‘അഴിമതിയില്‍ വീര്‍പ്പുമുട്ടുന്ന പി.എസ്.സി’; യുവതലമുറയുടെ ഭാവിയെന്താകും ?

ആയിരക്കണക്കിന് ഉദ്യോഗാർത്ഥികളുടെ അഹോരാത്രമുള്ള കഠിനാധ്വാനവും ഭാവി പ്രതീക്ഷകളുമാണ് പബ്ലിക് സർവീസ് കമ്മീഷൻ നടത്തുന്ന ഓരോ പരീക്ഷയും. എന്നാൽ, അടുത്തകാലത്തായി ഉയർന്നുവരുന്ന ഗുരുതരമായ അഴിമതി ആരോപണങ്ങൾ പിഎസ് സിയുടെ വിശ്വാസ്യതയെ തന്നെ ചോദ്യചിഹ്നത്തിലാക്കുന്നതാണ്. പരീക്ഷാ നടത്തിപ്പിലും മൂല്യനിർണ്ണയത്തിലും നൂറുശതമാനം സത്യസന്ധതയും സുതാര്യതയും പുലർത്താൻ ബാധ്യസ്ഥമായ ഒരു സ്ഥാപനത്തിൽ നിന്ന്, രാഷ്ട്രീയ താൽപ്പര്യങ്ങൾ മുൻനിർത്തി ഇഷ്ടക്കാരെ തിരുകിക്കയറ്റാനുള്ള ശ്രമങ്ങൾ നടക്കുന്നു എന്നത് വലിയ ആശങ്കയ്ക്കും അനിശ്ചിതത്വത്തിനുമാണ് വഴിതുറന്നിരിക്കുന്നത്. ഉദ്യോഗാർത്ഥികളുടെ പ്രതീക്ഷകളെ തച്ചുടയ്ക്കുന്ന ഇത്തരം ഇടപെടലുകൾ മാപ്പർഹിക്കാത്ത കുറ്റമാണ്. സംസ്ഥാന ആസൂത്രണ ബോർഡിലെ ഏറ്റവും ഉയർന്ന റാങ്കിലുള്ള രണ്ട് പ്രധാന തസ്തികകളിലേക്ക് നടത്തിയ പരീക്ഷയുടെ ഫലം, കേവലം 58 മാർക്കിന് മാത്രം മൂല്യനിർണ്ണയം നടത്തി പി.എസ്.സി. പ്രസിദ്ധീകരിച്ചു എന്ന വാർത്ത കേരള സമൂഹത്തെ ഒന്നടങ്കം ഞെട്ടിച്ചതാണ്. 42 മാർക്ക് പൂർണ്ണമായും ഒഴിവാക്കിക്കൊണ്ട് തയ്യാറാക്കിയ ഈ റാങ്ക് പട്ടിക തൊഴിലന്വേഷകരെ മാത്രമല്ല, കേരള പബ്ലിക് സർവീസ് കമ്മീഷൻ എന്ന ഭരണഘടനാ സ്ഥാപനത്തിന്റെ വിശ്വാസ്യതയെ തന്നെ തുലാസിലാക്കി.

ഇത്തരം വഴിവിട്ട ഇടപെടലുകളിലൂടെയും ക്രമക്കേടുകളിലൂടെയും യോഗ്യതയില്ലാത്ത വ്യക്തികൾ ആസൂത്രണ ബോർഡ് പോലുള്ള സുപ്രധാന സ്ഥാപനങ്ങളുടെ ഉയർന്ന തസ്തികകളിൽ എത്തുമ്പോൾ ഉണ്ടാകുന്ന പ്രത്യാഘാതങ്ങൾ അതീവ ഗുരുതരമാണ്. സംസ്ഥാനത്തിന്റെ ഭാവി വികസന നയങ്ങളും സാമ്പത്തിക പദ്ധതികളും രൂപീകരിക്കേണ്ട ഉത്തരവാദിത്തപ്പെട്ട സ്ഥാനങ്ങളിൽ കഴിവില്ലാത്തവർ എത്തുമ്പോൾ അത് ഭരണനിർവ്വഹണത്തിന്റെ നിലവാരം തകർക്കുകയും നാടിന്റെ വികസനത്തെ പിന്നോട്ടടിക്കുകയും ചെയ്യും. അർഹതപ്പെട്ട സമർത്ഥരായ ഉദ്യോഗാർത്ഥികൾ പുറന്തള്ളപ്പെടുകയും, അപാകതകൾ നിറഞ്ഞ നയരൂപീകരണം കാരണം അന്തിമമായി ഇതിന്റെ ദുരിതം സാധാരണക്കാരായ ജനങ്ങൾ അനുഭവിക്കേണ്ടി വരികയും ചെയ്യുന്നു എന്നത് ഭരണസംവിധാനത്തിന് തന്നെ വലിയ ഭീഷണിയാണ്.

