2018 സെപ്റ്റംബറിലായിരുന്നു വ്യവസായിയായ റോബർട്ട് വാദ്രയ്ക്കും റിയൽ എസ്റ്റേറ്റ് കമ്പനിയായ ഡിഎൽഎഫ് ഗ്രൂപ്പിനും എതിരെ ഹരിയാന പോലീസ് കേസെടുക്കുന്നത്. ഗുരുഗ്രാമിലെ ഭൂമി ഇടപാടുകളിൽ അഴിമതിയെ തുടർന്നായിരുന്നു കേസ്. മുതിർന്ന കോൺഗ്രസ് നേതാവ് സോണിയ ഗാന്ധിയുടെ മരുമകൻ ഉൾപ്പെട്ട വധേര ഭൂമി ഇടപാടുകൾ 2014 ലെ തിരഞ്ഞെടുപ്പ് പ്രചാരണത്തിൽ ബിജെപിയുടെ പ്രധാന തുറുപ്പു ചീട്ടായിരുന്നു. ആ തെരഞ്ഞെടുപ്പിൽ കോൺഗ്രസിൽ നിന്ന് ബിജെപി അധികാരവും പിടിച്ചെടുത്തിരുന്നു.

അഞ്ച് വർഷത്തിന് ശേഷം, കേസിൽ അപ്രതീക്ഷിതമായ വഴിത്തിരിവുണ്ടായി. ഇടപാടുകളിൽ ലംഘനങ്ങളൊന്നും കണ്ടെത്തിയിട്ടില്ലെന്ന് 2023 ഏപ്രിലിൽ സംസ്ഥാന ബിജെപി സർക്കാർ ഹൈക്കോടതിയെ അറിയിച്ചു. സോഷ്യൽ മീഡിയയിൽ വദ്ര ന്യായീകരണം അവകാശപ്പെട്ടതോടെ, ആരോപണ വിധേയരായ കക്ഷികൾക്ക് “ക്ലീൻ ചിറ്റ്” നൽകിയിട്ടില്ലെന്ന് ഹരിയാന സർക്കാർ വ്യക്തമാക്കി.

തെരഞ്ഞെടുപ്പ് കമ്മീഷൻ പുറത്തുവിട്ട പുതിയ ഇലക്ടറൽ ബോണ്ട് ഡാറ്റ പ്രകാരം 2019 ഒക്‌ടോബറിനും 2022 നവംബറിനും ഇടയിൽ ഡിഎൽഎഫ് ഗ്രൂപ്പ് 170 കോടി രൂപ ബിജെപിക്ക് സംഭാവനയായി നൽകിയിരുന്നു. ഡിഎൽഎഫ് കൊമേഴ്സ്യൽ ഡെവലപ്പേഴ്സ് ലിമിറ്റഡ്, ഡിഎൽഎഫ് ഗാർഡൻ സിറ്റി ഇൻഡോർ പ്രൈവറ്റ് ലിമിറ്റഡ്, ഡിഎൽഎഫ് ലക്ഷ്വറി ഹോംസ് ലിമിറ്റഡ് എന്നീ മൂന്ന് സ്ഥാപനങ്ങളാണ് ബോണ്ടുകൾ വാങ്ങിയത്. ഈ ബോണ്ടുകളുടെയെല്ലാം ഗുണഭോക്താവ് ബിജെപി മാത്രമായിരുന്നു. റിയൽ എസ്റ്റേറ്റ് സ്ഥാപനം മറ്റൊരു രാഷ്ട്രീയ പാർട്ടിക്കും പണം നൽകിയിട്ടില്ല. സംഭാവന നൽകിയ ഡിഎൽഎഫ് ഗ്രൂപ്പും പ്രിയങ്കഗാന്ധിയുടെ ഭർത്താവ് റോബർട്ട്‌ വദ്രയുടെ കമ്പനിയും തമ്മിലായിരുന്നു ഭൂമി ഇടപാട്.

