ഓപ്പൺഎഐയെ ഏറ്റെടുക്കുന്നതിന് ഒരുങ്ങി എലോൺ മസ്കിന്റെ നേതൃത്വത്തിലുള്ള നിക്ഷേപകർ. 8.4 ലക്ഷം കോടിയെന്ന വമ്പൻ വാഗ്ദാനവുമായാണ് ഇവർ രംഗത്തെത്തിയത്. മസ്കിന്റെ AI കമ്പനിയായ xAI, ബാരൺ ക്യാപിറ്റൽ ഗ്രൂപ്പ്, ഇമ്മാനുവൽ ക്യാപിറ്റൽ എന്നിവരാണ് വാഗ്ദാനം നൽകിയ കമ്പനികൾ.
സാം ആൾട്ട്മാൻ നയിക്കുന്ന എഐ നിലവിലെ മോഡലിൽ നിന്ന് ലാഭേച്ഛയോടെ പ്രവർത്തിക്കുന്ന ഘടനയിലേക്ക് മാറുകയാണ് ഇതിനെ വർഷങ്ങൾക്ക് മുമ്പേ മസ്ക് ശക്തമായി എതിർത്തിരുന്നു. മസ്‌കിന്റെയും ആൾട്ട്മാന്റെയും ഏറ്റുമുട്ടലുകളുടെ ചരിത്രം കണക്കിലെടുക്കുമ്പോൾ, ഈ ലേല വാഗ്ദാനം ഇരുവരും തമ്മിലുള്ള പ്രശ്നം കൂടുതൽ ഗുരുതരമാക്കിയേക്കാം.
എലോൺ മസ്ക് ഓപ്പൺഎഐയുടെ നിയന്ത്രണം ഏറ്റെടുക്കാൻ ശ്രമിക്കുന്നതായുള്ള വാർത്തകൾക്കെതിരെ എക്സിലൂടെ സാം ആൾട്ട്മാൻ പ്രതികരിച്ചു. “വേണ്ട, നന്ദി, പക്ഷേ നിങ്ങൾക്ക് വേണമെങ്കിൽ ഞങ്ങൾ 9.74 ബില്യൺ ഡോളറിന് ട്വിറ്റർ വാങ്ങാം.
2015ൽ ആയിരുന്നു മസ്ക് ഓപ്പൺഎഐയിൽ സഹസ്ഥാപകനായി എത്തിയത്. എന്നാൽ അവരുടെ പങ്കാളിത്തം അധികകാലം നീണ്ടുനിന്നില്ല. സംഘടന ശ്രദ്ധ നേടിക്കൊണ്ടിരിക്കുമ്പോൾ മസ്ക് ആ സ്ഥാപനം ഉപേക്ഷിച്ചു, 2023ൽ സ്വന്തം AI സംരംഭമായ xAI രൂപീകരിച്ചു. അതിനുശേഷം, മസ്ക് ഓപ്പൺഎഐയുടെ ഏറ്റവും ശക്തമായ വിമർശകരിൽ ഒരാളായി മാറുകയും ചെയ്തു.
കഴിഞ്ഞ വർഷം, ലാഭം പിന്തുടരുന്നതിലൂടെ കമ്പനിയുടെ യഥാർത്ഥ ദൗത്യത്തെ വഞ്ചിച്ചുവെന്ന് ആരോപിച്ച് ഓപ്പൺഎഐക്കെതിരെ മസ്ക് നിയമനടപടി സ്വീകരിച്ചു. ലാഭേച്ഛയോടെ പ്രവർത്തിക്കുന്ന എ ഐയുടെ ഘടനയിലേക്കുള്ള മാറ്റം തടയാൻ മസ്ക് കോടതി ഉത്തരവ് പോലും തേടി. വിപുലമായ AI ഗവേഷണത്തിനും വികസനത്തിനും ധനസഹായം ഉറപ്പാക്കാൻ ഈ മാറ്റം ആവശ്യമാണെന്ന് വാദിച്ചുകൊണ്ട് ഓപ്പൺഎഐ മുന്നോട്ട് പോയി.