കേരള പി.എസ്.സിയിലെ രാഷ്ട്രീയ നിയമനങ്ങളും അഴിമതിയും വലിയ സാമ്പത്തിക ബാധ്യതയ്ക്കും വ്യാപക ക്രമക്കേടുകൾക്കുമാണ് വഴിതുറക്കുന്നതെന്നും ഇത്തരം തുറന്ന അഴിമതികൾ അടിയന്തരമായി പരിഹരിച്ചില്ലെങ്കിൽ വലിയ ദുരന്തങ്ങളാണ് കാത്തിരിക്കുന്നതെന്നും പറയുകയാണ് എഴുത്തുകാരനും ഇൻഫർമേഷൻ ആൻഡ് പബ്ലിക് റിലേഷൻസ് ഡിപ്പാർട്ട്മെന്റ് മുൻ അഡീഷണൽ ഡയറക്ടറും നിലവിൽ ‘പീപ്പിൾ ഫോർ ബെറ്റർ സൊസൈറ്റി’യുടെ പ്രസിഡന്റും കൂടിയായ വി.ആർ. അജിത് കുമാർ.

കേരള പബ്ലിക് സർവീസ് കമ്മീഷന്റെ ഘടനാപരമായ അപാകതകളാണ് ഏറ്റവും പ്രധാനമായി പരിശോധിക്കപ്പെടേണ്ടത്. ചെയർമാനും അംഗങ്ങളുമടക്കം 21 പേരാണ് നിലവിൽ കേരള പി.എസ്.സിയിലുള്ളത്. മഹാരാഷ്ട്ര ഉൾപ്പെടെയുള്ള വലിയ സംസ്ഥാനങ്ങളിൽ കമ്മീഷൻ അംഗങ്ങളുടെ എണ്ണം ആറു മുതൽ പത്തു വരെ മാത്രമായിരിക്കെയാണ് കേരളത്തിലെ ഈ ഉയർന്ന സംഖ്യ. എന്നാൽ, ഇത്രയധികം അംഗങ്ങൾക്ക് ചെയ്യാനുള്ള ജോലിഭാരം പി.എസ്.സിയിൽ ഇല്ലെന്നതാണ് യാഥാർത്ഥ്യം.

രാജ്യത്താകമാനം അയ്യായിരത്തിലധികം സുപ്രധാന നിയമനങ്ങൾ നടത്തുന്ന യു.പി.എസ്.സിയിൽ (UPSC) കേവലം 10 സ്ഥിര അംഗങ്ങൾ മാത്രമാണുള്ളത്. ഗൗരവമേറിയ ക്ലാസ്-1, ക്ലാസ്-2 തസ്തികകളിലേക്കുള്ള നിയമനങ്ങളും അവയുടെ അഭിമുഖങ്ങളും അടക്കം ഇവർ വിജയകരമായി പൂർത്തിയാക്കുന്നു. ഇതിനു വിപരീതമായി, കേരളത്തിലെ പി.എസ്.സി. അംഗങ്ങൾക്ക് മാസം 10 മുതൽ 15 ദിവസത്തിൽ കൂടുതൽ ചെയ്യാനുള്ള ഉത്തരവാദിത്തങ്ങൾ പോലുമില്ല.

ഭരണഘടനാ സ്ഥാപനത്തിന്റെ ഉയർന്ന സ്ഥാനങ്ങളിൽ ഇരിക്കുന്നവരുടെ യോഗ്യത അതീവ നിർണ്ണായകമാണ്. നിയമപ്രകാരം കമ്മീഷൻ അംഗങ്ങളിൽ പകുതി പേരെങ്കിലും 10 വർഷമെങ്കിലും കേന്ദ്ര-സംസ്ഥാന സർവീസുകളിൽ ജോലി ചെയ്തവരായിരിക്കണം. എന്നാൽ ബാക്കി പകുതി പേരെ സർക്കാരിന്റെ ഇഷ്ടാനുസരണം നിയമിക്കാം എന്ന വ്യവസ്ഥ, രാഷ്ട്രീയ സ്വാധീനം ഉപയോഗിച്ച് യോഗ്യതയില്ലാത്തവർ ഇത്തരം തസ്തികകളിലേക്ക് കടന്നുകൂടാൻ കാരണമാകുന്നു. ജനങ്ങളുടെ നികുതിപ്പണത്തിൽ നിന്ന് ശമ്പളവും മറ്റ് ആനുകൂല്യങ്ങളുമടക്കം ഒരു പി.എസ്.സി. അംഗത്തിനായി പ്രതിമാസം ഏകദേശം നാല് ലക്ഷം രൂപയോളമാണ് സർക്കാർ ചെലവഴിക്കുന്നത്. തുറന്ന രാഷ്ട്രീയ ബന്ധങ്ങളോടെയും ആവശ്യത്തിന് യോഗ്യതയില്ലാതെയും എത്തുന്ന ഭൂരിഭാഗം വരുന്ന ഇത്തരം അംഗങ്ങൾ ചേർന്ന് ഉണ്ടാക്കുന്ന അഴിമതി ശൃംഖലയാണ് പരീക്ഷാ നടത്തിപ്പിലും നിയമനങ്ങളിലും വലിയതോതിലുള്ള കൃത്രിമങ്ങൾക്കും അട്ടിമറികൾക്കും വഴിതുറക്കുന്നത്.