1946-ൽ ചൗധരി രാഘവേന്ദ്ര സിംഗ് ആയിരുന്നു ഡിഎൽഎഫ് ഗ്രൂപ്പ് സ്ഥാപിച്ചത്. തുടക്കം മുതൽ തന്നെ, റിയൽ എസ്റ്റേറ്റ് മേഖലയിലാണ് കമ്പനി ശ്രദ്ധ പതിപ്പിച്ചിരുന്നത്. പ്രത്യേകിച്ച് ഹരിയാന, ഡൽഹി, ഉത്തർപ്രദേശ് ഡൽഹി തുടങ്ങിയ ഇടങ്ങൾ കേന്ദ്രീകരിച്ചായിരുന്നു പ്രവർത്തനം.

2022-’23 സാമ്പത്തിക വർഷത്തിൽ, കമ്പനിയുടെ വിറ്റുവരവ് 6,012 കോടി രൂപയായിരുന്നു, അറ്റാദായം 2,051 കോടി രൂപയും. 2012ൽ വദ്രയുടെ ഉടമസ്ഥതയിലുള്ള ഒരു സ്ഥാപനത്തിൽ നിന്ന് ഹരിയാന സർക്കാർ ഭൂമി വാങ്ങിയത് റദ്ദാക്കിയതിനെ തുടർന്നാണ് ഗ്രൂപ്പ് വാർത്തകളിൽ ഇടം നേടിയത്.

2008ൽ വാദ്രയുടെ സ്ഥാപനമായ സ്കൈലൈറ്റ് ഹോസ്പിറ്റാലിറ്റി ഗുരുഗ്രാമിൽ 3.5 ഏക്കർ ഭൂമി 7.5 കോടി രൂപയ്ക്ക് വാങ്ങിയിരുന്നു. മാസങ്ങൾക്ക് ശേഷം, ഡിഎൽഎഫ് 58 കോടി രൂപയ്ക്ക് പ്ലോട്ട് വാങ്ങാൻ സമ്മതിച്ചു. പല ഗഡുക്കളായാണ് പണം അടച്ചത്.

2012-ൽ, ഭൂമിയുടെ രേഖകളുടെ പരിശോധിച്ച ഹരിയാനയിലെ സർക്കാർ ഉദ്യോഗസ്ഥനായ അശോക് ഖേംക, ഈ പ്രക്രിയയിലെ പിഴവുകൾ ചൂണ്ടിക്കാട്ടി ഡിഎൽഎഫ്ന് ഉടമസ്ഥാവകാശം കൈമാറുന്നത് റദ്ദാക്കി. 2014ലെ തെരഞ്ഞെടുപ്പ് പ്രചാരണത്തിൽ ബി.ജെ.പി ഉയർത്തിക്കാട്ടിയത് വിവാദമായതോടെ കോൺഗ്രസിന്റെ മുഖ്യമന്ത്രിയായിരുന്ന ഭൂപീന്ദർ സിംഗ് ഹൂഡയുടെ ഉത്തരവനുസരിച്ച് ഖേംകയെ സ്ഥലം മാറ്റി.

2018 ൽ ഹരിയാനയിൽ ബിജെപി അധികാരത്തിൽ വന്ന് നാല് വർഷത്തിന് ശേഷം, സെപ്തംബർ 1 ന് ഫയൽ ചെയ്ത കേസിൽ ക്രിമിനൽ ഗൂഢാലോചന, വഞ്ചന, വഞ്ചന, വ്യാജരേഖ ചമയ്ക്കൽ തുടങ്ങിയ വകുപ്പുകൾ പ്രകാരം വദ്ര, ഹൂഡ, ഡിഎൽഎഫ് എക്സിക്യൂട്ടീവുകൾ ഉൾപ്പെടെയുള്ളവർക്കെതിരെ സംസ്ഥാന പൊലീസ് കേസെടുത്തു.

2019 ജനുവരിയിൽ, സ്ഥാപനത്തിന് ഭൂമി അനുവദിച്ചതുമായി ബന്ധപ്പെട്ട മറ്റൊരു കേസിൽ ക്രമക്കേടുകൾ ആരോപിച്ച് സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ ഡിഎൽഎഫ് ഓഫീസുകൾ പരിശോധിച്ചു.

