UPDATES

ലോക്സഭാ തെരഞ്ഞെടുപ്പ്; മുസ്ലിം സ്ഥാനാർത്ഥികൾ കുറയുന്നു

കഴിഞ്ഞ തെരഞ്ഞെടുപ്പിനേക്കാൾ എണ്ണം കുറയുന്നു

                       

ലോക്സഭാ തെരഞ്ഞെടുപ്പിന്റെ നാലു ഘട്ടങ്ങൾ പിന്നിടുകയാണ്. ലോകത്തിലെ ഏറ്റവും വലിയ,സങ്കീർണമായ തെരഞ്ഞെടുപ്പ് പ്രക്രിയ എല്ലാകാലവും വലിയ വൈവിധ്യങ്ങളെ ഉൾക്കൊണ്ടിരുന്നു. എന്നാൽ കഴിഞ്ഞ കുറച്ചു കാലങ്ങളായി ഇന്ത്യയുടെ ആത്മാവെന്ന് പറയപ്പെട്ടിരുന്ന വൈവിധ്യങ്ങൾക്ക് ലഭിക്കുന്ന പ്രാതിനിധ്യം ഏറെ ചർച്ചയായിരുന്നു. എന്നാൽ തെരെഞ്ഞെടുപ്പ് നടന്നുകൊണ്ടിരിക്കുന്ന സാഹചര്യത്തിൽ ഈ പ്രാതിനിധ്യം ഒരിക്കൽ കൂടി ചർച്ചയാവുകയാണ്.

2019 ലെ ലോകസഭാ തെരഞ്ഞെടുപ്പിൽ മുസ്ലിം സമുദായത്തിൽ നിന്ന് വിവിധ രാഷ്ട്രീയ കക്ഷികളെ പ്രതിനിധീകരിച്ച് 115 ഓളം സ്ഥാനാർത്ഥികൾ മത്സരിച്ചു. എന്നാൽ ബിജെപി മൂന്നാം തവണയും ജനവിധി തേടുന്ന തെരഞ്ഞെടുപ്പിൽ 78 മുസ്ലിം സ്ഥാനാർത്ഥികൾ മാത്രമാണ് രാജ്യത്തെ വിവിധ മണ്ഡലങ്ങളിൽ നിന്നുള്ളത്. ബിജെപിയിൽ നിന്ന് ഒരു സ്ഥാനാർത്ഥിയും, ബിഹാറിൽ ജെ.ഡി.(യു) വിന് വേണ്ടി മറ്റൊരു സ്ഥാനാർത്ഥിയും മത്സരിക്കുന്നുണ്ട്. കോൺഗ്രസ്, തൃണമൂൽ കോൺഗ്രസ്, സമാജ്‌വാദി പാർട്ടി, ആർജെഡി, എൻസിപി, സിപിഐ(എം ) തുടങ്ങി പ്രധാന പ്രതിപക്ഷ പാർട്ടികളും ഇത്തവണ മത്സരിപ്പിക്കുന്ന മുസ്ലിം സ്ഥാനാർത്ഥികളുടെ എണ്ണം വളരെ പരിമിതമാണ്.

115 സ്ഥാനാർഥികളിൽ നിന്ന് 26 പേർ മത്സരിച്ച സീറ്റിൽ നിന്ന് വിജയിച്ച് പാർലമെന്റിൽ എത്തിയിരുന്നു. നാല് പേർ കോൺഗ്രസ് പാർട്ടിയിൽ നിന്നും, നാല് പേർ തൃണമൂൽ കോൺഗ്രസ് (ടിഎംസി), മൂന്ന് പേർ ബഹുജൻ സമാജ് പാർട്ടി (ബിഎസ്പി), മൂന്ന് സമാജ് വാദി പാർട്ടി (എസ്പി), നാഷണലിസ്റ്റ് കോൺഗ്രസ് പാർട്ടി (എൻസിപി) എന്നിവരിൽ നിന്ന് ഓരോരുത്തർ വീതവുമാണ് വിജയിച്ചത്. കൂടാതെ കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) (സിപിഐ(എം)) , അസമിലെ ഓൾ ഇന്ത്യ യുണൈറ്റഡ് ഡെമോക്രാറ്റിക് ഫ്രണ്ട് (എഐയുഡിഎഫ്), ലോക് ജനശക്തി പാസ്വാൻ (ഇപ്പോൾ രണ്ട് വിഭാഗങ്ങളായി പിരിഞ്ഞു), ഇന്ത്യൻ യൂണിയൻ മുസ്ലീം ലീഗ് (ഐയുഎംഎൽ), ജമ്മു കശ്മീർ നാഷണൽ കോൺഫറൻസ് എന്നിവയിൽ നിന്നുള്ള മുസ്ലിം സ്ഥാനാർത്ഥികളായിരുന്നു.

