ബാഡ്മിന്റെ പരിശീലിക്കൂ ലൈംഗികാസക്തി ഒഴിവാക്കു

വിവാഹത്തിനു മുമ്പുള്ള ലൈംഗികബന്ധം തടയുന്നതിന് വേണ്ടി പുതിയ അധ്യാപന സമീപനം തന്നെ സ്വീകരിച്ചിരിക്കുകയാണ് ഹോങ്കോങ്. കൗമാരക്കാരായ ആൺകുട്ടികളും, പെൺകുട്ടികളും അടുത്തിടപഴകുന്നത് ഒഴിവാക്കാനും ലൈംഗിക പ്രേരണകൾ തടയാനുമായി ബാഡ്മിൻ്റൺ കളിക്കണമെന്ന് ആവശ്യപ്പെട്ടിരിക്കുകയാണ് സർക്കാർ. Badminton for Sexual Temptation

അതേ സമയം വിവാഹത്തിനു മുമ്പുള്ള ലൈംഗികതയെ അപലപിക്കുന്നതിനുപകരം, ലൈംഗിക വിദ്യാഭ്യാസം യുവാക്കളെ സ്വയം ബഹുമാനിക്കാനും അവരുടെ ബന്ധങ്ങളിൽ ഉത്തരവാദിത്തമുള്ളവരായിരിക്കാനും പഠിപ്പിക്കണമെന്ന് വിമർശകർ ചൂണ്ടികാണിക്കുന്നു. ഉത്തരവാദിത്തത്തോടെ ബന്ധങ്ങൾ എങ്ങനെ കൈകാര്യം ചെയ്യണമെന്നതിനെക്കുറിച്ച് കൂടുതൽ മാർഗനിർദേശം നൽകാതെ വിവാഹത്തിന് മുമ്പ് ലൈംഗിക ബന്ധത്തിൽ ഏർപ്പെടരുതെന്ന് കൗമാരക്കാരോട് പറയുന്നത് ഔചിത്യമില്ലായ്മയാണെന്ന് വിമർശകർ വാദിക്കുന്നു.

കൂടുതൽ അടുക്കുകയോ വിവാഹത്തിനു മുമ്പുള്ള ലൈംഗിക ബന്ധത്തിൽ ഏർപ്പെടുകയോ ചെയ്യാതിരിക്കാൻ കുട്ടി പഠനം തുടരുകയോ ബാഡ്മിൻ്റൺ പോലുള്ള കളികളിൽ ഏർപ്പെട്ട് ശ്രദ്ധ തിരിക്കണമെന്നാണ് ഹോങ്കോങ്ങിലെ അധികാരികളുടെ പുതിയ നിർദ്ദേശം. നിയമനിർമ്മാതാക്കളും അധ്യാപകരും ഉൾപ്പെടെ, ഹോങ്കോങ്ങിൻ്റെ പുതിയ ലൈംഗിക വിദ്യാഭ്യാസ മാർഗ്ഗനിർദ്ദേശങ്ങൾ കാലഹരണപ്പെട്ടതാണെന്ന് വിമർശനം ഉയർത്തി രംഗത്തെത്തിയിട്ടുണ്ട്.

എന്നാൽ വിമർശനങ്ങൾ മുഖവിലക്കെടുക്കാതെ പുതിയ പരിഷ്കരണങ്ങളുമായി മുന്നോട്ട് പോകാനുള്ള തീരുമാനത്തിലാണ് ഉന്നത ഉദ്യോഗസ്ഥർ. ഇതോടെ രാജ്യത്തിന്റെ പല ഭാഗത്തു നിന്നും വിമർശനങ്ങൾ ശക്തമാകുകയാണ്. സ്കൂൾ കുട്ടികൾക്കിടയിലെ ലൈംഗിക വികാരങ്ങൾ കൈകാര്യം ചെയ്യുന്നതിനുള്ള ഹോങ്കോങ്ങിൻ്റെ പരിഹാരമാണോ ബാഡ്മിൻ്റൺ എന്ന് സൗത്ത് ചൈന മോണിംഗ് പോസ്റ്റ് ഒരു തലക്കെട്ടിൽ തമാശയായി ചോദിച്ചു.

എന്നാൽ എജ്യുക്കേഷൻ ബ്യൂറോ അതിൻ്റെ നിലപാടിനെ ന്യായീകരിക്കുകയും ഫോം ഒന്ന് മുതൽ മൂന്ന് വരെയുള്ള വിദ്യാർത്ഥികൾക്ക് “ഉത്തരവാദിത്തപരമായ തീരുമാനങ്ങൾ” എടുക്കാൻ സഹായിക്കുന്നതിന് രൂപകൽപ്പന ചെയ്ത; പൗരത്വം, സാമ്പത്തിക ശാസ്ത്രം, സമൂഹം പാഠ്യപദ്ധതി എന്നിവയ്ക്ക് വേണ്ടി നൽകിയ നിർദ്ദേശങ്ങൾ ഊന്നിപ്പറയുകയും ചെയ്തു. സാമൂഹ്യ മാധ്യമങ്ങളിൽ വിഷയം ചൂടേറിയ ചർച്ചയാണ്. കൗമാരക്കാർ തമാശയോടെയാണ് വിഷയത്തെ സ്വീകരിച്ചിരിക്കുന്നതെന്ന് ഹാഷ് ടാഗുകൾ കാണിക്കുന്നു. ഇതോടെ ബാഡ്മിന്റൺ ഫ്രണ്ട് എന്ന പുതിയ പദം തന്നെ ഉണ്ടാക്കിയിരിക്കുകയാണ് സോഷ്യൽ മീഡിയ.

