അഡീഷണല് ചീഫ് സെക്രട്ടറി ഡോ. ജയതിലകിനെതിരേ കൂടുതല് ആരോപണങ്ങളുമായി എന്. പ്രശാന്ത് ഐഎഎസ്. സിവില് സര്വീസ് ഉദ്യോഗസ്ഥര്ക്കിടയിലെ കിടമത്സരവും ചേരിപ്പോരും പരസ്പരമുള്ള വിഴുപ്പലക്കുകളും കൂടുതല് പരസ്യമായി പൊതുമധ്യത്തില് എത്തുകയാണ്. പ്രാശാന്തിനെതിരായ ജയതിലകിന്റെ റിപ്പോര്ട്ട് വാര്ത്താരൂപത്തില് പുറത്തു വന്നതോടെയാണ് സീനിയര് ഉദ്യോഗസ്ഥനെതിരേ ആരോപണങ്ങളുമായി പ്രശാന്ത് സോഷ്യല് മീഡിയയില് എത്തിയത്. കഴിഞ്ഞ ദിവസം ജയതിലകിനെതിരേ ഉയര്ത്തിയതിനെക്കാള് ഗുരതരമാണ് രണ്ടാമത്തെ ഫെയ്സ്ബുക്ക് പോസ്റ്റ്. സോഷ്യല് മീഡിയയില്ക്കൂടി വരും ദിവസങ്ങളില് തനിക്ക് പറയാനുള്ള കാര്യങ്ങളൊക്കെ പറയുമെന്ന് പ്രശാന്ത് വ്യക്തമാക്കിയിരുന്നു.
സപൈസസ് ബോര്ഡ് ചെയര്മാനായിരിക്കെ ജയതിലകിനെതിരേ ഉണ്ടായ സിബിഐ അന്വേഷണത്തിന്റെ വാര്ത്ത കട്ടിംഗ് പങ്കുവച്ചാണ് പ്രശാന്തിന്റെ ഫെയ്സ്ബുക്ക് പോസ്റ്റ്. സ്പൈസസ് ബോര്ഡിന്റെ ചെയര്മാനായിരിക്കെ സ്വകാര്യ സ്ഥാപനങ്ങളെ വഴിവിട്ട് സഹായിച്ചുവെന്ന ആരോപണത്തില് ജയതിലകിനെതിരേ എഫ്ഐആര് രജിസ്റ്റര് ചെയ്യണമെന്ന് വാര്ത്തയാണ് പ്രശാന്ത് പങ്കുവച്ചിരിക്കുന്നത്.
മാധ്യമ-കച്ചവട മാഫിയ സംഘത്താല് സംരക്ഷിക്കപ്പെടുന്ന ഉദ്യോഗസ്ഥനാണ് ജയതിലക് എന്നാണ് പ്രശാന്തിന്റെ മറ്റൊരു ആരോപണം. ജയതിലകിനെതിരേയും ഗോപാലകൃഷ്ണനെതിരേയും പേരെടുത്ത് പറഞ്ഞ് ആക്ഷേപങ്ങള് ഉയര്ത്തിയതില് പലകോണില് നിന്നും തനിക്ക് സമ്മര്ദ്ദം ഉണ്ടെന്നും എന്നാല് ഒരുതരത്തിലുള്ള ഒത്തുതീര്പ്പിനും താന് തയ്യാറല്ലെന്നുമാണ് പ്രശാന്ത് വ്യക്തമാക്കുന്നത്. സിബിഐ അന്വേഷണം വരെ അട്ടിമറിക്കാന് തക്ക ശക്തരായവര്ക്കെതിരേ പത്രങ്ങളില് വാര്ത്ത വരുത്തിയതുകൊണ്ട് കാര്യമൊന്നുമില്ലെന്നാണ് പ്രശാന്ത് പറയുന്നത്. ഇത്തരക്കാര്ക്കെതിരേ ഒരു നപടിയും ഉണ്ടാവുകയില്ലെന്നും അദ്ദേഹം കുറ്റപ്പെടുത്തുന്നുണ്ട്.
അന്ന് ജനകീയനായ ‘കളക്ടര് ബ്രോ’, ഇന്ന് വിവാദ നായകനായ ഐഎഎസുകാരന്
പല ഉദ്യോഗസ്ഥരുടെയും ജീവിതം നശിപ്പിച്ചയാളാണ് ജയതിലക് എന്നാണ് പ്രശാന്ത് പറയുന്നത്. ജയതിലകിനോട് സന്ധി ചെയ്യാന് പലരും തന്നെ ഉപദേശിക്കുന്നുണ്ട്. സ്വയം അപകടം വിളിച്ച് വരുത്താതിരിക്കാന് അതാണത്രെ നല്ലത്. അദ്ദേഹം നശിപ്പിച്ച ജീവിതങ്ങളുടെ പട്ടിക ചൂണ്ടിക്കാണിച്ചാല്, എനിക്ക് ഭയമല്ല തോന്നുക. ഇനിയെങ്കിലും ഇതിനൊരു അന്ത്യമുണ്ടാക്കി അവര്ക്കും നീതി നേടിക്കൊടുക്കുക എന്നേ എന്റെ ചെറിയ വാശിക്ക് തോന്നുന്നുള്ളൂ എന്നാണ് പ്രശാന്ത് പറയുന്നത്.