ഏറ്റവും കൂടുതൽ സ്ഥാനാർത്ഥികളുള്ള പാർട്ടി ഏതാണ് ?

2024 ലെ തിരഞ്ഞെടുപ്പിൽ, ബഹുജൻ സമാജ് പാർട്ടി (ബിഎസ്പി)യാണ് 35 മുസ്ലീം സ്ഥാനാർത്ഥികളെ നാമനിർദ്ദേശം ചെയ്തിരിക്കുന്നത്. ഏറ്റവും കൂടുതൽ മുസ്ലിം സ്ഥാനാർത്ഥികൾ മത്സരിക്കുന്നതും ബിഎസ്പിക്ക് വേണ്ടിയാണ്. ഇതിൽ 17 എണ്ണം ഉത്തർപ്രദേശിലാണ്. മറ്റുള്ളവ വിവിധ സംസ്ഥാനങ്ങളിലായി വ്യാപിച്ചുകിടക്കുന്നുണ്ട്. മധ്യപ്രദേശിൽ നാല്, ബീഹാറിലും ഡൽഹിയിലും മൂന്ന് വീതം, ഉത്തരാഖണ്ഡിൽ രണ്ട്, രാജസ്ഥാൻ, തമിഴ്‌നാട്, പശ്ചിമ ബംഗാൾ, ജാർഖണ്ഡ്, തെലങ്കാന, ഗുജറാത്ത് എന്നിവിടങ്ങളിൽ ഒന്ന് വീതവുമാണ്. 2019ൽ ബിഎസ്പി 39 മുസ്ലീം സ്ഥാനാർത്ഥികളെ നിർത്തിയത്. അതിൽ മൂന്ന് പേർ മാത്രമാണ് വിജയിച്ചത്. എന്നാൽ 2014-നെ അപേക്ഷിച്ച് ബിഎസ്പിയുടെ മുസ്ലിം സ്ഥാനാർഥികളിലും വലിയ മാറ്റമുണ്ട്.

61 സ്ഥാനാർത്ഥികളിൽ നിന്നാണ് 35 ലേക്ക് താഴെ പോയിരിക്കുന്നത്. 2014ൽ 503 സീറ്റിൽ മത്സരിച്ച ബിഎസ്പി ഇത്തവണ 424 സീറ്റിലാണ് മത്സരിക്കുന്നത്. ബിഎസ്പിക്ക് ഇത്തവണ യുപിയിൽ 17 മുസ്ലീം സ്ഥാനാർത്ഥികളുണ്ടെങ്കിൽ, 2019ൽ അത് സംസ്ഥാനത്ത് ആറ് പേരെ മാത്രമാണ് മത്സരിപ്പിച്ചത്, പങ്കാളി എസ്പി മുസ്ലീം വോട്ട് ബാങ്കിൻ്റെ വലിയ അവകാശവാദിയാണ്. 2024ലെ തിരഞ്ഞെടുപ്പിൽ ഉത്തർപ്രദേശിൽ ബിഎസ്പിക്ക് 17 മുസ്ലീം സ്ഥാനാർത്ഥികളുണ്ട്. 2019-ൽ അവർക്ക് സംസ്ഥാനത്ത് ആറ് മുസ്ലീം സ്ഥാനാർത്ഥികളേ ഉണ്ടായിരുന്നുള്ളൂ. മുസ്ലീം വോട്ടുകൾ ഭിന്നിപ്പിക്കാനും ബിജെപിയെ പരോക്ഷമായി സഹായിക്കാനുമായാണ് കൂടുതൽ സ്ഥാനാർത്ഥികളെ ബിഎസ്പി മുന്നോട്ട് വയ്ക്കുന്നതെന്ന് കോൺഗ്രസും എസ്പിയും ഉൾപ്പെടുന്ന ഇന്ത്യൻ ബ്ലോക്ക് പാർട്ടികൾ ആരോപിക്കുന്നുണ്ട്.

