AI ചാറ്റ്‌ബോട്ടിൻ്റെ ഏറ്റവും പുതിയ പതിപ്പായ ChatGPT-ക്ക് വെബിൽ തിരയാനുള്ള കഴിവുള്ളതായി OpenAI പറയുന്നു. പ്രധാന തലക്കെട്ടുകൾ, ഓഹരി വിലകൾ, സ്‌പോർട്‌സ് സ്‌കോറുകൾ എന്നിവയുൾപ്പെടെ തത്സമയം ഇൻ്റർനെറ്റിൽ ഉടനീളം തെരഞ്ഞ് വിവരങ്ങൾ ശേഖരിക്കാനും വിതരണം ചെയ്യാനും ചാറ്റ്ബോട്ടിന് കഴിയുമെന്നാണ് ഇതിൽ നിന്നും മനസിലാക്കേണ്ടത്. എന്നാൽ, നിലവിൽ ഈ ഫീച്ചർ പണമടച്ചുള്ള വരിക്കാർക്ക് മാത്രമായി പരിമിതപ്പെടുത്തിയിരിക്കുകയാണ്. AI-Powered Search Enters New Era with ChatGPT
മെറ്റയെപ്പോലുള്ള സാങ്കേതിക വമ്പന്മാർ സോഷ്യൽ മീഡിയ ആപ്പുകളുമായി AI സെർച്ച് എഞ്ചിനെ സംയോജിപ്പിച്ച് ആളുകൾക്ക് കൂടുതൽ എളുപ്പത്തിൽ ആർട്ടിഫിഷ്യൽ ഇന്റലിജൻസിനെ ഉപയോഗപ്പെടുത്താൻ സാധിക്കുന്നു. ഗൂഗിൾ, പെർപ്ലക്‌സിറ്റി, മൈക്രോസോഫ്റ്റ് കോപൈലറ്റ് മുതലായ കമ്പനികൾ AI- പവർ ഉപയോഗിച്ച് കാര്യങ്ങൾ തിരയുന്ന രീതിയിൽ വരെ കാര്യങ്ങളെത്തയിട്ടുണ്ട്.
എങ്ങനെയാണ് വെബിൽ വിവരങ്ങൾക്കായി തിരയുന്നത്?
ഓപ്പൺഎഐയുടെ ജിപിടി ഫാമിലി പോലുള്ള ലാർജ് ലാംഗ്വേജ് മോഡലുകളുടെ (എൽഎൽഎം) ആവിർഭാവത്തിന് മുമ്പ്, സെർച്ച് എഞ്ചിനുകൾ കീവേഡ് അധിഷ്‌ഠിത അൽഗോരിതങ്ങൾ ഉപയോഗിച്ചാണ് പ്രവർത്തിച്ചിരുന്നത്. ഉദാഹരണത്തിന്, ഒരു ഉപയോക്താവ് “മികച്ച ഷൂ സ്റ്റോർ” എന്ന് തിരയുമ്പോൾ, ഈ കീവേഡുകളെ അടിസ്ഥാനമാക്കി തിരിച്ചറിഞ്ഞതോ തരംതിരിച്ചതോ ആയ വെബ് പേജുകളുടെ വിശാലമായ ലൈബ്രറിയിലൂടെ സെർച്ച് എഞ്ചിൻ കടന്നുപോകും, തുടർന്ന് ഏറ്റവും പ്രസക്തമായ പേജുകൾ കാണിക്കും.
മിക്ക സാഹചര്യങ്ങളിലും ഇത് കാര്യക്ഷമമാണെങ്കിലും, അക്ഷരാർത്ഥത്തിലുള്ള തിരച്ചിലിലേക്ക് പരിമിതപ്പെട്ട് പോകാറുണ്ട്, മാത്രമല്ല പലപ്പോഴും മനുഷ്യ ഭാഷയുടെ പരിമിതികളും തെരച്ചിലിനെ ബാധിക്കുന്നു. ഉദാഹരണത്തിന്, ‘ലാമ’ എന്ന് നിങ്ങൾ ഗൂഗിൾ സെർച്ച് ചെയ്താൽ നിങ്ങൾക്ക് മെറ്റയുടെ LLM ഉം മൃഗമായ ലാമയും ഫലമായി ലഭിക്കും. ഇതിൻ്റെ ഇൻഡക്‌സ് ചെയ്‌ത പേജുകളിൽ ഏത് വിവരണമാണ് പതിവായി ദൃശ്യമാകുന്നത് എന്നതിൻ്റെ അടിസ്ഥാനത്തിലാണിത്. ഇവിടെ, പരമ്പരാഗത സെർച്ച് എഞ്ചിൻ വാക്കുകളുമായി പൊരുത്തപ്പെടുന്നു, മാത്രമല്ല ഉപയോക്താവ് എന്താണ് അന്വേഷിക്കുന്നതെന്ന് ശരിക്കും അറിഞ്ഞുകൊണ്ടല്ല മറുപടി തരുന്നത്.
