ലെബനൻ ആരോഗ്യമന്ത്രാലയത്തിൻ്റെ കണക്കനുസരിച്ച്, ഹിസ്ബുള്ളയെ ലക്ഷ്യമിട്ട് ഇസ്രയേൽ നടത്തിയ വ്യോമാക്രമണത്തിൽ 492 പേർ കൊല്ലപ്പെടുകയും 1,645 പേർക്ക് പരിക്കേൽക്കുകയും ചെയ്തു. 1975-90 ലെ ആഭ്യന്തരയുദ്ധത്തിന് ശേഷം ലെബനൻ കണ്ട ഏറ്റവും ഉയർന്ന മരണസംഖ്യയാണ് ആക്രമണം മൂലം ഉണ്ടായത്. israel lebanon strikes hezbollah
ഏകദേശം ഒരു വർഷത്തിനിടയിൽ ഉണ്ടായ ഏറ്റവും രൂക്ഷമായ ഏറ്റുമുട്ടലിൽ ആയിരക്കണക്കിന് ആളുകൾ തെക്കൻ ലെബനനിൽ നിന്ന് തലസ്ഥാനമായ ബെയ്റൂട്ടിലേക്ക് പലായനം ചെയ്തിട്ടുണ്ട്. വടക്കൻ ഇസ്രയേലിലെ ഹൈഫ നഗരത്തിൽ കൊല്ലപ്പെട്ടവരിൽ 35 കുട്ടികളും 58 സ്ത്രീകളും ഉൾപ്പെട്ടാതായി ലെബനീസ് ആരോഗ്യ മന്ത്രാലയം കൂട്ടിച്ചേർത്തു.
സെപ്റ്റംബർ 23 തിങ്കളാഴ്ച നടന്ന ഒരു സുരക്ഷാ മീറ്റിംഗിൽ, വടക്കൻ അതിർത്തിയിലെ ‘ സുരക്ഷാ ബാലൻസ് ’ സൈന്യം മാറ്റുകയാണെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു പറഞ്ഞു. സുരക്ഷാ സന്തുലിതാവസ്ഥയും അധികാര സന്തുലനവും ഞങ്ങൾ മാറ്റുമെന്ന് ഞാൻ വാഗ്ദാനം ചെയ്തു – അതാണ് ഞങ്ങൾ ചെയ്യുന്നത്, ‘ ബെഞ്ചമിൻ നെതന്യാഹു പ്രസ്താവനയിൽ വ്യക്തമാക്കി.
ലെബനനിലെ അടുത്ത ഘട്ടങ്ങൾക്കായി സൈന്യം തയ്യാറെടുക്കുകയാണെന്നും ഇക്കാര്യങ്ങളെ കുറിച്ച് പിന്നീട് കൂടുതൽ വിശദീകരിക്കുമെന്നും ഇസ്രയേൽ ഡിഫൻസ് ഫോഴ്സ് (ഐഡിഎഫ്) മേധാവി ലെഫ്റ്റനൻ്റ് ജനറൽ ഹെർസി ഹലേവി പറഞ്ഞു. 20 വർഷമായി ഹിസ്ബുള്ള കെട്ടിപ്പടുക്കുന്ന പ്രധാനപ്പെട്ട യുദ്ധ അടിസ്ഥാന സൗകര്യങ്ങളാണ് തങ്ങൾ ലക്ഷ്യമിടുന്നതെന്നും അദ്ദേഹം സൂചിപ്പിച്ചു.
കഴിഞ്ഞ 24 മണിക്കൂറിനുള്ളിൽ 1,300- ലധികം ഹിസ്ബുള്ളയുടെ കേന്ദ്രങ്ങൾ ആക്രമിച്ചതായി ഐഡിഎഫ് പറഞ്ഞു, ഒക്ടോബറിൽ ഗാസ യുദ്ധം ആരംഭിച്ചതിന് ശേഷം ഗ്രൂപ്പിന് നേരെ നടന്ന ഏറ്റവും വലിയ ആക്രമണമാണിത്. ഹമാസിനെ പിന്തുണയ്ക്കുന്നതിനായി ഹിസ്ബുള്ള ഇസ്രയേലിനെ ആക്രമിക്കുകയായിരുന്നു. ബെക്കാ താഴ്വരയിൽ ഇസ്രയേൽ വ്യോമാക്രമണം നടത്തുകയും ഒരാഴ്ചയ്ക്കിടെ രണ്ടാം തവണയാണ് ബെയ്റൂട്ടിൽ ആക്രമണം നടത്തിയത്. ഹിസ്ബുള്ളയുടെ ഉന്നത കമാൻഡറായ അലി കരാക്കിയെ ലക്ഷ്യമിട്ടായിരുന്നു ആക്രമണമെന്ന് ഇസ്രയേൽ മാധ്യമങ്ങൾ പറഞ്ഞു, എന്നാൽ അദ്ദേഹം പരിക്കേൽക്കാതെ സുരക്ഷിത സ്ഥാനത്താണെന്ന് സംഘം അറിയിച്ചു. israel lebanon strikes hezbollah