പി.എസ്.സി. പരീക്ഷകളിലെ കൃത്രിമങ്ങളെ പ്രധാനമായും രണ്ടായി തരംതിരിക്കാം; എഴുത്തുപരീക്ഷകളിൽ നടത്തുന്ന ക്രമക്കേടുകളും, ഇന്റർവ്യൂകളിൽ കാണിക്കുന്ന വഴിവിട്ട ഇടപെടലുകളും. തങ്ങൾക്ക് താൽപ്പര്യമുള്ളവർക്ക് അനായാസം നിയമനം നൽകാനായി വലിയൊരു അഴിമതി ശൃംഖല തന്നെ ഇവിടെ നിലനിൽക്കുന്നുണ്ട്. അഭിമുഖം നടത്തുന്നവർക്ക് ആ സ്ഥാനത്തിരിക്കാനുള്ള യോഗ്യതയില്ലെന്ന് മാത്രമല്ല, അവർ തിരഞ്ഞെടുക്കുന്നവർക്കും അതിനുള്ള അർഹതയുണ്ടാകുന്നില്ല. ലക്ഷക്കണക്കിന് ഉദ്യോഗാർത്ഥികളുടെ അധ്വാനത്തെയും കഷ്ടപ്പാടിനെയും പൂർണ്ണമായി അവഗണിച്ചുകൊണ്ടാണ് ഈ സംവിധാനം പ്രവർത്തിക്കുന്നത്.

യോഗ്യതയും കഴിവുമുള്ള ഉദ്യോഗാർത്ഥികൾ പുറന്തള്ളപ്പെടുകയും, അർഹതയില്ലാത്തവർ ഉയർന്ന തസ്തികകളിൽ എത്തുകയും ചെയ്യുന്നത് സമൂഹത്തിൽ വലിയ പ്രത്യാഘാതമാണ് ഉണ്ടാക്കുന്നത്. കഠിനാധ്വാനം ചെയ്തിട്ടും അവസരങ്ങൾ നിഷേധിക്കപ്പെടുമ്പോൾ യുവതലമുറ കടുത്ത നിരാശയിലേക്കാണ് കൂപ്പുകുത്തുന്നത്. കേരളത്തിൽ കൂണുപോലെ പൊട്ടിമുളയ്ക്കുന്ന കോച്ചിംഗ് സെന്ററുകളിൽ വൻ തുക ഫീസ് നൽകി പഠിച്ച് പരീക്ഷയെഴുതുന്നവർക്ക് അർഹമായ മാർക്ക് ലഭിക്കാതിരിക്കുകയും, സ്വാധീനമുള്ളവർക്ക് പിൻവാതിലിലൂടെ ഉയർന്ന മാർക്കുകൾ ലഭ്യമാക്കുകയും ചെയ്യുന്ന രീതിയാണ് ഇന്ന് കണ്ടുവരുന്നത്.

ഒരു ബിരുദം സ്വന്തമാക്കിക്കഴിഞ്ഞാൽ സർക്കർ സർവീസിൽ പ്രവേശിക്കുക എന്നതാണ് കേരളത്തിലെ ഭൂരിഭാഗം യുവാക്കളുടെയും സ്വപ്നം. മുൻകാലങ്ങളിൽ അപേക്ഷ സമർപ്പണത്തിനും മറ്റുമായി നേരിട്ട് ഓഫീസുകളെ സമീപിക്കേണ്ടി വന്നിരുന്നതും, പരീക്ഷ നടപടികൾ വർഷങ്ങളോളം നീണ്ടുപോയിരുന്നതും ഉദ്യോഗാർത്ഥികളെ വലച്ചിരുന്നു. പിന്നീട് നിലവിൽ വന്ന വെബ്‌സൈറ്റും ‘വൺ ടൈം രജിസ്‌ട്രേഷനും’ വലിയ ആശ്വാസമായെങ്കിലും, ഒഴിവുകൾ റിപ്പോർട്ട് ചെയ്യാതെ മറച്ചുവെക്കുന്ന തന്ത്രപൂർവ്വമായ സമീപനമാണ് അഴിമതിക്കാർ ഇതിനെ മറികടക്കാൻ സ്വീകരിച്ചത്. ഇത്തരത്തിൽ റിപ്പോർട്ട് ചെയ്യാത്ത ഒഴിവുകളിൽ തങ്ങൾക്ക് താൽപ്പര്യമുള്ളവരെ കരാർ അടിസ്ഥാനത്തിൽ തിരുകിക്കയറ്റുകയും ചെയ്യുന്നു. നിലവിൽ ഈ വിഷയം സംബന്ധിച്ച് അന്വേഷണങ്ങൾ നടക്കുന്നുണ്ടെങ്കിലും, എന്തെല്ലാം വിവരങ്ങളാണ് പുറത്തുവരികയെന്നോ ഭരണതലത്തിൽ കാര്യമായ അഴിച്ചുപണി നടക്കുമോ എന്നോക്കെ കാത്തിരുന്ന് കാണേണ്ടതാണ്. സാങ്കേതികമായി മുന്നേറിയെങ്കിലും ഘടനാപരമായി തികച്ചും ദയനീയമായ അവസ്ഥയിലാണ് നിലവിൽ കമ്മീഷൻ നിലനിൽക്കുന്നത്.