2019 ഒക്ടോബറിൽ ഇലക്ടറൽ ബോണ്ടുകൾ വഴി ഡിഎൽഎഫ് ഗ്രൂപ്പ് ബിജെപിക്ക് ആദ്യ സംഭാവന നൽകിയതായി ഡാറ്റകൾ കാണിക്കുന്നു. 2020, 2021, 2022 വർഷങ്ങളിൽ പാർട്ടിക്ക് പണം നൽകിക്കൊണ്ടിരുന്നിരുന്നു. 2022 നവംബറിൽ വാങ്ങിയ ബോണ്ടുകൾ വഴിയാണ് അവസാന റൗണ്ട് സംഭാവനകൾ നൽകിയത്.

അഞ്ച് മാസത്തിന് ശേഷം, 2023 ഏപ്രിൽ 19 ന്, തെരഞ്ഞെടുക്കപ്പെട്ട ജനപ്രതിനിധികൾക്കെതിരായ കേസുകളുമായി ബന്ധപ്പെട്ട ഒരു ഹരജിയുടെ വാദം കേൾക്കുന്നതിനിടെ, ഹരിയാനയിലെ ബിജെപി സർക്കാർ പഞ്ചാബ്-ഹരിയാന ഹൈക്കോടതിയെ, 2012-ലെ വദ്രയും ഡി.എൽ.എഫും തമ്മിൽ നടന്ന ഭൂമി ഇടപാടിൽ “നിയമങ്ങളും ചട്ടങ്ങളും ലംഘിച്ചിട്ടില്ല”. എന്ന്അ റിയിച്ചു.

തങ്ങൾ നിരപരാധികളാണെന്ന വാദവുമായി വദ്ര സോഷ്യൽ മീഡിയകളിൽ പ്രത്യക്ഷപ്പെട്ടിരുന്നു. ഹൈക്കോടതിക്ക് മുമ്പാകെ സമർപ്പിച്ചത് തങ്ങൾക്കോ ഡിഎൽഎഫ് ഗ്രൂപ്പിനോ ക്ലീൻ ചിറ്റ് ആണെന്ന വാദം ബിജെപി സർക്കാർ നിഷേധിച്ചു. കേസ് കൂടുതൽ അന്വേഷിക്കാൻ പുതിയ പ്രത്യേക അന്വേഷണ സംഘത്തെ അഥവാ എസ്ഐടി രൂപീകരിച്ചതായി സർക്കാർ അറിയിച്ചു.

2023 നവംബറിൽ, കേസിൻ്റെ അന്വേഷണം “കഴിഞ്ഞ അഞ്ച് വർഷമായി ഇഴഞ്ഞു നീങ്ങുകയാണെന്നും കഴിയുന്നത്ര വേഗത്തിൽ” പൂർത്തിയാക്കണമെന്നും ഹൈക്കോടതി ആവശ്യപ്പെട്ടു. അതേ മാസം, മറ്റൊരു ഇൻഫ്രാസ്ട്രക്ചർ സ്ഥാപനമായ സൂപ്പർടെക് ഗ്രൂപ്പിനെതിരെ കള്ളപ്പണം വെളുപ്പിക്കൽ അന്വേഷണത്തിൻ്റെ ഭാഗമായി എൻഫോഴ്സ്മെൻ്റ് ഡയറക്ടറേറ്റ് ഗുരുഗ്രാമിലെ ഡിഎൽഎഫ് ഓഫീസുകളിൽ പരിശോധന നടത്തി. 2023ലും 2024ലും ഗ്രൂപ്പ് ഇലക്ടറൽ ബോണ്ട് സംഭാവനകളൊന്നും നൽകിയിട്ടില്ല.

ന്യൂസ്‌ലൗണ്ട്രി, സ്‌ക്രോൾ, ദി ന്യൂസ് മിനിറ്റ് – കൂടാതെ സ്വതന്ത്ര പത്രപ്രവർത്തകർ എന്നിവർ ഉൾപ്പെട്ട പ്രൊജക്റ്റിന്റെ ഭാഗമാണ് ഈ റിപ്പോർട്ട്.

അഴിമുഖം പ്രതിനിധി

More Posts