ജൂലൈ 26ന് തുടങ്ങുന്ന ദേശീയതകൾക്ക് അതീതമായ ഉത്സവമായ ഒളിമ്പിക് മാമാങ്കത്തിന് വേദിയാകുന്നത് ചരിത്ര നിർമ്മിതികളാണ്. അതിൽ ഏറ്റവും പ്രധാനപ്പെട്ട വേദിയാണ് ഈഫൽ ടവർ. ഈഫൽ ടവറിൻ്റെ കീഴിലുള്ള 12,000 സീറ്റുകളുള്ള താൽക്കാലിക ഔട്ട്ഡോർ സ്റ്റേഡിയത്തിലാണ് ബീച്ച് വോളിബോൾ ആരാധകർ ഗെയിംസിൻ്റെ ഏറ്റവും മനോഹരമായ കാഴ്ചകൾ ആസ്വദിക്കുക. ഒളിംപിക്സ് ഇനങ്ങളായ ജൂഡോയും റെസ്ലിംഗും ഈഫൽ ടവറിന് സമീപമുള്ള താൽക്കാലിക വേദിയിലാണ് നടത്തുന്നത്. പതിനെട്ടാം നൂറ്റാണ്ടിലെ സൈനിക കേഡറ്റുകളുടെ പരേഡ് ഗ്രൗണ്ടായിരുന്നു ചാമ്പ് ഡി മാർസ്. 324 മീറ്ററോളം ഉയരത്തിലാണ് ടവർ നിർമ്മിക്കപ്പെട്ടിരിക്കുന്നത്. olympic iconic venues
പോണ്ട് അലക്സാണ്ടർ III
വ്യവസായം, വാണിജ്യം, ശാസ്ത്രം, കല എന്നിവയെ പ്രതിനിധീകരിക്കുന്ന സ്വർണ്ണ ചിറകുള്ള പ്രതിമകളാൽ അലങ്കരിച്ച പാലമാണ് മാരത്തൺ നീന്തൽ, റോഡ് സൈക്ലിംഗ് വ്യക്തിഗത ടൈം ട്രയലുകൾ, ട്രയാത്ത്ലൺ എന്നിവയ്ക്കുള്ള വേദി. 1900-ലെ പാരീസ് എക്സിബിഷനുവേണ്ടിയാണ് പോണ്ട് അലക്സാണ്ടർ III പാലം നിർമ്മിച്ചത്. ഈ പാലം മറ്റ് രണ്ട് പാരീസ് ഒളിമ്പിക്സ് 2024 വേദികളായ ഗ്രാൻഡ് പാലയ്സ്, ഇൻവാലിഡ്സ് എന്നിവയെ ബന്ധിപ്പിക്കുന്നു.
പ്ലേസ് ഡി ലാ കോൺകോർഡ്
പോണ്ട് അലക്സാണ്ടർ III സമീപമുള്ള പാരീസ് ലാ കോൺകോർഡിനെ കായിക വിനോദങ്ങൾക്കായുള്ള ഓപ്പൺ എയർ ഏരിയയാക്കിയാണ് മാറ്റുന്നത്. നഗരത്തിലെ ഏറ്റവും വലിയ ചതുരം ചാംപ്സ്-എലിസീസിനെ ടുയിലറീസ് ഗാർഡൻസും ലൂവ്രെയുമായി ബന്ധിപ്പിക്കുന്നതാണ്. കൂടാതെ, 1793-ൽ ലൂയി പതിനാറാമനും മേരി അൻ്റോനെയും ഗില്ലറ്റിനാൽ വധിക്കപ്പെട്ടത് ഇവിടെവെച്ചാണ്. പാരീസ് ഒളിമ്പിക്സിൽ, ലാ കോൺകോർഡ് പുതിയ ഒളിമ്പിക് സ്പോർട്സ് ഇനമായ ബ്രേക്ക്ഡാൻസിംഗ്, സ്കേറ്റ്ബോർഡിംഗ് (സ്ട്രീറ്റ് ആൻഡ് പാർക്ക്), സ്പോർട്സ് ക്ലൈംബിംഗ്, 3×3 ബാസ്ക്കറ്റ്ബോൾ, ബിഎംഎക്സ് ഫ്രീസ്റ്റൈൽ എന്നിവയ്ക്ക് ആതിഥേയത്വം വഹിക്കുക പ്ലേസ് ഡി ലാ കോൺകോർഡ് ആയിരിക്കും.