കോൺഗ്രസിൽ നിന്ന് എത്ര പേർ ?

ഈ തെരഞ്ഞെടുപ്പിൽ 19 മുസ്ലീം സ്ഥാനാർത്ഥികളെ കോൺഗ്രസ് നോമിനേറ്റ് ചെയ്തിട്ടുണ്ട്. ആറ് സ്ഥാനാർത്ഥികളുള്ള പശ്ചിമ ബംഗാളിലാണ് ഏറ്റവും കൂടുതൽ പേർ. ബാക്കിയുള്ളവ ആന്ധ്രാപ്രദേശ്, അസം, ബിഹാർ, ഉത്തർപ്രദേശ് എന്നിവിടങ്ങളിൽ രണ്ട് വീതവും, കർണാടക, കേരളം, ഒഡീഷ, തെലങ്കാന, ലക്ഷദ്വീപ് എന്നിവിടങ്ങളിൽ ഓരോന്നുമാണ്. കോണ്‍ഗ്രസ് ഗുജറാത്തില്‍ ഒരൊറ്റ മുസ്ലിം സ്ഥാനാര്‍ത്ഥിയെപോലും നിര്‍ത്തിയിട്ടില്ല.

2019 ൽ പശ്ചിമ ബംഗാളിൽ 10 ഉം ഉത്തർപ്രദേശിൽ 8 ഉം ഉൾപ്പെടെ 34 മുസ്ലീം സ്ഥാനാർത്ഥികളെ കോൺഗ്രസ് നിർത്തി. ഇതിൽ നാല് സ്ഥാനാർത്ഥികൾ വിജയിച്ചു. ആ തിരഞ്ഞെടുപ്പിൽ കോൺഗ്രസ് ന്യൂനപക്ഷ പ്രീണനമാണ് നടത്തുന്നതെന്ന് ബിജെപി ആരോപിച്ചിരുന്നു. ഈ വർഷം, 2019-നെ അപേക്ഷിച്ച് 100 സീറ്റുകളിൽ കുറവാണ് കോൺഗ്രസ് മത്സരിക്കുന്നത്, 2024-ൽ 421 സീറ്റുകളിൽ നിന്ന് 328 സീറ്റുകളിലേക്ക് കുറഞ്ഞു. 2014ൽ കോൺഗ്രസ് 464 സീറ്റുകളിൽ മത്സരിച്ചപ്പോൾ ഏതാണ്ട് 31 സ്ഥാനാർത്ഥികളെയാണ് മത്സരിപ്പിച്ചത്.

