ധ്യാന് ശ്രീനിവാസന് നായകനായി എത്തുന്ന ഏറ്റവും പുതിയ ചിത്രമാണ് ‘സച്ചിന്’. ചിത്രത്തിലെ മൂന്നാമത്തെ ഗാനം പുറത്തുവിട്ടു . ‘കണ്ണീര് മേഘങ്ങള്’ എന്നുതുടങ്ങുന്ന ഗാനത്തിന്റെ വീഡിയോ ആണ് പുറത്തുവിട്ടത് . മനു മഞ്ജിത്ത് എഴുതിയ വരികള്ക്ക് സംഗീതം നല്കിയിരിക്കുന്നത് ഷാന് റഹ്മാന് ആണ്. ഹേഷാം അബ്ദുല് വഹാബ്,ബിന്ദു എന്നിവര് ചേര്ന്നാണ് ഗാനം ആലപിച്ചിരിക്കുന്നത്.
ക്രിക്കറ്റിന്റെ പശ്ചാത്തലത്തില് ഹാസ്യത്തിന് പ്രാധന്യം നല്കിക്കൊണ്ടു ഒരുക്കുന്ന ചിത്രത്തില് ‘സച്ചിന്’ എന്ന ടൈറ്റില് കഥാപാത്രത്തെയാണ് ധ്യാന് ശ്രീനിവാസന് അവതരിപ്പിക്കുന്നത്. ക്രിക്കറ്റിനോടുള്ള സച്ചിന്റെ ആരാധനയും സൗഹൃദവും പ്രണയവുമൊക്കെയാണ് സിനിമയില് പറയുന്നത്. എസ് എല് പുരം ജയസൂര്യയാണ് രചന. ഹരീഷ് കണാരന്, മണിയന് പിള്ള രാജു, രമേശ് പിഷാരടി, രഞ്ജി പണിക്കര്, ജൂബി നൈനാന്, അപ്പാനി ശരത്, മാലാ പാര്വ്വതി, അന്ന രാജന് എന്നിവരാണ് ചിത്രത്തിലെ മറ്റു താരങ്ങള്. ഷാന് റഹ്മാനാണ് സംഗീതം ഒരുക്കിയിരിക്കുന്നത്.
