45 ഓളം കേന്ദ്ര തസ്തികകളിലേക്കുളള ഒഴിവ് നികത്തുന്നതിനായി യുപിഎസ്സി പുറത്തുവിട്ട വിജ്ഞാപനം പിൻവലിച്ച് കേന്ദ്ര സർക്കാർ. അപേക്ഷകൾ തേടി മൂന്ന് ദിവസം മുമ്പ് നൽകിയ പരസ്യം പിൻവലിക്കാൻ, യൂണിയൻ പബ്ലിക് സർവീസ് കമ്മീഷനോട് ചൊവ്വാഴ്ച (ഓഗസ്റ്റ് 20) നിർദേശം നൽകിയിരിക്കുകയാണ് കേന്ദ്രം. തസ്തികകളിൽ സംവരണം നൽകാൻ സർക്കാർ മടിക്കുന്നുവെന്ന് പല കോണിൽ നിന്നായി വിമർശനം ഉയർന്നതോടെയാണ് പിൻവലിക്കൽ നടപടി ഉണ്ടായത്. lateral entry into bureaucracy
കോൺഗ്രസ് അധ്യക്ഷൻ മല്ലികാർജുൻ ഖാർഗെ, പ്രതിപക്ഷ നേതാവ് രാഹുൽ ഗാന്ധി, ബഹുജൻ സമാജ് പാർട്ടി നേതാവ് മായാവതി, സമാജ്വാദി പാർട്ടിയുടെ അഖിലേഷ് യാദവ്, എന്നിവരുൾപ്പെടെയുള്ള നേതാക്കൾ പട്ടികജാതി, പട്ടികവർഗ സംവരണം ഈ നിയമനങ്ങളിൽ നടപ്പിലാക്കാത്തതിനെ ചോദ്യം ചെയ്തിരുന്നു. എൻഡിഎയുടെ ചില സഖ്യകക്ഷികളായ ജനതാദൾ (യുണൈറ്റഡ്), ലോക് ജനശക്തി പാർട്ടി (എൽജെപി) എന്നിവയും ഈ നീക്കത്തെ എതിർത്ത് രംഗത്തെത്തിയിരുന്നു. എൽജെപി നേതാവ് ചിരാഗ് പാസ്വാൻ നീക്കം തെറ്റാണെന്നും വിമർശിച്ചു.
ആകെ 45 തൊഴിലവസരങ്ങളാണ് യുപിഎസ്സി പ്രഖ്യാപിച്ചത്. സർക്കാർ വകുപ്പുകൾ, പൊതുമേഖലാ സ്ഥാപനങ്ങൾ, ഗവേഷണ സ്ഥാപനങ്ങൾ, സർവ്വകലാശാലകൾ, സ്വകാര്യ കമ്പനികൾ എന്നിവടങ്ങളിൽ നിന്ന് യോഗ്യതയും പരിചയ സമ്പത്തുമുള്ള ആളുകൾക്ക് ഈ അവസരങ്ങളിലേക്ക് അപേക്ഷിക്കാം. ഭിന്നശേഷികാരായ ഉദ്യോഗാർത്ഥികൾക്കും അപേക്ഷിക്കാമെന്നും അറിയിപ്പിൽ പറയുന്നു. എന്താണ് ഈ നിയമനം, എത്ര പേരെയാണ് ഇതുവരെയും റിക്രൂട്ട് ചെയ്തിരിക്കുന്നത്, എന്തുകൊണ്ടാണ് ഈ നിയമനങ്ങളിൽ സംവരണം നടപ്പിലാക്കാൻ സർക്കാർ മടിക്കുന്നത് ?
ബ്യൂറോക്രസിയിലേക്കുള്ള ‘ലാറ്ററൽ എൻട്രി’ എന്താണ്?