വിദ്യാഭ്യാസ ബ്യൂറോ കഴിഞ്ഞ ആഴ്ചയാണ് കൗമാരക്കാർക്കുള്ള വർക്ക്‌ഷീറ്റുകളും, അധ്യാപകർക്കുള്ള മാർഗനിർദേശങ്ങളും ഉൾപ്പെടുന്ന 70 പേജുള്ള രേഖയിൽ സെക്‌സ് എഡ് മെറ്റീരിയലുകൾ ഉൾപ്പെടുത്തി പ്രസിദ്ധീകരിച്ചത്. “ജീവിതത്തിൻ്റെ തുടക്കത്തിൽ തന്നെ ഡേറ്റിംഗ് ആരംഭിക്കുന്നതിനോ ലൈംഗിക പെരുമാറ്റത്തിൽ ഏർപ്പെടുന്നതിനോ” വിദ്യാർത്ഥികളെ പ്രോത്സാഹിപ്പിക്കുന്നതിനുവേണ്ടിയല്ല പാഠങ്ങൾ രൂപകൽപ്പന ചെയ്തിരിക്കുന്നതെന്ന് മാർഗനിർദേശങ്ങളിൽ ഊന്നിപ്പറയുന്നു. പ്രണയത്തിലായിരിക്കുന്ന വിദ്യാർത്ഥികൾക്ക് അവരുടെ അടുപ്പത്തിൻ്റെ പരിധി നിശ്ചയിക്കുന്ന ഒരു ഫോം പൂരിപ്പിക്കാനായി നൽകാനും ഇതിൽ പറയുന്നുണ്ട്.

ചില കൗമാരക്കാർ സ്വയംഭോഗത്തിലേർപ്പെടുമ്പോൾ, അവരെ ഉത്തേജിപ്പിക്കുന്ന പ്രസിദ്ധീകരണങ്ങളോ മാധ്യമങ്ങളോ ഒഴിവാക്കുന്നതിലൂടെ ലൈംഗിക പ്രേരണകളെ പൊതുവെ നിയന്ത്രിക്കാനാകുമെന്ന് പഴയ പാഠ്യപദ്ധതി പരിഷ്കരിക്കുന്ന പുതിയ പാഠ്യപദ്ധതിയിൽ പറയുന്നു. ദീർഘകാല ഭാവിക്ക് നല്ലതാണ് പാഠ്യപദ്ധതിയെന്ന് ഹോങ്കോങ്ങിൻ്റെ നേതാവ് ജോൺ ലീ വിശദീകരിച്ചു. ലൈംഗിക പ്രേരണകളെ ഒഴിവാക്കുന്നതിലൂടെയോ വഴിതിരിച്ചുവിടുന്നതിലൂടെയോ കൈകാര്യം ചെയ്യാമെന്ന് അധ്യാപന സാമഗ്രികൾ പറയുന്നു. ലൈംഗിക ബന്ധത്തിൽ ഏർപ്പെടാതിരിക്കാൻ വിവിധ സാഹചര്യങ്ങളിൽ എന്തുചെയ്യണമെന്നും നിർദ്ദേശിക്കുന്നുണ്ട്. യുവാക്കൾക്ക് അവരുടെ ലൈംഗികാഭിലാഷങ്ങൾ എങ്ങനെ നിയന്ത്രിക്കാം എന്നതിനെക്കുറിച്ചുള്ള ബ്യൂറോയുടെ നിർദ്ദേശങ്ങൾ യാഥാർത്ഥ്യത്തിന് നിരക്കാത്തതാണെന്ന് നിയമനിർമ്മാതാവ് ഡോറീൻ കോങ് യുക്-ഫൂൺ പറഞ്ഞു.

അതേ സമയം ഇംഗ്ലണ്ടിലെ സെക്കൻഡറി സ്കൂൾ വിദ്യാർത്ഥികൾക്കുള്ള മാർഗ്ഗനിർദ്ദേശം പറയുന്നത് ബന്ധങ്ങൾ, ലൈംഗികത, ആരോഗ്യ വിദ്യാഭ്യാസം (RSHE) സംബന്ധിച്ചവയാണ്.  ഗർഭനിരോധനം, അടുപ്പമുള്ള ബന്ധങ്ങളുടെ വികസനം, ലൈംഗിക ബന്ധത്തിൽ ഏർപ്പെടാനുള്ള സമ്മർദ്ദം എങ്ങനെ കൈകാര്യം ചെയ്യണം എന്നിവയെക്കുറിച്ചും പാഠ്യഭാഗങ്ങളിൽ ഉൾപ്പെടുത്തിയിട്ടുണ്ട്. Badminton for Sexual Temptation

Content summary; Is badminton Hong Kong’s solution to controlling sexual impulses in schoolchildren?