യുഎഇയില് തെരഞ്ഞെടുക്കപ്പെട്ട പ്രവാസികള്ക്ക് രാജ്യത്ത് സ്ഥിരതാമസാനുമതി നല്കുന്ന പദ്ധതിക്ക് തുടക്കമായി. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂമാണ് ഇക്കാര്യം ട്വിറ്ററിലൂടെ അറിയിച്ചത്.
നിക്ഷേപകര്ക്കും വൈദ്യശാസ്ത്രം, എഞ്ചിനീയറിങ്, ശാസ്ത്രം, കല, വിദ്യാഭ്യാസം, എന്നീ രംഗങ്ങളിലെ പ്രതിഭകള്ക്കുമായിരിക്കും ഗോള്ഡന് കാര്ഡ് എന്നറിയപ്പെടുന്ന സ്ഥിര താമസാനുമതി ലഭിക്കുകയെന്ന് ശൈഖ് മുഹമ്മദ് ട്വീറ്റില് വ്യക്തമാക്കുന്നു. 6800 പേര്ക്കാണ് ആദ്യ ഘട്ടത്തില് സ്ഥിരതാമസ അനുമതി ലഭിക്കുക. 10,000 കോടി ദിര്ഹത്തിന്റെ നിക്ഷേപമാണ് ഇവര്ക്ക് രാജ്യത്തുള്ളതെന്നും അദ്ദേഹം വ്യക്തമാക്കി. ഗോള്ഡന് കാര്ഡ് ലഭ്യമാകുന്നതോടെ പ്രവാസികള്ക്കും കുടുംബത്തിനും ബിസിനസ് രംഗത്ത് അനുകൂല സാഹചര്യങ്ങള് ഒരുങ്ങും. ഗോള്ഡന് കാര്ഡ് ലഭിക്കുന്നതോടെ ലക്ഷകണക്കിന് പ്രവാസികള്ക്ക് ഗുണം ചെയ്യുമെന്നും ശൈഖ് മുഹമ്മദ് ബിന് റാഷിദ് അല് മക്തൂം പറഞ്ഞു.
We launched a new “Golden Card” system to grant permanent residency to investors and exceptional doctors, engineers, scientists and artists. The first batch of 6,800 investors with Dh100 billion worth of investments will be granted the “Golden Card.”
— HH Sheikh Mohammed (@HHShkMohd) May 21, 2019
The permanent residency “Golden Card” will be granted to exceptional talents and everyone who positively contributes to the success story of the UAE. We want them to be permanent partners in our journey. Residents are an indispensable part of our country.
— HH Sheikh Mohammed (@HHShkMohd) May 21, 2019
