2029- ന് മുമ്പേ “ഒരു രാജ്യം ഒരു തിരഞ്ഞെടുപ്പ് ” മണ്ഡല പുനർനിർണയ ബില്ലുമായി കേന്ദ്രം
ഒരു രാജ്യം ഒരു തിരഞ്ഞെടുപ്പ്’… 2029-ലെ ലോക്സഭാ തിരഞ്ഞെടുപ്പിന് മുൻപുള്ള കേന്ദ്രത്തിന്റെ നീക്കം . മുൻപേ മണ്ഡല പുനർനിർണ്ണയ ബിൽ പാർലമെന്റിൽ പാസാകാതെ വന്നതോടെ ബില്ലുകൾ കൂടുതൽ ശക്തമായി തിരിച്ചുകൊണ്ടുവരാൻ കേന്ദ്ര സർക്കാർ പദ്ധതി.
‘ഒരു രാജ്യം ഒരു തിരഞ്ഞെടുപ്പ്’… 2029-ലെ ലോക്സഭാ തിരഞ്ഞെടുപ്പിന് മുൻപുള്ള കേന്ദ്രത്തിന്റെ നീക്കം . മുൻപേ മണ്ഡല പുനർനിർണ്ണയ ബിൽ പാർലമെന്റിൽ പാസാകാതെ വന്നതോടെ ബില്ലുകൾ കൂടുതൽ ശക്തമായി തിരിച്ചുകൊണ്ടുവരാൻ കേന്ദ്ര സർക്കാർ പദ്ധതി . അതിനായി
മണ്ഡല പുനർനിർണ്ണയ ബില്ലും, ഒരു രാജ്യം ഒരു തിരഞ്ഞെടുപ്പ് ബില്ലും നിയമമാക്കാനാണ് സർക്കാർ ലക്ഷ്യമാക്കുന്നത്.
ഒരു രാഷ്ട്രം ഒരു തിരഞ്ഞെടുപ്പ് എന്നാൽ ലോക്സഭയിലേക്കും സംസ്ഥാന അസംബ്ലികളിലേക്കും ഒടുവിൽ പഞ്ചായത്തുകളിലേക്കും മുനിസിപ്പാലിറ്റികളിലേക്കും ഒരേസമയം തിരഞ്ഞെടുപ്പുകൾ നടത്തുന്നതിനെയാണ് അർത്ഥമാക്കുന്നത്. ചെലവ് കുറയ്ക്കുക, അടിക്കടിയുള്ള തിരഞ്ഞെടുപ്പുകൾ മൂലമുണ്ടാകുന്ന ഭരണ തടസ്സങ്ങൾ ഒഴിവാക്കുക, ജനാധിപത്യ പ്രക്രിയയെ സുഗമമാക്കുക എന്നിവയാണ് ആശയം. 1951 മുതൽ 1967 വരെ ഇന്ത്യ ഈ മാതൃക വിജയകരമായി പിന്തുടർന്നു.എന്നിരുന്നാലും, 1960 കളുടെ അവസാനത്തിൽ ചില സംസ്ഥാന നിയമസഭകളും ലോക്സഭയും അകാലത്തിൽ പിരിച്ചുവിട്ടത് ചക്രത്തെ തടസ്സപ്പെടുത്തി. വിദഗ്ദ്ധ സമിതികളിലൂടെയും സമീപകാല ഭരണഘടനാ ചർച്ചകളിലൂടെയും സർക്കാർ അതിന്റെ സാധ്യതകൾ പര്യവേക്ഷണം ചെയ്തതോടെ വീണ്ടും ശ്രദ്ധ നേടി.അതിനുശേഷം, ഇന്ത്യ എല്ലാ വർഷവും ഒന്നിലധികം തിരഞ്ഞെടുപ്പുകൾ നടത്തിവരുന്നു, ഇത് ഉയർന്ന ഭരണപരവും സാമ്പത്തികവുമായ ചെലവുകൾ സൃഷ്ടിക്കുന്നുണ്ട് . കാര്യക്ഷമത മെച്ചപ്പെടുത്തുന്നതിനായി ഈ സംവിധാനം പുനഃപരിശോധിക്കാൻ ഇന്ത്യൻ നിയമ കമ്മീഷൻ (170-ാം റിപ്പോർട്ട്) ശുപാർശ ചെയ്തു. നടപ്പിലാക്കിയാൽ, ഈ ആശയം അഞ്ച് വർഷത്തിലൊരിക്കൽ മാത്രമേ തിരഞ്ഞെടുപ്പ് ഉറപ്പാക്കൂ, കേന്ദ്ര, സംസ്ഥാന തലങ്ങൾ ഒരേസമയം ഈ ആശയം ഉൾക്കൊണ്ടു.