ഇതിനിടെ ലെബനനിൽ നിന്ന് 35 ഓളം റോക്കറ്റുകൾ ഇസ്രയേലിലെ സഫേദ് പ്രദേശത്തേക്ക് എത്തിയതായി ഇസ്രയേൽ പ്രതിരോധ സേന അറിയിച്ചു, അവയിൽ ചിലത് അമിയാദിന് സമീപമുള്ള തുറസ്സായ സ്ഥലങ്ങളിൽ ആണ് പതിച്ചത്. ഇസ്രയേലും ലെബനനും തമ്മിലുള്ള സംഘർഷം ലഘൂകരിക്കാൻ പ്രവർത്തിക്കുകയാണെന്ന് യുഎൻ ജനറൽ അസംബ്ലിയിൽ സംസാരിക്കവേ ജോ ബൈഡൻ പറഞ്ഞു. ‘ ഇസ്രയേലിലെയും ലെബനനിലെയും ഏറ്റവും പുതിയ സംഭവവികാസങ്ങളെക്കുറിച്ച് ഞാൻ പഠിച്ച് വരികയാണ് എൻ്റെ ടീം എതിരാളികളുമായി നിരന്തരം സമ്പർക്കം പുലർത്തുന്നുണ്ടെന്നും, സംഘർഷം കുറയ്ക്കാൻ ഞങ്ങൾ പ്രവർത്തിക്കുന്നതായും,’ യു എ ഇ പ്രസിഡൻ്റ് ഷെയ്ഖ് മുഹമ്മദ് ബിൻ സായിദ് ആലുമായുള്ള കൂടിക്കാഴ്ചയിൽ അദ്ദേഹം പറഞ്ഞു.
വീടുകൾ വിട്ട് പോകാനും ഹിസ്ബുള്ള ആയുധങ്ങൾ സൂക്ഷിക്കാൻ സാധ്യതയുള്ള കെട്ടിടങ്ങളിൽ നിന്ന് മാറിനിൽക്കാനും, മുൻപ്, ഇസ്രയേൽ സൈന്യം (ഐഡിഎഫ്) ബെയ്റൂട്ടിലെയും ലെബനനിലെ മറ്റ് പ്രദേശങ്ങളിലെയും ജനങ്ങൾക്ക് ഫോൺ കോളുകൾ വഴി മുന്നറിയിപ്പ് നൽകിയിരുന്നു.
വടക്കൻ ഇസ്രയേൽ നിവാസികളെ സുരക്ഷിതമായി അവരുടെ വീടുകളിലേക്ക് തിരികെ കൊണ്ടുവരുന്നത് വരെ സൈനിക നടപടികൾ തുടരുമെന്ന് ഇസ്രയേലി പ്രതിരോധ മന്ത്രി യോവ് ഗാലൻ്റ് വ്യക്തമാക്കി. ഗാസയിൽ വെടിനിർത്തൽ പ്രഖ്യാപിക്കുന്നത് വരെ പോരാട്ടം തുടരുമെന്ന് ഹിസ്ബുള്ള ഉറപ്പ് നൽകിയതിനാൽ സംഘർഷം ദീർഘകാലം നീണ്ടുനിൽക്കാൻ ഇടയുണ്ടെന്ന് അദ്ദേഹം മുന്നറിയിപ്പ് നൽകി. ഇസ്രയേലിലെ പൊതുജനങ്ങൾ ശാന്തരാകേണ്ട സമയമാണിതെന്നും അദ്ദേഹം കൂട്ടിച്ചേർത്തു. അതേസമയം, തെക്കൻ ലെബനനിലെ റോഡുകൾ നടന്നുകൊണ്ടിരിക്കുന്ന ബോംബാക്രമണത്തിൽ നിന്ന് രക്ഷപ്പെടാൻ ശ്രമിക്കുന്ന ആളുകളെക്കൊണ്ട് നിറഞ്ഞ അവസ്ഥയിലായിരുന്നു.
വ്യോമാക്രമണം ഇപ്പോൾ തങ്ങളുടെ പ്രദേശത്ത് എത്തിയിരിക്കുകയാണ്, നൂറുകണക്കിന് കുടുംബങ്ങൾ താമസിക്കുന്ന ഷെൽട്ടറിൽ നിന്ന് തെരുവിന് കുറുകെ പുക ഉയരുന്നതിൻ്റെ വീഡിയോ പ്രദർശിപ്പിച്ചു കൊണ്ട് തെക്കൻ നഗരമായ ടയറിലെ ഡിസ്പ്ലേസ്മെൻ്റ് സെൻ്ററിലെ കോ-ഓർഡിനേറ്ററായ ബിലാൽ കഷ്മർ പറഞ്ഞു. രക്ഷപ്പെടാൻ ആഗ്രഹിക്കുന്നവർ ദക്ഷിണേന്ത്യയിൽ നിന്ന് പൂർണമായും പലായനം ചെയ്യുകയാണെന്നും, ബിലാൽ കശ്മർ കൂട്ടിച്ചേർത്തു.
