തെക്കൻ ബെയ്റൂത്തിൽ ഇസ്രായേൽ നടത്തിയ ആക്രമണത്തിൽ ഹസൻ നസ്റല്ല കൊല്ലപ്പെട്ടു. ഹിസ്ബുല്ലയെ മിഡിൽ ഈസ്റ്റിലെ ഏറ്റവും ശക്തമായ അർദ്ധസൈനിക വിഭാഗങ്ങളിലൊന്നായി മാറ്റിയതിൽ നസ്റല്ലക്കുള്ള പങ്ക് ചെറുതല്ല. ഇസ്രായേലിന്റെ ഏറ്റവും ശക്തനായ ശത്രുക്കളിൽ ഒരാളായ ഹിസ്ബുല്ലയ്ക്ക് അടുത്തിടെ കാര്യമായ തിരിച്ചടികൾ നേരിടേണ്ടി വന്നിട്ടുണ്ട്.ഈ ഗ്രൂപ്പിന്റെ നേതാവ് ഹസൻ നസ്റല്ല ഇസ്രായേൽ നടത്തിയ വ്യോമാക്രമണത്തിൽ കൊല്ലപ്പെട്ടു, ഇത് സംഘടനയ്ക്ക് വലിയ തിരിച്ചടിയാണ്. ആശയവിനിമയ ശൃംഖലയിലേക്ക് പൂർണ്ണമായും നുഴഞ്ഞുകയറിയതിന് തൊട്ടുപിന്നാലെയാണ് ഈ നഷ്ടം സംഭവിക്കുന്നത്, ഇത് അപമാനകരമായ കാര്യമാണ് എന്നത് ഗ്രൂപ്പിനെ അസ്വസ്ഥമാക്കുന്നു. hezbollah leader hassan nasrallah killed in air strike says israel
നാല് പതിറ്റാണ്ടുകൾക്ക് മുമ്പ് 1992 ൽ ഇസ്രായേൽ ഹെലികോപ്റ്റർ ആക്രമണത്തിൽ കൊല്ലപ്പെട്ട അബ്ബാസ് മുസാവിയുടെ പിൻഗാമിയായാണ് ഇറാനിന്റെ പിന്തുണയോടെ രൂപീകരിച്ച ഹിസ്ബുല്ലയുടെ സ്ഥാപക അംഗമായ നസ്റല്ല നേതൃത്വത്തിലേക്ക് ഉയർന്നു വന്നത്.
1960 ഓഗസ്റ്റിൽ ബെയ്റൂത്തിൽ ഒരു പലചരക്ക് കടക്കാരന്റെയും ഭാര്യയുടെയും മകനായി ജനിച്ച നസ്റല്ലയുടെ കൗമാരകാലം ലെബനനിലെ ആഭ്യന്തരയുദ്ധത്തിന്റെ നിഴലിലായിരുന്നു. 1975-ൽ പോരാട്ടം പൊട്ടിപ്പുറപ്പെട്ടപ്പോൾ അദ്ദേഹത്തിന്റെ കുടുംബം തലസ്ഥാനത്ത് നിന്ന് പലായനം ചെയ്യുകയും തീരദേശ നഗരമായ ടയറിനടുത്തുള്ള ഒരു ഗ്രാമത്തിലേക്ക് താമസം മാറുകയും ചെയ്തിരുന്നു. hezbollah leader hassan nasrallah killed in air strike says israel
1976 ൽ നസ്റല്ല ഒരു ഷിയാ സെമിനാരിയിൽ പങ്കെടുക്കാൻ ഇറാഖിലേക്ക് പോയിരുന്നു, എന്നാൽ സദ്ദാം ഹുസൈന്റെ കീഴിൽ ഷിയാ മുസ്ലിംകൾ പീഡിപ്പിക്കപ്പെട്ടതിനെ തുടർന്ന് പുറത്താക്കപ്പെടുകയായിരുന്നു. പിന്നീടാണ് അദ്ദേഹം മുസാവിയുടെ കീഴിൽ പഠിക്കാൻ ലെബനനിലേക്ക് മടങ്ങുന്നത്.
1982- ഇസ്രായേൽ ലെബനൻ ആക്രമിച്ചപ്പോൾ, അധിനിവേശത്തെ ചെറുക്കാൻ നസ്റല്ല പോരാളികളെ അണിനിരത്തി, അത് പിന്നീട് ഹിസ്ബുല്ല സംഘമായി പരിണമിച്ചു. വിവിധ റിപ്പോർട്ടുകളും ബെയ്റൂത്ത് അഭയാർഥി ക്യാമ്പിലെ കൂട്ടക്കൊലയെക്കുറിച്ചുള്ള ഇസ്രായേലിന്റെ അന്വേഷണവും അനുസരിച്ച് ഇതേ വർഷം, ഇസ്രായേൽ സൈന്യം ലെബനന്റെ പകുതിയോളം കൈവശപ്പെടുത്തിയിരുന്നു. കുറഞ്ഞത് 17,000 പേരുടെ മരണത്തിന് ഈ അക്രമണം കാരണമായി.
