അന്വേഷണ റിപ്പോർട്ട്
ഇന്ത്യയിൽ ഏറ്റവും കൂടുതൽ രാഷ്ട്രീയ സംഭാവനകൾ സ്വീകരിച്ചിരിക്കുന്നത് ബിജെപിയാണെന്ന് റോയിട്ടേഴ്സിന്റെ അന്വേഷണ റിപ്പോർട്ട്. ന്യൂഡൽഹിയുടെ ഹൃദയഭാഗത്ത് സ്ഥിതി ചെയ്യുന്ന രണ്ടാളുകൾ മാത്രം സ്ഥിരമായി ജോലി ചെയ്യുന്ന ഓഫീസിൽ നിന്നാണ് ബിജെപിക്ക് ഈ സംഭാവനകൾ എത്തിക്കുന്നത്. ബിജെപി അടക്കുമുള്ള രാഷ്ട്രീയ പാർട്ടികൾക്ക് ലഭിക്കുന്ന സംഭാവന വിതരണം ചെയ്യുന്ന പ്രൂഡൻ്റ് ഇലക്ടറൽ ട്രസ്റ്റിന്റെ ആസ്ഥനമാണിത്.
2013-ൽ പ്രൂഡൻ്റ് ഇലക്ടറൽ ട്രസ്റ്റ് 272 മില്യൺ ഡോളർ രൂപയാണ് സമാഹരിച്ചത്, ആ തുകയുടെ ഏകദേശം 75% പ്രധാനമന്ത്രി നരേന്ദ്ര മോദിയുടെ പാർട്ടിക്കാണ് നൽകിയത്. ബിജെപിക്ക് ട്രസ്റ്റ് നൽകിയ സംഭാവനകൾ കോൺഗ്രസിന് നൽകിയ 20.6 മില്യൺ ഡോളറിൻ്റെ 10 മടങ്ങ് കൂടുതലാണെന്ന് രേഖകൾ വ്യക്തമാക്കുന്നു. (ഇന്ത്യയിലെ കമ്പനി ആക്റ്റ്, 2013, ഇൻകം ടാക്സ് ആക്റ്റ്, 1961 എന്നിവയുടെ വ്യവസ്ഥകൾക്ക് കീഴിൽ രൂപീകരിച്ച ഒരു സ്ഥാപനമാണ് പ്രൂഡൻ്റ് ഇലക്ടറൽ ട്രസ്റ്റ്.)
പാർട്ടികൾക്ക് നികുതിയിളവ് നൽകുന്ന സംഭാവനകൾ അനുവദിക്കുന്നതിനായി 2013-ൽ മുൻ കോൺഗ്രസ് സർക്കാരാണ് ഇലക്ടറൽ ട്രസ്റ്റുകൾ നടപ്പാക്കിയത്. രാഷ്ട്രീയ ഫണ്ടിംഗ് കൂടുതൽ സുതാര്യമാക്കാൻ ലക്ഷ്യമിട്ടാണ് ട്രസ്റ്റ് രൂപീകരിച്ചതെന്ന് കോൺഗ്രസ് വാദിച്ചു. കാരണം ഇത് പണത്തിൻ്റെ ഉപയോഗം കുറയ്ക്കും, ട്രാക്കുചെയ്യാനും പ്രയാസമായിരിക്കും. അതിനാൽ തന്നെ, പാർട്ടികൾക്ക് നേരിട്ട് പണം നൽകുന്നതിന് പകരം, ആളുകൾക്കും കമ്പനികൾക്കും ഈ ഇലക്ടറൽ ട്രസ്റ്റുകൾക്ക് പണം നൽകാം, ട്രസ്റ്റ് പിന്നീട് ആ പണം പാർട്ടികൾക്ക് വിതരണം ചെയ്യും. എന്നാൽ ചില തിരഞ്ഞെടുപ്പ് വിദഗ്ധർ പറയുന്നതനുസരിച്ച്, ഈ ട്രസ്റ്റുകൾ രാഷ്ട്രീയ പാർട്ടികൾക്ക് എവിടെനിന്നാണ് പണം ലഭിക്കുന്നതെന്ന് കാര്യം കൂടുതൽ അവ്യക്തമാക്കുകയാണ്. 2024 ലെ പൊതുതെരഞ്ഞെടുപ്പ് പടിവാതിലിൽ എത്തിയിരിക്കുകയാണ്. മൂന്നാം തവണയും മോദി സർക്കാർ തന്നെ അധികാരത്തിലെത്തുമെന്ന് സർവേകൾ പ്രവചിക്കുന്നുണ്ട്.