യുദ്ധത്തിൽ കുടിയൊഴിപ്പിക്കപ്പെട്ട ആയിരക്കണക്കിന് ജനങ്ങൾക്ക് ടയർ സുരക്ഷിതമായ സ്ഥാനമായിരുന്നു. എന്നാൽ നിലവിൽ നഗരം വ്യോമാക്രമണത്തിൽ തകർന്ന അവസ്ഥയിലാണ്. ഇതിനോടകം തന്നെ, തെക്കൻ ലെബനനിൽ നിന്ന് 110,000- ത്തിലധികം പലായനം ചെയ്തു. ഒന്നിന് പുറകെ ഒന്നായുള്ള എയർ സ്ട്രൈക്കുകൾ മൂലം ജനങ്ങൾ ഭയപ്പാടിലാണ് എന്ന് ടയർ മുനിസിപ്പാലിറ്റികളുടെ യൂണിയൻ തലവനായ ഹസൻ ദബൂക്ക് പറഞ്ഞു.
കഴിഞ്ഞ ഒക്ടോബറിനു ശേഷമുള്ള ഏറ്റവും തീവ്രമായ ഇസ്രയേൽ ബോംബാക്രമണത്തിനിടെ യുണിഫിൽ ( ലെബനനിലെ യുഎൻ സമാധാന പരിപാലന ദൗത്യം ) തെക്കൻ ലെബനനിലെ സാധാരണ ജനങ്ങളുടെ സുരക്ഷയെക്കുറിച്ച് കടുത്ത ആശങ്ക പ്രകടിപ്പിക്കുകയും ആക്രമണങ്ങളുടെ തീവ്രത കുറയ്ക്കാൻ ആവശ്യപ്പെടുകയും ചെയ്തു. കൂടാതെ, ആക്രമണങ്ങൾ രൂക്ഷമാകുന്നത് അതിർത്തിയുടെ ഇരുവശത്തുമുള്ള ആളുകൾക്ക് മാത്രമല്ല, മുഴുവൻ മേഖലയ്ക്കും ഗുരുതരവും വിനാശകരവുമായ പ്രത്യാഘാതങ്ങൾ ഉണ്ടാക്കുമെനന്നും യൂണിഫിൽ പ്രസ്താവനയിൽ മുന്നറിയിപ്പ് നൽകി.
ഹമാസും ഇസ്രയേലും തമ്മിലുള്ള യുദ്ധം ആരംഭിച്ചത് മുതൽ, ഇസ്രയേൽ സൈന്യവും ഹിസ്ബുള്ളയും സംഘർഷത്തിൽ ഏർപ്പെട്ടിരിക്കുകയാണ്. എന്നിരുന്നാലും, അടുത്ത കാലത്തായി പോരാട്ടം കൂടുതൽ തീവ്രമായിത്തീർന്നു. കഴിഞ്ഞ ആഴ്ച, ഹിസ്ബുള്ള അംഗങ്ങൾ ഉപയോഗിച്ചിരുന്ന വാക്കി- ടോക്കികളും പേജറുകളും പൊട്ടിത്തെറിക്കുകയും 42 പേർ കൊല്ലപ്പെടുകയും 3,000-ത്തിലധികം പേർക്ക് പരിക്കേൽക്കുകയും ചെയ്തു. വെള്ളിയാഴ്ച, ബെയ്റൂട്ടിൻ്റെ പ്രാന്തപ്രദേശത്ത് ഇസ്രയേൽ നടത്തിയ ആക്രമണത്തിൽ ഉന്നത ഹിസ്ബുള്ള കമാൻഡറും 12 ലധികം പോരാളികളും കുട്ടികളടക്കം നിരവധിപേർ കൊല്ലപ്പെട്ടു.
ഇതിന് മറുപടിയായി ഹിസ്ബുള്ള 150 റോക്കറ്റുകളും മിസൈലുകളും ഡ്രോണുകളും വടക്കൻ ഇസ്രയേലിൽ ആക്രമണം നടത്തുകയും ചെയ്തു.
റോക്കറ്റ് ആക്രമണം ആരംഭിച്ചപ്പോൾ ഒഴിപ്പിച്ച ഇസ്രയേലികളെ തിരികെ കൊണ്ടുവരുന്നതിൽ ഇസ്രയേൽ ശ്രദ്ധ കേന്ദ്രീകരിക്കുമ്പോൾ, ഫലസ്തീനികൾക്കും ഹമാസിനും പിന്തുണ നൽകി ആക്രമണം തുടരുമെന്ന് ഹിസ്ബുള്ള വാഗ്ദാനം ചെയ്തിരിക്കുകയാണ്.
content summary ; Israeli strikes kill 492 in heaviest daily toll in Lebanon since 1975-90 civil war
