വിദൂരവും മഞ്ഞുമൂടിയതുമായ പ്രദേശമായ ഗ്രീൻലാൻഡ് ആഗോള കാലാവസ്ഥയിലും കാലാവസ്ഥാ വ്യതിയാനത്തിലും നിർണായക പങ്ക് വഹിക്കുന്നുണ്ട്. കാലാവസ്ഥാ വ്യതിയാനം, ഭൗമരാഷ്ട്രീയം, വ്യാപാര ഷിഫ്റ്റുകൾ എന്നിവയുടെ കേന്ദ്രമാണ് ഗ്രീൻലാൻഡ്. ലോകത്തിലെ ഏറ്റവും വലിയ ദ്വീപും ഒരു അർദ്ധ സ്വയംഭരണാധികാരമുള്ള ഡാനിഷ് പ്രദേശവുമായ ഗ്രീൻലാൻഡ് ഭൗമരാഷ്ട്രീയത്തിലും വളരെയധികം നിർണായകമാണ്. greenland
ഭൂമിക്ക് ഒരു തെർമോസ്റ്റാറ്റ് പോലെയാണ് ഗ്രീൻലാൻഡ് പ്രവർത്തിക്കുന്നത്. ഇത് ലോകത്തിൻ്റെ മറ്റു ഭാഗങ്ങളേക്കാൾ നാലിരട്ടി വേഗത്തിൽ ചൂടാകുന്നുവെന്ന് എൻവൈയു കാലാവസ്ഥാ ശാസ്ത്രജ്ഞൻ ഡേവിഡ് ഹോളണ്ട് പറഞ്ഞതായി ദ ഹിന്ദു റിപ്പോർട്ട് ചെയ്തു. അപൂർവമായി മാത്രം കാണപ്പെടുന്ന ധാതുക്കൾ, യുറേനിയം, എണ്ണ, പ്രകൃതിവാതകം എന്നിവ ഗ്രീൻലാൻഡിൽ ധാരാളമായി ഉണ്ടെന്നാണ് പഠനങ്ങൾ പറയുന്നത്. മഞ്ഞ് ഉരുകുന്നതിനനുസരിച്ച് അവ കൂടുതൽ ആക്സസ് ചെയ്യപ്പെടുന്നു. 57,000 ആളുകൾ താമസിക്കുന്ന ഗ്രീൻലാൻ്റിന് സമീപം മൂന്ന് വർഷം മുമ്പ് ഡെന്മാർക്ക് എണ്ണ വികസനം നിർത്തിവച്ചിരുന്നു. ഗ്രീന്‍ലാന്‍ഡ് സ്വന്തമാക്കണമെന്ന മോഹം നിയുക്ത അമേരിക്കൻ പ്രസിഡന്റ് ഡൊണാൾഡ് ട്രംപ് പ്രകടിപ്പിച്ചിരുന്നു.
വിഭവങ്ങളേക്കാൾ നിർണായകമാണ് ഗ്രീൻലാൻഡിലെ മഞ്ഞ്. എല്ലാ മഞ്ഞുപാളികളും ഉരുകുകയാണെങ്കിൽ, ആഗോള സമുദ്രനിരപ്പ് 24 അടി ഉയരാൻ സാധ്യതയുണ്ടെന്ന് കാലാവസ്ഥാ ശാസ്ത്രജ്ഞൻ എറിക് റിഗ്നോട്ട് പറഞ്ഞു.1992 മുതൽ ഗ്രീൻലാൻ്റിന് പ്രതിവർഷം ശരാശരി 182 ബില്യൺ ടൺ ഐസ് നഷ്ടപ്പെട്ടിരുന്നു. 2019 ൽ അത് 489 ബില്യൺ ടൺ ആയി ഉയർന്നു. ഈ ഐസ് നഷ്ടം സമുദ്രനിരപ്പിനെ സാരമായി ബാധിക്കുമെന്നാണ് ഗവേഷകർ അഭിപ്രായപ്പെടുന്നത്.
ഗ്രീൻലാൻഡിലെ ഉരുകുന്ന മഞ്ഞ്, ചുഴലിക്കാറ്റും ശീതകാല കൊടുങ്കാറ്റും ഉൾപ്പെടെയുള്ള ആഗോള കാലാവസ്ഥയെ ബാധിക്കുന്ന സുപ്രധാന സമുദ്ര പ്രവാഹമായ അറ്റ്ലാൻ്റിക് മെറിഡിയണൽ ഓവർടേണിംഗ് സർക്കുലേഷനെ (AMOC) തടസപ്പെടുത്തുന്നു. ഗ്രീൻലാൻഡിൽ നിന്നുള്ള കൂടുതൽ ശുദ്ധജലം സമുദ്രത്തിലേക്ക് ഒഴുകുന്നതിനാൽ AMOC മന്ദഗതിയിലാകുന്നു.
യൂറോപ്പിലും വടക്കേ അമേരിക്കയിലും നീണ്ടുനിൽക്കുന്ന തണുപ്പിന് കാരണമാകുന്ന ഭയാനകമായ കാലാവസ്ഥാ ടിപ്പിംഗ് പോയിൻ്റാണ് പ്രധാന സമുദ്ര പ്രവാഹമായ AMOC യുടെ ഷട്ട്ഡൗൺ. ഇത്തരമൊരു തകർച്ച ആഗോള കാലാവസ്ഥയെ അടിമുടി മാറ്റുമെന്നും കൃഷിയെ തടസ്സപ്പെടുത്തുമെന്നും ആവാസവ്യവസ്ഥയെ തകർക്കുമെന്നും കാലാവസ്ഥാ വിദഗ്ധൻ ജെന്നിഫർ ഫ്രാൻസിസ് മുന്നറിയിപ്പ് നൽകുന്നു.
ഗ്രീൻലാൻഡിലെ ഉരുകുന്ന മഞ്ഞ്, സൂര്യപ്രകാശത്തെ പ്രതിഫലിപ്പിക്കുന്ന വെള്ളയിൽ നിന്ന് അതിൻ്റെ ഉപരിതലത്തെ നീലയും പച്ചയും ആയി മാറ്റുന്നു .ഇത് കൂടുതൽ ചൂട് ആഗിരണം ചെയ്യുകയും കാലാവസ്ഥാ വ്യതിയാനത്തെ ത്വരിതപ്പെടുത്തുകയും ചെയ്യുന്നു. ലോകമെമ്പാടുമുള്ള കാലാവസ്ഥയെ സ്വാധീനിക്കുന്ന ജെറ്റ് സ്ട്രീം പാറ്റേണുകളെ അതിൻ്റെ ഐസ് സ്വാധീനിക്കുന്നു. ഉദാഹരണത്തിന് ഗ്രീൻലാൻ്റിന് സമീപമുള്ള ഉയർന്ന മർദ്ദ സംവിധാനങ്ങൾ ആർട്ടിക് വായു വടക്കേ അമേരിക്കയിലേക്കും യൂറോപ്പിലേക്കും വീഴാൻ ഇടയാക്കും. യുഎസ്, റഷ്യ, യൂറോപ്പ് എന്നിവയ്ക്കിടയിലുള്ള സ്ഥാനവും ആർട്ടിക് വ്യാപാര പാതകൾ തുറന്നതും ഗ്രീൻലാൻഡിൻ്റെ ഭൗമരാഷ്ട്രീയ മൂല്യം വർദ്ധിക്കാൻ കാരണമായി. greenland
Content summary: What role does the world’s largest island play in climate change?climate change greenland AMOC