എന് പ്രശാന്ത് ഐഎഎസ്സിന്റെ ഫെയ്സ്ബുക്ക് പോസ്റ്റ് വായിക്കാം;
താഴെക്കാണുന്ന വാര്ത്തയിലെ ഡോ. ജയതിലക് സ്വയം എഴുതിക്കൂട്ടിയ റിപ്പോര്ട്ടിന്റെ കോപ്പിയില് ഡോ.ജയതിലക് ‘വട്ടം വരച്ച്’ ഡോ.ജയതിലക് തന്നെ എഴുതിയ വാര്ത്ത ഇന്നും മാതൃഭൂമി ഒന്നാം പേജ് ലീഡാക്കിയെന്ന് അറിഞ്ഞു. വ്യാജ രേഖ ചമക്കല് തൊട്ട് ഗൂഡാലോചന വരെ! തേങ്ക്സ് ??
പല സുഹൃത്തുക്കളും ചോദിക്കുന്നു, അദ്ദേഹത്തിന്റെയും ഗോപാലകൃഷ്ണന്റെയും പേര് പറയാതെ പോസ്റ്റ് ചെയ്താല് പോരെ എന്ന്. അല്ലെങ്കില് മറ്റൊരു മാധ്യമം വഴി അവര് ചെയ്യുന്ന അതേ പരിപാടി ചെയ്താല് പോരേ എന്ന്. അതിലൊരു ചറിയ പ്രശ്നമുണ്ട് വര്മ്മ സാറേ… ??????
സര്ക്കാര് ഫയലില് കാര്യങ്ങള് എഴുതിത്തീര്ത്താല് പോരെ എന്ന് മറ്റ് ചിലര്ക്കെങ്കിലും സംശയം തോന്നാം. അനവധി അഴിമതിക്കേസുകളില് ആരോപിതനായാലും, CBI അന്വേഷണം വരെ എത്തിയാലും, മാധ്യമ-കച്ചവട-മാഫിയ സംഘത്താല് സംരക്ഷിക്കപ്പെടുന്നവരെ കുറിച്ചുള്ള ഫയലുകളില് സ്വാഭാവികമായും നടപടിയാവുമെന്ന് ചിന്തിക്കുന്നത് അതിരുകടന്ന നിഷ്കളങ്കതയാണ്.
‘വഞ്ചനയുടെ പര്യായമായ ഐഎഎസ് ഉദ്യോഗസ്ഥന്’; പ്രശാന്തിനെ ‘വില്ലന്’ ആക്കി മേഴ്സിക്കുട്ടിയമ്മ
താഴെക്കാണുന്ന ഇആക അന്വേഷണത്തെക്കുറിച്ച് മാതൃഭൂമിയിലെ നട്ടെല്ലുള്ള ഒരു ലേഖകന് ആദ്യം ചെയ്ത വാര്ത്ത യൂട്യൂബില് കിടപ്പുണ്ട്. മാതൃഭൂമി ആ വിഷയം പിന്നീട് മുക്കാന് കാരണമെന്തായിരിക്കും? മിക്ക മാധ്യമങ്ങളിലും ഡോ.ജയതിലകിനെതിരെ വാര്ത്ത ചെയ്യാന് വിലക്കുണ്ട്. എന്ത് കൊണ്ടായിരിക്കും?
18 വര്ഷം സര്വ്വീസായ IAS ഉദ്യോഗസ്ഥനോട് മാതൃഭൂമിയെപ്പോലൊരു മഞ്ഞപ്പത്രത്തെ കൂട്ട് പിടിച്ച് ബാലിശമായ വ്യാജ നരേറ്റീവ് സൃഷ്ടിക്കാന് ധൈര്യപ്പെടുന്ന വ്യക്തി മറ്റ് കീഴുദ്യോഗസ്ഥരോട് എന്തൊക്കെ ചെയ്ത് കാണും എന്ന് ചിന്തിച്ചിട്ടുണ്ടോ? അദ്ദേഹം കല്പ്പിക്കുന്ന രീതിയില് ഫയല്/റിപ്പോര്ട്ട്/നോട്ടെഴുതാന് വിസമ്മതിച്ച എത്ര സത്യസന്ധരുടെ കരിയറും ജീവിതവും ഇദ്ദേഹം നശിപ്പിച്ചിട്ടുണ്ടെന്ന് സെക്രട്ടേറിയറ്റ് ഇടനാഴിയില് വെറുതേ നടന്നാല് കേള്ക്കാം. അദ്ദേഹം ജോലി ചെയ്ത എല്ലാ വകുപ്പിലും ഒന്ന് ചോദിച്ചാല് തീരുന്ന സംശയമേ ഉള്ളൂ. Public scrutiny ഉണ്ടെങ്കില് മാത്രമേ ന്യായമായത് നടക്കൂ എന്ന സമകാലിക ഗതികേട് കൊണ്ടാണ് റിസ്ക് എടുത്ത് ഒരാള് ‘വിസില് ബ്ലോവര്’ ആവുന്നത് എന്നത് ദയവായി മനസ്സിലാക്കുക. ഭരണഘടനയുടെ 311 ആം അനുച്ഛേദത്തിന്റെ സുരക്ഷയുള്ള ഒരു IAS കാരനെങ്കിലും ധൈര്യപൂര്വ്വം ഒരു ‘വിസില് ബ്ലോവര്’ ആയേ പറ്റൂ. തല്ക്കാലം ഞാനല്ലാതെ ആര്?