കേരള അഡ്മിനിസ്ട്രേറ്റീവ് പരീക്ഷവന്നപ്പോൾ,മുൻ മുഖ്യമന്ത്രി ഉമ്മൻ ചാണ്ടിയുടെ കാലത്ത് അത് വേണ്ടെന്ന് വച്ചു. പിന്നീട് അധികാരത്തിൽ വന്ന പിണറായി വിജയൻ സർക്കാർ എടുത്ത ശക്തമായ തീരുമാനം ഏറെ പ്രശംസനീയമായിരുന്നു. കെ.എ.എസ്. പരീക്ഷ നടത്തിപ്പും അതിലൂടെയുള്ള നിയമനങ്ങളും തികച്ചും പോസിറ്റീവായ മാറ്റമായാണ് പൊതുസമൂഹം വീക്ഷിച്ചത്. പക്ഷെ, ഈ നീക്കത്തിന് പിന്നാലെ ഉയർന്നു വന്ന അഴിമതികളും ക്രമക്കേടുകളും വലിയ ആഘാതമാണ് സൃഷ്ടിച്ചത്. വിദ്യാഭ്യാസപരമായും സാംസ്‌കാരികപരമായും മുന്നിൽ നിൽക്കുന്ന കേരളം പോലുള്ള ഒരു സംസ്ഥാനത്ത്, രാഷ്ട്രീയ സ്വാധീനം ഉപയോഗിച്ച് ഇത്തരം ഗുരുതരമായ അഴിമതികൾ നടത്താൻ സാധിച്ചു എന്നത് തികച്ചും ആശങ്കാജനകമാണ്.
വിവാദമായ ആസൂത്രണ ബോർഡിലെ വഴിവിട്ട നിയമനങ്ങളിൽ മാത്രം ഒതുങ്ങുന്നതല്ല ഈ വിഷയങ്ങൾ. കഴിഞ്ഞ പത്തു വർഷത്തിനിടയിൽ നടന്ന അഴിമതികളുടെ ഒരു ചെറിയ പകർപ്പ് മാത്രമാണിത്. ഒരു തരത്തിലും വിശ്വസിക്കാൻ സാധിക്കാത്ത വിധം പി.എസ്.സി. ജീർണ്ണാവസ്ഥയിലെത്തി എന്നതിന്റെ വ്യക്തമായ തെളിവുകൂടിയാണിത്.

ഈ അവസ്ഥയ്ക്ക് പരിഹാരം കാണാൻ പി.എസ്.സി. അംഗങ്ങളായി ഏറ്റവും ഉയർന്ന യോഗ്യതയുള്ള വ്യക്തികളെ നിയമിക്കേണ്ടതുണ്ട്. കേന്ദ്ര സർവീസിലെയോ മറ്റ് സംസ്ഥാനങ്ങളിലെയോ മാതൃകയിൽ സിവിൽ സർവീസ്, ജുഡീഷ്യറി, സർവ്വകലാശാല പ്രൊഫസർമാർ തുടങ്ങിയ മേഖലകളിൽ നിന്ന് വിരമിച്ച പ്രഗത്ഭരെ കമ്മീഷൻ അംഗങ്ങളായി നിയമിക്കുന്ന രീതിയിലേക്ക് മാറണം. ആരെയും അംഗമാക്കാം എന്ന രാഷ്ട്രീയ സമീപനം അവസാനിപ്പിക്കേണ്ട സമയം അതിക്രമിച്ചിരിക്കുന്നു. കൂടാതെ, കമ്മീഷന്റെ സെക്രട്ടറിയായി ഒരു മുതിർന്ന ഐ.എ.എസ്. ഉദ്യോഗസ്ഥനെ നിയമിക്കുന്നത് സ്ഥാപനത്തിന്റെ ഭരണപരമായ കാര്യക്ഷമതയും സുതാര്യതയും വർദ്ധിപ്പിക്കും. ഇത്തരം ഘടനാപരമായ മാറ്റങ്ങൾക്കായുള്ള ശക്തമായ ശ്രമങ്ങളാണ് സർക്കാരിന്റെ ഭാഗത്തുനിന്ന് അടിയന്തരമായി ഉണ്ടാകേണ്ടത്.