വ്യക്തിഗത കോർപ്പറേറ്റ് ദാതാക്കൾ രാഷ്ട്രീയ പാർട്ടികൾക്ക് നൽകുന്ന സംഭാവനകൾ എങ്ങനെ വിതരണം ചെയ്യപ്പെടുന്നുവെന്ന് പ്രൂഡൻ്റ് ട്രസ്റ്റ് വെളിപ്പെടുത്തുന്നില്ല. എന്നാൽ 2018 മുതൽ 2023 വരെയുള്ള പൊതു രേഖകൾ ഉപയോഗപ്പെടുത്തി രാജ്യത്തെ കോർപറേറ്റുകൾ നൽകിയ സംഭാവനകൾ റോയിട്ടേഴ്‌സ് ട്രാക്ക് ചെയ്തതായി റിപ്പോർട്ട് ചെയ്യുന്നു. റോയിട്ടേഴ്സിന്റെ കണ്ടത്തെലുകൾ അനുസരിച്ച്, രാജ്യത്തെ ഏറ്റവും വലിയ എട്ട് ബിസിനസ് ഗ്രൂപ്പുകളാണ് 2019 നും 2023 നും ഇടയിൽ ട്രസ്റ്റിന് കുറഞ്ഞത് 50 മില്യൺ ഡോളർ സംഭാവന നൽകിയിരിക്കുന്നത്. തുടർന്ന് ട്രസ്റ്റ് ബിജെപിക്ക് ഈ തുകക്ക് തത്തുല്യമായ ചെക്ക് നൽകിയിട്ടുമുണ്ട്. സ്റ്റീൽ രംഗത്തെ ഭീമനായ ആർസലർ മിട്ടൽ നിപ്പോൺ സ്റ്റീൽ, ഭാരതി എയർടെൽ, ജിഎംആർ, എസ്സാർ എന്നീ നാല് വൻകിട കമ്പനികൾ രാഷ്ട്രീയ പാർട്ടിക്ക് നേരിട്ട് പണം നൽകിയിട്ടില്ലെന്നും പാർട്ടിക്ക് സംഭാവന നൽകുന്നവരുടെ പട്ടികയിൽ അവരുടെ പേരുകൾ ഇല്ലെന്നും റോയിട്ടേഴ്‌സ് കണ്ടെത്തി. പകരം ട്രസ്റ്റിലേക്കാണ് പണം സംഭാവന ചെയ്തിരിക്കുന്നത്.
ജിഎംആറും ഭാരതി എയർടെലും തങ്ങളുടെ സംഭാവനകൾ എങ്ങനെ വിതരണം ചെയ്യണമെന്ന് പ്രൂഡൻ്റ് തീരുമാനിക്കുമെന്ന് റോയിട്ടേഴ്‌സിൻ്റെ ചോദ്യങ്ങൾക്ക് മറുപടിയായി പറയുന്നു. പണം സംഭാവന നൽകുമ്പോൾ തങ്ങളുടെ കമ്പനി ചില നിയമങ്ങൾ (അവർ പങ്കിടാത്തത്) പാലിക്കുന്നുണ്ടെന്നും ആ നിയമങ്ങൾ അനുസരിച്ച്, ഒരു പ്രത്യേക രാഷ്ട്രീയ പാർട്ടിക്കും പണം നൽകരുതെന്ന് അവർ തീരുമാനിച്ചുവെന്നും GMR വക്താവ് പറഞ്ഞു. ഒരു രാഷ്ട്രീയ പാർട്ടിയെയും പ്രത്യേകമായി പരിഗണിക്കാൻ കമ്പനി താല്പര്യപ്പെടുന്നില്ലെന്നും വക്താവ് കൂട്ടിച്ചേർത്തു.
