അമേരിക്കയിലുടനീളമുള്ള നിർണായക വിതരണ ശൃംഖല സങ്കർഷത്തിൽ. കാനഡയിലെ തൊഴിൽ തർക്കം മൂലം രാജ്യത്തെ ഏറ്റവും വലിയ രണ്ട് റെയിൽവേകളിൽ ചരക്ക് ഗതാഗതം നിർത്തിവച്ചതിനെ തുടർന്നാണ് വിതരണ ശൃംഖലകൾ ഭീഷണിയിലായത്. കാനഡയിലെ രണ്ട് പ്രധാന റെയിൽ ചരക്ക് കമ്പനികളും രാജ്യത്തെ അവരുടെ റെയിൽ ശൃംഖലകൾ അടച്ചുപൂട്ടുകയും പ്രധാന യൂണിയനുമായുള്ള ചർച്ചകൾ പരാജയപ്പെട്ടതോടെ ഏകദേശം 10,000 തൊഴിലാളികൾ വെട്ടിലായിരിക്കുന്നത്. Canada rail shutdown threatens US supply chains
ടീംസ്റ്റേഴ്സ് യൂണിയൻ സ്ഥിരീകരിച്ച ഈ തീരുമാനം, കനേഡിയൻ സമ്പദ്‌വ്യവസ്ഥയെ മോശമായി ബാധിക്കുകയും യുഎസുമായുള്ള അതിർത്തി കടന്നുള്ള വ്യാപാരത്തിൽ കാര്യമായ സ്വാധീനം ചെലുത്തുകയും ചെയ്യുന്ന റെയിൽ സ്‌റ്റോപ്പിംഗിന് കളമൊരുക്കുന്നതാണ്. ലോകത്തിലെ രണ്ടാമത്തെ വലിയ രാജ്യമായ കാനഡ, റെയിൽവേ ഗതാഗതത്തെ വളരെയധികം ആശ്രയിക്കുന്നവരാണ്. ചരക്ക് ഗതാഗതം നിർത്തലാക്കിയത് ധാന്യം, പൊട്ടാഷ്, കൽക്കരി എന്നിവയുടെ കയറ്റുമതിയെ തടസ്സപ്പെടുത്തുമെന്നും പെട്രോളിയം ഉൽപ്പന്നങ്ങൾ, രാസവസ്തുക്കൾ, വാഹനങ്ങൾ എന്നിവയുടെ ഗതാഗതം മന്ദഗതിയിലാക്കുമെന്നും പ്രതീക്ഷിക്കുന്നു. കാനഡയുടെ റെയിൽവേ പ്രതിവർഷം 380 ബില്യൺ ഡോളർ (3,18,95,49,00,00,000.00 രൂപ ) വിലമതിക്കുന്ന ചരക്കുകൾ ഗതാഗതം നിർത്തിവയ്ക്കുന്നത് തടയാൻ വ്യവസായ ഗ്രൂപ്പുകൾ ജസ്റ്റിൻ ട്രൂഡോയുടെ ലിബറൽ സർക്കാരിനോട് ആവശ്യപ്പെട്ടിരുന്നു. മോശമായ തൊഴിൽ സാഹചര്യങ്ങളെക്കുറിച്ചുള്ള തൊഴിലാളികളുടെ പരാതിയെത്തുടർന്ന് കരാർ ഉണ്ടാക്കുന്നതിൽ പരാജയപ്പെട്ടതിനാലാണ് സംഘർഷഭരിതമായ ചർച്ചകൾക്ക് ശേഷം കനേഡിയൻ നാഷണൽ റെയിൽ (സിഎൻ), കനേഡിയൻ പസഫിക് കൻസാസ് സിറ്റി (സിപികെസി) എന്നിവ ഓഗസ്റ്റ് 22 വ്യാഴാഴ്ച രാവിലെ ലോക്കൗട്ട് ആരംഭിച്ചത്.
ഷിഫ്റ്റ് ഷെഡ്യൂളിംഗ്, വ്യവസ്ഥകൾ തുടങ്ങിയ ജോലി സാഹചര്യങ്ങളെ തടസ്സപ്പെടുത്തിയ വിശ്വാസ ചർച്ചകൾക്ക് ശേഷം മാസങ്ങൾക്ക് കഴിഞ്ഞതിന് ശേഷമാണ് തങ്ങൾ നടപടികൾ സ്വീകരിച്ചതെന്ന് പ്രത്യേക പ്രസ്താവനകളിൽ സിഎൻ, സിപികെസി പറഞ്ഞു.
“ഒരു കരാറോ ബൈൻഡിംഗ് ആർബിട്രേഷനോ ഇല്ലാതെ, ലോക്കൗട്ടുമായി മുന്നോട്ട് പോകുകയല്ലാതെ സിഎൻനിന് മറ്റ് മാർഗമില്ലായിരുന്നുവെന്ന് പ്രസ്താവനയിൽ പറഞ്ഞിരുന്നു. കാനഡയുടെ വിതരണ ശൃംഖലയെയും എല്ലാ പങ്കാളികളെയും അനിശ്ചിതത്വത്തിൽ നിന്നും കൂടുതൽ വ്യാപകമായ തടസ്സങ്ങളിൽ നിന്നും സംരക്ഷിക്കാൻ സിപികെസി പ്രവർത്തിക്കുന്നുണ്ടെന്നും, മുന്നോട്ട് പോകാനുള്ള ഏക ഉത്തരവാദിത്തപരമായ മാർഗ്ഗം ബൈൻഡിംഗ് ആർബിട്രേഷൻ മാത്രമാണെന്നും സിപികെസി വ്യക്തമാക്കി.
