ഡൽഹി നിയമസഭാ തിരഞ്ഞെടുപ്പിന് മുന്നോടിയായി 300 യൂണിറ്റ് സൗജന്യ വൈദ്യുതിയും 500 രൂപയ്ക്ക് എൽപിജി സിലിണ്ടറുകളും സൗജന്യ റേഷൻ കിറ്റുകളും നൽകുമെന്ന വാഗ്ദാനവുമായി കോൺഗ്രസ്. ഡൽഹിയിൽ അധികാരത്തിലെത്തിയാൽ കോൺഗ്രസ് തന്റെ അഞ്ച് വാഗ്ദാനങ്ങളും നിറവേറ്റുമെന്ന് തെലങ്കാന മുഖ്യമന്ത്രി രേവന്ദ് റെഡി വാർത്താ സമ്മേളനത്തിൽ പറഞ്ഞു.
ഡൽഹി കോൺഗ്രസ് അധ്യക്ഷൻ ദേവേന്ദർ യാദവും മറ്റ് മുതിർന്ന പാർട്ടി നേതാക്കളും വാർത്താ സമ്മേളനത്തിൽ പങ്കെടുത്തിരുന്നു. പണപ്പെരുപ്പത്തിനിടയിൽ വലയുന്ന വോട്ടർമാരെ ആകർഷിക്കുന്നതിനായി മെഹൻഗായ് മുക്ത് യോജനയും അവതരിപ്പിച്ചു. അധികാരത്തിലെത്തിയാൽ എല്ലാ സ്ത്രീകൾക്കും 2,500 രൂപ നൽകുമെന്ന് കോൺഗ്രസ് കഴിഞ്ഞ ആഴ്ച വാഗ്ദാനം ചെയ്തിരുന്നു. 25 ലക്ഷം രൂപ വരെ സൗജന്യ ആരോഗ്യ പരിരക്ഷ വാഗ്ദാനം ചെയ്യുന്ന ഗ്രാൻഡ് ഓൾഡ് പാർട്ടി ജീവൻ രക്ഷാ യോജന എന്ന പേരിൽ മറ്റൊരു പദ്ധതിയും ജനുവരി 8 ന് പ്രഖ്യാപിച്ചിരുന്നു. വിദ്യാസമ്പന്നരും തൊഴിലില്ലാത്തവരുമായ യുവാക്കൾക്ക് ഒരു വർഷത്തേക്ക് എല്ലാ മാസവും 8,500 രൂപ നൽകുമെന്നും പാർട്ടി വാഗ്ദാനം ചെയ്തിട്ടുണ്ട്.
ഫെബ്രുവരി 5 നാണ് ഡൽഹി തിരഞ്ഞെടുപ്പ് നടക്കുക. ഫെബ്രുവരി 8 ന് ഫലം പ്രഖ്യാപിക്കും. 2015 ലും 2020 ലും മികച്ച വിജയത്തിന് ശേഷം ദേശീയ തലസ്ഥാനത്ത് ഹാട്രിക്ക് വിജയത്തിനായി കാത്തിരിക്കുകയാണ് ആം ആദ്മി പാർട്ടി. 1998 മുതൽ ഡൽഹിയിൽ അധികാരത്തിലെത്താൻ ബിജെപിക്ക് കഴിഞ്ഞിട്ടില്ല. അഴിമതിയുടെ പേരിൽ അരവിന്ദ് കെജ്‌രിവാളിനെതിരെ ബിജെപി പ്രതിഷേധം ശക്തമാക്കിയിരുന്നു. ഡൽഹിയിൽ കഴിഞ്ഞ രണ്ട് നിയമസഭാ തിരഞ്ഞെടുപ്പുകളിലും കോൺഗ്രസിന് സീറ്റുകളൊന്നും നേടാനായില്ല.
Content summary: 300 units of free electricity and ration kit; Congress with promises in Delhi
delhi election polls revanth reddy congress
