സുതാര്യമായ കാലാവസ്ഥയെ പ്രതികൂലമായി ബാധിക്കുന്നു
ഏറ്റവും ശക്തമായ ഹരിതഗൃഹ വാതകങ്ങളിൽ ഒന്നായ മീഥേൻ റെക്കോർഡ് നിരക്കിൽ വർധിക്കുന്നു. ഫോസിൽ ഇന്ധനങ്ങളുടെ അമിത ഉപയോഗം, കൃഷി, മണ്ണ് നികത്തൽ എന്നിവയാലാണ് ഹരിതഗൃഹ വാതകങ്ങളുടെ തോത് ഉയരുന്നതെന്ന് ശാസ്ത്രലോകം വ്യക്തമാക്കുന്നു. നിയന്ത്രണമില്ലാതിരുന്നാൽ ഭൂമിയുടെ സുരക്ഷിത താപനിലയെ താളം തെറ്റിക്കാൻ പോലുമിതുകൊണ്ട് സാധിക്കും. ഗ്ലോബൽ കാർബൺ പ്രോജക്ടിന്റെ പുതിയ പഠനങ്ങൾ പ്രകാരം റെക്കോർഡ് വേഗതയിലാണ് മീഥേൻ പുറന്തള്ളപ്പെടുന്നത്. ഇത് ലോകത്തിന്റെ സുതാര്യമായ കാലാവസ്ഥയെ പ്രതികൂലമായി ബാധിക്കുന്നു. ശക്തമായ ഹരിതഗൃഹ വാതകങ്ങളായ മീഥേൻ, 100 വർഷത്തിലധികമായി കാർബൺ ഡൈ ഓക്സൈഡിനെക്കാൾ 30 ഇരട്ടി താപത്തെ പുറന്തള്ളുകയാണെന്ന് ഗവേഷണങ്ങൾ പറയുന്നു. ഇത് ആഗോളതാപനത്തിനും കാരണമായേക്കാം. ‘അന്തരീക്ഷത്തിലെ മീഥേനിന്റെ അളവ് കൂടുന്നത് കാലാവസ്ഥ വത്യാനത്തിന് ഉത്തമ ഉദാഹരണമാണ്. വാതകങ്ങളുടെ ദ്രുതഗതിയിലുള്ള വർദ്ധനവ് ലോകത്തിന്റെ നിലവിലെ കാലാവസ്ഥയിൽ വലിയ മാറ്റമുണ്ടാക്കും’ സ്റ്റാൻഫോർഡ് സർവകലാശാലയിലെ കാലാവസ്ഥാ ശാസ്ത്രജ്ഞനും ഗ്ലോബൽ കാർബൺ പദ്ധതിയുടെ ചെയർമാനുമായ റോബ് ജാക്സൺ മുന്നറിയിപ്പ് നൽകുന്നു. m ethane is rising
മീഥേൻ ഉദ്‌വമനം പരിഹരിക്കേണ്ടതിൻ്റെയും കാലാവസ്ഥാ വ്യതിയാനം ലഘൂകരിക്കാൻ ശക്തമായ നടപടികളെടുക്കേണ്ടതിൻ്റെയും അടിയന്തിര ആവശ്യകതയെക്കുറിച്ചുള്ള വ്യക്തമായ ഓർമ്മപ്പെടുത്തലാണ് ഗ്ലോബൽ കാർബൺ പദ്ധതിയുടെ പഠനത്തിൻ്റെ കണ്ടെത്തലുകൾ. 2000-നും 2020-നും ഇടയിൽ മനുഷ്യൻ മൂലമുണ്ടാകുന്ന മീഥേൻ വാതകത്തിന്റെ അളവ് 20% വരെ വർധിച്ചതായി ഗ്ലോബൽ കാർബൺ പ്രോജക്റ്റിൻ്റെ ഒരു പുതിയ റിപ്പോർട്ട് വെളിപ്പെടുത്തുന്നു. കൽക്കരി ഖനനം വർധിച്ചതും, പ്രകൃതിവാതകത്തിൻ്റെ വർദ്ധിച്ചുവരുന്ന ഉപഭോഗവുമാണ് നിലവിലെ മോശം സാഹചര്യങ്ങൾക്ക് കാരണം എന്നാണ് മനസിലാക്കുന്നത്. കാലാവസ്ഥാ വ്യതിയാനം ലഘൂകരിക്കുന്നതിന് മീഥേൻ ഉദ്‌വമനം അടിയന്തിരമായി പരിഹരിക്കേണ്ടതിൻ്റെ ആവശ്യകതയെ ഈ കണ്ടെത്തലുകൾ അടിവരയിടുന്നു.methane is rising
മനുഷ്യരുടെ പ്രവർത്തനങ്ങൾ തടാകങ്ങളും ചതുപ്പുനിലങ്ങളും പോലുള്ള പരിസ്ഥിതി വ്യവസ്ഥകളിൽ നിന്നുള്ള മീഥേൻ ഉൽപ്പാദനം വർധിപ്പിച്ചതായി ഒരു പുതിയ റിപ്പോർട്ട് കണ്ടെത്തി. 2030-ഓടെ മീഥേൻ ഉദ്‌വമനം 30% കുറയ്ക്കുമെന്ന് 150-ലധികം രാജ്യങ്ങളിൽ നിന്നുള്ള വാഗ്ദാനങ്ങൾ ഉണ്ടായിരുന്നിട്ടും, 2020-നും 2023-നും ഇടയിൽ ഉദ്‌വമനം 5% വർദ്ധിച്ചതായി പഠനങ്ങൾ വ്യക്തമാക്കുന്നു. ചൈന, ദക്ഷിണേഷ്യ, മിഡിൽ ഈസ്റ്റ് എന്നിവിടങ്ങളിലാണ് ഏറ്റവും വലിയ വർദ്ധനവ് രേഖപ്പെടുത്തിയത്. കഴിഞ്ഞ 20 വർഷത്തിനിടയിൽ മീഥേൻ പുറന്തള്ളൽ ഗണ്യമായി കുറയ്ക്കാൻ കഴിഞ്ഞ ഒരേയൊരു പ്രധാന എമിറ്റർ യൂറോപ്യൻ യൂണിയൻ മാത്രമാണ്. മീഥേൻ അമിതവേഗത്തിലുള്ള വർദ്ധനവ് കുറയ്ക്കാനുള്ള ആഗോള ശ്രമങ്ങൾ ഫലപ്രദമല്ലെന്നാണ് ഈ സൂചനകൾ ചൂണ്ടിക്കാണിക്കുന്നത്.
methane is rising
content summary; methane is rising faster than ever.