‘ റെയിൽവേകൾ കർഷകരെയോ ചെറുകിട ബിസിനസുകാരെയോ വിതരണ ശൃംഖലകളെയോ അവരുടെ സ്വന്തം ജീവനക്കാരെയോ കുറിച്ച് ശ്രദ്ധിക്കുന്നില്ലെന്നും അവരുടെ ഏക ശ്രദ്ധ അവരുടെ ഉയർച്ചയിൽ, എത്തുക എന്നതാണെന്നും’ ടീംസ്റ്റേഴ്സ് കാനഡ റെയിൽ കോൺഫറൻസ് പ്രസിഡൻ്റ് പോൾ ബൗച്ചർ പറഞ്ഞു. ബുധനാഴ്ച പ്രധാനമന്ത്രി ജസ്റ്റിൻ ട്രൂഡോ ഒരു കരാറിലെത്താനുള്ള ശ്രമങ്ങൾ തുടരാൻ ഇരുപക്ഷത്തോടും അവസാന നിമിഷം വരെയും അഭ്യർത്ഥിച്ചിരുന്നു. രാജ്യത്തുടനീളമുള്ള ദശലക്ഷക്കണക്കിന് കനേഡിയൻ പൗരന്മാർ, തൊഴിലാളികൾ, കർഷകർ, ഇതിനെ ആശ്രയിക്കുന്നതായും അദ്ദേഹം പരാമർശിച്ചു.
കാർഷിക ട്രേഡ് അസോസിയേഷനുകൾ ഒട്ടാവയോട് വിഷയത്തിൽ ഇടപെടാൻ അഭ്യർത്ഥിച്ചു, എന്നാൽ ബൈൻഡിംഗ് ആർബിട്രേഷനായുള്ള ആഹ്വാനങ്ങളെ സർക്കാർ ഇതുവരെ എതിർക്കുകയാണ്. രണ്ട് റെയിൽവേയുടെയും തൊഴിൽ കരാറുകൾ 2023 ന്റെ അവസാനത്തോടെ കാലഹരണപ്പെട്ടതാണ്. ലോക്കൗട്ട് സമയത്ത്, യുഎസിലെയും മെക്സിക്കോയിലെയും റെയിൽ ശൃംഖലകൾ പ്രവർത്തിക്കുന്നത് തുടരും.
യുഎസ് ഗതാഗത സെക്രട്ടറി പീറ്റ് ബുട്ടിഗീഗ് ഈ ആഴ്ച ആദ്യം റെയിൽ ചർച്ചകളും ചരക്കുകളുടെ അതിർത്തി കടന്നുള്ള ഒഴുക്കിലെ സാധ്യതകളും നിരീക്ഷിച്ചു വരികയാണെന്ന് വ്യക്തമാക്കി. കാനഡയിലെ റെയിൽവേ അസോസിയേഷൻ പറയുന്നത് പ്രകാരം, ഓരോ വർഷവും കോടികൾ വിലമതിക്കുന്ന ചരക്കുകളാണ് റെയിൽ വഴി നീക്കുന്നത്. സമ്പൂർണ്ണ അടച്ചുപൂട്ടലിന് മുന്നോടിയായി, സിപികെസിയും സിഎനും ചില ഷിപ്പ്‌മെൻ്റുകൾ താൽക്കാലികമായി നിർത്താൻ തുടങ്ങിയിരുന്നു. ഷിപ്പിംഗ് സ്ഥാപനമായ മെഴ്‌സ്‌ക് ഓഗസ്റ്റ് 19 തിങ്കളാഴ്ച കാനഡയിലേക്കുള്ള കയറ്റുമതി സ്വീകരിക്കുന്നത് നിർത്തിയിരുന്നു. റെയിൽ വഴി നീക്കാൻ കഴയുന്ന ഇവ ഹെവി ട്രക്കുകളിൽ കൊണ്ടുപോകാൻ സാധിക്കില്ല.
സമാനമായ മുൻകാല തർക്കങ്ങളിൽ ചെയ്‌തതുപോലെ, കക്ഷികൾക്ക് ഒരു ധാരണയിലെത്താൻ കഴിയുന്നില്ലെങ്കിൽ വരും ദിവസങ്ങളിൽ സർക്കാർ പുതിയ നിയമം പാസാക്കുമെന്ന് മാനിറ്റോബ സർവകലാശാലയിലെ ട്രാൻസ്‌പോർട്ട് ഇൻസ്റ്റിറ്റ്യൂട്ടിലെ ഡയറക്ടർ പ്രൊഫസർ ബാരി പ്രെൻ്റിസ് പറഞ്ഞു.
content summary ; Canada rail shutdown threatens US supply chains