ട്രസ്റ്റിന്റെ സ്വതന്ത്ര ഓഡിറ്റർമാരായ മുകുൾ ഗോയൽ, വെങ്കിടാചലം ഗണേഷ് എന്നിവർ ഇമെയിലിലൂടെയും പോസ്റ്റിലൂടെയും അയച്ച ചോദ്യങ്ങൾക്ക് പ്രതികരിച്ചിട്ടില്ല. പ്രൂഡന്റിന്റെ പ്രവർത്തനത്തെ കുറിച്ചുള്ള ഒരു ഹ്രസ്വ ഫോൺ സംഭാഷണത്തിൽ : “അത് ഞങ്ങൾ പുറത്തു പറയാൻ താല്പര്യപ്പെടാത്തതാണെന്ന് ” ഗോയൽ പറഞ്ഞു.
ഇന്ത്യയിലെ 18 ഇലക്ടറൽ ട്രസ്റ്റുകളിൽ ഏറ്റവും വലുത് പ്രൂഡൻ്റ് ഇലക്ടറൽ ട്രസ്റ്റാണ്. കൂടാതെ ഒന്നിലധികം കോർപ്പറേറ്റ് ഗ്രൂപ്പുകളിൽ നിന്നുള്ള സംഭാവനകൾ സ്വീകരിക്കുന്ന ഇന്ത്യയിലെ ഏറ്റവും വലിയ നാല് ഇലക്ടറൽ ട്രസ്റ്റുകളിൽ ഒന്നാണിത്. ഓരോ ദാതാവിൽ നിന്നും എത്ര പണം സ്വീകരിച്ചുവെന്നും ഓരോ രാഷ്ട്രീയ പാർട്ടിക്കും എത്ര പണം നൽകിയെന്നും ട്രസ്റ്റ്നിയമപരമായി പ്രഖ്യാപിക്കേണ്ടതുണ്ട്. ട്രസ്റ്റുകൾ “സ്ഥാപനൾക്കും പാർട്ടികൾക്കും ഇടയിലുള്ള പാളി പോലെയാണ് വാഷിംഗ്ടൺ ആസ്ഥാനമായുള്ള തിങ്ക്-ടാങ്കായ കാർണഗീ എൻഡോവ്‌മെൻ്റ് ഫോർ ഇൻ്റർനാഷണൽ പീസിലെ ഇന്ത്യൻ പ്രചാരണ ധനകാര്യത്തിൽ വിദഗ്ധനായ മിലൻ വൈഷ്ണവ് പറഞ്ഞു. ഇന്ത്യയിലെ രാഷ്ട്രീയ ധനകാര്യം പരക്കെ ദുരൂഹതയുള്ളതായി കാണുന്നു, ഇന്ത്യയിലെ മിക്ക രാഷ്ട്രീയ സംഭാവനകളും വെളിപ്പെടുത്തിയിട്ടില്ല, വൈഷ്ണവ് കൂട്ടിച്ചേർത്തു.
2023 മാർച്ചിലെ ബിജെപിയുടെ ഏറ്റവും പുതിയ റിപ്പോർട്ട് അനുസരിച്ച്, തങ്ങളുടെ രാഷ്ട്രീയ ഫണ്ടിൽ ഏകദേശം 70.4 ബില്യൺ രൂപ (850 ദശലക്ഷം ഡോളർ) ഉണ്ടെന്ന് പ്രസ്താവിക്കുന്നുണ്ട്. അതിൽ സേവിങ്ങ്സും, ആസ്തിയും ഉൾപ്പെടുന്നുണ്ട്. ഇതിനർത്ഥം അവർക്ക് രാഷ്ട്രീയ പ്രവർത്തനങ്ങൾക്കായി വലിയൊരു തുക ലഭ്യമാണെന്നാണ്. അതെസമയം, കോൺഗ്രസ് ഫണ്ടിൽ 7.75 ബില്യൺ രൂപ മാത്രമേ ഉണ്ടായിരുന്നുള്ളൂ. അതുകൊണ്ട് തന്നെ കോൺഗ്രസിനെ അപേക്ഷിച്ച് ബിജെപിക്ക് കാര്യമായ സാമ്പത്തിക നേട്ടമുണ്ട്. ഈ വാർത്തയെക്കുറിച്ചുള്ള പ്രതികരണം നടത്താനുള്ള ആവർത്തിച്ചുള്ള അഭ്യർത്ഥനകളോട് ബിജെപി വക്താക്കൾ പ്രതികരിച്ചിട്ടില്ല. 2023 മാർച്ച് വരെയുള്ള ദശകത്തിൽ കോൺഗ്രസ് പാർട്ടിക്ക് ഏറ്റവും കൂടുതൽ സംഭാവന നൽകിയതും പ്രൂഡൻ്റാണെന്ന് രേഖകൾ വ്യക്തമാക്കുന്നു.
