UPDATES

ബിഎപിയുമായി സഖ്യമുണ്ടായിട്ടും പത്രിക പിൻവലിക്കാതെ കോൺഗ്രസ്‌ സ്ഥാനാർഥികൾ

ബിജെപി സ്ഥാനാർഥിയുടെ സമർദ്ദമെന്ന് ആരോപണം

                       

രാജസ്ഥാനിലെ വിവിധ ലോകസഭ സീറ്റുകളിൽ ഭാരതീയ ആദിവാസി പാർട്ടിയുമായി (ബിഎപി) കോൺഗ്രസ് ധാരണയിലെത്തിയിരുന്നു.

ബൻസ്‌വാര ലോക്‌സഭാ സീറ്റിനായി ബിഎപി കോൺഗ്രസ് സഖ്യമുണ്ടാക്കി സീറ്റുകൾ പങ്കിടാൻ ധാരണയിലെത്തുകയും ചെയ്തിരുന്നു.

2023-ൽ രൂപീകരിച്ച ഭാരതീയ ആദിവാസി പാർട്ടി, പ്രതാപ്ഗഡ്, ബൻസ്വാര ദുംഗർപൂർ, ഉദയ്പൂർ ജില്ലകളിൽ സ്വാധീനം ചെലുത്തുകയും 2023-ലെ നിയമസഭാ തിരഞ്ഞെടുപ്പിൽ 3 സീറ്റുകൾ നേടുകയും ചെയ്തു. ഇപ്പോഴിതാ മണ്ഡലത്തിൽ അപ്രതീക്ഷിത നീക്കങ്ങളാണ് നടന്നു കൊണ്ടിരിക്കുന്നത്.

കോൺഗ്രസ്‌ സ്ഥാനാർത്ഥികളായി പ്രഖ്യാപിച്ച അരവിന്ദ് ദാമോറും ബാഗിദോര ഉപതെരഞ്ഞെടുപ്പിനുള്ള നാമനിർദ്ദേശ പത്രിക നൽകിയ കപൂർ സിംഗും പത്രിക പിൻവലിക്കാൻ വിസമ്മതിച്ചതോടെ കാര്യങ്ങൾ മാറി മറഞ്ഞു. ഇതോടെ കോൺഗ്രസ് വലിയ പ്രതിസന്ധിയിലേക്കാണ് കൂപ്പു കുത്തിയിരിക്കുന്നത്.

ബിഎപി സ്ഥാനാർത്ഥി രാജ്കുമാർ റാവത്ത് കോൺഗ്രസ് പാർട്ടിയോട് പിന്തുണ ആവശ്യപ്പെട്ട് ഒരു മണിക്കൂറിനുള്ളിൽ ഏപ്രിൽ 4 ന് നാമനിർദ്ദേശ പത്രിക സമർപ്പിച്ച കോൺഗ്രസിൻ്റെ അരവിന്ദ് ദാമോർ സ്ഥാനാർത്ഥിത്വം പിൻവലിക്കാൻ സാധ്യതയുണ്ടെന്ന ഊഹാപോഹങ്ങൾ ഉണ്ടായിരുന്നു.

തിങ്കളാഴ്ച (ഏപ്രിൽ 8) ആയിരുന്നു നാമനിർദേശ പത്രിക പിൻവലിക്കാനുള്ള അവസാന തീയതി. എന്നാൽ ഇരുവരും പത്രിക പിൻവലിച്ചില്ല. രണ്ട് സ്ഥാനാർത്ഥികളെയും 6 വർഷത്തേക്ക് പാർട്ടിയിൽ നിന്ന് പുറത്താക്കിയെങ്കിലും ഔദ്യോഗിക കത്ത് ഇതുവരെ പുറത്ത് വന്നിട്ടില്ലെന്ന് കോൺഗ്രസ് പ്രവർത്തകർ അവകാശപ്പെടുന്നു.

പാർട്ടിയിൽ നിന്ന് പുറത്താക്കിയാലും ദാമോറും സിങ്ങും കോൺഗ്രസ് സ്ഥാനാർത്ഥിയായി തുടരും. പുറത്താക്കുന്നതിന് മുമ്പ് പാർട്ടി അവർക്ക് തിരഞ്ഞെടുപ്പ് ചിഹ്നങ്ങൾ അനുവദിച്ചിരുന്നു, നാമനിർദ്ദേശ പത്രിക പിൻവലിക്കാനുള്ള അവസാന തീയതിയും അവസാനിച്ചു.

