പോലീസില്‍ നിന്ന് രക്ഷപ്പെട്ട കുറുവ സംഘത്തിലെ സന്തോഷ് സെല്‍വം പിടിയില്‍. തമിഴ്‌നാട് സ്വദേശി ആയ ഇയാളെ മണിക്കൂറുകള്‍ നീണ്ട അന്വേഷണത്തിനൊടുവിലാണ് കസ്റ്റഡിയില്‍ എടുത്തത്. ഇന്നലെ വൈകീട്ടോടെയാണ് സന്തോഷ് സെല്‍വത്തെ പോലീസ് കസ്റ്റഡിയില്‍ എടുത്തത്. കൈവിലങ്ങ് ധരിച്ച്, നഗ്നനായി പാഞ്ഞ സന്തോഷ് സെല്‍വം പൊലീസ് സംഘത്തോട് പ്രതിരോധം നടത്തുകയായിരുന്നു. എറണാകുളം കുണ്ടന്നൂരിലാണ് സംഭവം നടന്നത്. ഡി.വൈ.എസ്.പി ആര്‍ മധുബാബു പുറത്തുവിട്ട വിവരപ്രകാരം, ആലപ്പുഴ മണ്ണഞ്ചേരി പോലീസ് സംഘം കസ്റ്റഡിയിലേക്കു കൊണ്ടുവരുമ്പോള്‍ പോലീസിനെതിരെ സ്ത്രീകളും കുട്ടികളും ഉള്‍പ്പെട്ട ഒരു സംഘം ആക്രമണം നടത്തിയ സമയത്താണ് സന്തോഷ് ഓടി രക്ഷപ്പെട്ടിരുന്നത്. Suspected ‘Kuruva’ gang member recaptured
കുണ്ടന്നൂര്‍ പാലത്തിന് സമീപം കാടുകള്‍ക്കിടയിലുള്ള ഒരു പഴയ ഷെഡ്ഡില്‍ ഒളിച്ചിരുന്ന നിലയിലാണ് സന്തോഷ് സെല്‍വം പിടിക്കപ്പെട്ടത്. നിലത്ത് കുഴി കുഴിച്ച് ഒരു ഷീറ്റില്‍ മറഞ്ഞിരിക്കുകയായിരുന്നു. ഇയാളുടെ കൂടെ മണികണ്ഠന്‍ എന്ന മറ്റൊരു ആളും അറസ്റ്റിലായി. ഇവരെ വിശദമായി ചോദ്യം ചെയ്യും എന്ന് പൊലീസ് അറിയിച്ചു.
ആലപ്പുഴയും പരിസരപ്രദേശങ്ങളും കുറുവാ സംഘത്തിന്റെ ആക്രമണ ഭീതിയില്‍ ആയിരുന്നു. പകല്‍ സമയം ഇവര്‍ പ്രദേശത്ത് ചുറ്റിനടക്കുകയും, രാത്രിയില്‍ മോഷണത്തിനിറങ്ങുകയായിരുന്നു. ഇവര്‍ ശരീരമാസകലം കരി പുരട്ടി മുഖം മറച്ചാണ് എത്താറ്. പുന്നപ്രയില്‍ ഉറങ്ങിക്കിടന്ന അമ്മയുടെയും കുഞ്ഞിന്റെയും അരപ്പവനോളം വരുന്ന മാല മോഷ്ട്ടിക്കപ്പെട്ടതായി പരാതിയുണ്ട്. ഇതിനിടയില്‍, കൊച്ചി പറവൂരിലും കുറുവാ സംഘത്തെ കണ്ടതായി റിപ്പോര്‍ട്ടുകള്‍ പറയുന്നു.
മുനമ്പം ഡിവൈഎസ്പി ജയകൃഷ്ണന്‍ പുറത്തിറക്കിയ ജാഗ്രതാ നിര്‍ദേശങ്ങളനുസരിച്ച്, വീടുകളില്‍ രാത്രി ലൈറ്റുകള്‍ തെളിയിക്കുക, സിസിടിവി പരിശോധന നടത്തുക, ആയുധങ്ങള്‍ ശരിയിടത്ത് സൂക്ഷിക്കുക തുടങ്ങിയ മുന്‍കരുതലുകള്‍ പാലിക്കണം. Suspected ‘Kuruva’ gang member recaptured
content summary; Suspected ‘Kuruva’ gang member recaptured moments after daring escape from custody