2017-ൽ, നീതി ആയോഗിൻ്റെ ത്രിവത്സര ആക്ഷൻ അജണ്ടയിലും, സെക്ടറൽ ഗ്രൂപ്പ് ഓഫ് സെക്രട്ടറിമാർ (SGoS) ഫെബ്രുവരിയിൽ സമർപ്പിച്ച റിപ്പോർട്ടിലും, കേന്ദ്ര സർക്കാരിൽ മിഡിൽ, സീനിയർ മാനേജ്മെൻ്റ് തലങ്ങളിൽ പുതിയ ഉദ്യോഗസ്ഥരെ ഉൾപ്പെടുത്താൻ ശുപാർശ ചെയ്തിരുന്നു. ഈ ‘ലാറ്ററൽ എൻട്രികൾ’ കേന്ദ്ര സെക്രട്ടേറിയറ്റിൻ്റെ ഭാഗമായിരിക്കും. മുമ്പ് പ്രത്യേക സർക്കാർ സേവനങ്ങളിൽ നിന്നുള്ള കരിയർ ബ്യൂറോക്രാറ്റുകൾ മാത്രമേ ഈ തസ്തികകളിൽ ഉണ്ടായിരുന്നുള്ളൂ. മൂന്ന് വർഷത്തെ കരാർ നിയമനമായിരിക്കും ഉദ്യോഗാർത്ഥികൾക്ക് ലഭിക്കുക,ഇത് പിന്നീട് അഞ്ച് വർഷത്തേക്ക് നീട്ടാനുള്ള സാധ്യതയുണ്ട്.
ലാറ്ററൽ എൻട്രിക്കായി തുറന്നിരിക്കുന്ന തസ്തികകൾ ഏതൊക്കെയാണ്?
മേൽപ്പറഞ്ഞ ശുപാർശയുടെ അടിസ്ഥാനത്തിൽ, ലാറ്ററൽ എൻട്രികൾക്കുള്ള ആദ്യ ഒഴിവുകൾ 2018-ൽ പരസ്യം ചെയ്തിരുന്നു, എന്നാൽ ജോയിൻ്റ് സെക്രട്ടറി തലത്തിലുള്ള സ്ഥാനങ്ങളിലേക്ക് മാത്രമായിരുന്നു അന്നിറങ്ങിയത്. ഡയറക്ടർ, ഡെപ്യൂട്ടി സെക്രട്ടറി റാങ്കിലുള്ള തസ്തികകളിലേക്ക് പിന്നീട് ആണ് വിജ്ഞാപനം വന്നത്. കാബിനറ്റിൻ്റെ അപ്പോയിൻ്റ്മെൻ്റ് കമ്മിറ്റി (എസിസി) നിയമിച്ച ജോയിൻ്റ് സെക്രട്ടറി, ഒരു സർക്കാർ വകുപ്പിലെ സെക്രട്ടറിക്കും അഡീഷണൽ സെക്രട്ടറിക്കും ശേഷം മൂന്നാമത്തെ ഉയർന്ന ഉദ്യോഗസ്ഥനാണ്. അവർ വകുപ്പിനുള്ളിൽ ഒരു പ്രത്യേക വിഭാഗത്തെ നയിക്കേണ്ട ചുമതലയുണ്ട്. ഡയറക്ടർമാർ ജോയിൻ്റ് സെക്രട്ടറിമാരേക്കാൾ ഒരു റാങ്കിന് താഴെയാണ്, ഡെപ്യൂട്ടി സെക്രട്ടറിമാർ ഡയറക്ടർമാരേക്കാൾ ഒരു റാങ്ക് താഴെയാണ്, എന്നിരുന്നാലും മിക്ക മന്ത്രാലയങ്ങളിലും അവർ സമാനമായ ജോലിയാണ് ചെയ്യുന്നത്. ഡയറക്ടർമാരെയും ഡെപ്യൂട്ടി സെക്രട്ടറിമാരെയും മിഡ്-ലെവൽ ഉദ്യോഗസ്ഥരായാണ് കണക്കാക്കുക, അതേസമയം തീരുമാനമെടുക്കൽ സാധാരണയായി ജോയിൻ്റ് സെക്രട്ടറി തലത്തിലാണ് ആരംഭിക്കുന്നത്.