മറ്റു പാർട്ടികൾ

ഇത്തവണ ആറ് മുസ്ലീം സ്ഥാനാർത്ഥികളെ നിർത്തിയ  ടിഎംസിയാണ് മൂന്നാം സ്ഥാനത്ത്. അവരിൽ അഞ്ച് പേരെ  ബംഗാളിലാണ് മത്സരിപ്പിച്ചത്. അസമിൽ ഒരു മുസ്ലീം സ്ഥാനാർത്ഥിയെയും രംഗത്തിറക്കിയിട്ടുണ്ട്. 2019-ൽ പശ്ചിമ ബംഗാൾ, ഒഡീഷ, ത്രിപുര, അസം, ബീഹാർ എന്നീ സംസ്ഥാനങ്ങളിലായി 13 മുസ്ലീം സ്ഥാനാർത്ഥികളെ തൃണമൂൽ മത്സരിപ്പിച്ചു, അവരിൽ ഭൂരിഭാഗവും ബംഗാളിലാണ്. അതിൽ നാലുപേർ വിജയിച്ചു. എന്നിരുന്നാലും, 2014ൽ, പശ്ചിമ ബംഗാളിൽ അധികാരത്തിലെത്തി മൂന്ന് വർഷത്തിന് ശേഷം, ടിഎംസി 24 മുസ്ലീം സ്ഥാനാർത്ഥികളെ നിർത്തി, അതിൽ മൂന്ന് പേർ വിജയിച്ചു. സമുദായത്തിൽ നിന്ന് ശക്തമായ പിന്തുണ ലഭിച്ചിട്ടും നാല് മുസ്ലീം സ്ഥാനാർത്ഥികളെ മാത്രമാണ് സമാജ്‌വാദി പാർട്ടി (എസ്പി) ഇത്തവണ മത്സരിപ്പിച്ചത്. 2019-ലെ സംഖ്യയുടെ പകുതിയാണിത്. എന്നാൽ കഴിഞ്ഞ മൂന്ന് പൊതുതിരഞ്ഞെടുപ്പുകളിൽ ടിഎംസി മത്സരിക്കുന്ന ലോക്‌സഭാ സീറ്റുകളുടെ എണ്ണം 131ൽ നിന്ന് 62 ഉം ഇത്തവണ 48 ആയി കുറയുകയാണ്. എസ്പി 2014ൽ 197 സീറ്റിൽ മത്സരിച്ചപ്പോൾ 2019ൽ 49 സീറ്റിൽ മാത്രമാണ് മത്സരിച്ചത്, ഇത്തവണ 71 സീറ്റുകളാണുള്ളത്. നിലവിലെ മുസ്ലീം സ്ഥാനാർത്ഥികളിൽ മൂന്ന് ഉത്തർപ്രദേശിലും (യുപി) ഒരെണ്ണം ആന്ധ്രാപ്രദേശിലുമാണ്, പാർട്ടിക്ക് യാദവ സ്ഥാനാർത്ഥികളും ഉണ്ട്. യുപിയിൽ, എസ്പി അതിൻ്റെ നിലവിലെ മുസ്ലീം എംപിമാരിൽ ഒരാളായ മൊറാദാബാദിൽ നിന്നുള്ള എസ് ടി ഹസനെ മാറ്റി ഒരു രുചി വീരയെ നിയമിച്ചു. ഈ മാറ്റം ബഹുജൻ സമാജ് പാർട്ടി (ബിഎസ്പി) മൊറാദാബാദിലെ പ്രചാരണ വിഷയമായി ഉപയോഗപ്പെടുത്തിയിരുന്നു.

തെരഞ്ഞെടുപ്പിൽ, ആർജെഡി ബീഹാറിൽ രണ്ട് മുസ്ലീം സ്ഥാനാർത്ഥികളെ നിർത്തി, 2019 ൽ അഞ്ച് സ്ഥാനാർത്ഥികളെ ഇറക്കി, അവരാരും വിജയിച്ചില്ല, 2014 ൽ ആറ് പേർ വിജയിച്ചു. 2019-ലെ 19-നെ അപേക്ഷിച്ച് മഹാഗത്ബന്ധൻ സഖ്യത്തിൻ്റെ ഭാഗമായി ബിഹാറിൽ (23) ആർജെഡി കൂടുതൽ സീറ്റുകളിൽ മത്സരിക്കുന്നു. മുസ്ലീം-യാദവ വോട്ട് ബാങ്കുള്ള മറ്റൊരു പാർട്ടി ഇത്തവണ രണ്ട് പേരെയാണ് ബീഹാറിൽ നിന്ന് മത്സരിപ്പിക്കുന്നത്. 2019 ൽ അഞ്ചും, 2014ൽ ആറ് മുസ്ലീം സ്ഥാനാർത്ഥികളെyum നിർത്തിയിരുന്നു. ഇത്തവണ 440 സീറ്റുകളിൽ ഒരു മുസ്ലീം സ്ഥാനാർത്ഥിയെ നിർത്തിയ ബിജെപിക്ക് 2019ൽ മൂന്ന് മുസ്ലീം സ്ഥാനാർത്ഥികളും 2014ൽ ഏഴ് സ്ഥാനാർത്ഥികളുമുണ്ടായിരുന്നു. 2024ൽ മുസ്ലിം സ്ഥാനാർത്ഥികളെ നിർത്തി പത്ത് സ്ഥാനാർത്ഥികളുള്ള പാർട്ടിയാണ് സിപിഐഎം. പശ്ചിമ ബംഗാളിൽ അഞ്ച്, കേരളത്തിൽ നാല്, തെലങ്കാനയിൽ ഒന്ന്.

Content summary; Muslim candidates fall across main parties in loksabha election

Share on

മറ്റുവാര്‍ത്തകള്‍