February 19, 2025 |

ചരിത്രത്തിലാദ്യമായി ഒളിമ്പിക്സ് സെയിൻ നദിയിൽ; അറിയേണ്ടതെല്ലാം

പാരമ്പരാഗത രീതികളിൽനിന്നുള്ള നിന്നുള്ള ധീരമായ മാറ്റം

ചരിത്രത്തിലാദ്യമായാണ്‌, 2024 പാരീസ് ഒളിമ്പിക്സ് സ്റ്റേഡിയത്തിന് പകരം നദിക്കരയിൽ ആരംഭിക്കുന്നത്. 2021 ഡിസംബറിലാണ് ഇത്തരമൊരാശയം ആദ്യമായി പ്രഖ്യാപിക്കുന്നത്. ‘ സെയിൻ നദിയിൽ ഒളിമ്പിക്സ് ആരംഭിക്കുമ്പോൾ നഗരം മുഴുവൻ ഒരു ഒളിമ്പിക് സ്റ്റേഡിയവും നദി ട്രാക്കും നദീതീരം കാഴ്ചക്കാരേയുമാണ് പ്രതിനിധീകരിക്കുന്നതെന്നാണ് പാരീസ് 2024 സംഘാടക സമിതിയുടെ തലവനായ ടോണി എസ്താങ്‌വെറ്റ് പറഞ്ഞത്. ഈ തീരുമാനം പാരമ്പരാഗത രീതികളിൽനിന്നുള്ള നിന്നുള്ള ധീരമായ മാറ്റമാണ്, ലോകമെമ്പാടുമുള്ള 1.5 ബില്യൺ ജനങ്ങൾ വീക്ഷിക്കുന്ന വലിയ ഔട്ട്‌ഡോർ ഇവൻ്റ് യാതൊരു തടസങ്ങളും സുരക്ഷാ വീഴ്ചയും കൂടാതെ നടക്കുന്നുണ്ടെന്ന് ഉറപ്പ് വരുത്തേണ്ടത് പ്രധാനമാണ്. 2024 Olympics Opening Ceremony

ജൂലൈ 26-ന് വൈകിട്ട് 7.30 നാണ് ഉദ്ഘാടന ചടങ്ങുകൾ ആരംഭിക്കുന്നത്. മൂന്ന് മണിക്കൂറിലധികം ചടങ്ങുകൾ നീണ്ടുനിൽക്കുമെന്നാണ് പ്രതീക്ഷിക്കുന്നത്. അസ്തമയ സൂര്യൻ്റെ നിറവിലാണ് പരിപാടി എന്നതിനാൽ അത്ലറ്റുകൾക്കും പൊതുജനങ്ങൾക്കും പാരീസിൻ്റെ പ്രകൃതിഭംഗി ആസ്വദിക്കാൻ സാധിക്കുമെന്നും ടോണി എസ്താങ്‌വെറ്റ് പറഞ്ഞു.

ഏകദേശം 100 ബോട്ടുകൾ സെയിനിന്റെ 6 കിലോമീറ്റർ പരേഡ് നടത്തുകയും പാരീസിലൂടെ കിഴക്ക് നിന്ന് പടിഞ്ഞാറോട്ട് വന്ന് നഗരത്തിലെ ചില പ്രധാന പാലങ്ങൾ, ലാൻഡ്‌മാർക്കുകൾ ഗ്രാൻഡ് പാലയ്സ് ഉൾപ്പെടെ, നോട്ട്-ഡാം, ലൂവ്രെ തുടങ്ങിയ പ്രശസ്തമായ ലാൻഡ്‌മാർക്കുകളും ഗ്രാൻഡ് പാലെയ്‌സ് പോലുള്ള ഒളിമ്പിക് വേദികളിലൂടെ സെയിൻ നദിയുടെ 6 കിലോമീറ്റർ നീളത്തിൽ ഏകദേശം 100 ബോട്ടുകൾ പരേഡ് ചെയ്യും.

ട്രോകാഡെറോയിലെ ഈഫൽ ടവറിന് സമീപമാണ് യാത്ര അവസാനിക്കുക, അവിടെ വച്ചാണ് ചടങ്ങിൻ്റെ ഔദ്യോഗിക ഒളിമ്പിക് പരിപാടികളും ഫ്രഞ്ച് പ്രസിഡൻ്റ് ഇമ്മാനുവൽ മാക്രോണിൻ്റെ ഉദ്ഘാടന പ്രസംഗവും നടക്കുക. 206 വ്യത്യസ്ത ദേശീയ ഒളിമ്പിക് കമ്മിറ്റികളെ പ്രതിനിധീകരിക്കുന്ന പരേഡിൽ 10,500 കായികതാരങ്ങളാണ് പ്രധാന പങ്കാളികൾ. നാടക നടനും സംവിധായകനുമായ തോമസ് ജോളിയാണ് ചടങ്ങുകളുടെ ചുമതല നിർവഹിക്കുന്നത്. ഫ്രാൻസിൻ്റെ വൈവിധ്യമാർന്ന സംസ്കാരങ്ങളെ ഉയർത്തിക്കാണിക്കാനാണ് തോമസ് ആഗ്രഹിക്കുന്നത്. ഫ്രാൻസ് ഒരു വൈവിധ്യാമാർന്ന സംഗീത നഗരം കൂടിയാണ് എന്നും തോമസ് പറഞ്ഞു.