പി.എസ്.സിയുടെ നിയമന നടപടികൾ വേഗത്തിലാക്കുന്നതിനും അഭിമുഖവും പ്രാക്ടിക്കൽ പരീക്ഷയും ആവശ്യമായ ഉയർന്ന തസ്തികകൾ മാത്രം പി.എസ്.സിയുടെ കീഴിൽ നിലനിർത്തുന്നതാണ് അഭികാമ്യം. ബാക്കിയുള്ള നിയമനങ്ങൾക്കായി സംസ്ഥാനതലത്തിൽ ഒരു സ്റ്റാഫ് സെലക്ഷൻ കമ്മീഷൻ (SSC) രൂപീകരിക്കാവുന്നതാണ്. നിലവിൽ സെക്രട്ടേറിയറ്റ് അസിസ്റ്റന്റ്, പി.എസ്.സി. അസിസ്റ്റന്റ്, അഡ്വക്കേറ്റ് ജനറൽ ഓഫീസ്, ലോക്കൽ ഫണ്ട് ഓഡിറ്റ് തുടങ്ങിയ തസ്തികകൾക്ക് നടത്തുന്നത് പോലെ സമാന യോഗ്യതയുള്ള പരീക്ഷകൾ ഒന്നിച്ചു നടത്തണം. യു.പി.എസ്.സി. മാതൃകയിൽ ഉദ്യോഗാർത്ഥികൾക്ക് വകുപ്പുകൾ തിരഞ്ഞെടുക്കാനുള്ള ഓപ്ഷൻ സംവിധാനം ലഭ്യമാക്കിയാൽ ഉയർന്ന റാങ്കുകാർക്ക് മുൻഗണന അനുസരിച്ചുള്ള ജോലിയും, മറ്റുള്ളവർക്ക് റാങ്കിന്റെ അടിസ്ഥാനത്തിൽ മറ്റ് നിയമനങ്ങളും വേഗത്തിൽ നൽകാനാകും.

ഇതോടൊപ്പം റാങ്ക് ലിസ്റ്റിന്റെ കാലാവധി കൃത്യമായി രണ്ടു വർഷമായി ക്ലിപ്തപ്പെടുത്തുകയും വേണം. ജനുവരിയിൽ പരീക്ഷ നടപടികൾ ആരംഭിച്ച് ഡിസംബറോടെ ലിസ്റ്റ് പ്രസിദ്ധീകരിക്കുന്ന വാർഷിക കലണ്ടർ നടപ്പിലാക്കിയാൽ, ഒരു വർഷം കഴിയുമ്പോൾ അടുത്ത പരീക്ഷയ്ക്കുള്ള പ്രവർത്തനങ്ങൾ തുടങ്ങാൻ സാധിക്കും. ഓരോ വർഷവും ഉണ്ടാകുന്ന ഒഴിവുകളിലേക്ക് മാത്രം പരീക്ഷ നടത്തുന്നതിലൂടെ പുതിയതായി പഠിച്ചിറങ്ങുന്നവർക്കും കൃത്യമായി അവസരം ലഭിക്കും. ഒഴിവുകൾ കൃത്യമായി റിപ്പോർട്ട് ചെയ്യാത്ത വകുപ്പ് മേധാവികൾക്കെതിരെ കർശന നടപടി സ്വീകരിക്കുകയും വേണം.

സ്റ്റാഫ് സെലക്ഷൻ കമ്മീഷന്റെ പ്രസക്തി

ലാസ്റ്റ് ഗ്രേഡ് സർവീസ്, പത്താം ക്ലാസ്, പ്ലസ് ടു, ബിരുദം എന്നിവ അടിസ്ഥാന യോഗ്യതയായുള്ള പരീക്ഷകൾ സ്റ്റാഫ് സെലക്ഷൻ കമ്മീഷനെയോ പി.എസ്.സിയുടെ സബ്സിഡിയറി സ്ഥാപനത്തെയോ ഏൽപ്പിച്ചാൽ ജില്ലാതല നിയമനങ്ങൾ ഉൾപ്പെടെ ഒറ്റ പരീക്ഷയിലൂടെ പൂർത്തിയാക്കാൻ സാധിക്കും. മികച്ച സാങ്കേതികവിദ്യ പ്രയോജനപ്പെടുത്തി കുറഞ്ഞ ജീവനക്കാരെ വച്ച് ഇത്തരം സ്ഥാപനങ്ങൾ കാര്യക്ഷമമായി പ്രവർത്തിപ്പിക്കാം. ഇന്റർവ്യൂകൾ ഇല്ലാത്ത പരീക്ഷകളായതിനാൽ കമ്മീഷനിൽ അധിക അംഗങ്ങളെ നിയമിക്കേണ്ട സാമ്പത്തിക ബാധ്യത ഒഴിവാക്കാനും ഇതിലൂടെ സാധിക്കും.