ഭരണഘടനയെ രക്ഷിക്കാനും ബിജെപിയെ പരാജയപ്പെടുത്താനും കോൺഗ്രസ് ബിഎപിയുമായി യോജിച്ചുവെന്ന് പിസിസി അധ്യക്ഷൻ ഗോവിന്ദ് സിങ് ദോതസ്ര തിങ്കളാഴ്ച വാർത്താസമ്മേളനത്തിൽ സ്ഥിരീകരിച്ചു. എന്നാൽ, ദാമോറും സിംഗും ഫോൺ സ്വിച്ച് ഓഫ് ചെയ്തതിനാൽ വിവരങ്ങൾ ലഭിച്ചില്ല. രാഹുൽ ഗാന്ധിയുടെ നേതൃത്വത്തിൽ താൻ മത്സരിക്കുമെന്ന് രാവിലെ 10 മണിക്ക് ദാമോർ ഫെയ്‌സ്ബുക്കിൽ കുറിച്ചു, ഇതോടെ താൻ പിന്മാറാനുള്ള മാനസികാവസ്ഥയിലല്ലെന്ന് വ്യക്തമായി സൂചിന നൽകുന്നതായിരുന്നു.

പിന്നീട്, ബിഎപി വക്താവ് പ്രൊഫ ജിതേന്ദ്ര മീണ സോഷ്യൽ മീഡിയയിലൂടെ, ഈ സഖ്യം തകർക്കാൻ ആഗ്രഹിക്കുന്ന ശത്രുക്കളെ പരാജയപ്പെടുത്താൻ ബൻസ്വരയിൽ കോൺഗ്രസ് നേതൃത്വം മുന്നോട്ട് വരാനും ബിഎപി സ്ഥാനാർത്ഥിക്കായി പ്രചാരണം നടത്താനും അഭ്യർത്ഥിച്ചു.

ഈ സംഭവം, സ്ഥാനാർത്ഥികളെ പുറത്താക്കുകയും ബിഎപി വോട്ട് ബാങ്കിൽ വെട്ടിമാറ്റുകയും ചെയ്തിട്ടും കോൺഗ്രസ് ചിഹ്നത്തിന് വോട്ട് ചെയ്യാൻ കഴിയുന്ന വോട്ടർമാർക്ക് ആശയക്കുഴപ്പം സൃഷ്ടിച്ചേക്കാമെന്ന് പാർട്ടിയിലെ ഉൾപ്പടെയുള്ളവർ കരുതുന്നു. ബൻസ്‌വാരയെ അനുകൂലിച്ചതിന് പകരമായി ബിഎപി ജലോർ, ചിറ്റോർഗഢ് എന്നിവിടങ്ങളിൽ നിന്ന് കോൺഗ്രസിലേക്കുള്ള നാമനിർദ്ദേശങ്ങൾ പിൻവലിക്കുമെന്ന് ഊഹാപോഹങ്ങളുണ്ടായിരുന്നു. പക്ഷേ കാര്യങ്ങൾ വിചാരിച്ചപോലെ നടന്നില്ല.

ബൻസ്‌വാര മണ്ഡലത്തിൽ നാമനിർദേശ പത്രിക സമർപ്പിക്കുന്നതിൻ്റെ അവസാന ദിവസം അർജുൻ ബമാനിയയെ സ്ഥാനാർത്ഥിയാക്കാൻ കോൺഗ്രസ് നേരത്തെ തീരുമാനിച്ചിരുന്നുവെങ്കിലും അദ്ദേഹം എത്തിയില്ല. വഴിയില്ലാതെ കോൺഗ്രസ് അരവിന്ദ് ദാമോറിന് തിരഞ്ഞെടുപ്പ് ചിഹ്നം നൽകി. ഇക്കാലമത്രയും കോൺഗ്രസും ബിഎപിയും തമ്മിലുള്ള സഖ്യത്തെക്കുറിച്ചുള്ള ചർച്ചകൾ നടന്നിരുന്നുവെങ്കിലും ബിഎപിയുമായി യോജിച്ച് പോകാൻ പ്രാദേശിക നേതാക്കൾ തയ്യാറായിട്ടില്ലെന്നാണ് കോൺഗ്രസ് പ്രവർത്തകർ പറയുന്നത്.

നേരത്തെ കോൺഗ്രസിലുണ്ടായിരുന്ന ബിജെപി സ്ഥാനാർത്ഥി മഹേന്ദ്രജീത് സിംഗ് മാളവ്യയിൽ നിന്ന്നാമനിർദ്ദേശ പത്രിക പിൻവലിക്കാതിരിക്കാൻ കോൺഗ്രസ് സ്ഥാനാർത്ഥികൾക്ക് മേൽ സമ്മർദ്ദമുണ്ടെന്ന്  ബിഎപി വൃത്തങ്ങൾ അവകാശപ്പെട്ടു. ബിഎപി സ്ഥാനാർത്ഥി രാജ്കുമാറിന് തെരഞ്ഞെടുപ്പ് എളുപ്പമാക്കാൻ  മാളവ്യ ആഗ്രഹിക്കുന്നില്ല.

Share on

മറ്റുവാര്‍ത്തകള്‍