കോർപ്പറേറ്റുകൾ നൽകുന്ന സംഭാവനകൾ ” പണത്തിനു പ്രതിഫലമായി ആനൂകല്യങ്ങൾ ലക്ഷ്യമിട്ടുള്ള ബിസിനസ്സ് ഇടപാടുകളാണ്” എന്ന് ഫെബ്രുവരിയിലെ കാമ്പെയിൻ ഫിനാൻസ് വിധിയിൽ ഇന്ത്യയുടെ സുപ്രീം കോടതി പറഞ്ഞു. വിവിധ ഗ്രൂപ്പുകളിൽ നിന്ന് പണം സ്വീകരിക്കുന്ന ട്രസ്റ്റുകളിലൂടെ സംഭാവന നൽകുന്ന ദാതാക്കളെക്കുറിച്ച് രാഷ്ട്രീയ പാർട്ടികൾക്ക് അറിയാമോ എന്ന് സ്ഥിരീകരിക്കാൻ റോയിട്ടേഴ്‌സിന് കഴിഞ്ഞില്ല
തിരഞ്ഞെടുപ്പ് ട്രസ്റ്റുകൾ പകുതി മറഞ്ഞിരിക്കുന്നവയാണ്. പാർട്ടികൾക്ക് ദാതാക്കളുടെ ഐഡൻ്റിറ്റി അറിയാമെന്ന് താൻ വിശ്വസിക്കുന്നുവെന്നും കോൺഗ്രസിൻ്റെ ഗവേഷണ മേധാവി എം വി രാജീവ് ഗൗഡ റോയിട്ടേഴ്‌സിനോട് പറയുന്നു. പാർട്ടിയുടെ സാമ്പത്തികകാര്യങ്ങൾ കൈകാര്യം ചെയ്യാത്ത ഗൗഡ തെളിവ് നൽകിയില്ല. ബി.ജെ.പി.യുടെ അറിയപ്പെടുന്ന രണ്ടാമത്തെ വലിയ ദാതാവ് ടാറ്റ ഗ്രൂപ്പിൻ്റെ പ്രോഗ്രസീവ് ഇലക്ടറൽ ട്രസ്റ്റ് എന്ന ട്രസ്റ്റാണ്. ഉപ്പ് മുതൽ വിമാനക്കമ്പനികൾ വരെയുള്ള വിവിധ വ്യവസായങ്ങളുള്ള ടാറ്റ ഗ്രൂപ്പിന് കീഴിലുള്ള വിവിധ കമ്പനികളിൽ നിന്ന് ശേഖരിച്ച 3.6 ബില്യൺ രൂപയാണ് ഈ ട്രസ്റ്റ് ബിജെപിക്ക് നൽകിയത്. ഈ പ്രോഗ്രസീവ് ഇലക്ടറൽ ട്രസ്റ്റ് തന്നെയാണ് കോൺഗ്രസ് പാർട്ടിയുടെ വലിയ പിന്തുണക്കാരെന്നത് കൗതുകമുണർത്തുന്ന മറ്റൊരു വസ്തുതയാണ്. കോൺഗ്രസിന് 655 ദശലക്ഷം രൂപയാണ് ട്രസ്റ്റ് നൽകിയത്. പാർലമെൻ്റിൽ ഓരോ പാർട്ടിയും കൈവശം വച്ചിരിക്കുന്ന സീറ്റുകളുടെ എണ്ണത്തിന് ആനുപാതികമായി വേണം ഫണ്ട് വിതരണം ചെയ്യേണ്ടതെന്ന് പ്രോഗ്രസീവ് ട്രസ്റ്റിന്റെ ഉപനിയമങ്ങൾ ആവശ്യപ്പെടുന്നുണ്ട്. എന്നാൽ പ്രൂഡൻ്റ് ഇലക്ടറൽ ട്രസ്റ്റിന് സമാനമായ നിയന്ത്രണങ്ങളൊന്നുമില്ല.