പരീക്ഷകളില്‍ ക്രിത്രിമം കാണിക്കുക എന്ന് പറയുമ്പോള്‍ അത് രണ്ട് തരത്തിലുണ്ട്. ഒന്ന് എഴുത്ത് പരീക്ഷകളില്‍ കാണിക്കുന്ന ക്രമക്കേട് മറ്റൊന്ന് ഇന്റര്‍വ്യൂകളില്‍ കാണിക്കുന്ന ക്രമക്കേട്. ഇത്തരില്‍ വലിയ ക്രമക്കേടുകള്‍ കാണിച്ച് അവര്‍ക്ക് ഇഷ്ടമുള്ള ആളുകള്‍ക്ക് നിയമനം നല്‍കാനുള്ള വലിയ സംവിധാനം ഉണ്ടാക്കിയിരിക്കുകയാണ്. ഇതുണ്ടാക്കുന്ന അപകടം വളരെ വലുതാണ്. യഥാർത്ഥത്തിൽ ഇന്റര്‍വ്യുകള്‍ നടത്തുന്നവര്‍ക്ക് ആസ്ഥാനത്തിരിക്കാനുള്ള യോഗ്യതയില്ല അവര്‍ തെരഞ്ഞെടുക്കുന്നവര്‍ക്കും അതില്ല. ഈ സംവിധാനം വളരെ അധപതിച്ച് കിടക്കുകയാണ്. ലക്ഷക്കണക്കിന് ഉദ്യോഗാര്‍ത്ഥികളുടെ അധ്വാനത്തിനും കഷ്ചപ്പാടിനും യാതൊരു വിലയും കല്‍പ്പിക്കാതെയുള്ള പ്രവര്‍ത്തനങ്ങളാണ് ഇവരുടെ ഭാഗത്ത് നിന്ന് ഉണ്ടാകുന്നത്. കഴിവുള്ള ഉദ്യോഗാര്‍ത്ഥികള്‍ക്ക് അവസരം ലഭിക്കാതെ പോവുകയും ഇല്ലാത്തവര്‍ അര്‍ഹതയില്ലാത്ത സ്ഥാനങ്ങളിലേയ്ക്ക് എത്തുകയും ചെയ്യും. കഴിവുണ്ടായിട്ടും കഷ്ടപ്പെട്ടിട്ടും അര്‍ഹതപെട്ട അവസരം ലഭിക്കാതെ പോകുമ്പോള്‍ നിരാശയുടെ പടുകുഴിയിലേക്കാണ് യുവതീയുവാക്കള്‍ കൂപ്പുകുത്തുന്നത്. കൂണ് പോലെയാണ് കേരളത്തില്‍ പിഎസ്സി കോച്ചിങ്ങ് സെന്ററുകള്‍ പൊട്ടിമുളക്കുന്നത് ഇത്തരം സംവിധാനങ്ങള്‍ ഉപയോഗിച്ചും അല്ലാതെയും ലക്ഷക്കണക്കിന് ഉദ്യോഗാര്‍ത്ഥികള്‍ ഫീസ് കൊടുത്ത് പഠിച്ച് പരീക്ഷയെഴുതുമ്പോള്‍ അവര്‍ക്ക് യഥാർത്ഥത്തിൽ കിട്ടേണ്ട മാര്‍ക്ക് കിട്ടാതിരിക്കുകയും പിന്‍വാതിലുകളിലൂടെ എത്തിക്കുന്നവര്‍ക്ക് അത് ലഭ്യമാക്കുകയും ചെയ്യുന്ന അഴിമതി നിറഞ്ഞ സംവിധാനമാണ് ഇന്നുള്ളത്. ഇത് നമ്മുടെ സമൂഹത്തെ നശിപ്പിച്ചുകൊണ്ടിരിക്കുകയാണ്. പക്ഷെ ഇത് കണ്ടെത്താന്‍ വളരെ വൈകി എന്നതാണ് സത്യം.

നിലവില്‍ ഈ വിഷയങ്ങളെ സംബന്ധിച്ച് അന്വേഷണങ്ങള്‍ നടക്കുന്നുണ്ട്. അന്വേഷണത്തില്‍ എന്തെല്ലാം തരത്തിലുള്ളകാര്യങ്ങളാണ് പുറത്ത് വരിക എന്നോ, കാര്യമായ നടപടിയുണ്ടാകുമോ മാറ്റങ്ങള്‍ സംഭവിക്കുമോ എന്നെല്ലാം കണ്ടറിയണം. വളരെ ദയനീയമായ അവസ്ഥയിലാണ് പിഎസ്സിപ്പോള്‍ നില്‍ക്കുന്നത്. ഒരു ബിരുധമെടുത്ത് കഴിഞ്ഞാല്‍ കേരളത്തിലെ യുവാക്കള്‍ ഏറ്റവും കൂടുതല്‍ ചിന്തിക്കുന്നത് എങ്ങനെ സര്‍ക്കാര്‍ സര്‍വീസിലെത്താം എന്നാണ്. മുന്‍കാലങ്ങളിലുണ്ടായിരുന്ന പ്രധാന പ്രശ്നം എല്ലാകാര്യങ്ങള്‍ക്കും ഉദ്യോഗാര്‍ത്ഥികള്‍ ഓഫീസുകളില്‍ നേരിട്ട് ബന്ധപ്പെടേണ്ട അവസ്ഥയുണ്ടായിരുന്നു. വര്‍ഷങ്ങളെടുത്താണ് പല പരീക്ഷകളും നടത്തിയിരുന്നത്,അത്രയും മെല്ലെപ്പോക്ക് സമീപനമായിരുന്നു പിന്നീട് വെബ്‌സൈറ്റും വണ്‍ടൈം രജിസ്‌ട്രേഷനും വന്നത് വലിയ ആശ്വാസമായി. പക്ഷെ വേക്കെന്‍സികള്‍ റിപ്പോര്‍ട്ട് ചെയ്യാത്ത തന്ത്രപൂര്‍വ്വമായ സമീപനമാണ് അഴിമതിക്കാര്‍ നടത്തിയത്. ഈ ഒഴിവുള്ള പോസ്റ്റുകളില്‍ ഇവര്‍ക്ക് താല്‍പര്യമുള്ളവരെ കരാര്‍ അടിസ്ഥാനത്തില്‍ നിയമിക്കുകയും ചെയ്യുന്ന അവസ്ഥയുണ്ടായിരുന്നു.