പരമ്പരാഗത സെർച്ച് എഞ്ചിനുകൾക്ക് ആശയങ്ങൾ തമ്മിലുള്ള ബന്ധത്തെക്കുറിച്ചോ ഉപയോക്താക്കൾ എങ്ങനെയാണ് ചോദ്യങ്ങൾ ചോദിക്കുന്നതെന്നോ മനസ്സിലാക്കാനോ ഉള്ള കഴിവില്ലാത്തതിനാൽ, കൂടുതൽ സങ്കീർണ്ണവും സംഭാഷണപരവുമായ ചോദ്യങ്ങൾ ആവശ്യപ്പെടുമ്പോൾ മികച്ച ഉത്തരം നൽകാൻ അവയ്ക്ക് പലപ്പോഴും സാധിക്കാറില്ല. LLM-കൾ ഇത് മാറ്റി, ഉപയോക്താവിൻ്റെ ഉദ്ദേശ്യത്തെ അടിസ്ഥാനമാക്കി കൂടുതൽ കാര്യങ്ങൾ മനസിലാക്കി ഉപഭോക്താവിന്റെ ആവിശ്യത്തിനുള്ള മറുപടി ന‌ൽകുന്നു.
AI-യെ വ്യത്യസ്ഥമാക്കുന്ന ഘടകങ്ങൾ
നാച്ചുറൽ ലാംഗ്വേജ് പ്രോസസ്സിംഗ് (NLP), മെഷീൻ ലേണിംഗ്, സെമാൻ്റിക് ധാരണ (വാക്കുകളുടെ അർത്ഥവും സന്ദർഭവും മനസ്സിലാക്കാനുള്ള കഴിവ്) എന്നിവ ഉപയോഗിക്കുന്നതിനാൽ AI- പവർ ചെയ്യുന്ന തിരയൽ കീവേഡുകൾ പൊരുത്തപ്പെടുത്തുന്നതിന് അപ്പുറമാണ്.
“പിസ്തയുടെ ആരോഗ്യ ഗുണങ്ങൾ എന്തൊക്കെയാണ്” എന്നതുപോലുള്ള കൂടുതൽ സങ്കീർണ്ണമായ ചോദ്യം ഒരു ഉപയോക്താവ് ചോദിച്ചാൽ, വിശദമായ ഉത്തരം നൽകാൻ ഗവേഷണ പേപ്പറുകൾ, മെഡിക്കൽ ജേണലുകൾ, പോഷകാഹാരത്തെക്കുറിച്ചുള്ള പഠനങ്ങൾ, ആരോഗ്യ ബ്ലോഗുകൾ തുടങ്ങി നിരവധി ഉറവിടങ്ങളിൽ നിന്ന് വിവരങ്ങൾ ശേഖരിക്കേണ്ടതുണ്ട്. വിവിധ വിഷയങ്ങളുടെ സാന്ദർഭികവും ക്രോസ്-ഡൊമെയ്ൻ വിശകലനവും കൊണ്ടുവരാനുള്ള കഴിവ് പരമ്പരാഗത സർച്ച് എഞ്ചിനെക്കാൾ AI-യ്ക്കുണ്ട് എന്നത് തിരയലിൻ്റെ പ്രധാന നേട്ടങ്ങളിലൊന്നാണ്.
ഓരോ തവണയും ഉപയോക്താവ് ഒരു നിശ്ചിത ഫലത്തിൽ ക്ലിക്കുചെയ്യുമ്പോഴും ഫീഡ്‌ബാക്ക് നൽകുമ്പോഴും പേജിൽ സമയം ചിലവഴിക്കുമ്പോഴും AI അപ്‌ഗ്രേഡ് ചെയ്യുകയും പഠിക്കുകയും ചെയ്യുന്നു. ഈ തുടർച്ചയായ പഠനം ഉപയോക്താക്കൾക്കായി ഉയർന്ന വ്യക്തിഗതമാക്കിയ തിരയൽ അനുഭവങ്ങൾ കൊണ്ടുവരാൻ AI-യെ പ്രാപ്‌തമാക്കുന്നു. AI-Powered Search Enters New Era with ChatGPT
content summary; AI-Powered Search Enters New Era with ChatGPT
