അൻ്റാർട്ടിക്കയിലെ മഞ്ഞുമൂടിയ കൊടുമുടികൾ കീഴടക്കാൻ ഒരു കൗമാരക്കാരനെ പ്രേരിപ്പിക്കുന്നത് എന്താണെന്ന് നിങ്ങൾ ചിന്തിച്ചിട്ടുണ്ടോ ? പടകാന്തി വിശ്വനാഥ് കാർത്തികേയെ സംബന്ധിച്ചിടത്തോളം ഇത് സഹോദരങ്ങൾ തമ്മിലുള്ള മത്സരത്താലുണ്ടായ ആവേശമാണ്. 16-ാം വയസ്സിൽ, ലോകത്തിലെ ഏറ്റവും വെല്ലുവിളി നിറഞ്ഞ പർവതങ്ങളിൽ കാർത്തികേയ് ശ്രദ്ധ പതിപ്പിച്ചു.Antarctica
ഡിസംബർ 3-ന്, പ്രശസ്ത ബ്രിട്ടീഷ് പർവതാരോഹകൻ നിർമ്മൽ പുർജയുടെ നേതൃത്വത്തിലുള്ള ബൂട്ട്സ് ആൻഡ് ക്രാമ്പൺസ്-എലൈറ്റ് എക്‌സ്‌പെഡ് ടീമിൻ്റെ ഭാഗമായി, 16,050 അടി ഉയരമുള്ള അൻ്റാർട്ടിക്കയിലെ ഏറ്റവും ഉയരമുള്ള കൊടുമുടിയായ മൗണ്ട് വിൻസൺ കൊടുമുടി കീഴടക്കുന്ന ഏറ്റവും പ്രായം കുറഞ്ഞ ഇന്ത്യക്കാരനായി അദ്ദേഹം മാറി.
2022 ലെ സ്വാതന്ത്ര്യ ദിനത്തിൽ, യൂറോപ്പിലെ ഏറ്റവും ഉയരം കൂടിയ കൊടുമുടിയായ എൽബ്രസ് പർവ്വതം അതിൻ്റെ കിഴക്കും പടിഞ്ഞാറും ഭാഗങ്ങളിൽ നിന്ന് 24 മണിക്കൂറിനുള്ളിൽ കീഴടക്കിയ ഏറ്റവും പ്രായം കുറഞ്ഞ ഇന്ത്യക്കാരനായും അദ്ദേഹം തെരഞ്ഞെടുക്കപ്പെട്ടു.
“വിൻസൺ പർവതത്തിലേക്കുള്ള കയറ്റം അത്ര എളുപ്പമായിരുന്നില്ല. താപനില -40°C ലേക്ക് കുത്തനെ ഇടിഞ്ഞു, ഭൂപ്രദേശം എൻ്റെ സഹനശക്തിയെ ഏറെ പരീക്ഷിച്ചു. മാസങ്ങൾ നീണ്ട കഠിനമായ പരിശീലനവും എൻ്റെ കുടുംബത്തിൻ്റെ പിന്തുണയുമാണ് എന്നെ മുന്നോട്ട് നയിച്ചത്” അദ്ദേഹം ദ ന്യു ഇൻഡ്യൻ എക്സ്പ്രസിനോട് പറഞ്ഞു.
16 വയസ്സുകാരൻ്റെ തയ്യാറെടുപ്പുകൾക്ക് പ്രചോദനമായ ബൂട്ട്സ് ആൻഡ് ക്രാമ്പൺസ് നയിക്കുന്ന ഭരത് തമ്മിനേനി പറയുന്നതിങ്ങനെയാണ്. കാർത്തിക് നവംബർ 21-ന് ഹൈദരാബാദിൽ നിന്ന് പുറപ്പെട്ട് നവംബർ 22-ന് ചിലിയിലെ പൂന്ത അരീനസിൽ എത്തി. തയ്യാറെടുപ്പുകൾക്ക് ശേഷം നവംബർ 25-ന് സംഘം അൻ്റാർട്ടിക്കയിലെ യൂണിയൻ ഗ്ലേസിയർ ക്യാമ്പിലേക്ക് പറന്നു.
അൻ്റാർട്ടിക്കയിലെ ഏറ്റവും ഉയരം കൂടിയ കൊടുമുടി കീഴടക്കുന്നതിനു പുറമേ, വടക്കേ അമേരിക്കയിലെ ഏറ്റവും ഉയരം കൂടിയ ഡെനാലി (യുഎസ്), ആഫ്രിക്കയിലെ ഏറ്റവും ഉയരം കൂടിയ കിളിമഞ്ചാരോ (ടാൻസാനിയ), ഓസ്‌ട്രേലിയയിലെ ഏറ്റവും ഉയർന്ന കൊടുമുടിയായ കോസ്സിയൂസ്കോ എന്നിവയും അദ്ദേഹം കയറിയിട്ടുണ്ട്. ഇതുകൂടാതെ, കാർത്തികേയുടെ പട്ടികയിൽ ഐലൻഡ് പീക്ക് (നേപ്പാൾ), ഡിസോ ജോംഗോ (ഇന്ത്യ), ഫ്രണ്ട്ഷിപ്പ് പീക്ക് (ഇന്ത്യ), കാലാ പഥർ, മൗണ്ട് കാങ് യാറ്റ്സെ I, II (ലഡാക്ക്), എവറസ്റ്റ് ബേസ് ക്യാമ്പ് തുടങ്ങിയ പ്രധാന കൊടുമുടികൾ ഉൾപ്പെടുന്നു.
