കമലാ ഹാരിസിന് പിന്തുണ പ്രഖ്യാപിച്ച് ടെയ്‌ലർ സ്വിഫ്റ്റ്. യുഎസ് പ്രസിഡൻഷ്യൽ ഡിബേറ്റിന് തൊട്ടുപിന്നാലെ ടെയ്‌ലർ സ്വിഫ്റ്റ് പങ്കിട്ട ഒരു ഇൻസ്റ്റാഗ്രാം പോസ്റ്റിൽ, ‘ ഡെമോക്രാറ്റിക് സ്ഥാനാർത്ഥി കമല ഹാരിസ് അവകാശങ്ങൾക്ക് വേണ്ടി പോരാടുന്ന ‘ യോദ്ധാവ് ‘ ആയിരിക്കുമെന്ന് എന്നാണ് കുറിച്ചത്. taylor swift endorses kamala
‘ ഒരു വോട്ടർ എന്ന നിലയിൽ, എനിക്ക് കഴിയുന്നതെല്ലാം കാണാനും വായിക്കാനും ഞാൻ ശ്രദ്ധിക്കുന്നുണ്ട്. 2024 ലെ പ്രസിഡൻ്റ് തെരഞ്ഞെടുപ്പിൽ ഞാൻ കമല ഹാരിസിനും ടിം വാൾസിനും വോട്ട് ചെയ്യും.’ എന്നാണ് സെപ്റ്റംബർ 10 ചൊവ്വാഴ്ച ടെയ്‌ലർ സ്വിഫ്റ്റ് തന്റെ ഫോളോവേഴ്‌സിന് വേണ്ടി ഇൻസ്റ്റാഗ്രാമിൽ കുറിച്ചു.
‘ കമല ഹാരിസ് ശാന്തതയും കഴിവും ഒത്തിണങ്ങിയ ഒരു നേതാവാണെന്നാണ് ഞാൻ കരുതുന്നത്. അരാജകത്വത്തിന് പകരം ശാന്തതയാൽ നയിക്കപ്പെടുകയാണെങ്കിൽ നമുക്ക് കൂടുതൽ നേട്ടങ്ങൾ കൈവരിക്കാൻ കഴിയുമെന്ന് ഞാൻ വിശ്വസിക്കുന്നു. ‘ എന്നു കുറിച്ച് കൊണ്ട് തന്റെ പാത പിന്തുടർന്ന് വോട്ട് രേഖപ്പെടുത്താൻ ടെയ്‌ലർ സ്വിഫ്റ്റ് തൻ്റെ ആരാധകരെ പ്രോത്സാഹിപ്പിക്കുകയും ചെയ്തു.
ആഗസ്റ്റിൽ, ടെയ്‌ലർ സ്വിഫ്റ്റും ആരാധകരും തന്നെ പിന്തുണയ്ക്കുന്നുവെന്ന് സൂചിപ്പിച്ച് ട്രംപ് തൻ്റെ സോഷ്യൽ മീഡിയയിൽ വ്യാജ ചിത്രങ്ങൾ പോസ്റ്റ് ചെയ്തിരുന്നു. അദ്ദേഹം എഡിറ്റ് ചെയ്ത ചിത്രങ്ങൾ പോസ്റ്റ് ചെയ്താണ് എന്ന് ടെയ്‌ലർ സ്വിഫ്റ്റ് വ്യക്തമാക്കി.
ഏകദേശം രണ്ട് പതിറ്റാണ്ടുകളായി, ടെയ്‌ലർ സ്വിഫ്റ്റ് രാഷ്ട്രീയ വിഷയങ്ങളിൽ അഭിപ്രായം പറയുന്നതിൽ നിന്ന് ഒഴിഞ്ഞുനിൽക്കുകയായിരുന്നു. എങ്കിലും, 2018 ൽ, ടെന്നസിയിൽ നിന്നുള്ള രണ്ട് ഡെമോക്രാറ്റിക് സ്ഥാനാർത്ഥികൾക്ക് അവർ പിന്തുണ അറിയിച്ചുകൊണ്ട് രംഗത്തെത്തിയിരുന്നു. അതിനുശേഷം, ഇപ്പോഴാണ് ടെയ്‌ലർ സ്വിഫ്റ്റ് ഡെമോക്രാറ്റിക് നയങ്ങൾക്കായി പരസ്യമായി വാദിക്കുന്നത്. ഡൊണാൾഡ് ട്രംപിൻ്റെ നയങ്ങളെ രൂക്ഷമായി വിമർശിക്കുന്ന വ്യക്തി കൂടിയാണ് ടെയ്‌ലർ സ്വിഫ്റ്റ്.