തൽക്ഷണ കൈമാറ്റങ്ങൾ
വാർഷിക പ്രവർത്തന ചെലവുകൾക്കായി ട്രസ്റ്റുകൾക്ക് പരമാവധി 300,000 രൂപ നിലനിർത്താൻ അനുവാദമുണ്ട്. ശേഷിക്കുന്ന ഫണ്ടുകൾ ലഭിച്ച സാമ്പത്തിക വർഷത്തിൽ തന്നെ വിതരണം ചെയ്യണം. തിരഞ്ഞെടുപ്പ് അധികാരികൾക്ക് പ്രൂഡൻ്റ് സമർപ്പിച്ച സംഭാവന റിപ്പോർട്ടുകളുടെ വിശകലനത്തിൽ, 2019 നും 2022 നും ഇടയിൽ എട്ട് കോർപ്പറേറ്റ് ഗ്രൂപ്പുകൾ ട്രസ്റ്റിലേക്ക് വലിയ സംഭാവനകൾ നൽകിയ 18 ഇടപാടുകൾ റോയിട്ടേഴ്‌സ് കണ്ടെത്തി. ദിവസങ്ങൾക്കുള്ളിൽ, അതേ തുകയ്ക്കുള്ള ചെക്കുകൾ ബി.ജെ.പിക്ക് പ്രൂഡൻ്റ് നൽകി. മിട്ടലിൻ്റെ ആർസെലർ മിട്ടൽ ഗ്രൂപ്പ് പ്രുഡൻ്റിൻ്റെ ഏറ്റവും മികച്ച ദാതാക്കളിൽ ഒരാളായിരുന്നു. ഉദാഹരണത്തിന്, 2021 ജൂലൈ 12-ന്, ആർസെലർ മിട്ടൽ ഡിസൈൻ ആൻഡ് എഞ്ചിനീയറിംഗ് സെന്റർ പ്രൈവറ്റ് ലിമിറ്റഡ് 500 ദശലക്ഷം രൂപയുടെ ഒരു ചെക്ക് പ്രൂഡൻ്റിന് നൽകി. അടുത്ത ദിവസം പ്രൂഡൻ്റ് അതേ തുകയ്ക്ക് ബി.ജെ.പിക്ക് ചെക്ക് നൽകി. ആർസെലർമിട്ടൽ നിപ്പോൺ സ്റ്റീൽഇന്ത്യ 2021 നവംബർ 1-ന് 200 ദശലക്ഷം രൂപയും 2022 നവംബർ 16-ന് 500 ദശലക്ഷം രൂപയും വിതരണം ചെയ്തു. 2021 നവംബർ 5 നും 17 2022 നും ബന്ധപ്പെട്ട തുകകൾ ട്രസ്റ്റ് BJP യ്ക്ക് അയച്ചു. ഇത് സംബന്ധിച്ച ചോദ്യങ്ങളോട് കമ്പനി വക്താവ് പ്രതികരിച്ചില്ല.
അതേസമയം ഭാരതി എയർടെൽ 2022 ജനുവരി 13-ന് 250 ദശലക്ഷം രൂപയും 2021 മാർച്ച് 25-ന് 150 ദശലക്ഷം രൂപയും പ്രൂഡൻ്റിന് നൽകി. ട്രസ്റ്റ് 2023 ജനുവരി 14-നും 2021 മാർച്ച് 25-നും ആ തുകകൾക്കുള്ള ചെക്കുകൾ ബിജെപിക്ക് അയച്ചു. ആർപി-സഞ്ജീവ് ഗോയങ്ക ഗ്രൂപ്പിലെ മൂന്ന് കമ്പനികളായ ഹാൽദിയ എനർജി ഇന്ത്യ, ഫിലിപ്‌സ് കാർബൺ ബ്ലാക്ക്, ക്രസൻ്റ് പവർ എന്നിവ 2021 മാർച്ച് 15, മാർച്ച് 16, മാർച്ച് 19 തീയതികളിൽ യഥാക്രമം 250 ദശലക്ഷം, 200 ദശലക്ഷം, 50 ദശലക്ഷം രൂപയുടെ ചെക്കുകൾ നൽകി. മാർച്ച് 17-ന് ബി.ജെ.പിക്ക് പ്രൂഡന്റിൽ നിന്ന് 450 മില്യൺ രൂപയുടെ ചെക്ക് ലഭിച്ചു; മാർച്ച് 20 ന് 50 ദശലക്ഷം രൂപയുടെ ചെക്കും ലഭിച്ചു.