IAS കാരുടെ സര്വ്വീസ് ചട്ടപ്രകാരം സര്ക്കാറിനെയോ സര്ക്കാര് നയങ്ങളെയോ വിമര്ശിക്കരുതെന്നാണ്. മാതൃഭൂമിയെയോ ജയതിലകിനെയോ ഗോപാലകൃഷ്ണനെയോ വിമര്ശിക്കരുതെന്നല്ല. അഞ്ച് കൊല്ലം നിയമം പഠിച്ച എനിക്ക് സര്വ്വീസ് ചട്ടങ്ങളെക്കുറിച്ച് മഞ്ഞപ്പത്രത്തിന്റെ എഡിറ്റോറിയല് ഉപദേശം വേണ്ട. ഇന്ത്യന് ഭരണഘടനയുടെ അനുച്ഛേദം 19(1)(a) ഏതൊരു പൗരനുമെന്ന പോലെ എനിക്കും ഉള്ളതാണ്.
ഡോ. ജയതിലകുമായി സംസാരിച്ച് സന്ധിയാക്കണം എന്ന് ഭീഷണി രൂപത്തില് ചിലര് ഉപദേശിക്കുന്നുണ്ട്. സ്വയം അപകടം വിളിച്ച് വരുത്താതിരിക്കാന് അതാണത്രെ നല്ലത്. അദ്ദേഹം നശിപ്പിച്ച ജീവിതങ്ങളുടെ പട്ടിക ചൂണ്ടിക്കാണിച്ചാല്, എനിക്ക് ഭയമല്ല തോന്നുക. ഇനിയെങ്കിലും ഇതിനൊരു അന്ത്യമുണ്ടാക്കി അവര്ക്കും നീതി നേടിക്കൊടുക്കുക എന്നേ എന്റെ ചെറിയ വാശിക്ക് തോന്നുന്നുള്ളൂ. He picked on the wrong person at the end of that long list of his. ??
പൊതുജനമധ്യത്തില് സിവില് സര്വ്വീസിന്റെ ‘വില’ കളയാതിരിക്കാന് മൗനം പാലിക്കാനും ചിലര് ഉപദേശിക്കുന്നു. വ്യാജ റിപ്പോര്ട്ടുകള് സൃഷ്ടിക്കുകയും, ഫയലുകള് അപ്രത്യക്ഷമാക്കുകയും, വട്സാപ്പ് ഗ്രൂപ്പുകള് സൃഷ്ടിക്കുകയും അപ്രത്യക്ഷമാക്കുകയും ഒക്കെ ചെയ്യുന്ന ഒരു ഗ്രൂപ്പ് സിവില് സര്വ്വീസില് ഉണ്ട് എന്നത് ലജ്ജാവഹമാണ്. എന്നാലത് ഒളിച്ച് വെക്കുകയാണോ വേണ്ടത്? പിന്തിരിപ്പന് സമൂഹങ്ങളിലെ വലിയ ഉദ്യോഗസ്ഥരുടെയും പ്രമാണിമാരുടെ വീടുകളില് ‘പീഡോഫീലിയ’ പോലുള്ള ഗുരുതരമായ കുറ്റകൃത്യങ്ങള് രഹസ്യമായി വെക്കാന് ഉപദേശിക്കുന്ന അതേ ലോജിക്!
വിവരങ്ങള് പുറത്ത് വരുന്നതില് എന്തിനാണ് ഭയം? ഇതേ പേജില് എല്ലാ വിവരങ്ങളും വരും. ചില്ല്! ഒരു വിസില് ബ്ലോവര്ക്ക് Indian Whistle Blowers’ Protection Act, 2011 പ്രകാരം കിട്ടേണ്ടുന്ന എല്ലാ സംരക്ഷണവും സുരക്ഷയും ഞാന് പ്രതീക്ഷിക്കുന്നു. Competent Authority യെ നോട്ടിഫൈ ചെയ്തതായി അറിവില്ലാത്തതിനാല് ഇവിടെ പറയാനല്ലേ പറ്റൂ!
–Let me assure you, my dear concerned friends & well-wishers, I clearly know what I’m doing. And I’ve decided to blow the whistle –n prasanth ias allegations against additional chief secretary jayathilak ias
Content Summary; N Prasanth IAS allegations against additional chief secretary Jayathilak IAS
