ഹിരോഷിമയിലും നാഗസാക്കിയിലും കാണുന്നതുപോലെ ആണവായുധങ്ങളുടെ വിനാശകരമായ ഫലങ്ങൾ ഇനിയും ഉണ്ടാകാതിരിക്കാൻ ശക്തമായ വാദങ്ങൾ ഉയർന്ന് വരികയാണ്. ആണവ സ്ഫോടനങ്ങൾ അപ്പോഴുണ്ടാക്കുന്ന പ്രത്യാഘാതങ്ങൾക്ക് പുറമെ ദീർഘകാലം നീണ്ടുനിൽക്കുന്ന നാശനഷ്ടങ്ങൾക്കും കാരണമാകുന്നു. ഇത് മനുഷ്യർക്ക് വലിയ ആരോഗ്യ പ്രശ്നങ്ങളും ജീവഹാനിയുമടക്കം സംഭവിക്കാനിടയാക്കും. ഇത്തരം പ്രശ്നങ്ങൾ ആണവ നിരായുധീകരണത്തിൻ്റെ അടിയന്തിര ആവശ്യകതയെ ഉയർത്തിക്കാട്ടുന്നു. t happens when a nuclear weapon goes off
ഇന്ന് ലഭ്യമായ ആയുധങ്ങൾ 1945-ൽ ജപ്പാനിൽ പൊട്ടിത്തെറിച്ചതിനേക്കാൾ പലമടങ്ങ് നശീകരണ ശക്തിയുള്ളവയാണ്. ഹിരോഷിമ (15 കിലോടൺ), നാഗസാക്കി (25 Kt) ബോംബുകളിൽ നിന്ന് വ്യത്യസ്തമായി, ശീതയുദ്ധകാലത്ത് വികസിപ്പിച്ചെടുത്ത ഏറ്റവും ശക്തമായ ബോംബുകളുടെ വിനാശ ശക്തി മെഗാടണ്ണിൽ അളക്കാൻ കഴിയും ( 1 Mt = 1,000 Kt). ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും ശക്തമായ ആണവ സ്ഫോടനം – 1961 ലെ റഷ്യൻ സാർ ബോംബ് – (50 മെട്രിക് ടൺ വിനാശശക്തി), ഹിരോഷിമയിൽ പൊട്ടിത്തെറിച്ച ബോംബിൻ്റെ 3,800 മടങ്ങ് കൂടുതലാണ്.what happens when a nuclear weapon goes off
ജാപ്പനീസ് ആറ്റംബോംബിനെ അതിജീവിച്ചവരുടെ സംഘടനയായ നിഹോൺ ഹിഡാൻക്യോയെ നോബൽ കമ്മിറ്റി ആണവായുധങ്ങളില്ലാത്ത ഒരു ലോകം സൃഷ്ടിക്കാനുള്ള ശ്രമങ്ങൾ നടത്തുകയാണ്.
സ്ഫോടനം
ഒരു ആണവ സ്ഫോടനത്തിന് തന്നെ ദശലക്ഷക്കണക്കിന് ആളുകളെ കൊല്ലാനുള്ള ശേഷിയുണ്ട്, കൂടാതെ മുഴുവൻ നഗരങ്ങളെയും നശിപ്പിക്കാനുമുള്ള കഴിവുണ്ട്. ഇത്തരത്തിൽ ഒരു സ്ഫോടനത്തിൻ്റെ പ്രത്യാഘാതം നേരിട്ടുള്ള ന്യൂക്ലിയർ വികിരണത്തിൻ്റെ (ഒരു സെക്കൻഡിൽ താഴെ നീണ്ടുനിൽക്കുന്ന) മാരകമായ പൊട്ടിത്തെറിയായിരിക്കും, ഇതിന്റെ ഫലങ്ങൾ കിലോമീറ്ററുകളോളം വ്യാപിക്കും.
