങ്ങൾ ആവശ്യമാണ്. സ്വതന്ത്രമായി പ്രവർത്തിക്കുന്ന മാധ്യമ സ്ഥാപനങ്ങൾക്കാകട്ടെ പൊതുജനങ്ങളുടെ പിന്തുണയും അത്യാവശ്യമാണ്. ഭയരഹിതമായ അന്വേഷണാത്മക റിപ്പോർട്ടിങ്ങും ആഴത്തിലുള്ള വിശകലനങ്ങളും 'അഴിമുഖ'ത്തിൽ തുടരുന്നതിന് ദയവായി ഞങ്ങളെ പിന്തുണയ്ക്കുക.