സമാനമായി സെറം ഇൻസ്റ്റിറ്റ്യൂട്ട്, ജിഎംആർ ഗ്രൂപ്പിലെ കമ്പനികൾ, ഡിഎൽഎഫ് ലിമിറ്റഡ്, എസ്സാർ ഗ്രൂപ്പ് എന്നിവയിൽ നിന്ന് പ്രൂഡൻ്റിന് ലഭിച്ച സംഭാവനകൾ, ഈ സംഭാവനകളും ബിജെപിക്ക് വേഗത്തിൽ കൈമാറി. ട്രസ്റ്റിലേക്ക് അയച്ച ഫണ്ടുകളുടെ സമാനമായ രീതി തിരിച്ചറിയാൻ റോയിട്ടേഴ്‌സിന് കഴിഞ്ഞില്ല, അതിനുശേഷം ഉടൻ തന്നെ കോൺഗ്രസിലേക്കും നൽകിയിട്ടുണ്ട്. രണ്ട് പ്രാദേശിക പാർട്ടികൾക്കും സമാനമായി പണം നൽകിയതായി റോയിട്ടേഴ്‌സ് റിപ്പോർട്ട് ചെയ്യുന്നുണ്ട്.
മേഘാ എഞ്ചിനീയറിംഗ് ആൻഡ് ഇൻഫ്രാസ്ട്രക്ചർ, 2022 ജൂലൈ 5, ജൂലൈ 6 തീയതികളിൽ നടന്ന മൂന്ന് ഇടപാടുകളിലായി 750 ദശലക്ഷം രൂപ പ്രൂഡൻ്റിന് നൽകി. തുടർന്ന്, ജൂലൈ 7 ന്, തെലങ്കാന സംസ്ഥാനത്തെ സെൻട്രൽ പാർട്ടിയായ ഭാരത് രാഷ്ട്ര സമിതിക്ക് പ്രൂഡൻ്റ് 750 മില്യൺ രൂപയുടെ ചെക്ക് നൽകി. മേഘാ ഗ്രൂപ്പിന്റെ ആസ്ഥാനം തെലങ്കാനയിലാണ്. സമാനമായി പടിഞ്ഞാറൻ മഹാരാഷ്ട്ര സംസ്ഥാനം ആസ്ഥാനമായുള്ള പ്രോപ്പർട്ടി ഡെവലപ്പർമാരായ അവിനാഷ് ഭോസാലെ ഗ്രൂപ്പ്, 2020 നവംബർ 27-ന് പ്രൂഡൻ്റിന് 50 ദശലക്ഷം രൂപ നൽകി. തുടർന്ന്, നവംബർ 30-ന്, ദേശീയ കോൺഗ്രസിൽ നിന്ന് സ്വതന്ത്രമായ മഹാരാഷ്ട്ര പ്രദേശ് നാഷണലിസ്റ്റ് കോൺഗ്രസ് പാർട്ടിക്ക് ട്രസ്റ്റ് ആ തുകയുടെ ചെക്ക് നൽകി. കോർപ്പറേറ്റ് ഗ്രൂപ്പുകൾ ഈ വിഷയത്തിൽ റോയിട്ടേഴ്‌സിനോട് പ്രതികരണം നടത്തിയിട്ടില്ല. ബിആർഎസിൻ്റെ ജനറൽ സെക്രട്ടറി, സംഭാവനകളെ കുറിച്ച് തനിക്കറിയില്ല എന്ന് പറഞ്ഞു, അതേസമയം പാർട്ടി അടുത്തിടെ പിളർന്നുവെന്നും എല്ലാ റെക്കോർഡുകളും ഞങ്ങളുടെ പക്കലുണ്ടാകില്ലെന്നും മുതിർന്ന എൻസിപി വക്താവ് പറഞ്ഞു.
ആശങ്കപ്പെടേണ്ടതുണ്ടോ ?