എന്നാൽ നേരിട്ടുള്ള റേഡിയേഷൻ അപൂർവ്വമായിട്ടേ അനുഭവപ്പെടുകയുള്ളു. കാരണം, ന്യൂക്ലിയർ ബോംബുകളുടെ തെർമൽ, ഷോക്ക് ഇഫക്റ്റുകൾക്ക് ആഘാതത്തിൽ വലിയ പങ്ക് വഹിക്കുന്നു.
ലളിതമായി പറഞ്ഞാൽ, മനുഷ്യരും (മിക്ക വസ്തുക്കളും) അക്ഷരാർത്ഥത്തിൽ ബാഷ്പീകരിക്കപ്പെടും, സ്ഫോടനത്തിൻ്റെ ആഘാതം എന്ന് പറയുന്നത് സൂര്യൻ്റെ കാമ്പിനെക്കാൾ കൂടുതൽ ഡിഗ്രി സെൽഷ്യസ് ചൂട് ഉണ്ടായിരിക്കും. ഒരു വലിയ ഫയർബോൾ രൂപം കൊള്ളും, അത് 1 Mt സ്ഫോടനത്തിന് ഏകദേശം രണ്ട് കിലോമീറ്റർ വ്യാസത്തിൽ വ്യാപിക്കുകയും അസഹനീയമായ പ്രകാശവും ചൂടും പുറപ്പെടുവിക്കുകയും ചെയ്യും. ഈ തെർമൽ ഫ്ലാഷ് അനേകം സെക്കൻ്റുകൾ നീണ്ടുനിന്നേക്കാം, ഒരു വലിയ എച്ച്-ബോംബ് സ്ഫോടനത്തിൽ നിന്ന് 50 കിലോമീറ്റർ അകലെ വരെ പൊട്ടിത്തെറിയുടെ ഭാഗമായി പ്രത്യാഘാതങ്ങൾ സംഭവിക്കാം.
ഒരു ന്യൂക്ലിയർ സ്ഫോടനം പ്രധാനമായും മൂന്ന് വഴികളിലൂടെ വ്യാപകമായ മരണത്തിനും നാശത്തിനും കാരണമാകുന്നു. പ്രാരംഭ സ്ഫോടനം ആളുകളെ തൽക്ഷണം കൊല്ലുന്നു, തുടർന്നുള്ള തീപിടുത്തങ്ങൾ കെട്ടിടങ്ങളും മറ്റു വസ്തുക്കളും കത്തിക്കുകയും നിരവധി ജീവൻ അപഹരിക്കുകയും ചെയ്യുന്നു. കൂടാതെ, സ്ഫോടനത്തിൻ്റെ അനന്തരഫലങ്ങൾ മാരകമാണ്, തകർന്നുവീഴുന്ന കെട്ടിടങ്ങൾ, പറക്കുന്ന വസ്തുക്കൾ, സ്ഫോടന തരംഗത്തിൽ നിന്നുള്ള ആന്തരിക രക്തസ്രാവം എന്നിവ ദോഷം ചെയ്യും. തീയിൽ നിന്നുള്ള വിഷ പുക ഓക്സിജൻ ദൗർലഭ്യത്തിലേക്കും കാർബൺ മോണോക്സൈഡ് വിഷബാധയിലേക്കും നയിക്കുന്നു, ഇത് മരണനിരക്ക് ഇനിയും വർദ്ധിപ്പിക്കുന്നു.
സ്ഫോടനം നടന്ന സ്ഥലത്തെ കൂടുതൽ ആളുകൾ അടിസ്ഥാന സൗകര്യങ്ങളുടെ അഭാവം മൂലവും മരണത്തിന് കീഴടങ്ങും.
പ്രത്യാഘാതങ്ങൾ
ഒരു ന്യൂക്ലിയർ സ്ഫോടനത്തിൻ്റെ പ്രത്യേകതയാണ് അതിൻ്റെ ദീർഘകാലം നീണ്ടുനിൽക്കുന്ന അനന്തരഫലങ്ങൾ – റേഡിയോ ആക്ടീവ് ഫാൾഔട്ട് എന്നാണ് ഇതിനെ പറയുന്നത്.
