27 കാരിയായ കരോലിന് ലെവിറ്റ് യുഎസിലെ ഏറ്റവും പ്രായം കുറഞ്ഞ വൈറ്റ് ഹൗസ് പ്രസ് സെക്രട്ടറിയായി നിയമിതയാവാന് ഒരുങ്ങുകയാണ്. അമേരിക്കയുടെ ചരിത്രത്തിലെ തന്നെ ഏറ്റവും പ്രായം കുറഞ്ഞ വൈറ്റ് ഹൗസ് പ്രസ് സെക്രട്ടറിയായി കരോലിന് ഇനി അറിയപ്പെടും. 2024ലെ പ്രസിഡന്റ് തിരഞ്ഞെടുപ്പില് വിജയിച്ച ശേഷം ഡൊണാള്ഡ് ട്രംപ് തന്നെയാണ് ലെവിറ്റിനെ നിയമിച്ചത്. അമേരിക്കന് ജനതയിലേക്ക് തങ്ങളുടെ ആശയം വ്യക്തമായി എത്തിക്കാന് ലെവിറ്റിന് സാധിക്കുമെന്ന് ആത്മവിശ്വാസമുണ്ടെന്നും ട്രംപ് കൂട്ടിച്ചേര്ത്തു.Karoline Leavitt
കരിന് ജീന് പിയറിക്ക് പകരക്കാരിയായാണ് ലെവിറ്റ് ചുമതലയേല്ക്കുന്നത്. ട്രംപ് അമേരിക്കന് പ്രസിഡന്റാകുന്ന 2025 ജനുവരി 20 ന് ലെവിറ്റും ചുമതലയേല്ക്കും. 1969-ല് റിച്ചാര്ഡ് നിക്സന് ഭരണത്തില് എത്തിയപ്പോള് 29 വയസ്സുണ്ടായിരുന്ന റൊണാള്ഡ് സീഗ്ലറിനായിരുന്നു മുമ്പ് ഈ പദവി വഹിച്ച പ്രായം കുറഞ്ഞ വ്യക്തി.
ലെവിറ്റിന്റെ ഔദ്യോഗിക ജീവിതം വളരെ പ്രശസ്തമാണ്. 2020-ല് ട്രംപിന്റെ ആദ്യ ഭരണകാലത്ത് അസിസ്റ്റന്റ് പ്രസ് സെക്രട്ടറിയായി സേവനമനുഷ്ഠിച്ചതിന് ശേഷം, 2022-ല് ന്യൂ ഹാംഷെയറില് നിന്നുള്ള കോണ്ഗ്രസ് തിരഞ്ഞെടുപ്പില് മത്സരിച്ചു, എന്നാല് വിജയിച്ചില്ല. അതിന് പിന്നാലെ, ട്രംപ് നാമനിര്ദ്ദേശം ചെയ്ത യുഎന് അംബാസഡര് എലീസ് സ്റ്റെഫാനിക്കിന്റെ കമ്മ്യൂണിക്കേഷന്സ് ഡയറക്ടറായും പ്രവര്ത്തിച്ചു.
രണ്ടാം തവണയും പ്രസിഡന്റ് പദവി നേടിയതിന് പിന്നാലെ, ട്രംപ് തന്റെ കാബിനറ്റില് വിശ്വസ്തരായ ആളുകളെ നിയമിക്കാന് ശ്രദ്ധ കേന്ദ്രീകരിച്ചിരിക്കുകയാണ്. മുന് സൈനികനും ഫോക്സ് ന്യൂസ് അവതാരകനുമായ പീറ്റര് ഹെഗ്സെത്തിന് ഡിഫന്സ് സെക്രട്ടറിയായി നിയമനമുണ്ടാകും. കൂടാതെ, ശതകോടീശ്വരനായ ഇലോണ് മസ്കിനും ഇന്ത്യന് വംശജനായ വിവേക് രാമസ്വാമിക്കും കാര്യക്ഷമതാ വകുപ്പുകളുടെ ചുമതല നല്കാനുള്ള സാധ്യതകളുണ്ട്.
വൈറ്റ് ഹൗസ് സ്റ്റാഫ് ചീഫ് ആയി ട്രംപിന്റെ പ്രചാരണ മാനേജരായിരുന്ന സൂസി വൈല്സിനെ പരിഗണിക്കുന്നതിനോടൊപ്പം, ചീഫ് ഓഫ് സ്റ്റാഫ്, ദേശീയ സുരക്ഷാ ഉപദേഷ്ടാവ്, നാഷണല് ഇന്റലിജന്സ് ഏജന്സി ഡയറക്ടര് തുടങ്ങിയ പ്രധാന പദവികളില് മാര്ക്കോ റൂബിയോ, തുള്സി ഗബ്ബാര്ഡ്, മാറ്റ് ഗേറ്റ്സ് എന്നിവരെയും നിയമിച്ചേക്കും.
ടീമിനെ വിശ്വസ്തരും പ്രാവീണ്യമുള്ളവരുമായ ആളുകളാല് സജ്ജമാക്കാനുള്ള ശ്രമത്തിലാണ് ട്രംപ്. അതിലൂടെ അമേരിക്കയെ വീണ്ടും ശക്തമാക്കുകയാണ് ട്രംപിന്റെ ലക്ഷ്യം.Karoline Leavitt
content summary; Trump names Karoline Leavitt as youngest ever White House press secretary