മസ്‌കും ആൾട്ട്മാനും തമ്മിലുള്ള പൊതു തർക്കങ്ങൾ രസകരമായ വാർത്തകൾക്ക് വഴിയൊരുക്കുമ്പോൾ, ഗുരുതരമായ നിയമ, ഭരണപരമായ ചോദ്യങ്ങൾ ഉയർന്നുവരുന്നുണ്ട്. ഓപ്പൺഎഐയുടെ പദ്ധതികളെ മസ്കിന്റെ ഈ ശ്രമം സങ്കീർണ്ണമാക്കുമെന്ന് നിയമ വിദഗ്ധർ അഭിപ്രായപ്പെടുന്നു. മസ്കിന്റെ ഓഫർ ബോർഡ് നിരസിച്ചാൽ, മികച്ച ഇടപാട് എന്തുകൊണ്ട് സ്വീകരിക്കുന്നില്ലെന്നതിന് എ ഐ വിശദീകരണം നൽകേണ്ടി വന്നേക്കാം. ഇത് കൂടുതൽ സൂക്ഷ്മപരിശോധനയ്ക്കും ബോർഡിന്റെ വിശ്വസ്ത ഉത്തരവാദിത്തങ്ങളെക്കുറിച്ചുള്ള നിയമപരമായ വെല്ലുവിളികൾക്കും കാരണമായേക്കാം.
നിക്ഷേപകരെ ആകർഷിക്കുന്നതിനായി ലാഭേച്ഛയില്ലാതെ പ്രവർത്തിക്കുന്ന ഒരു സംരംഭം പോലെ കമ്പനിയ്ക്ക് പ്രവർത്തിക്കേണ്ടതുണ്ട്. മറുവശത്ത്, മസ്കിന്റെ ലേലം അവഗണിക്കാതിരിക്കാനും കഴിയില്ല. ഈ നീക്കങ്ങൾ ഓപ്പൺഎഐയുടെ ഫണ്ട്‌റൈസിംഗ് പദ്ധതികളുടെ ഭാവി ചർച്ചകളെ സങ്കീർണ്ണമാക്കിയേക്കാം.
ഓപ്പൺഎഐയുടെ മൂല്യം ഏകദേശം 157 ബില്യൺ ഡോളറായിരുന്നു, സോഫ്റ്റ്ബാങ്ക് പുതിയ ഫണ്ടിംഗ് റൗണ്ട് പരിഗണിക്കുന്നുണ്ടെന്നും തുടർന്ന് എഐയുടെ മൂല്യം 300 ബില്യൺ ഡോളറായി ഉയർത്തുമെന്നും റിപ്പോർട്ടുണ്ട്. അതുകൊണ്ട് തന്നെ നിയന്ത്രണം ഏറ്റെടുക്കണമെങ്കിൽ മസ്കിന് വലിയ അളവിൽ മൂലധനം നേടേണ്ടതുണ്ട്. അദ്ദേഹത്തിന്റെ ചില ടെസ്‌ല ഓഹരികൾ വിൽക്കുക, ആ ഓഹരികൾ ഈടായി വായ്പ എടുക്കുക, അല്ലെങ്കിൽ സ്‌പേസ് എക്‌സിലെ തന്റെ ഓഹരി ഈടായി ഉപയോഗിക്കുക എന്നിവയാണ് അതിനായി മസ്കിന്റെ മുന്നിലുള്ള ഓപ്ഷനുകൾ.
മസ്കിന്റെ ഈ ശ്രമം ഓപ്പൺഎഐയുടെ നിലവിലെ ഫണ്ട്‌റൈസിംഗ് ശ്രമങ്ങളെ തടസ്സപ്പെടുത്തുമെന്ന് വ്യവസായ നിരീക്ഷകർ പറയുന്നു.മസ്കിന് കമ്പനിയുടെ നിയന്ത്രണം ഏറ്റെടുക്കാൻ കഴിയുമോ എന്നത് സംശയമാണ് എന്നാൽ രണ്ട് ടെക് ഭീമൻമാർ തമ്മിലുള്ള പോരാട്ടം തുടരാൻ ഇത് കാരണമായേക്കാം.
content summary: Elon Musk’s group attempts a $97 billion hostile bid to take control of OpenAI.