ന്യൂക്ലിയർ പ്രതിപ്രവർത്തനങ്ങൾ റേഡിയോ ആക്ടീവ് മെറ്റീരിയൽ ഉത്പാദിപ്പിക്കുന്നു, ഇത് അധിക ഊർജ്ജമുള്ള അസ്ഥിര ആറ്റങ്ങളാൽ നിർമ്മിതമാണ്. ഈ ആറ്റങ്ങൾ ഊർജ്ജം പുറപ്പെടുവിക്കുമ്പോൾ, ആൽഫ കണികകൾ, ബീറ്റാ കണികകൾ, ന്യൂട്രോണുകൾ, ഗാമാ കിരണങ്ങൾ എന്നിവയുൾപ്പെടെയുള്ള ഹാനികരമായ റേഡിയേഷനുകൾ പുറത്തുവിടുന്നു. ഈ വികിരണം മനുഷ്യർക്കും എല്ലാ ജീവജാലങ്ങൾക്കും അങ്ങേയറ്റം ഗുരുതരമായി ബാധിക്കുന്നു, ഇത് വളരെ വലിയ ആരോഗ്യ പ്രശ്നങ്ങൾ സൃഷ്ടിക്കുന്നു.
ഒരു ആണവ സ്ഫോടനത്തിൻ്റെ ഉടനടിയുണ്ടാകുന്ന വികിരണത്തിന്റെ വലിയ ആഘാതം ആഴ്ചകൾ നീണ്ടുനിൽക്കും, ഇത് കൂടുതൽ മരണങ്ങൾക്ക് കാരണമാകുന്നു. സ്ഫോടനത്തിന്റെ ശാശ്വത ഫലങ്ങൾ പതിറ്റാണ്ടുകളോളം നീണ്ടുനിൽക്കുന്നു. തുടക്കത്തിൽ, ഒട്ടുമിക്ക മരണങ്ങളും (90%) പൊള്ളൽ, സ്ഫോടനത്തിൽ നിന്നുണ്ടാകുന്ന അപകടങ്ങൾ എന്നിവയിൽ നിന്നാണ്, 10% റേഡിയേഷനിൽ നിന്നും. എന്നാൽ കാലക്രമേണ, റേഡിയേഷൻ എക്സ്പോഷർ ക്യാൻസറിലേക്കും ജനിതക നാശത്തിലേക്കും നയിക്കുന്നു, ഇത് വർഷങ്ങൾ കഴിഞ്ഞും തലമുറകൾ കഴിഞ്ഞും ആളുകളെ ബാധിക്കുന്നു.
ചെറിയ അളവിലുള്ള ന്യൂക്ലിയർ റേഡിയേഷൻ പോലും ക്യാൻസറിന്റെയും മറ്റ് രോഗങ്ങളുടെയും തോത് വർദ്ധിക്കാൻ കാരണമാകും. ഇതിനർത്ഥം ഒരു ആണവ സ്ഫോടനത്തിൽ നിന്നുള്ള ദോഷം ഉടനടിയുണ്ടാക്കുന്ന നാശങ്ങൾക്കപ്പുറം അത് പതിറ്റാണ്ടുകൾ നീണ്ടുനിൽക്കും. വാസ്തവത്തിൽ, 1945 മുതൽ 1980 വരെയുള്ള ആണവ പരീക്ഷണങ്ങൾ ലോകമെമ്പാടുമുള്ള 2.4 ദശലക്ഷം കാൻസർ മരണങ്ങൾക്ക് കാരണമായതായി കണക്കാക്കുകളിൽ നിന്ന് വ്യക്തമാകുന്നു.
ഒരു ആണവ സ്ഫോടനം പരിസ്ഥിതിയിലും കാലാവസ്ഥയിലും വിനാശകരമായ പ്രത്യാഘാതങ്ങൾ ഉണ്ടാക്കും. ആഗോള ആണവ ദുരന്തം ശാശ്വതമായ മാറ്റങ്ങൾക്ക് കാരണമായേക്കാമെന്ന് ശാസ്ത്രജ്ഞർ മുന്നറിയിപ്പ് നൽകുന്നു.
content summary; what happens when a nuclear weapon goes off