ലാറ്ററൽ എൻട്രികൾ അവതരിപ്പിക്കുന്നതിന് പിന്നിലെ യുക്തി എന്തായിരുന്നു?
2019 ൽ, പേഴ്സണൽ ആൻഡ് ട്രെയിനിംഗ് വകുപ്പ് സഹമന്ത്രി (ഡിഒപിടി) ജിതേന്ദ്ര സിംഗ് രാജ്യസഭയിൽ പറഞ്ഞു, “പുതിയ പ്രതിഭകൾക്ക് അവസരം നൽകുക, മനുഷ്യശക്തിയുടെ ലഭ്യത വർദ്ധിപ്പിക്കുക തുടങ്ങി കൈവരിക്കാനാണ് ലാറ്ററൽ റിക്രൂട്ട്മെൻ്റ് ലക്ഷ്യമിടുന്നത്”. 2024 ഓഗസ്റ്റ് 8-ന് രാജ്യസഭയിൽ ഒരു ചോദ്യത്തിന് ഉത്തരം നൽകവേ, പ്രത്യേക ജോലികൾക്കായി പ്രത്യേക അറിവും വൈദഗ്ധ്യവുമുള്ള ആളുകളെ ജോയിൻ്റ് സെക്രട്ടറിമാരായും ഡയറക്ടർമാരായും ഡെപ്യൂട്ടി സെക്രട്ടറിമാരായും സർക്കാർ, ലാറ്ററൽ റിക്രൂട്ട്മെൻ്റ് പ്രക്രിയ വഴി നിയമിക്കാൻ തുടങ്ങിയിട്ടുണ്ടെന്ന് സിംഗ് വിശദീകരിച്ചു. ബ്യൂറോക്രാറ്റുകളായാലും അല്ലെങ്കിലും, പ്രത്യേക അറിവും വൈദഗ്ധ്യവുമുള്ള ആളുകളെ സർക്കാരിൽ ജോലിയിലേക്ക് എത്തിക്കുക എന്നതാണ്. എല്ലായിപ്പോഴും ഐഎഎസ് ആധിപത്യമുള്ളതായി കണക്കാക്കപ്പെട്ടിരുന്നെങ്കിലും, കഴിഞ്ഞ ദശകത്തിൽ വിവിധ സെൻട്രൽ സിവിൽ സർവീസുകളിലെ ഉദ്യോഗസ്ഥർക്ക് സെൻട്രൽ സെക്രട്ടേറിയറ്റിൽ സേവനമനുഷ്ഠിക്കാൻ അവസരം ലഭിച്ചിട്ടുണ്ട്.
ലാറ്ററൽ റിക്രൂട്ട്മെൻ്റ് വഴി ഇതുവരെ എത്ര പേരെ നിയമിച്ചിട്ടുണ്ട്?
2018- ലാണ് ലാറ്ററൽ റിക്രൂട്ട്മെൻ്റ് ആരംഭിക്കുന്നത്. ജോയിൻ്റ് സെക്രട്ടറി തലത്തിലുള്ള തസ്തികകളിലേക്ക് മൊത്തം 6,077 പേർ അപേക്ഷിച്ചു. യുപിഎസ്സിയുടെ തെരഞ്ഞെടുപ്പ് പ്രക്രിയയ്ക്ക് ശേഷം, 2019 ൽ വ്യത്യസ്ത മന്ത്രാലയങ്ങളിലേക്കും വകുപ്പുകളിലേക്കുമായി ഒമ്പത് പേരെ പരീക്ഷയുടെ അടിസ്ഥാനത്തിൽ നിയമിച്ചു. ലാറ്ററൽ റിക്രൂട്ട്മെൻ്റിൻ്റെ മറ്റൊരു വിജ്ഞാപനം കൂടി 2021-ൽ പുറത്തിറക്കിയിരുന്നു. 2023 മെയ് മാസത്തിൽ രണ്ടെണ്ണം കൂടി ഇറങ്ങി. മൊത്തത്തിൽ, ഈ വർഷം ഓഗസ്റ്റ് 9 ന് ജിതേന്ദ്ര സിംഗ് ഉപരിസഭയിൽ പറഞ്ഞതുപോലെ, കഴിഞ്ഞ അഞ്ച് വർഷത്തിനിടെ 63 നിയമനങ്ങൾ ലാറ്ററൽ എൻട്രി വഴി നടത്തിയിട്ടുണ്ട്. 57 ഉദ്യോഗസ്ഥർ [ലാറ്ററൽ എൻട്രികൾ] മന്ത്രാലയങ്ങളിലും വകുപ്പുകളിലും ചുമതലകൾ വഹിക്കുന്നു.