കേരള അഡ്മിനിസ്ട്രേറ്റീവ് പരീക്ഷവന്നപ്പോള്‍, മുന്‍ മുഖ്യമന്ത്രി ഉമ്മന്‍ ചാണ്ടി അത് വേണ്ടെന്ന് വച്ചു. പക്ഷെ പിണറായി വിജയന്‍ സര്‍ക്കാര്‍ അധികാരത്തില്‍ വന്നപ്പോള്‍ വളരെ ശക്തമായി തീരുമാനമെടുത്ത് അഡ്മിനിസ്ട്രേറ്റീവ് സര്‍വീയിലേക്ക് ആളുകളെ നിയമിക്കാന്‍ തീരുമാനിക്കുകയും പരീക്ഷനടത്തുകയും ചെയ്തു നിയമനങ്ങള്‍ നടത്തുകയും ചെയ്തു തീര്‍ത്തും പോസിറ്റീവായ സമീപനമായാണ് ഈ നീക്കത്തെ കണ്ടിരുന്നത് എന്നാല്‍ പിന്നീട് ക്രമക്കേടുകളും അഴിമതിയും കണ്ടെത്തിയത് വലിയ ആഘാതമായിരുന്നു. മറ്റ് സംസ്ഥാനങ്ങളില്‍ നിന്ന് വ്യത്യസ്ഥമായി വിദ്യാഭ്യാസപരമായും സാംസ്‌കാരികപരമായും ഒരുപാട് മുന്നിട്ട് നില്‍ക്കുന്ന കേരളം പോലെ ഒരു സംസ്ഥാനത്ത് രാഷ്ട്രീയപരമായ ബന്ധങ്ങള്‍ ഉപയോഗിച്ച് ഗുരുതരമായ അഴിമതി നടത്താന്‍ കഴിഞ്ഞുവെന്നത് ആശങ്കാജനകമാണ്. നിലവിലെ വിവാദമായ ആസൂത്രണബോര്‍ഡിലെ വഴിവിട്ട നിയമനങ്ങളില്‍ ഒന്നും ഒതുങ്ങുന്നതല്ല ഈ പ്രശ്നങ്ങള്‍. കഴിഞ്ഞ പത്തുവര്‍ഷത്തില്‍ നടത്തിയ എല്ലാ അഴിമതികളുടെയും വെറും തുടക്കം മാത്രമാണിതെല്ലാം. ഒരു തുത്തിലും വിശ്വസിക്കാന്‍ പറ്റാത്ത തരത്തില്‍ പിഎസ്സി ജീര്‍ണിച്ചു എന്നേ പറയാന്‍ സാധിക്കു.

പിഎസ്സിയുടെ മെമ്പര്‍മാരായി ഏറ്റവും യോഗ്യതയുള്ള വ്യക്തികള്‍ എത്തേണ്ടിയിരിക്കുന്നു. കേന്ദ്ര സര്‍ക്കാരിലൊല്ലാമുള്ളത് പോലെ, സിവില്‍ സര്‍വീസ്, ജുഡീഷ്യല്‍, കോളേജ് പ്രൊഫസര്‍മാര്‍ തുടങ്ങിയ തസ്ഥികകളില്‍ നിന്ന് വിരമിച്ചവരെ പിഎസ്സി മെമ്പര്‍മാരാക്കുന്ന രീതിയിലേക്ക് മാറണം. ആരേയും പി എസ് സി അഗം ആക്കാം എന്ന സമീപനത്തിന് മാറ്റം വരുത്തണം. കമ്മീഷന്റെ സെക്രട്ടറിയായി ഒരു ഐഎഎസ് ഉദ്യോഗസ്ഥന്‍ വരികയും വേണം. ഇങ്ങനെയാകുമ്പോള്‍ ഭരണപരമായ കാര്യക്ഷമത വര്‍ദ്ധിക്കും. ഇതിനുള്ള ശ്രമമാണ് സര്‍ക്കാരിന്റെ ഭാഗത്ത് നിന്ന് ഉണ്ടാകേണ്ടത്.