ടെയ്‌ലർ സ്വിഫ്റ്റിൻ്റെ ആരാധകരിൽ ചിലർ കമലാ ഹാരിസിനെ പരസ്യമായി പിന്തുണച്ച് എത്തിയിട്ടുണ്ട്. ‘ സ്വിഫ്റ്റിസ് ഫോർ കമല കൊളിഷൻ ‘ എന്ന വെർച്വൽ ഇവൻ്റിൽ കമലാ ഹാരിസിനായി 138,000 ഡോളർ ( 1,15,88,812.20 രൂപ ) സമാഹരിക്കുകയും ചെയ്തു. റാലിയിൽ കരോൾ കിംഗ്, സെനറ്റർമാരായ എലിസബത്ത് വാറൻ, കിർസ്റ്റൺ ഗില്ലിബ്രാൻഡ് എന്നിവരും പങ്കെടുത്തിരുന്നു.
ടെയ്‌ലർ സ്വിഫ്റ്റ് ഒരു ജനപ്രിയവ്യക്തിയാണ് പ്രത്യേകിച്ച് ഡെമോക്രാറ്റുകൾക്കിടയിൽ. 2023 ഒക്‌ടോബറിലെ ഫോക്‌സ് ന്യൂസ് വോട്ടെടുപ്പിൽ 68% ഡെമോക്രാറ്റുകൾ ഉൾപ്പെടെ 55% വോട്ടർമാർ സ്വിഫ്റ്റിന് അനുകൂലമായ കാഴ്ചപ്പാടുണ്ടെന്ന് അഭിപ്രായപ്പെട്ടതായി കണ്ടെത്തിയിട്ടുണ്ട്. റിപ്പബ്ലിക്കൻമാരിൽ, 43% പേർക്ക് അനുകൂലമായ അഭിപ്രായവും 45% പ്രതികൂലമായ അഭിപ്രായവുമുണ്ടായിരുന്നു.
‘ സ്വിഫ്റ്റിൻ്റെ അംഗീകാരം തെരഞ്ഞെടുപ്പിൽ സ്വാധീനം ചെലുത്തും, കാരണം ഇത് യുവ ജെൻ ഇസഡ് ആരാധകരെ വോട്ടുചെയ്യാൻ പ്രോത്സാഹിപ്പിച്ചേക്കാം ‘ എന്ന് വിർജീനിയ ടെക്കിലെ പബ്ലിക് റിലേഷൻസ് പ്രൊഫസറായ കെയ്‌സ് മിയേഴ്സ് പറഞ്ഞു. സെലിബ്രിറ്റികളുടെ അംഗീകാരങ്ങൾ അർത്ഥവത്തായ ജനപങ്കാളിത്തമായി പരിവർത്തനപ്പെടണം എന്നില്ലെങ്കിലും, സ്വിഫ്റ്റിൻ്റെ അംഗീകാരം പ്രത്യേകിച്ച് വലിയൊരു ആരാധകവൃന്ദത്തെ കമലക്ക് അനുകൂലമായി വോട്ട് ചെയ്യാൻ പ്രേരിപ്പിക്കുമെന്നും കെയ്‌സ് മിയേഴ്സ് കൂട്ടിച്ചേർത്തു.
content summary; Taylor Swift endorses Kamala Harris for president in post k k k k k k k k k k k k k k k k k k k k k k k k k k k k k k k k k k k k k k
ലോക ടെസ്റ്റ് ചാമ്പ്യൻഷിപ്പിൽ ഇന്ത്യയും ഓസ്ട്രേലിയയും നേർക്കുനേർ വരുമോ?
ജസ്റ്റിസ് ചന്ദ്രചൂഢിനെ ഇന്ത്യ എത്രയും പെട്ടന്ന് വിസ്മരിക്കട്ടേ എന്ന് ദുഷ്യന്ത് ദവേ പറയുന്നത് എന്തുകൊണ്ട്?
വേലുപ്പിള്ള പ്രഭാകരന്; വെല്വെറ്റിത്തുറയില് ആരംഭിച്ച് നന്ദിക്കടലില് അവസാനിച്ച ഭീകരത
മാടമ്പള്ളിയിലെ മനോരോഗി ഡോ. ജയതിലക് എന്ന് പ്രശാന്ത്; കേരളത്തില് ഉദ്യോഗസ്ഥരുടെ വിഴുപ്പലക്കല് സോഷ്യല് മീഡിയയില്
മുനമ്പം തര്ക്കഭൂമി: നിയമപരവും മതപരവും സാമൂഹികവുമായ സങ്കീര്ണതകള്