വരുന്നത് സ്പോഞ്ച് നഗരം
ഇന്തോനേഷ്യ നുസന്താരയിലെ കാടുകളിൽ ഒരു പുതിയ തലസ്ഥാന നഗരം പണിയുന്നു. കേൾക്കുന്നവർക്ക് ഒരു പക്ഷെ ഇത് അസാധാരണമായി തോന്നിയേക്കാം, എന്നിരുന്നാലും, ഇന്തോനേഷ്യയെ സംബന്ധിച്ചിടത്തോളം, നുസന്താരയുടെ പ്രാകൃത ഭൂപ്രകൃതി നിലവിലെ തലസ്ഥാനമായ ജക്കാർത്തയേക്കാൾ ആകർഷകമായ ഒരു തെരഞ്ഞെടുപ്പാണ്. indonesia nusantara moved capital
ജക്കാർത്തയിൽ നിന്ന് തലസ്ഥാനം മാറ്റുന്നത് ലോകത്തിലെ ഏറ്റവും വലിയ ദ്വീപസമൂഹമായ ഇന്തോനേഷ്യയിൽ വർഷങ്ങളായി ചർച്ച ചെയ്യപ്പെടുന്ന വിഷയമാണ്. എന്നാൽ ഈ പദ്ധതി യാഥാർത്ഥ്യമാകാൻ ഒരുങ്ങുകയാണ്. ജോക്കോവി എന്നറിയപ്പെടുന്ന ഇന്തോനേഷ്യൻ പ്രസിഡൻ്റ് ജോക്കോ വിഡോഡോ ശനിയാഴ്ച നുസന്താരയിൽ സ്വാതന്ത്ര്യദിന ആഘോഷങ്ങൾ സംഘടിപ്പിക്കാൻ തീരുമാനിച്ചിരിക്കുകയാണ്.
എന്തുകൊണ്ടാണ് ഇന്തോനേഷ്യ ജക്കാർത്തയിൽ നിന്ന് തലസ്ഥാനം മാറ്റുന്നത് ?
1945 ആഗസ്റ്റ് 17-ന് നെതർലാൻഡിൽ നിന്ന് രാജ്യം സ്വാതന്ത്ര്യം പ്രഖ്യാപിച്ചതുമുതൽ ജാവ ദ്വീപിലെ ജക്കാർത്തയാണ് ഇന്തോനേഷ്യയുടെ തലസ്ഥാ നം. പിന്നീടുള്ള വർഷങ്ങളിൽ, ജക്കാർത്ത 10.5 ദശലക്ഷം ജങ്ങൾ പാർക്കുന്ന നഗരമായി മാറി. മെട്രോപൊളിറ്റൻ പ്രദേശമായ ഇവിടെ നിലവിൽ ഏകദേശം 30 ദശലക്ഷം ആളുകൾ താമസിക്കുന്നുണ്ട്. എന്നാൽ ഇത് അതിവേഗം മുങ്ങിക്കൊണ്ടിരിക്കുകയാണ്, 2030-ഓടെ മെട്രോപോളിസിൻ്റെ ചില ഭാഗങ്ങൾ വാസയോഗ്യമല്ലാതാകുമെന്നും ഇടയ്ക്കിടെ വെള്ളപ്പൊക്കമുണ്ടാകുമെന്നും വിദഗ്ധർ മുന്നറിയിപ്പ് നൽകിയിരുന്നു.
2022-ൽ, ഇന്തോനേഷ്യ തലസ്ഥാന നഗരത്തിൻ്റെ നീക്കം ചെയ്യുന്നതിനുളള ധനസഹായം നൽകുന്നതിനും നിയന്ത്രിക്കുന്നതിനുമായി നിയമം പാസാക്കി. ജക്കാർത്തയും ജാവ ദ്വീപും കനത്ത ട്രാഫിക്കും, മലിനീകരണവും മൂലം, ജനപെരുപ്പം തുടങ്ങിയ പ്രശ്‌നങ്ങൾ നേരിടുന്നതിനാൽ നിന്ന് തലസ്ഥാനം ജക്കാർത്തയിൽ മാറ്റുന്നത് നിർണായകമാണെന്ന് ആസൂത്രണ കമ്മീഷൻ വ്യക്തമാക്കുകയും ചെയ്‌തിരുന്നു.
പുതിയ തലസ്ഥാനം എങ്ങനെയായിരിക്കും?
ഇന്തോനേഷ്യയിലെ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി, രാജ്യത്തിൻ്റെ സമ്പദ്‌വ്യവസ്ഥയെ ഉത്തേജിപ്പിക്കുന്നതിനും വികസിത രാഷ്ട്രമായി മാറുന്നതിനും ഈ നീക്കം ഉപയോഗിക്കുന്നതിനുമാണ് ലക്ഷ്യമിടുന്നത്. 2045 ഗോൾഡൻ ഇന്തോനേഷ്യ വിഷൻ എന്ന ഇന്തോനേഷ്യയുടെ ദീർഘകാല പദ്ധതിയുടെ പ്രധാന ഭാഗമാണ് പുതിയ തലസ്ഥാനമാകുന്ന നുസന്താര ക്യാപിറ്റൽ. നെതർലാൻഡിൽ നിന്ന് സ്വാതന്ത്ര്യം നേടിയതിൻ്റെ 100-ാം വാർഷികമായിരിക്കും പദ്ധതി നടപ്പിലാക്കുക.
