യുഎസ് സ്റ്റാർട്ട് അപ്പ് നിർമ്മിച്ച പരീക്ഷണ വിമാനമായ ബൂം സൂപ്പർസോണിക് ജെറ്റ് പുതിയ കോൺകോഡിന് വഴിതുറക്കുന്നു. 20 വർഷങ്ങൾക്ക് മുൻപ് ശബ്ദത്തേക്കാൾ വേഗതയുള്ള അമേരിക്കയുടെ സൂപ്പർ സോണിക് വിമാനമായ കോൺകോഡിന് ശേഷമാണ്
ബൂം സൂപ്പർ സോണിക് എത്തുന്നത്.supersonic
ചൊവ്വാഴ്ച കാലിഫോർണിയയിലെ മൊജാവേ മരുഭൂമിയിൽ നിന്ന് 34,000 അടി ഉയരത്തിൽ എത്തിയ ശേഷം, ബൂം സൂപ്പർസോണിക് ൻ്റെ XB-1, മണിക്കൂറിൽ 770 മൈൽ വേഗതയിൽ മാക് 1 വിജയകരമായി മറികടന്നു. നിരവധി യുഎസ് ടെക് നിക്ഷേപകരുടെ പിന്തുണയുള്ള ഡെൻവർ ആസ്ഥാനമായുള്ള കമ്പനിയും ഓപ്പൺ എഐയുടെ സ്ഥാപകൻ സാം ആൾട്ട്മാനും പറഞ്ഞതിങ്ങനെയാണ്. “യുഎസ് ഗവൺമെന്റിന്റെ പിന്തുണയില്ലാതെ സ്വതന്ത്രമായി നിർമിക്കപ്പെട്ട ആദ്യ ജെറ്റ് വിമാനമാണിത്.“
2014-ൽ ചീഫ് എക്‌സിക്യൂട്ടീവ് ബ്ലെയ്ക്ക് ഷോൾ സ്ഥാപിച്ച ബൂം, 2029-ൽ തന്നെ അതിൻ്റെ വാണിജ്യ വിമാനമായ ഓവർച്യൂറിൽ യാത്രക്കാരെ കയറ്റാൻ സാധിക്കുമെന്നാണ് പ്രതീക്ഷിക്കുന്നത്. ഷോൾ ബൂം വിമാനത്തിന്റെ നിർമാണത്തെ ചരിത്രത്തിലെ നാഴികക്കല്ലായി വാഴ്ത്തി. “ഞങ്ങൾക്ക് ഒരു സിവിൽ സൂപ്പർസോണിക് ഫ്ലൈറ്റ് ഉണ്ടായിട്ട് 22 വർഷമായി. വ്യവസായം പിന്നോട്ട് പോയി, എന്നാൽ ഇന്ന് ഞങ്ങൾ തിരിച്ചെത്തിയിരിക്കുകയാണ്“ബ്ലെയ്ക്ക് ഷോൾ പറഞ്ഞു.
2003-ൽ കോൺകോർഡ് വിരമിച്ചതോടെ സൂപ്പർസോണിക് വാണിജ്യ പറക്കലിൻ്റെ യുഗം പെട്ടെന്ന് അവസാനിക്കുകയായിരുന്നു. വിമാനത്തിൻ്റെ ഉയർന്ന ഇന്ധന ഉപഭോഗം വിമാനത്തിന്റെ പ്രവർത്തനത്തിനെ വളരെ ചെലവേറിയതാക്കി. ഫ്ലൈറ്റ് പാതകൾ ട്രാൻസ് അറ്റ്ലാൻ്റിക് റൂട്ടുകളിലേക്ക് പരിമിതപ്പെടുത്തുകയും ചെയ്തു.സെപ്റ്റംബർ 11-ലെ ഭീകരാക്രമണം, യാത്രക്കാരുടെ എണ്ണത്തിൽ കുറവുണ്ടാക്കി. ഇത് ഓപ്പറേറ്റർമാരായ ബ്രിട്ടീഷ് എയർവേയ്‌സിനും എയർ ഫ്രാൻസിനും അന്തിമ ദിനങ്ങളെന്ന് തെളിഞ്ഞു ഇത് കോൺകോർഡ് പ്രോഗ്രാം അവസാനിപ്പിക്കാൻ കാരിയറുകളെ പ്രേരിപ്പിച്ചു.