ഇന്റര്‍വ്യൂവും പ്രാക്ടിക്കല്‍ പരീക്ഷയും ആവശ്യമായ നിയമനങ്ങള്‍ മാത്രം പിഎസ് സിയില്‍ നിലനിര്‍ത്തി ബാക്കി നിയമനങ്ങള്‍ക്കായി സംസ്ഥാന സ്റ്റാഫ് സെലക്ഷന്‍ കമ്മീഷന്‍ രൂപീകരിക്കുക എന്നത് ഒരു നല്ല മാര്‍ഗമാണ്. സമാന യോഗ്യതയുള്ള പരീക്ഷകള്‍ ഒന്നിച്ച് നടത്തുക. ഇപ്പോള്‍ സെക്രട്ടേറിയറ്റ് അസിസ്റ്റന്റ്,പിഎസ് സി അസിസ്റ്റന്റ്, അഡ്വക്കേറ്റ് ജനറല്‍ ഓഫീസ് ,ലോക്കല്‍ ഫണ്ട് ഓഡിറ്റ് എന്നിവയ്ക്ക് പൊതു പരീക്ഷ നടത്തുന്ന രീതി മറ്റു നിയമനങ്ങള്‍ക്കും അവലംബിക്കാവുന്നതാണ്. യുപിഎസ് സി സിവില്‍ സര്‍വ്വീസ് പരീക്ഷയ്ക്ക് ചെയ്യുന്ന പോലെ ഉദ്യോഗാര്‍ത്ഥിക്ക് ഓപ്ഷന്‍ നല്‍കാന്‍ സംവിധാനം കൊണ്ടുവരാവുന്നതാണ്. ഉയര്‍ന്ന റാങ്കുകാര്‍ക്ക് അവരുടെ താത്പ്പര്യത്തിനനുസരിച്ച ജോലിയും മറ്റുള്ളവര്‍ക്ക് റാങ്കിനെ ബേസ് ചെയ്ത് മറ്റു ജോലികളും ലഭിക്കും. ഒപ്പം ലിസ്റ്റിന്റെ കാലാവധി രണ്ടുവര്‍ഷം എന്നു നിജപ്പെടുത്താവുന്നതാണ്. ജനുവരിയില്‍ ആരംഭിച്ച് ഡിസംബറോടെ മുഴുവന്‍ പ്രോസസും പൂര്‍ത്തിയാക്കി ലിസ്റ്റ് പ്രസിദ്ധീകരിച്ചു കഴിഞ്ഞാല്‍ ഒരു വര്‍ഷം കഴിയുമ്പോള്‍ അടുത്ത പരീക്ഷയ്ക്കുള്ള പ്രവര്‍ത്തനങ്ങള്‍ ആരംഭിക്കാനും കഴിയും. ഓരോ വര്‍ഷവും ഉണ്ടാകുന്ന വേക്കന്‍സിക്ക് വേണ്ടിയാകണം പരീക്ഷ, ഇതിലൂടെ പുതുതായി പാസാകുന്നവര്‍ക്കും അവസരം ലഭിക്കും. വേക്കന്‍സി കൃത്യമായി റിപ്പോര്‍ട്ട് ചെയ്യാത്ത വകുപ്പു മേധാവികള്‍ക്ക് മേല്‍ നടപടിയുണ്ടാകണം.

സ്റ്റാഫ് സെലക്ഷന്‍ കമ്മീഷന്‍

ലാസ്റ്റ് ഗ്രേഡ് സര്‍വ്വീസ്, പത്ത് പാസ് അടിസ്ഥാന യോഗ്യതയുള്ള പരീക്ഷ, പ്ലസ് 2 അടിസ്ഥാന യോഗ്യതയുള്ള പരീക്ഷ, ഡിഗ്രി അടിസ്ഥാന യോഗ്യതയുള്ള പരീക്ഷ എന്നിവ സ്റ്റാഫ് സെലക്ഷന്‍ കമ്മീഷന്‍ രൂപീകരിച്ച് ആ സ്ഥാപനത്തെ ഏല്‍പ്പിക്കുകയോ പി.എസ്.സിയുടെ ഒരു സബ്സിഡിയറി സ്ഥാപനം രൂപപ്പെടുകയോ ചെയ്യുന്നത് വഴി, ജില്ലാതല നിയമനം ഉള്‍പ്പെടെ ഇതോടെ ഒറ്റ പരീക്ഷയില്‍ തീര്‍ക്കാവുന്നതാണ്. കുറഞ്ഞ അളവില്‍ ജീവനക്കാരെ നിയമ്ച്ച് മികച്ച സാങ്കേതിക വിദ്യ ഉപയോഗിച്ച് സ്റ്റാഫ് സെലക്ഷന്‍ കമ്മീഷനെ പ്രവര്‍ത്തിപ്പിക്കാവുന്നതാണ്. ഇന്റര്‍വ്യൂ ഇല്ല എന്നതിനാല്‍ അധികമായി കമ്മീഷനില്‍ മെമ്പറന്മാരെ നിയമിക്കുന്നതും ഒഴിവാക്കാം.

‘PSC is rife with corruption’; What will be the future of the younger generation?