2014-ൽ നരേന്ദ്ര മോദി പ്രധാനമന്ത്രിയായി അധികാരമേറ്റതിനുശേഷം ബി.ജെ.പി.യുടെ ഫണ്ട് ഗണ്യമായി വർദ്ധിച്ചുവെന്ന് പൊതു രേഖകളും പാർട്ടികളിൽ നിന്നുള്ള റിപ്പോർട്ടുകളും സൂചിപ്പിക്കുന്നു. 2014 മാർച്ചിൽ 7.8 ബില്യൺ രൂപ (94.09 ദശലക്ഷം ഡോളർ) നിന്ന് 2023 മാർച്ചിൽ 70.4 ബില്യൺ രൂപയായി. കോൺഗ്രസിൻ്റെ ഫണ്ട് 5.38 ബില്യണിൽ നിന്ന് 7.75 ബില്യണായും ഉയർന്നു. ബിജെപിയും കോൺഗ്രസും തമ്മിലുള്ള സാമ്പത്തിക അന്തരം ആശങ്കാജനകമാണെന്ന് ഡൽഹി ആസ്ഥാനമായുള്ള സിവിൽ സൊസൈറ്റി ഗ്രൂപ്പായ അസോസിയേഷൻ ഓഫ് ഡെമോക്രാറ്റിക് റിഫോംസിൻ്റെ ജഗ്ദീപ് ചോക്കർ പറഞ്ഞു, സുപ്രീം കോടതിയിലെ ഇലക്ടറൽ ബോണ്ട് ചലഞ്ചിന് പിന്നിലെ പ്രധാന ഹർജിക്കാർ കൂടിയാണ്.
ന്യായമായ ജനാധിപത്യത്തിൽ എല്ലാ പാർട്ടികൾക്കും മത്സരിക്കാൻ തുല്യ അവസരമുണ്ടെന്ന് അദ്ദേഹം പറയുന്നു. എന്നിരുന്നാലും, ബിജെപിയിൽ നിന്നുള്ള ചില ഉദ്യോഗസ്ഥർ വാദിക്കുന്നത് അവർ എത്രത്തോളം സുതാര്യമാണെന്ന് അവർ സ്വരൂപിച്ച വലിയ തുക കാണിക്കുന്നു എന്നാണ്. ഇലക്ടറൽ ബോണ്ടുകളിൽ നിന്ന് ബിജെപി വളരെയധികം നേട്ടമുണ്ടാക്കിയിട്ടുണ്ട്. ഈ ബോണ്ടുകൾ പൊതുജനങ്ങൾക്ക് അവരുടെ ഐഡൻ്റിറ്റി വെളിപ്പെടുത്താതെ രാഷ്ട്രീയ പാർട്ടികൾക്ക് പരിധിയില്ലാതെ പണം നൽകാൻ ദാതാക്കളെ അനുവദിക്കുന്നു. 2018 ജനുവരി മുതൽ 2023 മാർച്ച് വരെയുള്ള കാലയളവിൽ വിറ്റ 120.1 ബില്യൺ രൂപയുടെ അത്തരം ബോണ്ടുകളിൽ ഏകദേശം 65.66 ബില്യൺ രൂപ ലഭിച്ചു. അവതരിപ്പിച്ചതിന് ശേഷം ഒരു സാമ്പത്തിക വർഷമൊഴികെ മറ്റെല്ലാ വർഷങ്ങളിലും ബിജെപിക്ക് ലഭിച്ച സംഭാവനകളുടെ പകുതിയിലധികം ഇത്തരം ബോണ്ടുകളാണ്. ഫെബ്രുവരിയിൽ സുപ്രീം കോടതി ഈ സംവിധാനത്തെ “ഭരണഘടനാ വിരുദ്ധം” എന്ന് വിളിക്കുകയും ബോണ്ടുകൾ ഇഷ്യൂ ചെയ്ത സർക്കാർ ഉടമസ്ഥതയിലുള്ള സ്റ്റേറ്റ് ബാങ്ക് ഓഫ് ഇന്ത്യയോട് വാങ്ങുന്നവരുടെ വിവരങ്ങൾ പുറത്തുവിടാൻ ഉത്തരവിടുകയും ചെയ്തു. സ്പെസിഫിക്കുകൾ മാർച്ച് 15-നകം റിലീസ് ചെയ്യും.
