ഇറാന് അവരുടെ മിസൈല് ശേഖരം സംരക്ഷിക്കാന് പതിറ്റാണ്ടുകളുടെ കഠിനാധ്വാനം കൊണ്ടു നിര്മ്മിച്ച ഭൂഗര്ഭ ബങ്കറുകളുണ്ട്. ‘മിസൈല് നഗരങ്ങള്’ എന്നാണ് അവ അറിയപ്പെട്ടിരുന്നത്. ഏറ്റവും സുരക്ഷിതം എന്നായിരുന്നു അവര് കരുതിയിരുന്നത്. എന്നാല് ആ വിശ്വാസം തെറ്റായിരുന്നു!
യുഎസും ഇസ്രയേലുമായി നേരിട്ടുള്ള യുദ്ധം തുടങ്ങി ഒരാഴ്ച തികയും മുന്പേയാണ് ഇറാന്റെ മിസൈല് നഗരങ്ങള് വലിയ പരാജയമായി മാറുന്നുവെന്ന റിപ്പോര്ട്ടുകള് വരുന്നത്. മിസൈലുകളെ ശത്രുക്കളില് നിന്ന് ഒളിപ്പിച്ചുവെക്കാനുള്ള ഇറാന്റെ തന്ത്രം ഇപ്പോള് അവര്ക്ക് തന്നെ തിരിച്ചടിയായിരിക്കുകയാണെന്നാണ് ആ റിപ്പോര്ട്ടുകള് പറയുന്നത്. ഇറാന്റെ ഡസന് കണക്കിന് ഭൂഗര്ഭ മിസൈല് കേന്ദ്രങ്ങള്ക്ക് മുകളില് യുഎസിന്റെയും ഇസ്രയേലിന്റെയും യുദ്ധവിമാനങ്ങളും സായുധ ഡ്രോണുകളും നിരന്തരം നിരീക്ഷണം നടത്തുകയാണ്. ഈ ഭൂഗര്ഭ തുരങ്കങ്ങളില് നിന്ന് മിസൈലുകള് വിക്ഷേപിക്കാനായി വിക്ഷേപിണികള് പുറത്തെടുക്കുന്ന നിമിഷം തന്നെ അവയെ ആകാശത്ത് വെച്ച് തകര്ക്കുന്ന തന്ത്രമാണ് സഖ്യകക്ഷികള് പയറ്റുന്നത്.
കൂടാതെ, യുഎസ് പടക്കപ്പലുകളില് നിന്നും വിമാനങ്ങളില് നിന്നും തൊടുത്തുവിടുന്ന അതിശക്തമായ ‘ബങ്കര് ബസ്റ്റര്’ ബോംബുകള് ഉപയോഗിച്ച് ഈ ഭൂഗര്ഭ കേന്ദ്രങ്ങളുടെ പ്രവേശന കവാടങ്ങള് തകര്ക്കുന്നതായും വിവരമുണ്ട്. ഇതുമൂലം മിസൈലുകള് പുറത്തെത്തിക്കാന് കഴിയാത്തവിധം മണ്ണിനടിയില് തന്നെ കുടുങ്ങി കിടക്കുന്ന അവസ്ഥയാണിപ്പോള്. ഷിറാസ്, ഇസ്ഫഹാന്, കെര്മാന്ഷാ തുടങ്ങിയ നഗരങ്ങള്ക്ക് സമീപമുള്ള മിസൈല് കേന്ദ്രങ്ങള്ക്ക് നേരെ നടന്ന ആക്രമണങ്ങളുടെ ഉപഗ്രഹ ചിത്രങ്ങള് ഇറാന് നേരിടുന്ന ഗതികേടിന്റെ ആഴം വ്യക്തമാക്കുന്നുണ്ട്. യുദ്ധം തുടങ്ങിയ ശനിയാഴ്ച മുതല് ഏകദേശം 500-ലധികം മിസൈലുകള് ഇസ്രയേലിനും യുഎസ് താവളങ്ങള്ക്കും നേരെ ഇറാന് തൊടുത്തുവിട്ടെങ്കിലും, അവയില് ഭൂരിഭാഗവും പ്രതിരോധ സംവിധാനങ്ങള് ഉപയോഗിച്ച് തകര്ക്കപ്പെട്ടു. കഴിഞ്ഞ നാല് ദിവസത്തിനിടെ ഇറാന്റെ മിസൈല് വിക്ഷേപണ ശേഷിയില് 86 ശതമാനത്തിന്റെ കുറവുണ്ടായിട്ടുണ്ടെന്നാണ് യുഎസ് സെന്ട്രല് കമാന്ഡ് പറയുന്നത്.
