മൊസാദിന്റെ ഹിസ്ബുള്ള ആക്രമണം; സൈബര്‍ യുദ്ധത്തിന്റെ ഭാവി വഴികള്‍

15 വര്‍ഷങ്ങള്‍ക്ക് മുന്‍പ് അമേരിക്കയും ഇസ്രായേലും ചേര്‍ന്ന് ഇറാന്റെ ആണവായുധ പരിപാടിയില്‍ രഹസ്യ കമ്പ്യൂട്ടര്‍ കോഡുപയോഗിച്ച് നുഴഞ്ഞുകയറാന്‍ ശ്രമിച്ചു. എന്നാല്‍ ആ കോഡ് പുറത്തായതിനു ശേഷം പദ്ധതി പകുതി വഴിയില്‍ ഉപേക്ഷിക്കേണ്ടി വന്നു. ഇപ്പോഴത്തെ ഇസ്രായേലിന്റെ ചാരസംഘടനയായ മുസാദിന്റെ ഹിസ്ബുള്ള ആക്രമണം ഇതുപോലൊരു ഇലക്ട്രോണിക് സൈബര്‍ ആക്രമണത്തിന്റെ മറ്റൊരു ഉദാഹരണമാണ്. ഈ ആക്രമണത്തിന്റെ ഉദ്ദേശം ഹിസ്ബുള്ള അനുകൂല പ്രവര്‍ത്തകരെ കൊല്ലുക എന്നതായിരുന്നുവെങ്കിലും അവര്‍ക്ക് ചുറ്റുമുള്ള കുട്ടികള്‍ ഉള്‍പ്പെടെയുള്ള നിരവധി ആളുകള്‍ കൊല്ലപ്പെട്ടു. ലെബനന്‍ സര്‍ക്കാരിന്റെ കണക്കനുസരിച്ച് ചൊവ്വാഴ്ച്ച 11 പേര്‍ മരിക്കുകയും 2700 ആളുകള്‍ക്ക് പരിക്കേല്‍ക്കുകയും ചെയ്തിരുന്നു, എന്നാല്‍ തൊട്ടടുത്ത ദിവസം മരണനിരക്ക് കുറഞ്ഞത് 20 ലേക്ക് ഉയരുകയും 450 പേര്‍ക്ക് പരിക്കേല്‍ക്കുകയും ചെയ്തതായി ലബനന്‍ സര്‍ക്കാര്‍ വ്യക്തമാക്കി. പല വിദഗ്ധാഭിപ്രായങ്ങളും അനുസരിച്ച് എന്നറിയപ്പെടുന്ന മാരക സ്‌ഫോടക വസ്തുക്കള്‍ പേജറിന്റെ നിര്‍മ്മാണ വേളയില്‍ ഉപയോഗിക്കപ്പെടുകയും റിമോര്‍ട്ട് ഉപയോഗിച്ച് റേഡിയോ സിഗ്നലുകള്‍ വഴി അക്രമണം നടത്തുകയും ചെയ്യാനാണ് സാധ്യത.

ഹിസ്ബുള്ള ഉപയോഗിച്ചിരുന്ന പേജറുകള്‍, വാക്കിടോക്കികള്‍ തുടങ്ങിയ ആശയവിനിമയ ഉപകരണങ്ങള്‍ ഇസ്രയേലി രഹസ്യാന്വേഷണ വിഭാഗത്തിന്റെ സമീപകാല ആക്രമണങ്ങളില്‍ അട്ടിമറിയില്‍ ഉള്‍പ്പെടുന്നു. ഈ തന്ത്രം ഇലക്ട്രോണിക് അട്ടിമറിയുമായി ബന്ധപ്പെട്ട അപകടസാധ്യതകള്‍ വര്‍ദ്ധിപ്പിക്കുകയും സാധാരണ ഉപകരണങ്ങളെ മാരകമായ ഭീഷണികളാക്കി മാറ്റുകയും ചെയ്യുന്നതാണ്. Israel electronic sabotage; what it means for the future of warfare

അട്ടിമറി സംഭവിക്കുന്നതെങ്ങനെ?

ഉപകരണങ്ങളുടെ നിര്‍മ്മാണ സമയത്ത് തന്നെ പെന്ററിത്രിറ്റോള്‍ ടെട്രാനൈട്രേറ്റ് (പിഇടിഎന്‍) പോലുള്ള മാരക സ്‌ഫോടക വസ്തുക്കള്‍ ഉള്‍പ്പെടുത്തിയാണ് വിപണിയിലെത്തിക്കുന്നത്. പരിഷ്‌കരിച്ച പേജര്‍ ബാറ്ററികള്‍ ഉപയോഗിച്ച് വളരെ ദൂരത്തിലുള്ള മാല്‍വെയറിന്റെയോ മറ്റ് സാങ്കേതിക വസ്തുക്കളുടെയോ പൊട്ടിത്തെറി സാധ്യമാക്കാന്‍ കഴിയുന്നു. ബാറ്ററികള്‍ അമിതമായി ചൂടാകുന്നത് ശ്രദ്ധയില്‍പ്പെട്ടിട്ടുള്ളതായി അതിജീവിതര്‍ വ്യക്തമാക്കിയിരുന്നു, ഇത് അസാധാരണത്വത്തെ സൂചിപ്പിക്കുന്നതാണ്. Israel electronic sabotage; what it means for the future of warfare

അപകടങ്ങളും ആഘാതവും

പ്രാഥമിക ലക്ഷ്യം ഹിസ്ബുള്ളയുടെ പോരാളികളായിരുന്നെങ്കിലും, ആക്രമണം സാധാരണക്കാരെ സാരമായി ബാധിച്ചു. ആക്രമണത്തിന്റെ തുടക്കത്തില്‍ 11 മരണങ്ങളും 2,700ലധികം പേര്‍ക്ക് പരിക്കേറ്റതായും തുടര്‍ന്നുള്ള സ്‌ഫോടനങ്ങളില്‍ കൂടുതല്‍ ആളപായമുണ്ടായതായും റിപ്പോര്‍ട്ടുകള്‍ സൂചിപ്പിക്കുന്നു, ഭീകരമായ ആക്രമണങ്ങള്‍ വരും വരായ്കകള്‍ നോക്കാതെ പുറപ്പെടുവിക്കുന്നു എന്നത് ആശങ്കാജനകമായ കാര്യമാണ്.