ലാറ്ററൽ എൻട്രി റിക്രൂട്ട്മെന്റ് പ്രക്രിയ നേരിടുന്ന വിമർശനം എന്താണ്?
ഇത്തരം റിക്രൂട്ട്മെൻ്റിൽ എസ്സി, എസ്ടി, ഒബിസി ഉദ്യോഗാർത്ഥികൾക്ക് ക്വാട്ട ഇല്ലെന്ന കാരണത്താലാണ് ലാറ്ററൽ എൻട്രികൾ വിമർശിക്കപ്പെടുന്നത്. ഏറ്റവും പുതിയ പരസ്യത്തോട് പ്രതികരിച്ചുകൊണ്ട്, കോൺഗ്രസ് അധ്യക്ഷൻ മല്ലികാർജുൻ ഖാർഗെ, ലാറ്ററൽ എൻട്രികൾ നന്നായി ആസൂത്രണം ചെയ്ത ഗൂഢാലോചനയുടെ ഭാഗമാണെന്ന് വിമർശിച്ചു. കൂടാതെ എസ്സി, എസ്ടി, ഒബിസി വിഭാഗങ്ങളെ സംവരണത്തിൽ നിന്ന് അകറ്റിനിർത്തി കൊണ്ട് ബിജെപി ബോധപൂർവം ഇത്തരം റിക്രൂട്ട്മെൻ്റുകൾ നടത്തുകയാണെന്നും അദ്ദേഹം എക്സിൽ പോസ്റ്റ് ചെയ്തു.
രാഷ്ട്രീയ ജനതാദൾ നേതാവും ബിഹാർ പ്രതിപക്ഷ നേതാവുമായ തേജസ്വി യാദവ് ഈ നീക്കത്തെ അപലപിച്ചു. പരസ്യപ്പെടുത്തിയ 45 നിയമനങ്ങൾ സിവിൽ സർവീസ് പരീക്ഷയിലൂടെ നടത്തിയിരുന്നെങ്കിൽ, ഓപ്പണിംഗുകളുടെ പകുതിയോളം ഒബിസി, എസ്സി, എസ്ടി വിഭാഗങ്ങൾക്കായി സംവരണം ചെയ്യപ്പെടുമെന്ന് പറഞ്ഞു. മുൻ ഉത്തർപ്രദേശ് മുഖ്യമന്ത്രി മായാവതി ഈ നയത്തെ വിമർശിച്ചു, ഇത് താഴ്ന്ന തലത്തിലുള്ള ജോലിയിലുള്ള ജീവനക്കാർക്ക് പ്രമോഷൻ ലഭിക്കുന്നതിൽ നിന്ന് അന്യായമായി തടയുന്നു. നയത്തിൽ ക്വാട്ട ഇല്ലാത്തത് ഭരണഘടനാ വിരുദ്ധമാണെന്നും അവർ വാദിച്ചു.
എന്തുകൊണ്ടാണ് ലാറ്ററൽ റിക്രൂട്ട്മെൻ്റിൽ സംവരണം ഇല്ലാത്തത്?
