കല്യാണ്‍ ഡവലപ്പേഴ്സ് തിരുവനന്തപുരത്ത് രണ്ട് ഭവനങ്ങളുടെ നിര്‍മാണം പണിപൂര്‍ത്തിയാക്കി താക്കോല്‍ കൈമാറി. എന്‍എച്ച് ബൈപ്പാസില്‍ വെണ്‍പാലവട്ടത്തുള്ള കല്യാണ്‍ ഗേറ്റ് വേ, ശ്രീവരാഹത്തുള്ള കല്യാണ്‍ ഡിവിനിറ്റി എന്നീ പദ്ധതികളാണ് ഉപയോക്താക്കള്‍ക്ക് കൈമാറിയത്. തിരുവനന്തപുരത്തെ ഒ ബൈ താമരയിലാണ് കൈമാറ്റ ചടങ്ങ് സംഘടിപ്പിച്ചത്. ഇതോടെ കല്യാണ്‍ ഡവലപ്പേഴ്സ് കേരളത്തിലെമ്പാടുമായി 15 ഭവന പദ്ധതികള്‍ പണിപൂര്‍ത്തീകരിച്ച് താക്കോല്‍ കൈമാറി. തിരുവനന്തപുരത്ത് മാത്രം അഞ്ച് പദ്ധതികളുടെ നിര്‍മാണം പൂര്‍ത്തിയായി.
വെണ്‍പാലവട്ടത്തുള്ള കല്യാണ്‍ ഗേറ്റ് വേയില്‍ 14 നിലകളിലായി 90 2ബിഎച്ച്‌കെ, 3ബിഎച്ച്‌കെ അപ്പാര്‍ട്ട്‌മെന്റ് യൂണിറ്റുകളാണുള്ളത്. സ്വിമ്മിംഗ് പൂള്‍, ജിം, പാര്‍ട്ടി ഹാള്‍, കുട്ടികള്‍ക്കുള്ള കളിസ്ഥലം തുടങ്ങി ഏറ്റവും നവീനമായ സൗകര്യങ്ങളാണ് ഇവിടെ ഒരുക്കിയിരിക്കുന്നത്. ശ്രീവരാഹത്തുള്ള കല്യാണ്‍ ഡിവിനിറ്റിയില്‍ 11 നിലകളിലായി മനോഹരമായി രൂപകല്‍പന ചെയ്ത 55 2ബിഎച്ച്‌കെ, 3ബിഎച്ച്‌കെ അപ്പാര്‍ട്ട്‌മെന്റ് യൂണിറ്റുകളുണ്ട്. ശ്രീ പത്മനാഭസ്വാമി ക്ഷേത്രത്തിന് വളരെ അടുത്ത് സ്ഥിതി ചെയ്യുന്ന കല്യാണ്‍ ഡിവിനിറ്റിയില്‍ ജിം, പാര്‍ട്ടി ഹാള്‍, കുട്ടികളുടെ കളിസ്ഥലം തുടങ്ങിയ സൗകര്യങ്ങള്‍ ഏര്‍പ്പെടുത്തിയിട്ടുണ്ട്.
ഇന്ത്യയിലെ ഏറ്റവും വിശ്വസ്ത ആഭരണ ബ്രാന്‍ഡുകളിലൊന്നായ കല്യാണ്‍ ജൂവലേഴ്സിന്റെ സഹോദര സ്ഥാപനമാണ് കല്യാണ്‍ ഡവലപ്പേഴ്സ്. തൃശൂര്‍, തിരുവനന്തപുരം, കൊച്ചി, കോഴിക്കോട്, കോട്ടയം എന്നിവിടങ്ങളില്‍ നിലവില്‍ കല്യാണ്‍ ഡവലപ്പേഴ്സിന് ഭവന പദ്ധതികളുണ്ട്. കൂടുതല്‍ വിവരങ്ങള്‍ക്ക് 90201 55555 എന്ന നമ്പരില്‍ വിളിക്കുകയോ www.kalyandevelopers.com എന്ന വെബ്‌സൈറ്റ് സന്ദര്‍ശിക്കുകയോ ചെയ്യുക.
പണിപൂര്‍ത്തിയാക്കിയ രണ്ട് ഭവന പദ്ധതികളുടെ താക്കോല്‍ കൈമാറ്റ ചടങ്ങ് കഴക്കൂട്ടം എംഎല്‍എ കടകംപള്ളി സുരേന്ദ്രന്‍ ഉദ്ഘാടനം ചെയ്യുന്നു. കല്യാണ്‍ ജൂവലേഴ്സ് എക്‌സിക്യൂട്ടീവ് ഡയറക്ടര്‍ രമേഷ് കല്യാണരാമന്‍, കല്യാണ്‍ ഡവലപ്പേഴ്സ് മാനേജിംഗ് പാര്‍ട്ട്ണര്‍ ആര്‍ കാര്‍ത്തിക്, കല്യാണ്‍ ജൂവലേഴ്സ് മാനേജിംഗ് ഡയറക്ടര്‍ ടി.എസ്. കല്യാണരാമന്‍, കല്യാണ്‍ ജൂവലേഴ്സ് എക്‌സിക്യൂട്ടീവ് ഡയറക്ടര്‍, രാജേഷ് കല്യാണരാമന്‍ എന്നിവര്‍ സംബന്ധിച്ചു. Kalyan developers completes construction of two houses and hand over keys
Content Summary: Kalyan developers completes construction of two houses and hand over keys