ഈ തിരഞ്ഞെടുപ്പിന്റെ ചരിത്ര പശ്ചാത്തലം പരിശോധിക്കുമ്പോൾ; 1951–52 മുതൽ 1967 വരെ ഇന്ത്യ ലോക്സഭയിലേക്കും സംസ്ഥാന നിയമസഭകളിലേക്കും ഒരേസമയം തിരഞ്ഞെടുപ്പുകൾ നടത്തി. ആദ്യത്തെ മൂന്ന് പൊതുതെരഞ്ഞെടുപ്പുകളും (1952, 1957, 1962) ഒറ്റ തിരഞ്ഞെടുപ്പ് ചക്രത്തിലാണ് ഒരുമിച്ച് നടന്നത്. ചില സംസ്ഥാന നിയമസഭകൾ അകാലത്തിൽ പിരിച്ചുവിട്ടതിനാൽ 1968-69 ൽ ആ ചക്രം തകർന്നു.
1970-ന്റെ തുടക്കത്തിൽ നാലാം ലോക്സഭ പിരിച്ചുവിടപ്പെട്ടു, ഇത് 1971-ൽ തിരഞ്ഞെടുപ്പിലേക്ക് നയിച്ചു. അടിയന്തരാവസ്ഥക്കാലത്ത് അഞ്ചാം ലോക്സഭയുടെ കാലാവധി 1977 വരെ നീട്ടി, ഇത് ആ ചക്രത്തെ കൂടുതൽ താറുമാറാക്കി. പിന്നീടുള്ള വർഷങ്ങളിൽ, നിരവധി ലോക്സഭകൾ കാലാവധി പൂർത്തിയാകുന്നതിന് മുമ്പ് പിരിച്ചുവിടപ്പെട്ടു, അതേസമയം സംസ്ഥാന അസംബ്ലികളും സമാനമായ തടസ്സങ്ങൾ നേരിട്ടു. ഇത് രാജ്യത്തുടനീളം വ്യത്യസ്ത സമയങ്ങളിൽ വോട്ടെടുപ്പുകൾ നടക്കുന്ന, നിലവിലുള്ള തിരഞ്ഞെടുപ്പുകളുടെ ക്രമരഹിതമായ രീതിയിലേക്ക് നയിച്ചു.
നടപ്പിലാക്കുന്നതിന് രണ്ട് പ്രധാന ഘട്ടങ്ങൾ ആവശ്യമാണ്:
ലോക്സഭാ, സംസ്ഥാന നിയമസഭാ തിരഞ്ഞെടുപ്പുകൾ സമന്വയിപ്പിക്കൽ: ഭരണഘടനാ ഭേദഗതികൾ ആവശ്യമായി വരും, എന്നാൽ ഈ ഘട്ടത്തിൽ സംസ്ഥാനങ്ങളുടെ അംഗീകാരം ആവശ്യമില്ല.
പഞ്ചായത്ത്, മുനിസിപ്പാലിറ്റി തിരഞ്ഞെടുപ്പുകൾ ഉൾപ്പെടെ: പൊതുതെരഞ്ഞെടുപ്പ് കഴിഞ്ഞ് 100 ദിവസത്തിനുള്ളിൽ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നടത്തണം. ഈ നടപടിക്ക് കുറഞ്ഞത് പകുതി സംസ്ഥാനങ്ങളുടെയെങ്കിലും അംഗീകാരം ആവശ്യമാണ്.
ഈ ഘട്ടം ഘട്ടമായുള്ള സമീപനം രാഷ്ട്രീയ പ്രതിരോധം കുറയ്ക്കുകയും തിരഞ്ഞെടുപ്പ് ചക്രങ്ങളെ ക്രമേണ ക്രമീകരിക്കുകയും ചെയ്യുമെന്ന് പ്രതീക്ഷിക്കുന്നത് .
2029-ലെ ലോക്സഭാ തിരഞ്ഞെടുപ്പിന് മുന്നോടിയായി രാജ്യത്ത് ‘ഒരു രാജ്യം ഒരു തിരഞ്ഞെടുപ്പ്’ പദ്ധതിയും മണ്ഡലപുനർനിർണയ ബില്ലും അവതരിപ്പിക്കാനുള്ള നീക്കങ്ങളുമായി കേന്ദ്രം എത്തുമ്പോൾ , മുൻപ് മണ്ഡല പുനർനിർണ്ണയ ബിൽ പരിഗണനയ്ക്ക് വന്നപ്പോൾ ഇന്ത്യ സഖ്യം ഒറ്റക്കെട്ടായാണ് ഇതിനെ എതിർത്തത്. ലോക്സഭാ സീറ്റുകളുടെ എണ്ണം വർദ്ധിപ്പിക്കുന്നത് ദക്ഷിണേന്ത്യൻ സംസ്ഥാനങ്ങളുടെ പ്രാതിനിധ്യം കുറയ്ക്കുമെന്നായിരുന്നു പ്രതിപക്ഷത്തിന്റെ പ്രധാന ആരോപണം. എന്നാൽ, സംസ്ഥാനങ്ങളിലെ ലോക്സഭാ സീറ്റുകളുടെ എണ്ണത്തിൽ 50 ശതമാനത്തിന്റെ ഏകീകൃത