മൊബൈല് ലോഞ്ചറുകള് ഉപയോഗിച്ച് മിസൈലുകള് എവിടെനിന്നും വിക്ഷേപിക്കാം എന്നതായിരുന്നു ഇറാന്റെ മുന്പത്തെ കരുത്ത്. എന്നാല് അവയെ ഭൂഗര്ഭ കേന്ദ്രങ്ങളില് കേന്ദ്രീകരിച്ചതോടെ ശത്രുക്കള്ക്ക് ലക്ഷ്യം വയ്ക്കാന് എളുപ്പമായി എന്നാണ് വിദഗ്ധര് ചൂണ്ടിക്കാട്ടുന്നത്. ഇറാന്റെ വ്യോമ പ്രതിരോധ സംവിധാനങ്ങള് വലിയ തോതില് നിര്വീര്യമാക്കപ്പെട്ടതോടെ, യുഎസ് വിമാനങ്ങള് അവരുടെ മിസൈല് താവളങ്ങള്ക്ക് മുകളില് വട്ടമിട്ട് പറന്ന് ഓരോ നീക്കവും നിരീക്ഷിക്കുകയാണിപ്പോള്. ഷിറാസിലെ ഒരു മിസൈല് കേന്ദ്രത്തിന് സമീപം വിക്ഷേപണത്തിന് തൊട്ടുമുന്പ് തകര്ക്കപ്പെട്ട ലോഞ്ചറില് നിന്ന് നൈട്രിക് ആസിഡ് ഇന്ധനം ചോരുന്നത് ഉപഗ്രഹ ചിത്രങ്ങളില് വ്യക്തമാണ്. തബ്രീസിന് വടക്കുള്ള മറ്റൊരു പ്രധാന മിസൈല് കേന്ദ്രത്തിന്റെ പ്രവേശന കവാടം ബോംബാക്രമണത്തില് പൂര്ണ്ണമായും തകര്ന്നു കിടക്കുന്നതായും റിപ്പോര്ട്ടുകള് പറയുന്നു.
ഭൂഗര്ഭ താവളങ്ങളെ നേരിട്ട് തകര്ക്കുന്നതിനേക്കാള്, അവയുടെ പ്രവേശന കവാടങ്ങളും മുകളിലുള്ള കെട്ടിടങ്ങളും റോഡുകളും നശിപ്പിച്ച് താവളങ്ങളുടെ പ്രവര്ത്തനം തടസ്സപ്പെടുത്തുന്ന രീതിയാണ് ഇപ്പോള് യുഎസും ഇസ്രയേലും പിന്തുടരുന്നത്. ഇറാന്റെ പക്കല് ഇനിയും ആയിരക്കണക്കിന് മിസൈലുകള് ഉണ്ടെങ്കിലും അവ പുറത്തെടുക്കാനോ പ്രയോഗിക്കാനോ കഴിയാത്ത അവസ്ഥയിലേക്ക് കാര്യങ്ങള് നീങ്ങുകയാണ്. മിസൈലുകള് വിക്ഷേപിക്കാന് ഇറാന് നിര്മ്മിച്ച ഭൂഗര്ഭ സൈലോകള് പോലും സാങ്കേതികമായ പരിമിതികള് കാരണം ഫലപ്രദമാകുന്നില്ല. ഇറാന്റെ ദീര്ഘകാലത്തെ യുദ്ധതന്ത്രങ്ങള് ആധുനിക വ്യോമാക്രമണങ്ങള്ക്ക് മുന്നില് പതറുന്ന കാഴ്ചയാണ് യുദ്ധഭൂമിയില് നിന്ന് പുറത്തുവരുന്നത്.
Content Summary: Us-Israel war; Iran’s Underground Missile Cities is beginning to look like a blunder,reports say
This post was last modified on March 5, 2026 1:24 pm
Leave a Comment