വിലമതിക്കാനാവാത്ത പിന്തുണ
വെറും 16 വയസ്സുള്ളപ്പോൾ,എട്ടിൽ അഞ്ചെണ്ണം കൊടുമുടികൾ അദ്ദേഹം കീഴടക്കി. ഇത്തരമൊരു നേട്ടം അപൂർവമാണെങ്കിലും, 11-ാം വയസ്സിൽ സഹോദരന്മാരുമായുള്ള മത്സരം കാർത്തികിയെ മലമുകളിലേക്ക് നയിച്ചു. “എൻ്റെ സഹോദരി, ഒരു പർവതാരോഹകയും എംബിബിഎസ് വിദ്യാർത്ഥിനിയും ആയിരുന്നു. റുദുഗൈര പർവതത്തിലേക്ക് (ഉത്തരാഖണ്ഡിലെ) പോയിരുന്നു. സഹോദരിക്ക് ഒപ്പമുള്ള ആ ട്രെക്കിംഗ് എൻ്റെ ജീവിതത്തെ മാറ്റിമറിച്ചു,” അദ്ദേഹം പറയുന്നു.
ഇത്രയും ചെറുപ്പത്തിൽ ഓക്‌സിജൻ ഇല്ലാതെ അലാസ്‌കയിലെ ദെനാലി പർവതം കീഴടക്കിയത് അദ്ദേഹത്തിൻ്റെ നേട്ടങ്ങളിലൊന്നാണ്”ദേനാലി പ്രതിരോധശേഷിയുടെ ഒരു യഥാർത്ഥ പരീക്ഷണമായിരുന്നു,” കാർത്തികെ പറഞ്ഞു.
ഇപ്പോൾ ഇൻ്റർമീഡിയറ്റ് പഠനത്തിൻ്റെ ഒന്നാം വർഷത്തിൽ പഠിക്കുന്ന ഈ പതിനാറുകാരന് പഠനവും പർവതാരോഹണവും ബാലൻസ് ചെയ്യുന്നത് ചെറിയ കാര്യമല്ല.
കാർത്തികേയിനെ മലകളിലേക്ക് കൊണ്ടുപോയത് ബാലിശമായ വികാരത്തിൻ്റെ ഒരു നിമിഷമായിരുന്നെങ്കിലും, അദ്ദേഹത്തിൻ്റെ കുടുംബത്തിൻ്റെ പിന്തുണ അദ്ദേഹത്തിൻ്റെ ആഗ്രഹം നിലനിർത്തി. “എൻ്റെ മാതാപിതാക്കളായ പടകന്തി രാജേന്ദ്ര പ്രസാദിൻ്റെയും പടകന്തി ലക്ഷ്മിയുടെയും അചഞ്ചലമായ പിന്തുണയില്ലാതെ ഇത് സാധ്യമാകുമായിരുന്നില്ല,”
പതിനാറുകാരൻ്റെ പരിവർത്തനത്തെക്കുറിച്ച് ലക്ഷ്മി പറയുന്നു, “പർവതാരോഹണത്തിന് മുമ്പ്, കാർത്തികേയ് മടിയനായിരുന്നു. എന്നാൽ ആദ്യ ട്രെക്കിന് ശേഷം അദ്ദേഹം അച്ചടക്കവും ശ്രദ്ധയും നേടി. പഠനത്തിലെ ഗ്രേഡുകൾ 40% ൽ നിന്ന് 70-80% ആയി ഉയർന്നു.
കാർത്തികേയ് ഏപ്രിലിൽ അർജൻ്റീനയിലെ മൗണ്ട് അക്കോൺകാഗ്വ, ലോകത്തിലെ ഏറ്റവും ഉയരം കൂടിയ കൊടുമുടിയായ എവറസ്റ്റ് എന്നിവയും കീഴടക്കും. ഈ വർഷമാദ്യം, ഒരുക്കങ്ങളുടെ ഭാഗമായി 5,364 മീറ്റർ ഉയരമുള്ള എവറസ്റ്റിൻ്റെ സൗത്ത് ബേസ് ക്യാമ്പിലേക്ക് എട്ട് ദിവസത്തെ ട്രെക്കിംഗ് കാർത്തികേയ് പൂർത്തിയാക്കിയിരുന്നു.
അദ്ദേഹത്തിൻ്റെ ഉപദേശകനായ ഭരത് പറയുന്നു, “കാർത്തികേയുടെ മാനസിക ധൈര്യം വളരെയധികം വളർന്നു. പർവതാരോഹണം ശാരീരിക സഹനം മാത്രമല്ല – ഇത് കാലാവസ്ഥ, വിശപ്പ്, എന്നിവയെ അതിജീവിക്കൽ കൂടിയാണ്.
സാഹസിക യാത്രകളുടെ ചിലവ് കൊടുമുടികൾ പോലെ കുത്തനെയുള്ളതാണ്. മൗണ്ട് വിൻസൺ സ്കെയിലിംഗിന് മാത്രം 50 ലക്ഷം രൂപ ചിലവാകും, അതേസമയം എവറസ്റ്റ് കൊടുമുടിക്ക് 45 ലക്ഷം രൂപയാണ് കണക്കാക്കുന്നത്.”അദ്ദേഹം കൂട്ടിച്ചേർക്കുന്നു.
പർവ്വതാരോഹണത്തിന് പുറമെ, നാഷണൽ ഡിഫൻസ് അക്കാദമിയിൽ ചേർന്ന്, സായുധ സേനയിൽ ചേരുക എന്നത് കാർത്തികേയുടെ സ്വപ്നം കൂടെയാണ്.antartica
content summary; Karthikey, a 16-year-old, has made history by conquering Antarctica’s highest peak,