വർദ്ധനവ് വരുത്താൻ സർക്കാർ തയ്യാറാണെന്നും, ഇതുവഴി ദക്ഷിണേന്ത്യൻ സംസ്ഥാനങ്ങൾക്ക് യാതൊരു നഷ്ടവും ഉണ്ടാകില്ലെന്നും ആഭ്യന്തര മന്ത്രി അമിത് ഷാ പാർലമെന്റിൽ വ്യക്തമാക്കിയിരുന്നു. എന്നാൽ അടുത്തിടെ നടന്ന നിയമസഭാ തിരഞ്ഞെടുപ്പുകളിൽ പശ്ചിമ ബംഗാളിലും തമിഴ്നാട്ടിലും പ്രതിപക്ഷ കക്ഷികളായ തൃണമൂൽ കോൺഗ്രസിനും ഡിഎംകെയ്ക്കും ഉണ്ടായ രാഷ്ട്രീയ തിരിച്ചടികൾ പാർലമെന്റിലെ പ്രതിപക്ഷ സഖ്യത്തിൽ വിള്ളലുണ്ടാക്കുമെന്നും, ഇത് അനുകൂല സാഹചര്യമൊരുക്കുമെന്നുമാണ് ബിജെപിയുടെ വിലയിരുത്തൽ. കഴിഞ്ഞ ഏപ്രിലിൽ ഭരണഘടന ബിൽ പാസാക്കാൻ ആവശ്യമായ മൂന്നിൽ രണ്ട് ഭൂരിപക്ഷം ലോക്സഭയിൽ ലഭിക്കാതെ പോയ സാഹചര്യത്തിൽ കേന്ദ്ര ആഭ്യന്തര മന്ത്രാലയം പുതിയ മണ്ഡല പുനർനിർണ്ണയ ബില്ലിന്റെ കരട് തയ്യാറാക്കാൻ തുടങ്ങിയെന്ന് വൃത്തങ്ങൾ അറിയിച്ചു. ഒരു രാജ്യം ഒരു തിരഞ്ഞെടുപ്പ് പദ്ധതിയുമായി ബന്ധപ്പെട്ട ഭേദഗതികൾ നിലവിൽ 39 അംഗ സംയുക്ത പാർലമെന്ററി സമിതിയുടെ പരിഗണനയിലാണ്.
നിയമം ഉടൻ ഭേദഗതി ചെയ്യുമെന്ന് സമിതി അധ്യക്ഷൻ പി.പി ചൗധരി വ്യക്തമാക്കി. സംയുക്ത സമിതിയുടെ റിപ്പോർട്ട് മൺസൂൺ സമ്മേളനത്തിന്റെ അവസാന വാരത്തിൽ സമർപ്പിച്ചേക്കുമെന്നാണ് വിവരം. വിവിധ സംസ്ഥാന നിയമസഭകളുടെ കാലാവധി വ്യത്യസ്തമായതിനാൽ, നിയമം ഘട്ടങ്ങളായി നടപ്പാക്കാനാണ് സാധ്യതയെന്ന് ബിജെപി നേതാക്കൾ വ്യക്തമാക്കുന്നു. അതേസമയം, ഡിഎംകെ ഉന്നയിക്കുന്ന ആശങ്കകൾ പരിഹരിച്ച് ബില്ലിൽ മാറ്റങ്ങൾ വരുത്താൻ ബിജെപി തയ്യാറാണെന്ന് അറിയിച്ചിട്ടുണ്ട്. ജനസംഖ്യാ നിയന്ത്രണം വിജയകരമായി നടപ്പാക്കിയ ദക്ഷിണേന്ത്യൻ സംസ്ഥാനങ്ങൾക്ക് പാർലമെന്റിലെ പ്രാതിനിധ്യം നഷ്ടപ്പെടില്ലെന്ന് കേന്ദ്രം ഉറപ്പ് നൽകിയാൽ, ബില്ലിനെ പിന്തുണയ്ക്കുന്ന കാര്യം ആലോചിക്കാമെന്ന് മുതിർന്ന ഡിഎംകെ നേതാക്കൽ പ്രതികരിച്ചതും .
നേരത്തെ പാർലമെന്റിൽ മണ്ഡലപുനർനിർണയ ബിൽ പരാജയപ്പെട്ട സാഹചര്യത്തിൽ, കൂടുതൽ പ്രാദേശിക പാർട്ടികളുടെ പിന്തുണ ഉറപ്പാക്കി പുതിയ ബിൽ അവതരിപ്പിക്കാനാണ് കേന്ദ്ര ആഭ്യന്തര മന്ത്രാലയം ലക്ഷ്യമിടുന്നത്. ഇതിന്റെ ഭാഗമായി തമിഴ്നാട്ടിലെ ഡിഎംകെ ഉൾപ്പെടെയുള്ള പാർട്ടികളുമായി ബിജെപി നേതൃത്വം ആയിട്ടു നിലവിൽ ചർച്ച ആരംഭിച്ചിട്ടുണ്ട്.
Content summary; Centre plans One Nation One Election & Delimitation Bill before 2029 polls . 50% LS seat hike proposed for South India.