ഹിസ്ബുല്ലയുടെ പരിവർത്തനം
1980കളിൽ ഒരു ചെറിയ പൗരസേനയിൽ നിന്ന് ശക്തമായ ഒരു പ്രാദേശിക ശക്തിയായി വളർന്ന ഹിസ്ബുല്ലയുടെ ശ്രദ്ധേയമായ പരിവർത്തനത്തിന് നേതൃത്വം നൽകിയത് ഹസ്സൻ നസ്റല്ലയായിരുന്നു. 2000ൽ അദ്ദേഹത്തിന്റെ നേതൃത്വത്തിൽ ഹിസ്ബുല്ല ഇസ്രായേൽ സേനയെ ലെബനനിൽ നിന്ന് വിജയകരമായി തുരത്തിയ ചരിത്രമുണ്ട്. സംഘടന അതിന്റെ റാങ്കുകൾ 100,000 പോരാളികളിലേക്കും റിസർവുകളിലേക്കും വിപുലീകരിക്കുകയും ദീർഘദൂര, ഇടത്തരം, ഹ്രസ്വദൂര മിസൈലുകളും ഡ്രോണുകളും ഉൾപ്പെടെ വൈവിധ്യമാർന്ന ആയുധശേഖരം നിർമ്മിക്കുകയും ചെയ്തു. നസ്റല്ലയുടെ ശക്തമായ നേതൃത്വവും തന്ത്രപരമായ കാഴ്ചപ്പാടും ഹിസ്ബുല്ലയുടെ ഉയർച്ചയ്ക്ക് കാരണമാവുകയും അത് അദ്ദേഹത്തെ ഈ മേഖലയിലെ പ്രധാനിയാക്കുകയും ചെയ്തു. നസ്റല്ല ഒരു തീപ്പൊരി പ്രാസംഗികൻ കൂടിയാണ്.
ലെബനൻ, ഇറാഖ്, സിറിയ, യെമൻ എന്നിവിടങ്ങളിലുടനീളം ലക്ഷക്കണക്കിന് (പ്രധാനമായും ഷിയാ മുസ്ലീങ്ങളുടെ സമർപ്പിത) അനുയായികളെയാണ് നസ്റല്ല നയിക്കുന്നത്. 2020ൽ ഇറാനിലെ ടോപ്പ് ജനറൽ ഖാസിം സുലൈമാനിയെ യുഎസ് വധിച്ചതിനുശേഷം, ഇറാൻ പിന്തുണയുള്ള “പ്രതിരോധ അച്ചുതണ്ടിൽ” ഹസ്സൻ നസ്റല്ലയുടെ സ്വാധീനം വർധിച്ചു. മിഡിൽ ഈസ്റ്റിലെ യുഎസ്, ഇസ്രായേൽ സ്വാധീനത്തെ എതിർക്കുന്ന ഗ്രൂപ്പുകൾ ഈ സഖ്യത്തിൽ ഉൾപ്പെടുന്നു.
ലോകത്തിന്റെ പടിഞ്ഞാറെ ഭാഗത്തെ ഭൂരിഭാഗവും ഹിസ്ബുള്ളയെ ഒരു തീവ്രവാദ സംഘടനയായി കണക്കാക്കുന്നുണ്ടെങ്കിലും, മേഖലയിലെ ഏറ്റവും കനത്ത ആയുധധാരികളായ സർക്കാരിതര ഗ്രൂപ്പായും, പ്രതിസന്ധി നേരിടുന്ന ലെബനനിലെ പ്രബലമായ രാഷ്ട്രീയ ശക്തിയായും ഇത് കണക്കാക്കപ്പെടുന്നുണ്ട്.
‘ലെബനൻ ഗാസയെ പിന്തുണയ്ക്കുന്നത് അവസാനിപ്പിക്കില്ല’
ഒക്ടോബർ 7 ന് ഹമാസിന്റെ നേതൃത്വത്തിലുള്ള ഗാസയിൽ ആക്രമണം ആരംഭിച്ചതുമുതൽ ഹിസ്ബുല്ല ഇസ്രായേലിനെതിരെ കൂടുതൽ ആക്രമണങ്ങൾ നടത്തിയിരുന്നു. ഇത് പ്രാദേശിക സംഘർഷങ്ങൾ വർദ്ധിപ്പിച്ചു. 41, 000-ത്തിലധികം മരണങ്ങൾക്ക് കാരണമായ ഇസ്രായേൽ ആക്രമണങ്ങൾ നേരിടുന്ന ഹമാസിനോടും ഫലസ്തീനികളോടും ഐക്യദാർഢ്യം പ്രകടിപ്പിച്ചാണ് തങ്ങളുടെ പ്രവർത്തനങ്ങൾ എന്ന് സംഘം അവകാശപ്പെടുന്നുവെന്നാണ് ഗാസയുടെ ആരോഗ്യ മന്ത്രാലയത്തിൽ നിന്നുള്ള അറിയിപ്പ്.
