അഴിമുഖം പ്രതിനിധി
പ്രകോപനപരമായ നിലപാടുമായി വീണ്ടും ഹൈദരാബാദ് സര്‍വ്വകലാശാല വി സി അപ്പാ റാവു. രോഹിത് വെമുലയുടെ സ്മരണയ്ക്കായി സ്ഥാപിച്ച സ്തൂപങ്ങള്‍ നീക്കം ചെയ്യണം എന്നുള്ളതാണ് വിസിയുടെ പുതിയ തീരുമാനം. എക്സിക്യൂട്ടിവ് കമ്മിറ്റിയിലാണ് ഈ ആവശ്യം ഡീനിനോട് വിസി ഉന്നയിച്ചത്. ക്യാമ്പസിനകത്ത് ഇത്തരം കീഴ്വഴക്കങ്ങള്‍ അംഗീകരിക്കാന്‍ ആവില്ല എന്നും വി സി ആവശ്യപ്പെട്ടു. കൂടാതെ വിദ്യാര്‍ഥികള്‍ക്ക് പിന്തുണ പ്രഖ്യാപിച്ച് കൂട്ട അവധിയില്‍ പ്രവേശിച്ച അധ്യാപകര്‍ക്ക് കാരണം കാണിക്കല്‍ നോട്ടീസ് നല്‍കാനും വിസി തീരുമാനിച്ചിരിക്കുകയാണ്.
