നാല് സ്ത്രീകളെ ബലാത്സം​ഗം ചെയ്തു, അനുവാ​ദമില്ലാതെ ദൃശ്യങ്ങൾ പകർത്തി

നോർവീജിയൻ കിരീടാവകാശിയുടെ മകൻ മാരിയസ് ബോർഗ് ഹോയ്ബിക്കെതിരെ നാല് ബലാത്സംഗ കേസുകൾ. ഇതിന് പുറമേ 23 കുറ്റങ്ങളാണ് മാരിയസ് ബോർഗ് ഹോയ്ബിക്കെതിരെ ചുമത്തിയിരിക്കുന്നത്.

കിരീടാവകാശിയായ മെറ്റ്-മാരിറ്റ്, അമ്മയായ ഹോയ്ബി, നോർവേയുടെ ഭാവി രാജാവായ ഹാക്കോൺ, രണ്ടാനച്ഛനായ ഹോയ്ബി എന്നിവർ അടുത്ത വർഷം ആദ്യം വിചാരണ നേരിട്ടേക്കും. വിചാരണ ശേഷം മാരിയസ് ബോർഗ് ഹോയ്ബി കുറ്റക്കാരനാണെന്ന് കണ്ടെത്തിയാൽ 10 വർഷം വരെ തടവ് ശിക്ഷ ലഭിച്ചേക്കും. നാല് സ്ത്രീകളെ ഇയാൾ ബലാത്സംഗം ചെയ്തതായാണ് റിപ്പോർട്ട്. മുൻ പങ്കാളിയെ ഗാർഹികമായി പീഡിപ്പിക്കുകയും, നിരവധി സ്ത്രീകളുടെ അറിവോ സമ്മതമോ ഇല്ലാതെ അവരുടെ ശരീരഭാഗങ്ങൾ ഇയാൾ ചിത്രീകരിക്കുകയും ചെയ്തിട്ടുണ്ട്. പല തവണ പോലീസിനെ ഉപദ്രവിക്കുകയും, ഗതാഗത നിയമലംഘനം നടത്തിയിട്ടുള്ളതായും റിപ്പോർട്ടുകളുണ്ട്.

എന്നാൽ തനിക്കെതിരെ ചുമത്തിയിട്ടുള്ള കുറ്റങ്ങളെല്ലാം മാരിയസ് ബോർഗ് ഹോയ്ബി നിഷേധിക്കുന്നതായി ഹോബിയെ പ്രതിനിധീകരിക്കുന്ന അഭിഭാഷകൻ പീറ്റർ സെകുലിക് പറഞ്ഞു. സംഭവങ്ങളെക്കുറിച്ചുള്ള തന്റെ വിശദീകരണം ഹോബി കോടതിയിൽ അവതരിപ്പിക്കുമെന്നും പീറ്റർ സെകുലിക് വ്യക്തമാക്കി. ഈ ജൂണിലാണ് നാല് ബലാത്സംഗ ഉൾപ്പെടെ ചുമത്തി ഹോബിക്കെതിരെ കേസെടുത്തത്. 2018 നും 2024 നവംബറിനും ഇടയിലാണ് ഹോയ്ബി നാല് സ്ത്രീകളെ ബലാത്സംഗം ചെയ്തതായി ആരോപിക്കപ്പെടുന്നത്. സ്ത്രീകൾ ഉറങ്ങിക്കിടക്കുമ്പോൾ ഉഭയസമ്മതത്തോടെയുള്ള ലൈംഗിക ബന്ധത്തിന് ശേഷമാണ് എല്ലാ ആക്രമണങ്ങളും നടന്നതെന്ന് ആരോപിക്കപ്പെടുന്നു. ബലാത്സംഗത്തിനിടെ എല്ലാ സ്ത്രീകളുടെ ദൃശ്യങ്ങൾ പകർത്തി എന്നതാണ് ഹോയ്ബിക്കെതിരെയുള്ള കുറ്റം.

ഈ കേസ് വളരെ ഗുരുതരമാണെന്നും അടുത്ത ബന്ധങ്ങളിലെ ബലാത്സംഗവും അക്രമവും വളരെ മോശമായ പ്രവൃത്തികളാണെന്നും തിങ്കളാഴ്ച ഹോയ്ബിക്കെതിരായ കുറ്റപത്രം അവതരിപ്പിക്കവേ, സ്റ്റേറ്റ് അറ്റോർണി സ്റ്റുർല ഹെൻറിക്സ്ബോ പറഞ്ഞു. ഹോയ്ബിയുടെ സ്ഥാനനോ പദവിയോ അടിസ്ഥാനമാക്കിയുള്ള പരിഗണന ഈ കേസിൽ ലഭിക്കുമെന്ന് പ്രതീക്ഷിക്കേണ്ടെന്നും സ്റ്റുർല ഹെൻറിക്സ്ബോ കൂട്ടിച്ചേർത്തു. ഹോയ്ബിക്കെതിരെ കുറ്റം ചുമത്തുമോ എന്നും ഏതൊക്കെ കുറ്റങ്ങൾ ചുമത്തിയുമാണ് കേസ് എടുക്കേണ്ടതെന്നും കഴിഞ്ഞ ഒന്നര മാസമായി ആലോചിച്ചു വരികയാണെന്ന് സ്റ്റേറ്റ് പ്രോസിക്യൂട്ടർ പറയുന്നു. ജനുവരിയിൽ ഏകദേശം ആറ് ആഴ്ചയോളം വിചാരണ നടക്കും. ഹോയ്ബിക്ക് നിലവിൽ രാജകീയ പദവിയില്ല. രാജകീയ പിന്തുടർച്ചാവകാശ പരിധിക്ക് പുറത്താണ് ഹോയ്ബി.

content summary: Son of Norway’s Crown Princess charged with four counts of rape