ചൊവ്വാഴ്ചത്തെ ഫ്ലൈറ്റിന് മുമ്പ്, ബൂം കഴിഞ്ഞ വർഷം മാർച്ച് മുതൽ XB-1 ഉപയോഗിച്ച് 11 ടെസ്റ്റ് ഫ്ലൈറ്റുകൾ നടത്തിയിരുന്നു. അടുത്തിടെ മാക് 1 ൻ്റെ സൂപ്പർസോണിക് പരിധിക്ക് മാക് 0.95 വേഗതയിൽ എത്തിയിരുന്നു. ബൂം യാത്രാവിമാനങ്ങൾക്കായി ഉപയോഗിക്കുമെന്ന് പ്രതീക്ഷിക്കുന്ന ഓവർചർ ജെറ്റിൻ്റെ മൂന്നിലൊന്ന് വലുപ്പമാണ് XB-1നുള്ളത്. 64 മുതൽ 80 വരെ യാത്രക്കാരെ വഹിക്കാൻ രൂപകൽപ്പന ചെയ്‌തിരിക്കുന്ന ഈ വിമാനം ഇന്നത്തെ ശരാശരി വാണിജ്യ വിമാനത്തേക്കാൾ ചെറുതായിരിക്കും കൂടാതെ ഏകദേശം 200 മില്യൺ ഡോളർ ചിലവാകും. 130 വിമാനങ്ങൾ വാങ്ങുന്നതിനായി യുണൈറ്റഡ് എയർലൈൻസ്, അമേരിക്കൻ എയർലൈൻസ്, ജപ്പാൻ എയർലൈൻസ് എന്നിവയിൽ നിന്ന് കമ്പനി ഇതിനകം ഓർഡറുകളും പ്രീ-ഓർഡറുകളും എടുത്തിട്ടുണ്ട്.
F-22, F-35 യുദ്ധവിമാനങ്ങൾക്കായി ടർബൈനുകൾ രൂപകൽപ്പന ചെയ്യാൻ സഹായിച്ച ക്രാറ്റോസ് ഡിഫൻസ് & സെക്യൂരിറ്റി സൊല്യൂഷൻസുമായി ചേർന്ന് ബൂം ഓവർച്ചറിനായി സ്വന്തം എഞ്ചിനുകൾ വികസിപ്പിക്കാനാണ് പദ്ധതിയിടുന്നത്. വിജയകരമായി വികസിപ്പിച്ചാൽ, ബൂമിൻ്റെ വിമാനത്തിന് മാക് 1.7-ൽ പറക്കാൻ കഴിയും. എയർബസ് അല്ലെങ്കിൽ ബോയിംഗ് നിർമ്മിച്ച ഇന്നത്തെ ഏറ്റവും വേഗതയേറിയ വാണിജ്യ വിമാനത്തിൻ്റെ ഇരട്ടി വേഗതയിലായിരിക്കും പറക്കൽ. ഇത് വിമാനയാത്രയുടെസമയം പകുതിയായി കുറയ്ക്കാൻ സഹായിക്കും. ലണ്ടനും മിയാമിയും തമ്മിലുള്ള യാത്രകൾക്ക് അഞ്ച് മണിക്കൂറും ലോസ് ഏഞ്ചൽസിൽ നിന്ന് ഹോണോലുലുവിലേക്ക് മൂന്ന് മണിക്കൂറും മാത്രമായിരിക്കും യാത്രാസമയം. ലോകമെമ്പാടുമുള്ള 600-ലധികം റൂട്ടുകളിൽ പറക്കുന്ന തരത്തിലാണ് വിമാനം രൂപകൽപ്പന ചെയ്തിരിക്കുന്നത്.
