ദക്ഷിണ കൊറിയയില് സുരക്ഷാ മതിലിൽ ഇടിച്ചുണ്ടായ വിമാനാപകടത്തില് വിമാനത്തിലുണ്ടായിരുന്ന 179 പേര് കൊല്ലപ്പെട്ടതായി റിപ്പോര്ട്ട്. രണ്ടു പേരെ മാത്രമാണ് ജീവനോടെ രക്ഷപ്പെടുത്താന് സാധിച്ചതെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. അപകടത്തിന് പിന്നാലെ മുവാന് വിമാനത്താവളത്തിലെ എല്ലാ വിമാന സര്വീസുകളും താത്ക്കാലികമായി നിര്ത്തിവെച്ചിട്ടുണ്ട്.plane crash
ബാങ്കോക്കില് നിന്ന് 181 പേരുമായി സഞ്ചരിച്ച ജെജു എയര് വിമാനമാണ് ദക്ഷിണ കൊറിയയിലെ മുവാന് രാജ്യാന്തര വിമാനത്താവളത്തില് ലാന്ഡിങ്ങിനിടെ അപകടത്തില്പ്പെട്ടത്. അപകടത്തില്പ്പെട്ട വിമാനത്തിന്റെ ചിത്രങ്ങള് പ്രാദേശിക മാധ്യമങ്ങള് പങ്കുവെച്ചിട്ടുണ്ട്. പ്രാദേശിക സമയം രാവിലെ 09.07-ഓടെയായിരുന്നു അപകടം.
തായ്ലന്ഡിലെ ബാങ്കോക്കില് നിന്ന് പുറപ്പെട്ട വിമാനം തെക്കുപടിഞ്ഞാറന് തീരദേശ വിമാനത്താവളമായ മുവാനില് ലാന്ഡ് ചെയ്യാന് ശ്രമിക്കുന്നതിനിടെയായിരുന്നു അപകടം. റണ്വേയില് നിന്ന് തെന്നിമാറിയ വിമാനം സുരക്ഷാവേലിയില് ഇടിച്ച് കത്തിയമരുകയായിരുന്നു. വിമാനത്തിലെ 175 യാത്രക്കാരില് 173 പേര് ദക്ഷിണ കൊറിയന് പൗരന്മാരും രണ്ടുപേര് തായ്ലൻഡ് സ്വദേശികളുമാണെന്ന് അധികൃതര് അറിയിച്ചു. ദക്ഷിണ കൊറിയയുടെ ചരിത്രത്തിലെ ഏറ്റവും വലിയ വിമാനാപകടമായിരിക്കും ഇതെന്നാണ് സൂചന.
ലാന്ഡിങ്ങിനിടെ റണ്വേയില് നിന്ന് തെന്നിമാറി നിരങ്ങി നീങ്ങിയ വിമാനം സുരക്ഷാ മതിലില് ഇടിച്ച് കത്തുകയായിരുന്നു. ലാന്ഡിങ് ഗിയര് പ്രവര്ത്തിക്കാതിരുന്നതാണ് അപകടത്തിന് കാരണമായതെന്ന് അധികൃതരെ ഉദ്ധരിച്ച് ദക്ഷിണ കൊറിയന് വാര്ത്താ ഏജന്സി യോന്ഹാപ്പ് റിപ്പോര്ട്ട് ചെയ്തു. വിമാനത്തിന്റെ ലാന്ഡിങ് ഗിയറിലുണ്ടായ തകരാര് കാരണം വിമാനം ഇടിച്ചിറക്കുകയായിരുന്നുവെന്നാണ് വിവരം. ലാന്ഡ് ചെയ്യാനുള്ള ആദ്യ ശ്രമം പരാജയപ്പെട്ട ശേഷം ബെല്ലി ലാന്ഡിങ്ങിനുള്ള ശ്രമത്തിലാണ് വിമാനം അപകടത്തില്പ്പെടുന്നത്. ഈ ലാന്ഡിങ് ശ്രമത്തില് വിമാനത്തിന്റെ വേഗത കുറയ്ക്കുന്നതില് പൈലറ്റ് പരാജയപ്പെടുകയായിരുന്നു. ഇതോടെയാണ് റണ്വേയുടെ അറ്റംവരെ വിമാനം സഞ്ചരിക്കുകയും മതിലില് ഇടിക്കുകയും ചെയ്തത്.
വിമാനത്തിന്റെ ലാന്ഡിങ് ഗിയറിലുണ്ടായ തകരാര് കാരണം വിമാനം ഇടിച്ചിറക്കുകയായിരുന്നുവെന്നാണ് വിവരം. ഈ ലാന്ഡിങ് ശ്രമത്തില് വിമാനത്തിന്റെ വേഗത കുറയ്ക്കുന്നതില് പൈലറ്റ് പരാജയപ്പെടുകയായിരുന്നു. ഇതോടെയാണ് റണ്വേയുടെ അറ്റംവരെ വിമാനം സഞ്ചരിക്കുകയും മതിലില് ഇടിക്കുകയും ചെയ്തത്.
ലാന്ഡിങ്ങിനിടെ പക്ഷി വന്നിടിച്ചതാകാം ലാന്ഡിങ് ഗിയര് തകരാറിലാകാന് കാരണമെന്നും വിലയിരുത്തലുണ്ട്. അപകടത്തിന്റെ കാരണം സംബന്ധിച്ച ഔദ്യോഗിക പ്രഖ്യാപനം വരേണ്ടതുണ്ട്.plane crash
content summary; 179 killed, 2 survive in South Korea plane crash