പ്രശസ്ത കൊറിയോഗ്രാഫർ മൗഡ് ലെ പ്ലാഡെക്കിൻ്റെ നേതൃത്വത്തിലുള്ള 400 നർത്തകർ ഉൾപ്പെടെ, 3,000 കലാകാരന്മാരാണ് ഒളിമ്പിക്‌സിൻ്റെയും പാരാലിമ്പിക്‌സിൻ്റെയും ഉദ്ഘാടന- സമാപന ചടങ്ങുകളിൽ പങ്കെടുക്കാൻ ഒരുങ്ങുന്നത്. പാരീസിലുടനീളമുള്ള ആളുകൾക്ക് ഷോയുടെ മാന്ത്രിക അന്തരീക്ഷം അനുഭവിക്കുന്നതിന് വേണ്ടി നഗരത്തിന് ചുറ്റും എൺപത് ഭീമൻ സ്‌ക്രീനുകളും സ്പീക്കറുകളും സജ്ജീകരിക്കും.

ലോകമെമ്പാടുമുള്ള 1.5 ബില്യൺ ആളുകൾ ഒളിമ്പിക്സ് കാണുമെന്നാണ് പ്രതീക്ഷിക്കുന്നത്. യുഎസിൽ, എൻബിസി ടിവിയിലും സ്ട്രീമിംഗ് പ്ലാറ്റ്‌ഫോമായ പീക്കോക്കിലും ഉദ്ഘാടന ചടങ്ങ് സംപ്രേക്ഷണം ചെയ്യും. സ്‌പോർട്‌സ് കമൻ്റേറ്റർ മൈക്ക് ടിറിക്കോ, വിരമിച്ച ഫുട്‌ബോൾ താരം പെറ്റൺ മാനിംഗ്, ഗായിക കെല്ലി ക്ലാർക്‌സൺ എന്നിവർ ചടങ്ങിൽ ആതിഥേയത്വം വഹിക്കും. എഎംസി തിയേറ്ററുകളിൽ എൻബിസിക്ക് ഐമാക്സ് വാച്ച് പാർട്ടികളും ഉണ്ടായിരിക്കും.

സെയിനിൽ വച്ച് ചടങ്ങുകൾ നടത്തുന്നതിന് അതിൻെറതായ വെല്ലുവിളികളുമുണ്ട്. സെയിനിലെ ശക്തമായ ഒഴുക്കിനെ തുടർന്ന് ജൂൺ 24-ന് നടത്താനിരുന്ന റിഹേഴ്‌സൽ റദ്ദാക്കിയിരുന്നു. കൂടാതെ നദിയിലെ ജലത്തിൻ്റെ ഗുണനിലവാരത്തെക്കുറിച്ച് ആശങ്കകളും നിലനിൽക്കുന്നുണ്ട്. ഓപ്പൺ വാട്ടർ സ്വിമ്മിങ് പരിപാടികൾ നടത്താൻ പദ്ധതിയിടുന്നത്. പ്രവചനാതീതമായ കാറ്റും കാലാവസ്ഥയും മറ്റൊരു വെല്ലുവിളിയാണ്. എന്തെങ്കിലും അപകടം സംഭവിച്ചാൽ, ചടങ്ങ് ട്രോകാഡെറോയിലേക്ക് മാത്രമായി പരിമിതപ്പെടുത്തുകയോ അല്ലെങ്കിൽ സ്റ്റേഡിലേക്ക് മാറ്റുകയോ പോലുള്ള പദ്ധതികളും നിലവിലുണ്ടെന്ന് ഇമ്മാനുവൽ മക്രോൺ വ്യക്തമാക്കി. അപകടസാധ്യതകളെക്കുറിച്ച് ഞങ്ങൾക്ക് പൂർണ്ണമായി ബോധവാൻമാരാണെന്നും വിജയകരമായ ഒരു ഉദ്ഘാടന ചടങ്ങ് ഉറപ്പാക്കുകയും ചെയ്യുമെന്നും അദ്ദേഹം കൂട്ടിച്ചേർത്തു.

content summary;  Everything to Know About the History-Making Paris 2024 Olympics Opening Ceremony

×