പ്രളയത്തെ തുടര്ന്നുള്ള ആരോഗ്യ മേഖലയിലെ പ്രശ്നങ്ങള് പരിഹരിക്കാന് കണ്ട്രോള് റൂം തുറന്നു.
പ്രളയത്തെ തുടര്ന്നുള്ള ആരോഗ്യ മേഖലയിലെ പ്രശ്നങ്ങള് പരിഹരിക്കാന് കണ്ട്രോള് റൂം തുറന്നു. രക്ഷാപ്രവര്ത്തനം അന്തിമഘട്ടത്തിലായതിനാല് വിവിധ മെഡിക്കല് ക്യാമ്പുകളുടെ പ്രവര്ത്തനം ഏകോപിപ്പിക്കുന്നതിനും പകര്ച്ചവ്യാധികള് ഫലപ്രദമായി പ്രതിരോധിക്കുന്നതിനും വേണ്ടിയാണ് കണ്ട്രോള് റൂം തുറന്നത്. 18001231454 എന്നതാണ് കണ്ട്രോള് റൂം നമ്പര്. ആരോഗ്യ സാമൂഹ്യ നീതി വകുപ്പ് മന്ത്രി കെ കെ ശൈലജ ഫേസ്ബുക്ക് പോസ്റ്റിലൂടെയാണ് ഈ വിവരം അറിയിച്ചത്.
സംസ്ഥാനത്തെ മുഴുവന് മെഡിക്കല് ക്യാമ്പുകളിലേയും ഏകോപനം നടക്കുന്നത് ഇവിടെയാണ്. ക്യാമ്പുകളിലുണ്ടാകുന്ന പ്രശ്നങ്ങള്, ജീവനക്കാരുടെ കുറവ്, മരുന്നുകളുടെ കുറവ് എന്നിവ കണ്ട്രോള് റൂമില് ലഭിച്ചാലുടന് തന്നെ സത്വര നടപടികളെടുക്കാന് പ്രത്യേക സംഘത്തെ നിയോഗിച്ചിട്ടുണ്ട്. ഇതുകൂടാതെ വാട്സ്ആപ്, ഫേസ്ബുക്ക്, ദൃശ്യ, ശ്രവ്യ, പത്ര മാധ്യമങ്ങളില് വരുന്ന ആരോഗ്യത്തെ സംബന്ധിച്ചുള്ള വിവരങ്ങളുടെ അടിസ്ഥാനത്തിലും സത്വര നടപടികളെടുക്കുന്നതാണ്. ദുരിതമനുഭവിക്കുന്ന സ്ഥലങ്ങളിലെ പൊതുജനങ്ങള്ക്കും ചികിത്സാ സൗകര്യങ്ങള്ക്കായി ഈ നമ്പരിലേക്ക് വിളിക്കാവുന്നതാണ്. ആംബുലന്സ് ഉള്പ്പെടെയുള്ള സേവനം ലഭ്യമാക്കാന് നടപടികളെടുക്കുന്നതാണ്. ഇതോടൊപ്പം ആരോഗ്യ സംബന്ധമായ സംശയങ്ങളും ചോദിക്കാവുന്നതാണ്. ഇവിടെ ലഭിക്കുന്ന വിവരങ്ങളുടെ അടിസ്ഥാനത്തില് പ്രത്യേക യോഗം കൂടുകയും റിപ്പോര്ട്ട് തയ്യാറാക്കുകയും ചെയ്യും.