വലിയ ആഘാതങ്ങള്‍

ഈ സംഭവം സപ്ലൈ-ചെയിന്‍ അട്ടിമറിയുടെ അപകട സാധ്യതകളെ ഉയര്‍ത്തിക്കാട്ടുന്നു, ഇവിടെ ബാഹ്യ ഏജന്റുമാരാണ് ഉപകരണങ്ങള്‍ ഓരോ ഉപയോക്താക്കളിലേക്കും എത്തുന്നതിന് മുമ്പ് കൈകാര്യം ചെയ്യുന്നത്. ഇലക്ട്രോണിക് യുദ്ധത്തിന്റെ പരിധി കടന്നാല്‍, ഇവയെല്ലാം വിവിധ ഗ്രൂപ്പുകള്‍ക്ക് പലരീതിയില്‍ ഉപയോഗിക്കാന്‍ കഴിയും, ഇത് വ്യാപകമായ ദോഷത്തിനുള്ള സാധ്യത വര്‍ദ്ധിപ്പിക്കുന്നു.

ചരിത്ര പശ്ചാത്തലം

ഫോണുകളും സ്‌ഫോടക വസ്തുക്കളും ഉപയോഗിച്ച് അട്ടിമറി നടത്തുന്നത് ഒരു പുതിയ കാര്യമല്ലെങ്കിലും, ഈ പ്രവര്‍ത്തനത്തിന്റെ തോതിലുണ്ടായ ഗണ്യമായ ഉയര്‍ച്ച പേടിപ്പെടുത്തുന്നതാണ്. ഒന്നിലധികം ഉപകരണങ്ങളില്‍ സ്‌ഫോടകവസ്തുക്കള്‍ വിജയകരമായി ഉള്‍പ്പെടുത്തുന്നതിന് വിതരണ ശൃംഖലയിലേക്ക് ആഴത്തിലുള്ള നുഴഞ്ഞുകയറ്റം ആവശ്യമാണ്, ഇത് ആക്രമണകാരികള്‍ക്ക് വലിയൊരു വെല്ലുവിളിയാണ്. എന്നിരുന്നാലും, ദൈനംദിന ഇന്റര്‍നെറ്റ് കണക്റ്റുചെയ്ത ഉപകരണങ്ങളുടെ സുരക്ഷിതത്വത്തെക്കുറിച്ചുള്ള ഭയവും ഇത് ഉയര്‍ത്തുന്നു.

മനശാസ്ത്രപരമായ സ്വാധീനം

നമ്മുടെ ഇലക്‌ട്രോണിക് ഉപകരണങ്ങളെ നാം കാണുന്ന രീതിയെ മാറ്റിമറിക്കാന്‍ ഈ സംഭവം കാരണമാകുമെന്ന് വിദഗ്ധര്‍ മുന്നറിയിപ്പ് നല്‍കുന്നു. ഒരു ഉപകരണത്തെയും പൂര്‍ണ്ണമായി വിശ്വസിക്കാന്‍ കഴിയാത്ത ഭാവിയെയാണ് ഇത് സൂചിപ്പിക്കുന്നതെന്ന് എന്‍എസ്എയുടെ മുന്‍ ജനറല്‍ കൗണ്‍സല്‍ ഗ്ലെന്‍ ഗെര്‍സ്റ്റല്‍ അഭിപ്രായപ്പെട്ടു. ഈ അപകടസാധ്യത വ്യക്തിഗത സാങ്കേതികവിദ്യയുടെ സുരക്ഷയെക്കുറിച്ചുള്ള വ്യാപകമായ ഉത്കണ്ഠയിലേക്കും നയിച്ചേക്കാനുള്ള സാധ്യതയുണ്ട്.

തന്ത്രപരമായ ലക്ഷ്യമെന്ത്?

ഈ ആക്രമണങ്ങളുടെ തന്ത്രപരമായ ലക്ഷ്യമെന്തെന്നത് വ്യക്തമല്ല, കാരണം ഈ ആക്രമണങ്ങള്‍ക്ക് ഹിസ്ബുള്ളയുടെ നേതൃത്വത്തെ ഒരു കാരണവശാലും പൂര്‍ണ്ണമായും തകര്‍ക്കാന്‍ സാധിക്കില്ല. പകരം, നിരന്തരമായ നിരീക്ഷണം മൂലമുണ്ടാകുന്ന അസ്വസ്ഥതയിലൂടെ ഭീതിതമായ അന്തരീക്ഷം സൃഷ്ടിക്കുക എന്നതാവാം ആക്രമണത്തിന് പിന്നിലെ കാരണം. നമ്മള്‍ എല്ലാ ദിവസവും ഉപയോഗിക്കുന്ന ഉപകരണങ്ങളുടെ സുരക്ഷയെപ്പറ്റി ഈ ആക്രമണം നമ്മെ ബോധവാന്മാരാക്കുകയും ആകുലപ്പെടുത്തുകയും ചെയ്യുന്നുണ്ട്.

Content Summary; Israel electronic sabotage; what it means for the future of warfare