ക്യാപിറ്റൽ അതോറിറ്റിയുടെ പദ്ധതികൾ അനുസരിച്ച്, അടുത്ത 20 വർഷത്തിനുള്ളിൽ നുസന്താര വളർന്നുവരുന്ന, സുസ്ഥിര നഗരമായി വളരും എന്നാണ്. നഗരത്തിൽ വാണിജ്യ അടിസ്ഥാന സൗകര്യങ്ങളും പാർപ്പിട സൗകര്യങ്ങളും സർക്കാർ ഓഫീസുകളും ബഹുജന ഗതാഗതവും നിർമ്മിക്കുക എന്ന ലക്ഷ്യത്തോടെ പലഘട്ടങ്ങളായാണ് തലസ്ഥാനം മാറ്റുന്നത്.
സുസ്ഥിരത പുതിയ നഗരത്തിൻ്റെ പദ്ധതികളുടെ ഒരു കേന്ദ്ര സിദ്ധാന്തമാണെങ്കിലും, പുതിയ മഹാനഗരത്തിന് വഴിയൊരുക്കുന്നതിന് വേണ്ടി കാടിനെ വെട്ടിത്തെളിക്കുന്നത് പരിസ്ഥിതി സൗഹൃദമല്ലെന്ന് വാദിച്ച് ചിലർ രംഗത്തെത്തിയിരുന്നു.
പുതിയ തലസ്ഥാനം ജക്കാർത്തയ്ക്ക് സമാനമായ ഒരു വിധി ഒഴിവാക്കുമെന്ന് ആസൂത്രകർ പ്രതീക്ഷിക്കുന്നു, നുസന്താരയെ “സ്പോഞ്ച് സിറ്റി” എന്ന് വിളിക്കുന്നു. “ഇതിനർത്ഥം നുസന്താര മേഖലയ്ക്ക് മഴയെ മണ്ണിലേക്ക് സ്വാംശീകരിക്കാനും അതുവഴി വെള്ളപ്പൊക്കം തടയാനുമുള്ള ശേഷി ഉണ്ടായിരിക്കും,” 2023 റിപ്പോർട്ട് പറയുന്നു. ഇത് കൂടാതെ മറ്റ് ലക്ഷ്യങ്ങളും ഇൻഡോനേഷ്യ ലക്ഷ്യമിടുന്നുണ്ട്. 2035-ഓടെ നഗരം ദാരിദ്ര്യ നിരക്ക് പൂജ്യം ശതമാനമാക്കാനാണ് ലക്ഷ്യമിടുന്നത്. (2022-ൽ, ലോകബാങ്കിൻ്റെ കണക്കനുസരിച്ച്, ഏകദേശം 10 ഇന്തോനേഷ്യക്കാരിൽ ഒരാൾ ദാരിദ്ര്യത്തിലാണ് ജീവിച്ചിരുന്നത്.) indonesia nusantara moved capital
ജക്കാർത്തയുടെ അതേ പ്രശ്‌നങ്ങൾ പുതിയ തലസ്ഥാനമാകാൻ ഒരുങ്ങുന്ന നുസന്താര നേരിടേണ്ടി വരില്ലെന്ന് ആസൂത്രകർ പ്രതീക്ഷിക്കുന്നത്. പുതിയ തലസ്ഥാനം ഒരു “സ്പോഞ്ച് നഗരം” ആയിരിക്കണമെന്നാണ് ലക്ഷ്യം. പ്രളയം ഒഴിവാക്കാൻ കഴിയും വിധം മഴവെള്ളം വലിച്ചെടുക്കാൻ പാകത്തിൽ നഗരത്തിനുള്ളിൽ തയ്യാറാക്കുന്ന പ്രത്യേക പ്രദേശങ്ങളും തടാകങ്ങളും മരങ്ങളും ഉൾപ്പെട്ട മേഖലയാണ് സ്പോഞ്ച് സിറ്റി.
ഇത് കൂടാതെ നഗരത്തിന് വലിയ ലക്ഷ്യങ്ങൾ കൂടി മുന്നിലുണ്ട്. 2035-ഓടെ, ദാരിദ്ര്യം പൂർണമായും തുടച്ച് നീക്കാനാണ് ലക്ഷ്യമിടുന്നത്. 2022-ൽ പുറത്ത് വന്ന റിപ്പോർട്ട് പ്രകാരം ഏകദേശം 10% ഇന്തോനേഷ്യക്കാർ ദാരിദ്ര്യത്തിലാണ് ജീവിക്കുന്നത്. 2045 ഓടെ, നഗരം നെറ്റ്-സീറോ എമിഷൻ കൈവരിക്കാൻ പദ്ധതിയിടുന്നുണ്ട്.
content summary; Why Indonesia moved its capital to a jungle hundreds of miles away