ഗ്രാൻഡ് പാലയ്സ്
1900-ലെ പ്രദർശന വേളയിൽ അനാച്ഛാദനം ചെയ്യപ്പെട്ട ഗ്രാൻഡ് പാലെയ്സ് പാരീസിന്റെ പ്രൗഢിയുടെ പ്രതീകമാണ്. ഏറ്റവും വലിയ, ബാരൽ-വോൾട്ട് ഗ്ലാസ് മേൽക്കൂരയുള്ള, അതിശയിപ്പിക്കുന്ന പാരീസിലെ ശ്രദ്ധാകേന്ദ്രമാണ് ഗ്രാൻഡ് പാലയ്സ്. പുനരുദ്ധാരണത്തിനായി 2021 മുതൽ അടച്ചിട്ടിരിക്കുന്ന ഗ്രാൻഡ് പാലൈസ് 2025-ൽ പൊതുജനങ്ങൾക്കായി വീണ്ടും തുറക്കും. ഫെൻസിംഗും തായ്ക്വോണ്ടോയും ഗ്രാൻഡ് പാലയ്സിലാണ് സംഘടിപ്പിക്കുന്നത്.
ലെസ് ഇൻവാലൈഡ്സ്
1687-ൽ ലൂയി പതിനാലാമൻ്റെ ഭരണകാലത്താണ് ഹോട്ടൽ ഡെസ് ഇൻവാലിഡ്സ് എന്ന ചരിത്ര സമുച്ചയം സ്ഥാപിച്ചത്. സൈനിക പ്രേമികളുടെ തീർത്ഥാടന കേന്ദ്രം എന്നറിയപ്പെടുന്ന ഇടം കൂടിയാണ് ലെസ് ഇൻവാലൈഡ്സ്. ചരിത്രാതീതമായ ഭൂതകാലത്തിൻ്റെ പ്രൗഢിയോടെയാണ് ഇന്നും നിർമ്മിതി തലയുയർത്തി നിൽക്കുന്നത്. സൈനിക ആശുപത്രി ഇപ്പോൾ മ്യൂസിയമാക്കി മാറ്റിയിരിക്കുകയാണ്. നെപ്പോളിയൻ്റെ ശവകുടീരത്തിന് സമീപമാണ് ഒളിമ്പിക്സ് മത്സരങ്ങൾ നടക്കുന്നത്.
വെർസൈൽസ് കൊട്ടാരം
ഫ്രഞ്ച് രാജകുടുംബത്തിൻ്റെ വെർസൈൽസ് കൊട്ടാരം പാരീസിലെ ഏറ്റവും തിരക്കേറിയ വിനോദസഞ്ചാര കേന്ദ്രങ്ങളിലൊന്നാണ്. ലൂയി പതിനാറാമനും മേരി ആൻ്റോനെറ്റും ഫ്രഞ്ച് വിപ്ലവകാലത്ത് തങ്ങളുടെ പതനത്തിന് മുമ്പ് വിരുന്നുകൾ നടത്തിയിരുന്നത് ഇവിടെയാണ്. 1837-ൽ കൊട്ടാരം ദേശീയ മ്യൂസിയമായി സ്ഥാപിക്കുകയും 1979-ൽ യുനെസ്കോയുടെ ലോക പൈതൃക സൈറ്റായി പ്രഖ്യാപിക്കുകയും ചെയ്തു. നെപ്ട്യൂൺ, അപ്പോളോ, ലാറ്റോണ തുടങ്ങിയ അലങ്കരിച്ച മിറർ പൂളും ശിൽപങ്ങളും കൊണ്ട് കൊട്ടാരം ഇന്നും സമൃദ്ധിയുടെ പ്രതീകമായി തുടരുന്നു. താൽക്കാലിക ഔട്ട്ഡോർ ഡ്രെസ്സേജ്, ഇവൻ്റിംഗ്, ഷോ ജമ്പിംഗ്, പെൻ്റാത്തലൺ ഇവൻ്റുകൾ എന്നിവ ഇവിടെ ആയിരിക്കും നടക്കുക.