45 ദിവസം നീണ്ടുനിൽക്കുന്ന ഏതെങ്കിലും കേന്ദ്രസർക്കാർ നിയമനങ്ങൾക്ക് പട്ടികജാതി (എസ്സി), പട്ടികവർഗം (എസ്ടി), മറ്റ് പിന്നാക്ക വിഭാഗങ്ങൾ (ഒബിസി) എന്നിവർക്ക് സംവരണം നൽകണമെന്ന് DoPT (പേഴ്സണൽ ആൻ്റ് ട്രെയിനിംഗ് വകുപ്പ്) യുടെ 2018 മെയ് 15 ലെ സർക്കുലറിൽ പറയുന്നു. 1968 സെപ്റ്റംബർ 24-ന് ആഭ്യന്തര മന്ത്രാലയം ഒബിസി വിഭാഗത്തെ കൂടി ചേർത്തുകൊണ്ട് പുറപ്പെടുവിച്ച സർക്കുലറിൽ ഇത് ഒന്ന് കൂടി ആവർത്തിച്ചു. അതിനാൽ, സർക്കാർ ബ്യൂറോക്രസിയിലെ ഏത് സ്ഥാനത്തിനും സംവരണം നൽകേണ്ടതുണ്ട്. 2018 നവംബർ 29-ന്, ലാറ്ററൽ റിക്രൂട്ട്മെൻ്റിൻ്റെ ആദ്യ റൗണ്ടിൽ, അന്ന് ഡിഒപിടിയുടെ അഡീഷണൽ സെക്രട്ടറിയായിരുന്ന സുജാത ചതുർവേദി, യുപിഎസ്സി സെക്രട്ടറി രാകേഷ് ഗുപ്തയ്ക്ക് കത്തയച്ചു.
സംസ്ഥാന സർക്കാരുകൾ, പൊതുമേഖല, മറ്റ് സമാന സംഘടനകൾ എന്നിവിടങ്ങളിൽ നിന്നുള്ള ഉദ്യോഗാർത്ഥികളെ ഡെപ്യൂട്ടേഷൻ അടിസ്ഥാനത്തിൽ നിയമിക്കുമെന്ന് അവർ വിശദീകരിച്ചു, അതായത് അവരുടെ യഥാർത്ഥ സ്ഥാനങ്ങൾ നിലനിർത്തിക്കൊണ്ട് അവർ താൽക്കാലികമായി കേന്ദ്ര സർക്കാരിൽ പ്രവർത്തിക്കും. ഈ ഡെപ്യൂട്ടേഷൻ നിയമനങ്ങൾക്ക് നിർബന്ധിത സംവരണം വേണമെന്ന ചട്ടങ്ങളൊന്നും നിലവിലില്ലെന്നും അവർ ചൂണ്ടിക്കാട്ടി. പട്ടികജാതി/പട്ടികവർഗ/ഒബിസി ഉദ്യോഗാർത്ഥികൾക്ക് നിർബന്ധിത സംവരണം ആവശ്യമില്ലാത്ത ഡെപ്യൂട്ടേഷനു സമാനമാണ് ഈ തസ്തികകൾ നികത്തുന്ന രീതിയെന്നും കത്തിൽ പരാമർശിച്ചിട്ടുണ്ട്. എന്നിരുന്നാലും, യോഗ്യരായ എസ്സി/എസ്ടി/ഒബിസി ഉദ്യോഗാർത്ഥികളെ പരിഗണിക്കുകയും സമ്പൂർണ്ണ പ്രാതിനിധ്യം ഉറപ്പാക്കുന്നതിന് സമാനമായ സാഹചര്യങ്ങളിൽ അത്തരം ഉദ്യോഗാർത്ഥികൾക്ക് മുൻഗണന നൽകുകയും വേണം.
Content summary; During a political controversy, the UPSC cancelled the advertisement for recruiting 45 positions through lateral entry.lateral entry into bureaucracy
