പുന്നപ്രയുടെ സമരനായകന് വിഎസ് അച്യുതാനന്ദനെ നെഞ്ചോട് ചേര്ക്കാന് വലിയ ചുടുകാടിലെ സ്വന്തം പേരിലുള്ള ഭൂമി ഒരുങ്ങിക്കഴിഞ്ഞു. രക്തസാക്ഷികളുടെ സ്മരണകള് പേറുന്ന മണ്ണില് തന്നെയാണ് വിഎസിനും അന്ത്യവിശ്രമം. പുന്നപ്ര-വയലാര് സമരത്തിലെ രക്തസാക്ഷികളുടെ സ്മരണകള് ഉറങ്ങുന്ന ഒരു ചരിത്രഭൂമികയാണ് വലിയ ചുടുകാട്.
പുന്നപ്ര-വയലാര് സമരനേതാക്കളെ സംസ്കരിക്കുന്ന പതിവ് സ്ഥലത്ത് നിന്നും അല്പം മാറിയാണ് വിഎസിന് അന്ത്യവിശ്രമത്തിന് ഇടം ഒരുങ്ങിയിരിക്കുന്നത്. പ്രവേശന കവാടത്തിന്റെ ഇടത് ഭാഗത്താണ് വിഎസിന്റെ സംസ്കാരം നിശ്ചയിച്ചിരിക്കുന്നത്. വിഎസിന് ഏറെ വൈകാരിക ബന്ധമുള്ള ഈ മണ്ണില് പി കൃഷ്ണപിള്ള മുതല് ഗൗരിയമ്മ വരെയുള്ള സഖാക്കള്ക്കൊപ്പമാകും ഇനി. വലിയ ചുടുകാട് വിഎസിനെ ഏറ്റുവാങ്ങുന്നതോടെ കേരള രാഷ്ട്രീയത്തിലെ, കമ്യൂണിസ്റ്റ് പ്രസ്ഥാനത്തിലെ അവിസ്മരണീയമായ ഒരു അധ്യായമാണ് പൂര്ത്തിയാകുക.
1957 ല് വി എസ് കമ്മ്യൂണിസ്റ്റ് പാര്ട്ടിയുടെ ആലപ്പുഴ ജില്ലാ സെക്രട്ടറി ആയിരുന്നപ്പോള് പാര്ട്ടിക്ക് വേണ്ടി വാങ്ങിയതാണ് വലിയ ചുടുകാടിലെ 22 സെന്റ് ഭൂമി. എത്രയോ തവണ മുഷ്ടി ചുരുട്ടി മുദ്രാവാക്യം വിളിച്ച മണ്ണില് പതിനായിരങ്ങളുടെ മുദ്രാവാക്യം ഏറ്റുവാങ്ങി വിടവാങ്ങലിനൊരുങ്ങുകയാണ് വിഎസ്. ആറു വര്ഷം മുമ്പ് പുന്നപ്ര വയലാര് രക്തസാക്ഷി ദിനാചരണത്തില് ദീപശിഖ കൈമാറാനായിരുന്നു വിഎസ് അവസാനമായി വലിയ ചുടുകാട് എത്തിയത്. എന്നാല് ഇത്തവണയെത്തുന്നത് മടക്കമില്ലാത്ത യാത്രയ്ക്കാണ്.
പുന്നപ്ര സമരത്തില് പങ്കെടുത്ത് വെടിയേറ്റ് മരിച്ചവരെയും ഭാഗികമായി ജീവന് നഷ്ടപ്പെട്ടവരെയും വലിയ ചുടുകാടില് എത്തിച്ച് കൂട്ടിയിട്ട് കത്തിക്കുകയായിരുന്നു. സര് സിപിയുടെ ചോറ്റുപട്ടാളത്തിന്റെ വെടിയുണ്ടകളേറ്റ് ചിതറിത്തെറിച്ച രക്തസാക്ഷികളുടെ പച്ചമാംസത്തിന്റെ ഗന്ധം ഇപ്പോഴും ഈ മണ്ണിനുണ്ട്. പുന്നപ്ര-വയലാര് സമരം വിഎസിന് ഒരിക്കലും ഉണങ്ങാത്ത മുറിവായിരുന്നെങ്കില്, വലിയ ചുടുകാട് ഒരിക്കലും മായാത്ത ചോരപ്പാടായിരുന്നു.
പി.കൃഷ്ണപിള്ളയ്ക്കും ഗൗരിയമ്മയ്ക്കും പുറമെ എം.എന്.ഗോവിന്ദന് നായര്, എസ്.കുമാരന്, സി.കെ.ചന്ദ്രപ്പന്, ആര്.സുഗതന്, ടി.വി.തോമസ്, പി.ടി.പുന്നൂസ്, ജോര്ജ് ചടയംമുറി, പി.കെ.ചന്ദ്രാനന്ദന്, പി.കെ.ചന്ദ്രാനന്ദന്, കെ.ആര്.ഗൗരിയമ്മ, പി.സുകുമാര്, ടി.വി.പത്മനാഭന്, എം.കെ.സുകുമാര്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി.പത്മനാഭന്, ടി.വി. ശ്രീധരന്, വി.സൈമണ് ആശാന്, കെ.സി.ജോര്ജ്, വി.കെ.വിശ്വനാഥന്, പി.കെ.കുഞ്ഞച്ചന്, കെ.കെ.കുഞ്ഞ്, സി.കെ.കേശവന്, എം.ടി.ചന്ദ്രസേനന്, എസ്.ദാമോദരന് തുടങ്ങിയ കമ്യൂണിസ്റ്റ് നേതാക്കളുടെ ഓര്മകളും ഈ ചരിത്ര ഭൂമിയെ സമരജ്വാലയാക്കുന്നു. ഇവര്ക്കിടയിലേക്ക് വിഎസ് കൂടി എത്തുന്നതോടെ വലിയ ചുടുകാടിന്റെ വിപ്ലവശോഭ ഇനിയേറും. valiya chudukaadu is preparing for vs funeral
Content Summary: valiya chudukaadu is preparing for vs funeral
This post was last modified on August 3, 2025 7:48 pm
Leave a Comment