ചൊവ്വാഴ്ചത്തെ പരീക്ഷണം വിജയമാണെങ്കിലും, വികസനത്തിലേക്കും സമാരംഭത്തിലേക്കും പദ്ധതിയെ കൊണ്ടുപോകുന്നത് സാങ്കേതികവും സാമ്പത്തികവുമായ വെല്ലുവിളിയാണ്. ലോക്ക്ഹീഡ് മാർട്ടിനും ബോയിംഗും ഉൾപ്പെട്ടിരുന്ന എരിയോൺ സൂപ്പർസോണിക് 2021-ൽ തകർന്നു. മറ്റൊരു കമ്പനിയായ എക്സോസോണിക് കഴിഞ്ഞ വർഷം നവംബറിൽ അടച്ചുപൂട്ടി. ബൂമിൻ്റെ ഏറ്റവും പുതിയ ഫണ്ടിംഗ് റൗണ്ട് 100 മില്യൺ അതിൻ്റെ മൊത്തം നിക്ഷേപക പിന്തുണ ഏകദേശം 600 മില്യൺ ഡോളറിലെത്തി. ഓപ്പൺ എഐയുടെ ആൾട്ട്മാനിനൊപ്പം, വ്യവസായിയായ അലക്സ് ഗെർക്കോ, എക്സ്ടിഎക്സ് മാർക്കറ്റുകളുടെ സ്ഥാപകൻ, ലിങ്ക്ഡ്ഇന്നിൻ്റെ സഹസ്ഥാപകൻ റീഡ് ഹോഫ്മാൻ എന്നിവരും ഉൾപ്പെടുന്നു.
യുഎസ് എയർഫോഴ്‌സ് ഉൾപ്പെടെയുള്ള മറ്റ് സ്രോതസ്സുകളിൽ നിന്നും 250 മില്യണിലധികം ഡോളറും എയർലൈൻ ഉപഭോക്താക്കളിൽ നിന്ന് റീഫണ്ട് ചെയ്യാനാകാത്ത നിക്ഷേപങ്ങളും കമ്പനിക്ക് ലഭിച്ചിട്ടുണ്ട്. ഓവർച്ചറിൻ്റെ വിപണിയിൽ “1,000 വിമാനങ്ങൾ ഉണ്ടായിരിക്കുമെന്ന് താൻ വിശ്വസിക്കുന്നതായി ഷോൾ പറഞ്ഞു.
“ഞങ്ങൾക്ക് താങ്ങാനാവുന്ന വിലയും സുസ്ഥിരതയും സുരക്ഷയും പരിഹരിക്കാൻ കഴിയുമെങ്കിൽ, എല്ലാവർക്കും സൂപ്പർസോണിക് വേണം. കഴിഞ്ഞ തവണ ഞങ്ങൾ ഒരു സൂപ്പർസോണിക് ജെറ്റ് നിർമ്മിച്ചതിന് പതിറ്റാണ്ടുകൾക്ക് ശേഷമുളളതാണ് ഈ വിമാന നിർമ്മാണം. ബോയിംഗോ എയർബസോ 20 വർഷമായി ഒരു പുതിയ വിമാനം നിർമ്മിച്ചിട്ടില്ലെന്നും അദ്ദേഹം പറഞ്ഞു.
ഒരു സീറ്റിന് ഏകദേശം 5,000 ഡോളർ എന്ന നിരക്കിൽ എയർലൈനുകൾ ലാഭകരമാകുമെന്ന് ബൂം പ്രതീക്ഷിക്കുന്നു. ഓവർചർ, കാർബൺ ഫൈബർ പോലുള്ള പുതിയ മെറ്റീരിയലുകൾ ഉപയോഗിച്ചാണ് നിർമ്മിക്കുന്നത്, ഇത് കോൺകോഡിനേക്കാൾ കൂടുതൽ ഇന്ധനക്ഷമതയുള്ളതായിരിക്കും. ഇതിൻ്റെ എഞ്ചിനുകൾക്ക് ഇന്ധനം നിലനിർ‌ത്തി പറത്താനും സാധിക്കും.supersonic
content summary ; A new super-fast jet broke the sound barrier, paving the way for a modern version of the Concorde