2024 സെപ്റ്റംബർ 18ന് ബെയ്റൂത്തിന്റെ തെക്കൻ പ്രാന്തപ്രദേശങ്ങളിൽ നിന്നുള്ള ഒരു ഫോട്ടോയിൽ ഹിസ്ബുല്ല അംഗങ്ങൾ ഉപയോഗിച്ചിരുന്ന പൊട്ടിത്തെറിച്ച പേജറുകളുടെ അവശിഷ്ടങ്ങൾ കാണിച്ചിരുന്നു. സെപ്റ്റംബർ 17 ന്, നൂറുകണക്കിന് ഇതേ ഉപകരണങ്ങൾ ലെബനനിലുടനീളം പൊട്ടിത്തെറിച്ചിരുന്നു. ഈ ആക്രമണത്തിൽ കുറഞ്ഞത് ഒമ്പത് പേർ കൊല്ലപ്പെടുകയും 2,800 ഓളം പേർക്ക് പരിക്കേൽക്കുകയും ചെയ്തു.
“ഞാൻ വ്യക്തമായി പറയുന്നു ത്യാഗങ്ങൾ, അനന്തരഫലങ്ങൾ അല്ലെങ്കിൽ ഭാവി പ്രത്യാഘാതങ്ങൾ എന്നിവ എന്തുതന്നെയായാലും, ലെബനനിലെ പ്രതിരോധം ഗാസയെ പിന്തുണയ്ക്കുന്നത് അവസാനിപ്പിക്കില്ല”. തന്റെ മരണത്തിന് ദിവസങ്ങൾക്ക് മുമ്പ്, ഗാസയിലെ ആക്രമണം അവസാനിക്കുന്നതു വരെ ഇസ്രായേലി പ്രദേശങ്ങൾ ആക്രമിക്കുന്നത് തുടരുമെന്ന് നസറല്ല പ്രതിജ്ഞയെടുത്തിരുന്നു.
ഈ മാസം ആദ്യം ഹിസ്ബുല്ല പോരാളികളെ ലക്ഷ്യമിട്ട് ഇസ്രായേൽ ലെബനനിലുടനീളം മാരകമായ ആക്രമണങ്ങളിൽ നിരവധി സിവിലിയൻമാർ കൊല്ലപ്പെട്ടതോടെ ഒരു സമ്പൂർണ്ണ യുദ്ധത്തിന്റെ ഭീതി എല്ലാവരിലും ഉണ്ടായിരുുന്നു.
ഒക്ടോബർ 7 ന് സംഘർഷം ആരംഭിച്ചതിനുശേഷം, ലെബനനിൽ 1,500 ലധികം സാധാരണക്കാർ കൊല്ലപ്പെടുകയും 200,000 ത്തിലധികം പേർ പലായനം ചെയ്യുകയും ചെയ്തതായി യുഎൻ ഓഫീസ് ഫോർ കോർഡിനേഷൻ ഓഫ് ഹ്യൂമാനിറ്റേറിയൻ അഫയേഴ്സ് അറിയിച്ചു. നാടുകടത്തപ്പെട്ടവരുടെ യഥാർത്ഥ എണ്ണം അര ദശലക്ഷത്തിനടുത്തായിരിക്കുമെന്ന് ലെബനൻ ഉദ്യോഗസ്ഥർ കണക്കാക്കുന്നു.
ലെബനൻ “ഒരു തലമുറയിലെ ഏറ്റവും രക്തരൂക്ഷിതമായ കാലഘട്ടമാണ്” അനുഭവിക്കുന്നതെന്ന് മുന്നറിയിപ്പ് നൽകിയ യുഎൻ സെക്രട്ടറി ജനറൽ അന്റോണിയോ ഗുട്ടെറസ് ഉൾപ്പെടെയുള്ള മനുഷ്യാവകാശ അഭിഭാഷകർ അക്രമത്തെ അപലപിക്കുകയും ഇസ്രായേലിനോടും ഹിസ്ബുല്ലയോടും “കൊലപാതകവും നാശം വിതക്കലും നിർത്താൻ” ആവശ്യപ്പെടുകയും ചെയ്തു.
Content summary; hezbollah leader hassan nasrallah killed in air strike says israel