പാരീസ് അക്വാറ്റിക് സെൻ്റർ
അത്യാധുനിക സൗകര്യങ്ങളോടെ 2024 പാരീസ് ഗെയിംസിനായി നിർമ്മിച്ച ഒരേയൊരു സ്ഥിര മത്സര വേദിയാണ് പാരീസ് അക്വാറ്റിക് സെൻ്റർ. അക്വാറ്റിക് സെൻ്ററിൽ നാല് കുളങ്ങളും ആകർഷകമായ മേൽക്കൂരയും ഉൾക്കൊള്ളുന്നതാണ്. സ്റ്റേഡ് ഡി ഫ്രാൻസുമായി ബന്ധിപ്പിക്കുന്നതിന് മോട്ടോർവേയ്ക്ക് മുകളിലൂടെ നടപ്പാലം ഒരുക്കിയിരിക്കുന്നതിനാൽ, അക്വാറ്റിക്സ് സെൻ്ററിൽ മത്സരസമയത്ത് 5,000 പേർക്ക് ഇരിക്കാവുന്ന വേദിയാണ് ഒരുക്കിയിരിക്കുന്നത്.
യെവ്സ്-ഡു-മാനോയർ
പാരീസിലെ കൊളംബസിലെ ഒരു റഗ്ബി, ട്രാക്ക്, അസോസിയേഷൻ ഫുട്ബോൾ സ്റ്റേഡിയമാണ് സ്റ്റേഡ് യെവ്സ്-ഡു-മാനോയർ (ഔദ്യോഗികമായി സ്റ്റേഡ് ഒളിമ്പിക് യെവ്സ്-ഡു-മനോയർ , സ്റ്റേഡ് ഒളിമ്പിക് ഡി കൊളംബ്സ് എന്നും അറിയപ്പെടുന്നു. ഒളിമ്പിക്സ് ഗെയിംസിൽ രണ്ട് തവണ ആതിഥേയത്വം വഹിക്കുക എന്നത് ചുരുക്കം ചില വേദികൾക്ക് മാത്രമുളള പ്രത്യേകാവകാശമാണ്. 1907-ലാണ് യെവ്സ്-ഡു-മാനോയർ ആദ്യമായി തുറക്കുന്നത് പിന്നീട് 1924-ലെ ഒളിമ്പിക്സിനായി നവീകരിക്കുകയും ചെയ്തു. അത്ലറ്റിക്സ്, സൈക്ലിംഗ്, ഇക്വസ്ട്രിയൻ ഇവൻ്റുകൾ, ജിംനാസ്റ്റിക്സ്, ടെന്നീസ്, ഫുട്ബോൾ, റഗ്ബി, ആധുനിക പെൻ്റാത്ത്ലോണിൻ്റെ ഭാഗങ്ങൾ എന്നിവയുടെ പ്രാഥമിക വേദിയായിരുന്നു യെവ്സ്-ഡു-മാനോയർ. ഇത്തവണ ഹോക്കി മത്സരങ്ങൾക്കാണ് യെവ്സ്-ഡു-മാനോയർ ആതിഥേയത്വം വഹിക്കുക. വ്യത്യസ്ത ഒളിമ്പിക് ഗെയിമുകൾക്കായി ഇവൻ്റുകൾ സംഘടിപ്പിക്കുന്ന ഫ്രാൻസിലെ ഏക വേദിയായി ഇത് മാറുന്നു.
content summary ; Paris 2024 most iconic venues at the Olympic Games
